મઞ્જુશ્રીમૂલકલ્પ · અધ્યાય 11

એતાનિ સ્થાનાન્યુક્તાનિ સર્વકર્મેષુ ચ ઉત્તમકર્મોપયિકસાધનેષુ । એષામલાભેન યત્ર વા તત્ર વા સ્થાને શુચૌ પૂર્વસેવાઃ કાર્યા શ્રદ્ધાવિમુક્તેન સાધનોપયિકોત્તમકર્મ સમાચરેત્ ॥
આદૌ તાવજ્જ્યેષ્ઠં પટં પઞ્ચાન્મુખં પ્રતિષ્ઠાપ્ય આત્મનશ્ચ પૂર્વાભિમુખં પ્રતિષ્ઠાપ્ય વલ્મીકાગ્રમૃત્તિકાં વા ગઙ્ગાનદીકૂલમૃત્તિકાં વા ગૃહ્ય ઉશીરશ્વેતચન્દનકુઙ્કુમં વા કર્પૂરાદિભિર્વ્યતિમિશ્રયિત્વા મયૂરાકારં કુર્યાત્ । તં પટસ્યાગ્રતઃ સ્થાપયિત્વા અચ્છિન્નાગ્રૈઃ કુશૈઃ શુચિદેશસમુદ્ભવૈઃ ચક્રાકારં કૃત્વા પટસ્યાગ્રતઃ દક્ષિણહસ્તેન ગૃહીત્વા વામહસ્તેન મયૂરં શુક્લપૂર્ણમાસ્યાં રાત્રૌ પટસ્ય મહતીં પૂજાં કૃત્વા કર્પૂરધૂપં દહતા તાવજ્જપેદ્ યાવત્પ્રભાત ઇતિ ॥
તતઃ સૂર્યોદયકાલસમયે તન્મૃન્મયં મયૂરઃ મહામયૂરરાજા ભવતિ । ચક્રશ્ચાદીપ્તઃ । આત્મનશ્ચ દિવ્યદેહી દિવ્યમાલ્યામ્બરાભરણવિભૂષિતઃ ઉદિતાદિત્યસઙ્કાશઃ કામરૂપી । સર્વબુદ્ધબોધિસત્ત્વાનાં પ્રણમ્ય પટં પ્રદક્ષિણીકૃત્ય પટં ગૃહીત્વા તસ્મિં મયૂરાસને નિષણ્ણઃ મુહૂર્તેન બ્રહ્મલોકમતિક્રામતિ । અનેકવિદ્યાધરકોટીનયુતશતસહસ્રપરિવારિતઃ વિદ્યાધરચક્રવર્તી ભવતિ । ષષ્ટિમન્વન્તરકલ્પાં જીવતિ । યથેષ્ટગતિપ્રચારો ભવતિ । અપ્રતિહતગતિઃ દિવ્યસમ્પત્તિસમન્વાગતો ભવતિ । આર્યમઞ્જુશ્રિયં સાક્ષાત્ પશ્યતિ સાક્ષાત્ પશ્યતિ । સ એવાસ્ય કલ્યાણમિત્રો ભવતિ । અન્તે ચ બુદ્ધત્વં પ્રાપ્નોતીતિ ॥
એવં દણ્ડકમણ્ડલુયજ્ઞોપવીતમનશિલારોચનખડ્ગનારાચભિણ્ડિપાલપરશુનાનાવિધાંશ્ચ પ્રહરણવિશેષાં મૃન્મયાં દ્વિપદચતુષ્પદાં પક્ષિવાહનવિશેષાં સિંહવ્યાઘ્રતર્ક્ષ્વાદીંશ્ચ વલ્મીકમૃત્તિકમયાં નદીમૃત્તિકમયાં વા સુગન્ધગન્ધાભિપ્લુતાં આસનવાહનશયનવાહનસિતાતપત્રમકુટાભરણવિશેષાં સર્વાંશ્ચ રત્નવિશેષાં સર્વાંશ્ચ પ્રવ્રજિતોપકરણવિશેષાં અક્ષસૂત્રોપાનહકાષ્ઠપાદુકપાત્રચીવરખખરકશૂચીશસ્ત્રપ્રભૃતયો પુષ્પલોહમયાનિ અન્યે વા યત્કિઞ્ચિત્ સર્વોપકરણભાણ્ડપ્રભૃતયો પુષ્પલોહમયાં વાલ્મીકમૃત્તિકનદીકૂલમૃત્તિકમયાં વા તાં સર્વાં પઞ્ચગવ્યેન પ્રક્ષાલયિત્વા અભ્યુક્ષયિત્વા વા અષ્ટશતેનાભિમન્ત્રિતં કૃત્વા સંશોધનમન્ત્રેણૈવ એકાક્ષરેણ મન્ત્રેણ વા અન્યતરેણ વા મન્ત્રેણેહકલ્પરાજોક્તેન વર્જયિત્વાનુસાધનોપયિકેન મન્ત્રેણ યથેષ્ટતઃ યથાભિરુચિતં આત્મનો કૃતરક્ષઃ સહાયકાંશ્ચ કૃતપરિત્રાણઃ સગુપ્તમન્ત્રતન્ત્રજ્ઞઃ પૂર્વનિર્દિષ્ટેષુ સ્થાનેષુ પશ્ચાન્મુખં પ્રતિષ્ઠાપ્ય આત્મનો પૂર્વવત્ પટસ્ય મહતીં પૂજાં કૃત્વા ( વૈદ્ય 65 ) જ્યેષ્ઠસ્ય કર્પૂરધૂપં દહતા તેષાં પૂર્વનિર્દિષ્ટાનાં પ્રહરણોપકરણસર્વવિશેષાં પૂર્વનિર્દિષ્ટકૃત્રિમાં શુક્લપુઊર્ણમાસ્યાં રાત્રૌ અન્યતરં સઙ્ગૃહ્ય તેષાં રાત્રૌ તાવજ્જપેત્ યાવત્સૂર્યોદયકાલસમયમ્ ॥
અત્રાન્તરે મહાપ્રભામાલી પટો સન્દૃશ્યતે । યદિ વાહનવિશેષં સાધકેન ગૃહીતો ભવતિ તદાભિરુહ્ય યથેષ્ટં ગચ્છતિ । યદ્યાભરણવિશેષો પ્રહરણવિશેષો વા તં ગૃહીત્વા વન્દ્યો વા વિદ્યાધરચક્રવર્તીં ભવતિ । યથેષ્ટ ગચ્છતિ દિવ્યરૂપી ઉદિતાદિત્યસઙ્કાશઃ મહાપ્રભામાલી વિદ્યુદ્યોતિતમૂર્ત્તિઃ સર્વવિદ્યાધરપ્રભુઃ દીર્ઘજીવી મહાકલ્પસ્થઃ અનેક વિદ્યાધરકોટીનયુતશતસહસ્રપરિવારઃ દિવ્યમહામણિરત્નચારી યેન વા વાહનેન પૂર્વપરિકલ્પિતેન દૃષ્ટ યેન સિદ્ધો સ એવાસ્ય મહાપ્રભાવો ભવતિ । તમેવાસ્ય વાહનં સ એવાસ્ય સહાયકઃ પરમન્ત્રાણુસિદ્ધિઃ નિવારયિત્વા આત્મમન્ત્રસિદ્ધિં સમ્પ્રયોજિતમૈત્રાત્મકો હિતકામઃ સતતાનુબદ્ધઃ ય એવાસ્ય પ્રહરણાભરણરત્નવિશેષાઃ આસનશયનયાનસત્ત્વ પ્રભૃતયો ત એવાસ્ય મહારક્ષાવરણગુપ્તયે નિત્યાનુબદ્ધા ભવન્તિ । મહાપ્રભાવો મહાવીર્યો મહાકાયશ્ચ ભવતિ । આર્યમઞ્જુશ્રિયં સાક્ષાત્ પશ્યતિ । સાધુકારં ચ દદાતિ । મૂર્ધ્નિરપરામૃષ્ટેન કલ્યાણમિત્રતાં ચ પ્રતિલભતે । યાવદ્ બોધિમણ્ડલમનુપ્રાપ્ત ઇતિ દશબલતાં નિયતમવાપ્નોતિ । પૂજ્યશ્ચ ભવતિ । સર્વસત્ત્વાનામનભિભવનીયઃ અધૃષ્યો ભવતિ સર્વભૂતાનાં ભૂતકોટીવંશાનુચ્છેદકઃ ભૂમિપ્રાપ્તશ્ચ ભવતિ । દશબલાનાં બોધિસત્ત્વનિયામતાં ચ સમનુગચ્છતીતિ સંક્ષેપતો ઉત્તમકર્માણિ સર્વાણિ ઉત્તમસ્થાનસ્થિતે ઉત્તમપટસ્યાગ્રતઃ ઉત્તમપૂજાભિરતઃ ઉત્તમાન્યેવ કર્માણિ કુર્યાત્ । વિદ્યાધરત્વમાકાશગમનં બોધિસત્ત્વમનુપ્રવેશં પઞ્ચાભિજ્ઞતાં ભૂમિમનુપ્રાપણતાં અનેનૈવ દેહેન લોકધાતુસઙ્ક્રમણતાં દશબલવંશપરિપૂરિતાયૈ આર્યમઞ્જુશ્રિયં સાક્ષાદ્દર્શનતાયૈ અવન્ધ્યદર્શનધર્મદેશનશ્રવણતાયૈ બુદ્ધવંશાનુપચ્છેદનતાયૈ સર્વજ્ઞજ્ઞાનાનુક્રમણસમનુપ્રાપણતાયૈ ધર્મમેએઘવિસૃતસમનુપ્રવેશનતાયૈ ક્લેશાનુચ્છોષણ અમૃતવૃષ્ટિધારિભિઃ પ્રશમનતાયૈ લોકાનુગ્રહપ્રવૃત્તિરનુષ્ઠાનતાયૈ તથાગતધર્મનેત્રારક્ષણતાયૈ તથાગતવચનાવન્ધ્યકરણતાયૈ મન્ત્રચર્યાસાધનોપયિકવિધિપ્રભાવનતાયૈ સર્વબુદ્ધબોધિસત્ત્વપ્રત્યેકબુદ્ધાર્યશ્રાવકમાહાત્મ્યધર્મમુદ્ભાવનતાયૈ સાધનીયમિમં કલ્પરાજવિસરં મન્ત્રપ્રતિભાષયુક્તજ્યેષ્ઠપટાગ્રસમીપસ્થસર્વલૌકિકલોકોત્તરમન્ત્રકલ્પસર્વતન્ત્રેષુ વિધિમાર્ગેણ સંક્ષેપતો ઇહાન્યકલ્પભાષિતૈરપિ કર્મભિઃ સાધનીયો ઽયં પટરાજા । આશુસ્તેષાં મન્ત્રાણાં સિદ્ધિર્ભવતીતિ યન્મયા કથિતં તદવશ્યં સિધ્યતીતિ ॥
બોધિસત્ત્વપિટકાવતંસકાદ્ મહાયાનવૈપુલ્યસૂત્રાદ્ આર્યમઞ્જુશ્રિયમૂલકલ્પાદ્ દશમઃ ઉત્તમપટવિધાનપટલવિસરઃ પરિસમાપ્તઃ ॥
અથૈકાદશઃ પટલવિસરઃ ।
અથ ખલુ ભગવાન્ શાક્યમુનિઃ પુનરપિ શુદ્ધાવાસભવનમવલોક્ય મઞ્જુશ્રિયં કુમારભૂતમામન્ત્રયતે સ્મ । અસ્તિ મઞ્જુશ્રીઃ ત્વદીયેં મધ્યમં પટવિધાનં મધ્યમકર્મોપયિકસાધનવિધિઃ સમાસતો તાં ભાષિષ્યે । તં શૃણુ । સાધુ ચ સુષ્ઠુ ચ મનસિ કુરુ । ભાષિષ્યે । અથ ખલુ મઞ્જુશ્રીઃ કુમારભૂતો ભગવન્તમેવમાહઃ - તદ્ વદતુ ભગવાં લોકાનુકમ્પકો શાસ્તા સર્વસત્ત્વહિતે રતઃ । યસ્યેદાનીં કાલં મન્યસે । અસ્માકમનુકમ્પાર્થમનાગતાનાં ચ જનતામવેક્ષ્ય ।
એવમુક્તે ભગવાં મઞ્જુશ્રિયા કુમારભૂતેન ભગવાનેતદવોચત્ - શૃણુ મઞ્જુશ્રીઃ આદૌ તાવદ્ શીલવ્રતશૌચાચારનિયમજપહોમધ્યાનવિધિં યત્ર પ્રતિષ્ઠિતા સર્વમન્ત્રચર્યાસાધનકર્માણ્યવન્ધ્યાનિ ભવન્તિ સફલાનિ । આશુ ચ સર્વમન્ત્રચર્યાસાધનકર્માન્યવન્ધ્યાનિ ભવન્તિ સફલાનિ । આશુ ચ સર્વમન્ત્રપ્રયોગાનિ સિદ્ધિં ગચ્છન્તિ । કતમં ચ તત્ । ભાષિષ્યે ઽહં શૃણુ કુમાર ॥

આદૌ તાવદ્ વિદ્યાવ્રતશીલચર્યાસમાદાનં પ્રથમત એવ સમાદદેત્ । પ્રથમં તાવન્મણ્ડલાચાર્યોપદેશનસમયમનુપ્રવિશેત્ । ત્વદીયં કલ્પરાજોક્તં વ્યક્તં મેધાવિનં લબ્ધ્વાચાર્યાભિષેકત્વં શાસનાભિજ્ઞં કુશલં વ્યક્તં ધાર્મિકં સત્યવાદિનં મહોત્સાહં કૃતજ્ઞં દૃઢસૌહૃદં નાતિવૃદ્ધં નાતિબાલં નિસ્પૃહં સર્વલાભસત્કારેષુ બ્રહ્મચારિણં કારુણિકં ન લોભમાત્રેણ ભોગહેતોર્વા અનુનયહેતોર્વા ન મૃષાં વદતે કઃ પુર્નર્વાદો સ્વલ્પમાત્રૈણૈવ લોભમોહપ્રકારૈઃ દૃઢપ્રતિજ્ઞા સમતા સર્વભૂતેષુ દયાવાં દાનશીલઃ કૃતપુરશ્ચરણઃ ત્વદીયગુહ્યમન્ત્રાનુજાપી પૂર્વસેવકૃતવિદ્યઃ ત્વદીયમણ્ડલસમનુપૂર્વપ્રવિષ્ટઃ લોકજ્ઞઃ વિધિજ્ઞઃ સમનુગ્રાહકઃ કાર્યાવાં વિચક્ષણઃ શ્રેયસપ્રવૃત્તઃ અભીરુ અચ્છમ્ભિનમમઙ્કુભૂતઃ દૃઢવીર્યઃ અવ્યાધિતઃ યેન વ્યાધિના અકર્મશીલી મહોચ્ચકુલપ્રસૂતશ્ચેતિ । એભિર્ગુણૈર્યુક્તો મણ્ડલાચાર્યો ભવતિ ॥
સાધકશ્ચ તત્સમઃ ન્યૂનો વા કિઞ્ચિદઙ્ગૈઃ તાદૃશં મણ્ડલાચાર્યમભ્યર્થ્ય પ્રાર્થયેત્ । ઇચ્છામ્યાચાર્યેણ મહાબોધિસત્ત્વસ્ય કુમારભૂત સ્યાર્યમઞ્જુશ્રિયસ્ય સમયમનુપ્રવિષ્ટુમ્ । તદ્ વદત્વાચાર્યો ઽસ્માકમનુકમ્પાર્થં હિતચિત્તો દયાવાં । તતસ્તેન મણ્ડલાચાર્યેણ પૂર્વનિર્દિષ્ટેન વિધિના શિષ્યાં યથાપૂર્વં પરીક્ષ્ય પ્રવેશયેત્ । પૂર્વવદભિષેકં દત્ત્વા, મન્ત્રં દદ્યાત્ । યથાવત્ ક્રમશો સમયં દર્શયેત્ । રહસ્યતન્ત્રમુદ્રાકર્માણિ ચ પ્રભૂતકાલેનૈવ સુપરીક્ષ્ય આશયં જ્ઞાત્વા દર્શયેત્ । સર્વતન્ત્રમન્ત્રાદિષુ કર્માણિ નાન્યેષામિતિ વિધિરેષા પ્રકીર્ત્તિતા । તતઃ શિષ્યેણ મણ્ડલાચાર્યસ્ય યથાશક્તિતઃ આચાર્યો વા યેન તુષ્યેત, આત્માનં ભોગાંશ્ચ પ્રતિપાદયેત્ । તતસ્તેન મણ્ડલાચાર્યેણ પુત્રસંજ્ઞા ઉપસ્થાપયિતવ્યા । પુત્રવત્ પ્રતિપત્તવ્યમ્ । માતુશ્ચ ભોગા ઉપસંહર્તવ્યા ઇતિ ।
તતસ્તેન સાધકેન અન્યતમં મન્ત્રં ગૃહીત્વા એકાન્તં ગત્વા પૂર્વનિર્દિષ્ટે સ્થાને પેયાલં તૈરેવ મન્ત્રૈઃ આહ્વાનનવિસર્જનપ્રદીપગન્ધધૂપબલિનિવેદ્યં મણ્ડલોક્તેન વિધિના વિસ્તરેણ કર્ત્તવ્યમ્ । આહૂય અર્ઘમાસનં દત્ત્વા ત્રિસન્ધ્યા ત્રિસ્નાયી ત્રિચૈલપરિવર્તી જાપં ( વૈદ્ય 67 ) કુર્યાત્ પ્રત્યહં તત્ર સન્ધ્યાકાલં નામ રાત્ર્યન્તાત્ પ્રભૃતિ યાવદ્ યુગમાત્રાદિત્યોદયમ્ । અત્રાન્તરે પ્રથમં સન્ધ્યમુચ્યતે । મધ્યન્દિને ચ આદિત્યે ઉભયાન્તે યુગમાત્રં પ્રમાણં વ્યોમ્નિ સન્નિશ્રિતં રવિમણ્ડલં મધ્યં સન્ધ્યમુચ્યતે । અસ્તમનકાલે ચ યુગમાત્રશેષં ત્રિતીયં સન્ધ્યમુચ્યત ઇતિ ॥
શીલવ્રતસમાયુક્તમાચાર્યં દક્ષપણ્ડિતમ્ ।
મહાકુલોચ્ચપ્રસૂતં ચ દૃઢવીર્યં તુ સર્વતઃ

મન્ત્રતન્ત્રાભિયુક્તં ચ સર્વકાર્યેષુ દક્ષધીઃ ।
સૂક્ષ્મો નિપુણમન્ત્રજ્ઞઃ ધર્મધાતુધરો સદા

મહોત્સાહી ચ તેજસ્વી લોકધર્માનુપેક્ષિણઃ ।
શ્રાદ્ધો મુનિવરધર્મો ઽસ્મિં લૌકિકાનાં તુ વર્જિતાઃ

કૃતજાપી વિવેકજ્ઞો પૂર્વસેવાનુસેવિનઃ ।
મન્ત્રજ્ઞો મઞ્જુઘોષસ્ય દૃષ્ટપ્રત્યયતત્પરઃ

લૌકિકાનાં પ્રયોગજ્ઞો મન્ત્રાણાં બુદ્ધભાષિતામ્ ।
કૃતરક્ષો દૃઢસ્થામો શૌચાચારરતઃ સદા

બુદ્ધોપદેશિતં માર્ગમનુવર્ત્તી ચ સર્વતઃ ।
ઉદ્યુક્તો મન્ત્રજાપે ઽસ્મિં પ્રશસ્તે જિનવર્ણિતે

દૃષ્ટકર્મફલે નિત્યં પરલોકેં તથૈવ ચ ।
ભીરુઃ સ્યાત્ સર્વપાપાનામણુમાત્રં તથૈવ ચ ।
શુચિર્દક્ષોન્યનલસઃ મેઘાવી પ્રિયદર્શનઃ

દશબલૈઃ કથિતા મન્ત્રાસ્તથૈવ જિનસૂનુભિઃ ।
લૌકિકા યે ચ મન્ત્રા વૈ વજ્રાન્તકુલયોરપિ ।
તેષાં કૃતશ્રમો નિત્યં ગ્રન્થશાસ્ત્રાર્થધારકાઃ

અવ્યાધિતો નશક્તિષ્ઠો જરાબાલ્યોવિવર્જિતઃ ।
સિદ્ધમન્ત્રો તથારક્ષો આશુકારી તુ સર્વતઃ

અદીર્ઘસૂત્રી તથા માની ઇઙ્ગિતજ્ઞો વિશેષતઃ ।
બ્રહ્મચારિ મહાપ્રજ્ઞો એકાકીચરસઙ્ગકૃત્

લબ્ધાભિષેકો શૂરશ્ચ તન્ત્રે ઽસ્મિન્ મઞ્જુભાષિતે ।
કૃતજાપાન્તકૃદ્યુક્તો કૃતવિદ્યો તથૈવ ચ

મહાનુભાવો લોકજ્ઞો ગતિતત્ત્વાનુચિન્તકઃ ।
શ્રેયસાયૈવ પ્રયુક્તશ્ચ દાતા ભૂતહિતે રતઃ

તથા વિશિષ્ટો આચાર્યો પ્રાર્થનીયો સદા તુ વૈ ।
લિખિતં તેન મન્ત્રાણાં મણ્ડલં સિદ્ધિમર્છતિ

અભિષેકં તુ તેનૈવં દત્તં ભવતિ મહત્ ફલમ્ ।
સિદ્ધિકામસ્તુ શિષ્યૈર્વા પૂજ્યો ઽસૌ મુનિવત્ સદા

અલઙ્ઘ્યં તસ્ય વચનં શિષ્યૈઃ કર્તવ્ય યત્નતઃ ।
ભોગાસ્તસ્ય દાતવ્યાઃ યથાવિભવસમ્ભવાઃ

સ્વલ્પમાત્રા પ્રભૂતા વા યેન વા તુષ્ટિ ગચ્છતિ ।
કાયજીવિતહેત્વર્ત્થં ચિત્તં દેહં યથા પિતુઃ

તથૈવ શિષ્યો ધર્મજ્ઞો આચાર્યાય દદે ધનમ્ ।
પ્રાપ્નુયાદ્ યશઃ સિદ્ધિં આયુરારોગ્યમેવ તુ

પુષ્કલં ગતિમાપ્નોતિ શિષ્યો પૂજ્યસ્તુ ત ગુરુમ્ ।
મન્ત્રાસ્તસ્ય ચ સિધ્યન્તિ વિધિમાર્ગોપદર્શનાત્

સેવનાદ્ ભજનાદ્ તેષાં માનના પૂજનાદપિ ।
તુષ્યન્તે સર્વબુદ્ધાસ્તુ તથૈવ જિનવરાત્મજાઃ

સર્વે દેવાસ્તુ તુષ્યન્તે સત્ક્રિયા તુ ગુરૌ સદા ।
એતત્ કથિતં સર્વં ગુરૂણાં મન્ત્રદર્શિનામ્

સમયાનુપ્રવેશિનાં પૂર્વં પ્રથમં વા સાધકેન તુ ।
જનો વા તત્સમો વાપિ ઉત્કૃષ્ટો વા ભવેદ્ યદિ

નાવમન્યો ગુરુર્નિત્યં મેકાદ્વા અધિકો ઽપિ વા ।
તેનાપિ તસ્ય તન્ત્રે ઽસ્મિં ઉપદેશઃ સદા તુ વૈ

કર્તવ્યો મન્ત્રેસિદ્ધસ્મૈ યથાસત્ત્વાનુદર્શિતે ।
ન મત્સરો ભવેત્ તત્ર શિષ્યે ઽસ્મિં પૂર્વનિર્મિતે

સ્નેહાનુવર્તિની ચક્ષુઃ સુપ્રતિષ્ઠિતદેહિનામ્ ।
તમેવ કુર્યાચ્છિષ્યત્વં આચાર્યા શિષ્યહેતવઃ

અન્યોન્યાનુવર્તિની યત્ર સ્નેહસન્તતિમાનિની ।
સ્નિગ્ધસન્તાનાનુધરા નુ મન્ત્રં દદ્યાત્તુ તત્ર વૈ

આચાર્યો શિષ્યમેવં તુ શિષ્યો વા ગુરુદર્શને ।
ઉત્સુકૌ ભવતઃ નિત્યા સાધ્વસયોગતઃ ઉભૌ

તેષાં નિત્યં તુ માર્ગં વૈ મન્ત્રચર્યાનુદર્શને ।
સફલાનુવર્તનૌ મન્ત્રજ્ઞૌ ઉભયો પિતૃપુતૃણૌ

ધૃતિં તુષ્ટિં ચ લેભે તૌ તથા શિષ્ય ગુરુઃ સદા ।
રક્ષણીયો પ્રયત્નેન પુત્રો ધર્મવત્સલઃ સદા

અવયવચ્છેદબુદ્ધાનાં ધર્મતા ભવતિ તેષુ વૈ ।
તદભાવે હ્યનાથાનાં દદ્યાન્મન્ત્રં યથોદિતમ્

દરિદ્રેભ્યશ્ચ સત્ત્વેભ્યો ક્લિબેભ્યો વિશેષતઃ ।
સર્વેભ્યો ઽપિ સત્ત્વેભ્યો મન્ત્રચર્યા વિશિષ્યતે

સર્વકાલે વ કુર્વીત અધમોત્તમમધ્યમે ।
સદા સર્વસ્મિં ધર્મેષુ કુર્યાનુગ્રહહેતુતઃ

ઈપ્સિતેભ્યો ઽપિ પ્રદાતવ્યં ગતિયોનિર્વિચેષ્ટિતે ।
શિષ્યેણૈવ તુ તસ્મૈ તુ મન્ત્રં ગૃહ્ય યથાતમમ્

તેનૈવોપદિષ્ટેન માર્ગેણૈવ નાન્યથા ।
સિદ્ધિકામો યતેત્ તસ્મિન્નિતરેષાં પરાયિકે

પિતૃવત્ પ્રણમ્ય શિરસા વૈનતો ગચ્છં યથેષ્ટતઃ ।
એકાન્તં તતો ગત્વા જપેન્મન્ત્રં સમાસતઃ

ભિક્ષભૈક્ષાશવૃત્તી તુ મૌની ત્રિઃકાલજાપિનઃ ।
પૂર્વનિર્દિષ્ટમેવં સ્યાદ્ યથામાર્ગં પ્રવર્તકઃ

તદાનુવૃત્તી સેવી ચ સ્થાનમાયતનાનિ ચ ।
મહારણ્યં પર્વતાગ્રં તુ નદીકૂલે શુચૌ તથા

ગોષ્ઠે મહાપુરે ચાપિ વિવિક્તે જનવર્જિતે ।
શૂન્યદેવકુલે વૃક્ષે શિલોચ્ચયે

મહોદકતટે રમ્યે પુલિને વાપિ દીપકે ।
વિવિધૈઃ પૂર્વનિર્દિષ્ટૈઃ દેશૈશ્ચાપિ મનોરમૈઃ

એતૈશ્ચાન્યૈઃ પ્રદેશૈસ્તુ જપેન્મન્ત્રં સમાહિતઃ ।
સખાયૈર્લક્ષણોપેતૈઃ મન્ત્રાર્થં નીતિતાર્કિકૈઃ

ઇઙ્ગિતાકારતત્ત્વજ્ઞૈ આત્મસમસાદૃશૈઃ ।
શૂરૈર્વિજિતસઙ્ગ્રામૈઃ સાત્ત્વિકૈશ્ચ સહિષ્ણુભિઃ

શ્રાદ્ધૈર્મન્ત્રચર્યાયાં શાસને ઽસ્મિ જિનોદિતે ।
પ્રશસ્તૈર્લક્ષણોપેતૈઃ ક્ષમિભિસ્તુ સહાયકૈઃ

સિધ્યન્તે સર્વકર્માણિ અયત્નેનૈવ તસ્ય તુ ।
પ્રાતરુત્થાય શયનાત્ સ્નાત્વા ચૈવ શુચે જલે

નિઃપ્રાણકે જલે ચૈવ સરિન્મહાસરોદ્ભવે ।
ઉદ્ઘૃષ્ય ગાત્રં મન્ત્રજ્ઞો મૃદ્ગોમયચૂર્ણિતૈઃ

મન્ત્રપૂતં તતો કૃત્વા જલં ચૌક્ષં સનિર્મલમ્ ।
સ્નાયીત જપી યુક્તાત્મા નાતિકાલં બિલઙ્ઘયે

તતોત્થાય તટે સ્થિત્વા હસ્તૌ પ્રક્ષાલ્ય મૃત્તિકૈઃ ।
સપ્ત સપ્ત પુનઃ સપ્ત વારાન્યેકવિંશતિ

ઉપવિશ્ય તતસ્તત્ર દન્તકાષ્ઠં સમાચરેત્ ।
વિસર્જયિત્વા દન્તધાવનં તતો વન્દેત તાયિનમ્

વન્દિત્વા લોકનાથં તુ પૂજાં કુર્યાન્મનોરમામ્ ।
વિવિધૈઃ સ્તોત્રોપહારૈસ્તુ સંસ્તુત્ય પુનઃ પુનઃ

સુગન્ધપુષ્પૈસ્તથા શાસ્તુ અર્ધં દત્ત્વા તુ જાપિનઃ ।
પ્રણમ્ય શિરસા બુદ્ધાં તદા તુ શિષ્યસમ્ભવાં

તેષાં લોકનાથાનાં અગ્રતો યાપદેશના ।
નિવેધ ચાશનો તત્ર પટસ્યાગ્રત મધ્યમે

કુશવિણ્ડકૃતઃ તત્સ્થઃ નિષણ્ણોપસમાહિતઃ ।
જપં કુર્યાત્ પ્રતત્નેન અક્ષસૂત્રેણ તેન તુ

યથાલબ્ધં તુ મન્ત્રં વૈ નાન્યમન્ત્રં તદા જપેત્ ।
અતિહીનં ચ વર્જીતં અતિઉત્કૃષ્ટ એવ વા

મધ્યમં મધ્યકર્મેષુ જપેન્મન્ત્રં સદા વ્રતી ।
અત્યુચ્ચં વર્જયેદ્ યત્નાદ્ વચનં ચાપિ ચેતરમ્

મધ્યમં મધ્યકર્મેષુ પ્રશસ્તો જિનવર્ણિતઃ ।
નાત્યુચ્ચં નાતિહીનં ચ મધ્યમં તુ સદા જપેત્

વચનં શ્રેયસાદ્યુક્તો સર્વબુદ્ધૈસ્તુ પૂર્વકૈઃ ।
ન જપે પરસામીપ્યે પરકર્મપથે સદા ।
ગુપ્તે ચાત્મવિદે દેશે જપેન્મન્ત્રં તુ મધ્યમમ્

તથા જપે તુ પ્રયુક્તં સ્યાત્ કશ્ચિન્મન્ત્રાર્થસુશ્રુતઃ ।
ભૂયો જપેત તન્મન્ત્રં મધ્યમાં સિદ્ધિમિચ્છતઃ

તસ્મા જન્તુવિગતે મન્ત્રતત્ત્વાર્ત્થસુશ્રુતે ।
વિવેકે વિગતસમ્પાતે જપેન્મન્ત્રં તુ જાપિનઃ

ચતુર્થે રાત્રિભાગે તુ તદર્ધ અર્ધ એવ તુ ।
તામ્રારુણે યુગમાત્રે ચ ઉદિતે રવિમણ્ડલે

પ્રથમં સન્ધ્યમેવં તુ કથિતં મુનિપુઙ્ગવૈઃ ।
યુગમાત્રં ચતુર્હસ્તો મધ્યમો પરિકીર્તિતઃ

અતો વ્યોમ્ને દિતે ભાનોઃ મન્ત્રજાપં તદા ત્યજેત્ ।
મન્ત્રજાપં તદા ત્યક્ત્વા વિસર્જ્યાર્ઘં દદૌ વ્રતી

શેષકાલં તદાદ્યુક્તો કુશલે ઽસ્મિન્ શાસને મુનૌ ।
સદ્ધર્મવાચનાદીનિ પ્રજ્ઞાપારમિતાદયઃ

પુસ્તકા દશભૂમાખ્યાઃ પૂજ્યા વાચ્યાસ્તુ વૈ સદા ।
કાલમાગમ્ય તસ્યા વૈ પ્રણમ્ય જિનપુઙ્ગવાં

સ્વમન્ત્રં મન્ત્રનાથં ચ તતો ગચ્છેન્ન જીવિકમ્ ।
કાલચારી તથા યુક્તો કાલભોજી જિતેન્દ્રિયઃ

ધાર્મિકો સાધકોદ્યુક્તો પ્રસન્ને બુદ્ધશાસને ।
પ્રવિશેદ્ ગ્રામાન્તરં મૌની શૌચાચારરતો સદા

ગૃહે તુ ધાર્મિકે સત્ત્વે પ્રવિશેદ્ ભિક્ષાં જપી સદા ।
નિષ્પ્રાણોદકસંસિદ્ધે વાકે શુચિસમ્મતે

સમ્યગ્ દૃષ્ટિસપત્નીકે પ્રસન્ને બુદ્ધશાસને ।
તથાવિધે કુલે નિત્યં ભિક્ષાર્ત્થી ભિક્ષમાદદેત્

યથા યોધઃ સુસન્નદ્ધો પ્રવિશેદ્ રણસઙ્કટમ્ ।
અરીન્ મર્દયતે નિત્યં રિપુભિર્ન ચ હન્યતે

એવં મન્ત્રી સદા ગ્રામં પ્રવિશેદ્ ભિક્ષાનુજીવિનઃ ।
રઞ્જનીયં તથા દૃષ્ટ્વા રૂપં શબ્દાંસ્તુ વૈ શુભામ્

રાગપ્રશમનાર્ત્થાય ભાવયેદશુભા શુભા ।
દૃષ્ટ્વા કલેવરં સ્ત્રીષુ યૌવનાચારભૂષિતામ્

ભાવયેદશુચિદુર્ગન્ધાં પૂતિમૂત્રાદિકુત્સિતમ્ ।
ક્રિમિભિઃ ક્લિન્નઃ શ્મશાનસ્થં અનિત્યં દુઃખં કલેવરમ્

બાલિશા યત્ર મૂઢા વૈ ભ્રમન્તિ ગતિપઞ્ચકે ।
ગ્રથિતા કર્મસૂત્રૈસ્તુ ચિરકાલાભિશોભિનઃ

અજ્ઞાનાવૃતમૂઢાસ્તુ જાત્યન્ધા દુઃખહેતુકાઃ ।
વિપરીતધિયો યત્ર સક્તાઃ સીદન્તિ જન્તવઃ

વિવિધૈઃ કર્મનેપત્થૈઃ અનેકાકારરઞ્જિતાઃ ।
દીર્ઘદોલાભિરૂઢાસ્તુ ગમનાગમનેષુ ચેક્ષિતાઃ

નૃત્યતાયૈવ યુક્તસ્તુ ચરણાકારચેષ્ટિતાઃ ।
સીદન્તિ ચિરમધ્વાનં યત્ર સત્ત્વા શુચે રતાઃ

અરઘટ્ટઘટાકારં ભવાર્ણવજલોદ્ભવાઃ ।
ન ક્ષયં જન્મ તેષાં વૈ દુઃખવારિસમપ્લુતામ્

દુઃખમૂલં તથા હ્યુક્તો સ્ત્રિયા બુદ્ધૈસ્તુ કેવલઃ ।
શ્રાવકૈર્બોધિસત્ત્વૈસ્તુ પ્રત્યેકમુનિભિસ્તથા

એતન્મહાર્ણવં દુઃશોષં અક્ષોભ્યં ભવસાગરમ્ ।
યત્ર સત્ત્વાનિ મજ્જન્તે સ્ત્રીષુ ચેતનવઞ્ચિતાઃ

નરકં તિર્યલોકં ચ પ્રેતલોકં ચ સાસુરમ્ ।
માનુષ્યં લોકં વૈ દિવ્યં દિવ્યં ચૈવ ગતિઃ સદા

પર્યટન્તિ સમન્તાદ્વૈ અશક્તાઃ સ્ત્રીષુ વઞ્ચિતાઃ ।
નિમજ્જન્તે મહાપઙ્કાત્ સંસારાર્ણવચારકાત્

સ્ત્રીષુ સક્તા નરા મૂઢાઃ કુણમેણૈવ ક્રોષ્ટુકાઃ ।
યત્ર સત્ત્વા રતા નિત્યં તીવ્રાં દુઃખાં સહન્તિ વૈ

નિર્નષ્ટશુક્લધર્માણાં પ્રવિષ્ટા બુદ્ધશાસને ।
નિવારયન્તિ સર્વાણિ દુઃખા નૈવ ભવાર્ણવે

મન્ત્રજાપરતોદ્યુક્તાઃ મહેશાક્ષા મનસ્વિનઃ ।
તેજસ્વિનો જિતમિત્રાઃ તેષાં દુઃખો ન વિદ્યતે

સંયતા બ્રહ્મસત્યજ્ઞા ગુરુદેવતપૂજકાઃ ।
માતૃપિતૃભક્તાનાં સ્ત્રીષુ દુઃખં ન વિદ્યતે

અનિત્યં દુઃખતો શૂન્યં પરમાર્થાનુસેવિનામ્ ।
ગણ્ડશલ્યં તથાભૂતં જાપિનાં સ્ત્રીકલેવરમ્

રાગી બાલિશદુર્બુદ્ધિઃ સંસારાદપલાયિતઃ ।
સ્ત્રીપ્રસક્તો ભવેન્નિત્યં તસ્ય સિદ્ધિર્ન વિદ્યતે

ન તસ્ય ગતિરુત્કૃષ્ટા ન ચાપિ ગતિમધ્યમા ।
કન્યસા નાપિ સિદ્ધિશ્ચ દુઃશીલસ્યેહ જાપિને

દુઃશીલસ્ય મુનીન્દ્રેણ મન્ત્રસિદ્ધિર્ન ચોદિતા ।
ન ચાપિ માર્ગં દિદેશં વૈ નિર્વાણપુરગામિનમ્

કુતઃ સિધ્યન્તિ મન્ત્રા વૈ બાલિશસ્યેહ કુત્સિતે ।
ન ચાપિ સુગતિસ્તસ્ય દુઃશીલસ્યેહ જન્તુનઃ

ન ચાપિ નાકપૃષ્ઠં વૈ ન ચ સૌખ્યપરાયણઃ ।
કઃ પુનઃ સિદ્ધિમેવં સ્યાન્મન્ત્રાણો જિનભાષિતામ્

છિન્નો વા તાલવૃક્ષસ્તુ મસ્તકે તુ યદા પુનઃ ।
અભવ્યે હરિતત્ત્વાય અઙ્કુરાય પુનઃ કાર્યા

એવં મન્ત્રસિદ્ધિસ્તુ મૂઢસ્યેહ પ્રકીર્તિતા ।
દુઃશીલો પાપકર્મસ્તુ સ્ત્રીષુ સઙ્ગી પુનઃ સદા ।
અકલ્યાણમિત્રસમ્પર્કી કુતઃ સિધ્યન્તિ મન્ત્રરાટ્

તસ્મા દાન્તો સદા જાપી સ્ત્રીદોષમવિચારકઃ ।
સઙ્ગં તેષુ વર્જીત સિદ્ધિસ્તેષુ વિધીયતે

નાન્યેષાં કથિતા સિદ્ધિઃ બાલિશાં સ્ત્રીષુ મૂર્છિતામ્ ।
અવ્યગ્રરતો ધીમાં શુચિઅર્દક્ષમસઙ્ગકૃત્

કુલીનો દૃઢશૂરશ્ચ સૌહૃદો પ્રિયદર્શનઃ ।
ધર્માધર્મવિચારજ્ઞો સિદ્ધિસ્તેષાં ન દુર્લભા

એવં પ્રવૃત્તો મન્ત્રજ્ઞો ગ્રામં ભિક્ષાર્ત્થમાવિશે ।
યથાભિરુચિતં ગત્વાત્ર સ્થાનં પૂર્વકલ્પિતમ્

ભુઞ્જીત ગત્વા દેશે તુ કલ્પિકં + + + + + + + + + ।
શુચૌ દેશે તુ સંસ્થાપ્ય ભિક્ષાભાજનશુદ્ધધીઃ

પાદૌ પ્રક્ષાલ્ય બહિર્ગત્વા તસ્માદાવસથાત્ પુનઃ ।
નિઃપ્રાણકે તદા અમ્ભે પ્રથમં જઙ્ઘમેવ તુ

દ્વિતીય વામહસ્તેન જઙ્ઘં ચાશ્લિષ્ય ચાઘૃષે ।
અપસવ્યં પુનઃ કૃત્વા હસ્તં પ્રક્ષાલ્ય મૃત્તિકૈઃ

પૂર્વસંસ્થાપિતૈઃ શુદ્ધૈઃ શુચિભિઃ સપ્ત એવ તુ ।
મન્ત્રપૂતં તતો ચૌક્ષં શુચિનિર્મલભાજને

ગૃહ્ય ગોમયસુદ્યં તુ કપિલાગૌપરિશ્રુતે ।
નિષ્પ્રાણકામ્ભસંયુક્તે કુર્યા શાસ્તુર્મણ્ડમણ્ડલમ્

પ્રથમં મુનિવરે કુર્યાત્ હસ્તમાત્રં વિશેષતઃ ।
દ્વિતીયં સુમન્ત્રનાથસ્ય તૃતીયં કુલદેવતે

ય જાપિનો યદા મન્ત્રી તત્ કુર્યાત્તુ સદા પુનઃ ।
ચતુર્થં સર્વસત્ત્વાનામુપભોગં તુ કીર્ત્યતે

દક્ષિણે લોકનાથસ્ય્ મણ્ડલે તુ સદા ઇહ ।
રત્નત્રયાય કુર્યાત્તં મણ્ડલં ચતુરશ્રકમ્

દ્વિતીયં પ્રત્યેકબુદ્ધાનાં તૃતીયં દશબલાત્મજૈઃ ।
ઇત્યેતે મણ્ડલાઃ સપ્ત ચતુરશ્રા સમન્તતઃ

હસ્તમાત્રાર્ધહસ્તં વા કુર્યા ચાપિ દિને દિને ।
ગુપ્તે દેશે તદા જાપી પ્રત્યહં પાપનાશના

તતોત્થાય પુનર્મન્ત્રી હસ્તૌ પ્રક્ષાલ્ય યત્નતઃ ।
ઉપસ્પૃશ્ય જલે ચૌક્ષે શુદ્ધે પ્રાણકવર્જિતે

નિર્મલે શુચિને યત્નાત્ શુચિભાણ્ડે તદાહૃતે ।
મહાસરે પ્રસ્રવર્ણ વાપિ ઔદ્ભવે સરિતાસૃતે

શુચિદેશસમાયાતે શુચિસત્વકરોદ્ધૃતે ।
ઉપસ્પૃશ્ય પુનર્મન્ત્રી દ્વે ત્રયો વા સદા પુનઃ

આમૃશેત તતો વક્ત્રં કર્ણશ્રૌત્રૌ તથૈવ ચ ।
+ + + + + + + + + + + અક્ષ્ણૌ નાસાપુટૌ ભુજૌ

મૂર્ધ્નિ નાભિદેશે ચ સંસ્પૃશેત્ શુભવારિણા ।
વારાં પઞ્ચસપ્તં વા કુર્યાત્ સર્વં યથાવિધિમ્

શૌચાચારસમ્પન્નો શુચિર્ભૂત્વા તુ જાપિનઃ ।
ભિક્ષાભાજનમાદાય ગચ્છેત્ સલિલાલયમ્

યત્ર પ્રતિષ્ઠિતા વારિ નિમ્નાગા ચોદ્ભવે તથા ।
નદીપ્રસ્રવણાદિભ્યો ભિક્ષાં પ્રક્ષાલયેત્ સદા

તતોત્થાય પુનર્ગચ્છે વિહારમાવસથં તુ વૈ ।
પૂર્વસન્નિશ્રિતો યત્ર વશે તત્ર તુ તં વજ્રેત્

ગત્વા તં તુ વૈ દેશં ન્યસેત્ પાત્રં તં જપી ।
ઉપસ્પૃશ્ય તતઃ ક્ષિપ્રં ગૃહ્ય પાત્રં તથા પુનઃ

પાત્રે મૃન્મયે પર્ણે રાજતે હેમ્ન એવ વા ।
તામ્રે વલ્કલે વાપિ દદ્યાત્ શાસ્તુર્નિવેદનમ્

નિવેદ્યં શાસ્તુનો દદ્યાત્ સ્વમન્ત્રં મન્ત્રરાટ્ પુનઃ ।
એકં તિથિમાગમ્ય દુઃખિતેભ્યો ઽપિ શક્તિતઃ

નાતિપ્રભૂતં દાતવ્યં નિવેદ્યં ચૈવ સર્વતઃ ।
નાત્માનુપાયા મન્ત્રજ્ઞો કુર્યાદ્ યુક્તા તુ સર્વતઃ

કુક્ષિમાત્રપ્રમાણં તુ સ્થાપ્યંમાનં દદૌ સદા ।
ન બુભુક્ષાપિપાસાર્ત્તા શક્તો મન્ત્રાર્ત્થસાધને

નાત્યાશી મલ્પભોજી વા શક્તો મન્ત્રાનુવર્તને ।
અત એવ જિનેન્દ્રેણ કથિતં સર્વદેહિનામ્

આહારસ્થિતિસત્ત્વાનાં યેન જીવન્તિ માનુષાઃ ।
દેવાસુરગન્ધર્વનાગયક્ષાશ્ચ કિન્નરાઃ

રાક્ષસાઃ પ્રેતપિશાચાશ્ચ ભૂતોસ્તારકસગ્રહાઃ ।
નાસૌ સંવિદ્યતે કશ્ચિદ્ ભાજને યો ઽવહિતપેક્ષિણઃ

આદૌરિકમાકારકવડીકાહારશ્ચ કીર્તિતાઃ ।
સૂક્ષ્માહારિકસત્ત્વા વૈ ઇત્યુવાચ તથાગતઃ

ધ્યાનાહારિણો દિવ્યાઃ રૂપાવચરચેષ્ટિતા ।
આરૂપ્યાશ્ચ દેવા વૈ સમાધિફલભોજિનઃ

અન્તરાભવસત્ત્વાશ્ચ ગત્વાહારાઃ પ્રકીર્તિતાઃ ।
કામધાતૌ તથા સત્ત્વા વિચિત્રાહારભોજનાઃ

કામિકો ઽસુરમર્ત્યાનાં કબલિકાહારભોજનાઃ ।
અત એવ જિનેન્દ્રૈસ્તુ કથિતં ધર્મહેતુભિઃ

આહારસ્થિતિ સત્ત્વાનાં સર્વેષાં ચ પ્રકીર્તિતા ।
જાપિનો નિત્યયુક્તસ્તુ માત્રા એવ ભુજક્રિયા

શક્તો હિ સેવિતું મન્ત્રા ભોજને ઽસ્મિં પ્રતિષ્ઠિતઃ ।
આચારપરિશુદ્ધસ્તુ કુશલો બ્રહ્મચારિણઃ

માત્રજ્ઞતા ચ ભુક્તેસ્મિં સિદ્ધિસ્તસ્ય ન દુર્લભા ।
યથૈવાક્ષપભ્યજ્ય શાકટી શકટસ્ય તુ

ચિરકાલાભિસ્થિત્યર્ત્થં ભારોદ્વહનહેતવઃ ।
તથૈવ મન્ત્રી મન્ત્રજ્ઞો આહારં સ્થિતયે દદૌ

કલેવરસ્ય યાપ્યયાવ્યર્ત્થં પોષયેત સદા જપી ।
મન્ત્રાણાં સાધનાર્થાય બોધિસમ્ભારકારણા

જપેન્મન્ત્રં તથા મર્ત્યે લોકાનુગ્રહકારણાત્ ।
અત એવ મુનિઃ શ્રેષ્ઠો ઇત્યુવાચ મહાદ્યુતિઃ

કાશ્યપો નામ નામેન પુરા તસ્મિં સદા ભુવિ ।
શ્રેયસાર્ત્થં હિ ભૂતાનાં ઇદં મન્ત્રં પ્રભાષત

દુઃખિનાં સર્વલોકાનાં દીનાં દારિદ્ર્યખેદિનામ્ ।
આયાસોપરતાં ક્લિષ્ટાં તેષામર્થાય ભાષિતમ્

શ્રેયસાયૈવ ભૂતાનાં સંસૃતાનાં તથા પુનઃ ।
આહારાર્ત્થં તુ ભૂતાનાં ઇદં મન્ત્રવરં વદેત્

શૃણ્વન્તુ શ્રાવકાઃ સર્વે બોધિસનિશ્રિતાશ્ચ યે ।
મહ્યેદં વચનં મન્ત્રં ગૃહ્ણ ત્વં વ્યાધિનાશનમ્

ક્ષુદ્વ્યાધિપીડિતા યે તુ યે તુ સત્ત્વા પિપાસિતાઃ ।
સર્વદુઃખોપશાન્ત્યર્થં શૃણ્વધ્વં ભૂમિકાંક્ષિણઃ

ઇત્યેવમુક્ત્વા મુનિપ્રખ્યે કાશ્યપો ઽસૌ મહાદ્યુતિઃ ।
શ્રાવકા તુષ્ટમનસો પ્રાર્ત્થયામાસ તં વિભુમ્

વદસ્વ મન્ત્રં ધર્મજ્ઞો ધર્મરાજા મહામુનિઃ ।
સત્ત્વાનુકમ્પકઃ અગ્રો સમયો પ્રત્યુપસ્થિતઃ

ઇત્યુક્ત્વા મુનિભિઃ અગ્રો મન્ત્રં ભાષેત વિસ્તરમ્ ।
કલવિઙ્કરુતાઘોષા દુન્દુભીમેઘનિસ્વનઃ

બ્રહ્મસ્વરો મહાવીર્યો બ્રહ્મણો હ્યગ્રણી જિનઃ ।
શૃણ્વન્તુ ભૂતસઙ્ઘા વૈ યે કેચિદિહાગતાઃ

અપદા બહુપદા ચાપિ દ્વિપદા ચાપિ ચતુષ્પદાઃ ।
સંક્ષેપતો સર્વસત્ત્વાર્થં મન્ત્રં ભાષે સુખોદયમ્

અતીતાનાગતા સત્ત્વા વર્તમાના ઇહાગતાઃ ।
સંક્ષેપતો નુ વક્ષ્યામિ શૃણ્વધ્વં ભૂતકાંક્ષિણમ્

ઇતિ ॥
નમઃ સર્વબુદ્ધાનામપ્રતિહતશાસનાનામ્ ॥ તદ્યથા - ઓમ્ ગગને ગગનગઞ્જે આનય સર્વં લહુ લહુ સમયમનુસ્મર આકર્ષણિ મા વિલમ્બ યથેપ્સિતં મે સમ્પાદય સ્વાહા । ઇત્યેવમુક્ત્વા ભગવાં કાશ્યપઃ તૂષ્ણી અભૂત્ ॥
અત્રાન્તરે ભગવતા કાશ્યપેન સમ્યક્ સમ્બુદ્ધેન વિદ્યામન્ત્રપદાનિ સવિસ્તરાણિ સર્વં તં ગગનં મહાર્હભોજનપરિપૂર્ણમેઘં સન્દૃશ્યતે સ્મ । સર્વં તં ત્રિસાહસ્રં મહાસાહસ્રલોકધાતું ભોજનમેઘસઞ્છન્નગગનતલં સન્દૃશ્યતે સ્મ । યથાશયસત્ત્વભોજનમભિકાંક્ષિણં યથાભિરુચિતમાહારં તત્તસ્મૈ પ્રવર્તતે સ્મ । યથાભિરુચિતૈશ્ચાહરૈઃ ભોજનકૃત્યં ક્ષુદ્દુઃખપ્રશમનાર્થં પિપાસિતસ્ય પાનં પાનીયં ચાષ્ટાઙ્ગોપેતં વારિધારં તત્રૈવ મનીષિતં નિપતતિ સ્મ ॥
સર્વસત્ત્વાશ્ચ તસ્મિં સમયે તસ્મિં ક્ષણે સર્વક્ષુદ્વ્યાધિપ્રશમનસર્વતૃષાપનયનં ચ કૃતામભૂત્ । સા ચ સર્વાવતી પર્ષત્ આશ્ચર્યપ્રાપ્તો ઔદ્વિલ્યપ્રાપ્તો ભગવતો ભાષિતમભિનન્દ્ય અનુમોદ્ય ભગવતઃ પાદૌ શિરસા વન્દિત્વા તત્રૈવાન્તર્હિતા । ભગવાં કાશ્યપશ્ચ તથાગતવિહારૈઃ વિહારિયુરિતિ મયા ચ ભગવતા શાક્યમુનિનાપ્યેતર્હિ ભાષિતા ચાભ્યનુમોદિતા ચ ॥
અસ્મિં કલ્પરાજોત્તમે સર્વસત્ત્વાનામર્થાય ક્ષુત્પિપાસાપનયનાર્થં સર્વમન્ત્રજાપિનાં ચ વિશેષતઃ પૂર્વં તાવજ્જાપિના ઇમં મન્ત્રં સાધયિતવ્યમ્ । યદિ નોત્સહેદ્ ભિક્ષામટિતું, પર્વતાગ્રમભિરુહ્ય ષડ્ લક્ષાણિ જપેત્ ત્રિશુક્લભોજી ક્ષીરાહારો વા । તતો તત્રૈવ પર્વતાગ્રે આર્યમઞ્જુશ્રિયસ્ય મધ્યમં પટં પ્રતિષ્ઠાપ્ય પૂર્વવન્મહતીં પૂજાં કૃત્વા ઉદારતરં ચ બલિ નિવેદ્યમ્ । અનેનૈવ કાશ્યપસમ્યક્સમ્બુદ્ધૈર્ભાષિતેન મન્ત્રેણ ખદિરસમિદ્ભિરગ્નિં પ્રજ્વાલ્ય ઔદુમ્બરસમિધાનાં દધિમધુઘૃતાક્તાનાં સાર્દ્રાણાં વિતસ્તિમાત્રાણાં શ્રીફલસમિધાનાં વા અષ્ટસહસ્રં જુહુયાત્ ॥
તતો ઽર્ધરાત્રકાલસમયે મહાકૃષ્ણમેઘવાતમણ્ડલી આગચ્છતિ । ન ભેતવ્યમ્ । નાપ્યોત્થાય પ્રક્રમિતવ્યમ્ । આર્યમઞ્જુશ્રિયાષ્ટાક્ષરહૃદયેન આત્મરક્ષા કાર્યા મણ્ડલબન્ધશ્ચ સહાયાનાં ચ પૂર્વવત્ । તતો સા કૃષ્ણવાતમણ્ડલી અન્તર્ધીયતે । સ્ત્રિયશ્ચ સર્વાલઙ્કારભૂષિતાઃ પ્રભામાલિની દિશાશ્ચાવભાસ્યમાના સાધકસ્યાગ્રતો કુર્વતે । ઉત્તિષ્ઠ ભો મહાસત્ત્વ સિદ્ધાસ્મીતિ । ગતઃ સાધકેન ગન્ધોદકેન । જાતીકુસુમસન્મિશ્રેણ અર્ઘો દેયઃ । તતઃ સા તત્રૈવાન્તર્ધીયતે । તદહ એવ આત્મપઞ્ચવિંશતિમસ્ય સહયૈર્વા યથાભિરુચિતૈઃ કામિકં ભોજનં પ્રયચ્છતિ । યથેષ્ટાનિ ચોપકરણાનિ સન્દધાતિ । તતઃ સાધકેન વિસર્જ્યાર્ઘં દત્ત્વા પટં ત્રિઃ પ્રદક્ષિણીકૃત્ય પટમાદાય સર્વબુદ્ધબોધિસત્ત્વાન્ પ્રણમ્ય યથેષ્ટં સ્થાનં સાધનોપયિકં પૂર્વનિર્દિષ્ટં મહારણ્યં પર્વતાગ્રં વા નિર્માનુષં વા સ્થાનં ગન્તવ્યમ્ ॥
તત્રાત્મનઃ સહાયૈર્વા ઉડયં કૃત્વા પ્રતિવસ્તવ્યમ્ । પ્રતિવસતા ચ તસ્મિં સ્થાને આકાશગમનાદિકર્માણિ કુર્યાત્ । તતો સાધકેન પૂર્વવત્ કુશવિણ્ડકોપવિષ્ટેન મધ્યમં પટં પ્રતિષ્ઠાપ્ય પ્રતિષ્ઠાપ્ય પૂર્વવત્ ખદિરકાષ્ઠૈરગ્નિં પ્રજ્વાલ્ય ત્રિસન્ધ્યં શ્વેતપુષ્પાણાં દધિમધુઘૃતાક્તાનાં અષ્ટસહસ્રં જુહુયાત્ દિવસાન્યેકવિંશતિ ॥
તતો ઽર્ધરાત્રકાલસમયે હોમાન્તે આર્યમઞ્જુશ્રિયં સાક્ષાત્ પશ્યતિ । ઈપ્સિતં વરં દદાતિ । આકાશગમનમન્તર્ધાનબોધિસત્ત્વભૂમિપ્રત્યેકબુદ્ધત્વં શ્રાવકત્વં પઞ્ચાભિજ્ઞત્વં વા દીર્ઘાયુષ્કત્વં વા મહારાજ્યમહાભોગતાયૈર્વા નૃપપ્રિયત્વં વા । આર્યમઞ્જુશ્રિયા સાર્ધમન્ત્રવિચરતા સંક્ષેપતો વા યન્મનીષિતં તત્ સર્વં દદાતિ । યં વા યાચતે તમનુપ્રયચ્છતિ । સિદ્ધ્યદ્રવ્યાણિ વા સર્વાણિ લભતે । આકર્ષણં ચ મહાસત્ત્વાનાં ચ કરોતિ । સંક્ષેપતો યથા યથા ઉચ્યતે તત્ સર્વં કરોતિ । પ્રાક્તનં વા કર્માપરાધં વા સંશોધયતીત્યાહ ભગવાં શાક્યમુનિઃ ॥
અપરમપિ કર્મોપયિકમધ્યમસાધનં ભવતિ । આદો તાવદ્ તથા વિશિષ્ટે સ્થાને શુચૌ દેશે નદ્યાઃ પુલિનકૂલે વા પૂર્વવત્ સર્વં કૃત્વા પઞ્ચાન્મુખં પટં પ્રતિષ્ઠાપ્ય આત્મનશ્ચ પૂર્વાભિમુખો ભૂત્વા કુશવિણ્ડકોપવિષ્ટઃ પેયાલં વિસ્તરેણ કર્તવ્યમ્ । ત્રિસન્ધ્યં ષડ્ લક્ષાણિ જપેત્ । જપપરિસમાપ્તે ચ કર્ણિકારપુષ્પાણાં શુક્લચન્દનમિશ્રાણાં કુઙ્કુમમિશ્રાણાં વા શતસહસ્રાણિ જુહુયાત્ । પૂર્વવત્ તથૈવાગ્નિં પ્રજ્વાલ્ય હોમપર્યવસાને ચ પટપ્રકમ્પને મન્ત્રિત્વં પટરશ્મ્યવભાસે નિશ્ચરિતે ચ રશ્મૌ રાજ્યં પટસમન્તજ્વાલમાલાકુલે ચતુર્મહારાજકાયિકરાજ્યત્વં વાક્નિશ્ચરણે પટે ત્રયઃ ત્રિદશેશ્વરત્વં શક્રત્વં પટધર્મદેશનનિશ્ચરણે બોધિસત્ત્વત્રિભૂમેશ્વરત્વં પટબાહુમૂર્ધ્નિં સ્પર્શને પઞ્ચાભિજ્ઞાસપ્તભૂમિમનુપ્રાપણદશબલનિયતમનુપૂર્વપ્રાપણમિતિ ॥
અથ સાધકેન ભગવાં કાશ્યપભાષિતેન મન્ત્રે સાધિતે ક્ષુત્પિપાસાપ્રતિઘાતાર્થમનુપ્રાપ્તે તેનૈવ વિધિના તેનૈવોપકરણેન મન્ત્રચર્યાર્થસાધનોપયિકે ધર્મે સમનુષ્ઠેયમ્ । નાન્યથા સિદ્ધિરિતિ ॥
એવમનુપૂર્વમન્ત્રચર્યામનુવૃત્તિઃ સમતોરનુષ્ઠેયા નિયતં સિદ્ધ્યતિ । દ્રવ્યોપકરણોષધ્યપિ શેષાણિ મણિરત્નાનિ યથાપૂર્વનિર્દિષ્ટાનીતિ ॥
મન્ત્રજ્ઞો મન્ત્રજાપી ચ વિધિરાખ્યાતમાનસઃ ।
તસ્મિં દેશે તદા મન્ત્રી શુચિજશ્વેતદોદનમ્

ભુક્ત્વા તુ તુષ્ટમનસો પરિપુષ્ટેન્દ્રિયઃ સદા ।
ગુહ્ય તં પાત્રશેષં તુ સરિદ્ ગચ્છે શુભોદકે

એકાન્તે છોરયિત્વા તુ તિર્યેભ્યો દદૌ વ્રતી ।
તિર્યેભ્યો તુ દત્વા વૈ પાત્રં પ્રક્ષાલ્ય યત્નતઃ

મૃન્મયં તુ પુનઃ પાકં તતઃ કુર્વત યત્નતઃ ।
શેષપાત્રં તુ કુર્વીત નિસ્નેહં નિરામિષમ્

ગન્ધં ચૈવ સન્ત્યાજ્ય શેષપાત્રં મુનિર્વરઃ ।
યસ્મિન્ પાત્રે અટે ભિક્ષાં ન જગ્ધે તત્ર ભોજનમ્

ન ભક્ષે તત્ર ભક્ષાણિ ફલદ્રવ્યાણિ તુ સદા ।
ન ભુઞ્જેત્ પદ્મપત્રેણ ન ચાપિ કુવલયોદ્ભવૈઃ

સૌગન્ધિકેષુ વર્જીત ન ભુઙ્ક્તે તત્ર મન્ત્રિણઃ ।
કૌમુદા યે ચ પત્રા વૈ પ્લક્ષોદુમ્બરસમ્ભવા

ન ચાપિ વટપત્રૈસ્તુ કર્ણશાકોગૌલ્મિણામ્ ।
ન ચાપિ આમ્રપત્રેષુ તથા પાલાશમુદ્ભવૈઃ

શાલપત્રૈઃ શિરીષૈશ્ચ બોધિવૃક્ષસમુદ્ભવૈઃ ।
યત્રાસૌ ભગવાં બુદ્ધઃ શાક્યસિંહો નિષણ્ણવાં

તં વૃક્ષં વર્જયેદ્ યત્નાત્ તત્કાષ્ઠં ચાપિ ન ખનેત્ ।
નાગકેસરવૃક્ષેષુ ન કુર્યાત્પત્રશાતનમ્

નાપિ ભુઙ્ક્તે કદા કસ્મિં સર્વે તે વર્જિતા બુધૈઃ ।
નાપિ લઙ્ઘેત્ કદા મોહા મુનીનાં પર્ણશાલિનામ્

સમયાદ્ ભ્રશ્યતે મન્ત્રી તેષાં પર્ણેષુ ભોજને ।
અન્યપર્ણૈર્ન ભુઞ્જીત ભોજનં તત્ર મન્ત્રિણઃ

મૃન્મયે તામ્રનિર્દિષ્ટૈઃ તથા રૂપ્યૈઃ સાતમુદ્ભવૈઃ ।
સ્ફટિકૈઃ શૈલમયૈર્નિત્યં તથા ભોજનમાદદે

ન ભુઙ્ક્તે પર્ણપૃષ્ઠૈસ્તુ તથા હસ્તતલે તથા ।
નિવેદ્યસમ્ભવા યે પર્ણા મારારેર્દશબલાત્મજાં

પ્રત્યેકખડ્ગિણાં યે ચ તથા શ્રાવકપુડ્ગલામ્ ।
વર્જયે તં જપી પર્ણં પદ્ભ્યાં ચૈવ ન લઙ્ઘયેત્

વિવિધાં ભક્ષપૂપાં તુ તથા પાનં ચ ભોજનમ્ ।
ન મન્ત્રી આદદે યત્નાત્ સર્વં ચૈવ નિવેદિતમ્

જિનાનાં જિનચારાણાં ચ તથા શ્રાવકપુડ્ગલામ્ ।
રત્નત્રયે ઽપિ દત્તં વૈ તં જાપી વર્જયેત્ સદા

મન્ત્રાસ્તસ્ય ન સિદ્ધ્યન્તે સ્વલ્પમાત્રાપિ દેહિનામ્ ।
કઃ પુનઃ શ્રેયસા દિવ્યં સર્વમઙ્ગલસમ્મતામ્

પૌષ્ટિકં શાન્તિકં ચૈવ સર્વાશાપરિપૂરિણમ્ ।
પૌષ્ટિકં શાન્તિકં ચૈવ સર્વાશાપરિપૂરિણમ્ ।
ન સિદ્ધ્યન્તિ તદા તસ્ય નિવેદ્ય બલિભોજિનઃ

શુચિનો દક્ષશીલસ્ય ઘૃણિનો ધાર્મિણસ્તથા ।
સિદ્ધ્યન્તિ મન્ત્રાઃ સર્વત્ર શૌચાચારરતસ્ય વૈ

અન્ન સર્વેષુ દત્ત્વાદ્યં ન ભુઙ્ક્તે તત્ર જાપિનઃ ।
અન્યમન્નં ન ભુઞ્જીત ભુઞ્જીતાન્યેભ્યો પ્રતિપાદિતમ્

ભોજનં સ્વલ્પમાત્ર તુ સ્વદત્તં ચાપિ આદદે ।
ય એવ પ્રવૃત્તો મન્ત્રજ્ઞો તસ્ય સિદ્ધિ કરે સ્થિતા

અનેન વિધિના તં જાપી ભોજનં આદદેદ્ વ્રતી ।
મુનિભિઃ સમ્પ્રશસ્તં તુ સર્વમન્ત્રેષુ સાધને ।
વિધિદૃષ્ટાં સમાસેન સર્વભોજનકર્મસુ

અતઃ પરં પ્રવક્ષ્યામિ મન્ત્રં સર્વશોધને ।
ઉપસ્પૃશ્ય તતો જાપી ઇદં મન્ત્રં પઠેત્ સદા ।
સપ્તબારાં તતો મન્ત્રી જપિત્વા કાયશોધનમ્

શૃણુ તસ્યાર્થવિસ્તારં ભૂતસઙ્ઘાનુદેવતા ।
સર્વકાયં પરામૃશ્ય ઇદં મન્ત્રં વદેન્મુની

નમઃ સર્વબુદ્ધાનામપ્રતિહતશાસનાનામ્ । તદ્યથા - ઓમ્ સર્વકિલ્બિષનાશનિ નાશય નાશય સર્વદુષ્ટપ્રયુક્તાં સમયમનુસ્મર હૂં જઃ સ્વાહા ॥ અનેન મન્ત્રેણ ભિક્ષોદનં યં વા અન્યં પરિભુઙ્ક્તે સ મન્ત્રાભિમન્ત્રિતં કૃત્વા પરિભોક્તવ્યઃ । ભુઇક્ત્વા ચોપસ્પૃશ્ય પૂર્વવત્ મૂર્ધ્નપ્રતિ સર્વં કાયં પરામૃજ્ય તતો વિશ્રાન્તવ્યમ્ । વિશ્રામ્ય ચ મુહૂર્તં અર્ધાર્ધેહયામં વા તતઃ પટમભિવન્દ્ય સર્વબુદ્ધાનાં સદ્ધર્મપુસ્તકાં વાચયેત્ । આર્યપ્રજ્ઞાપારમિતા આર્યચન્દ્રપ્રદીપસમાધિં આર્યદશભૂમકઃ આર્યસુવર્ણપ્રભાસોત્તમઃ આર્યમહામાયૂરી આર્યરત્નકેતુધારિણીમ્ । એષામન્યતમાન્યતમં વાચયેદ્ યુગમાત્રસૂર્યપ્રમાણતાલમ્ । તતો પરિનામ્ય યથાપરિશક્તિતશ્ચ વાચયિત્વા પુસ્તકામુત્સાર્ય શુચિવસ્ત્રપ્રચ્છન્નાં વા કૃતા સદ્ધર્મં પ્રણમ્ય તતો સ્નાનાયમવતેરે નદીકૂલં મહાહ્રદં વા ગત્વા નિષ્પ્રાણકાં મૃત્તિકાં ગૃહ્ય સપ્તમન્ત્રાભિમન્ત્રિતાં કૃત્વા અનેન મન્ત્રેણ જલં ક્ષિપેત્ । કતમેન ॥ નમઃ સમન્તબુદ્ધાનામપ્રતિહતશાસનાનામ્ । તદ્યથા - ઓમ્ સર્વદુષ્ટાં સ્તમ્ભય હૂં ઇન્દીવરધારિણે કુમારક્રીડરૂપધારિણે બન્ધ બન્ધ સમયમનુસ્મર સ્ફટ્ સ્ફટ્ સ્વાહા । અનેન તુ રક્ષાં કૃત્વા દિશાબન્ધં ચ સહાયાનાં ચ મણ્ડલબન્ધં તુણ્ડબન્ધં સર્વદુષ્ટપ્રદુષ્ટાનાં સર્વાકર્ષણં ચ શુક્રબન્ધં સપ્તજપ્તેન સૂત્રેણ કટિપ્રદેશાવબદ્ધેન સર્વતશ્ચ પર્યટેત્ । જપકાલે ચ સર્વસ્મિં સર્વકાલસ્નાનકાલે ચ દુષ્ટવિઘ્નવિનાશનમુપ્રશમનાર્થમસ્ય મન્ત્રસ્ય લક્ષમેકં જપેત્ । તતઃ સર્વકર્માણિ કરોઅતિ । પઞ્ચશિખમહામુદ્રોપેતં ન્યસેત્ સર્વકર્મેષુ । સર્વાં કરોતિ નાન્યથા ભવતીતિ ॥
તતઃ સાધકેન મૃદ્ગોમયચૂર્ણાદીં ગૃહ્ય સ્નાયીત યથાસુખમ્ । નિષ્પ્રાણકેનોદકેન સ્નાતવ્યમ્ । સર્વત્ર ચ સર્વકર્મસુ નિષ્પ્રાણકેનૈવ કુર્યાત્ । તતો સ્નાત્વા મૃદ્ગોમયાનુલેપનૈરન્યૈર્વા સુગન્ધગન્ધિભિશ્ચોપકરણવિશેષૈઃ નાપિ સલિલે ખેટમૂત્રપુરીષાદીનુત્સૃજેત્ । સલિલપીકધારાં વા નોત્સૃજેત્ । નાપિ ક્રીડેત્ કરુણાયમાનઃ સર્વસત્ત્વાનામાત્મનશ્ચ પ્રત્યવેક્ષ્ય અનાત્મશૂન્યદુઃખોપરુદ્ધવેદનાભિનુન્નં રૂર્ણમિવ માતૃવિપ્રયોગદુઃખિતસત્ત્વો । એવં સાધનરહિતો મન્ત્રજ્ઞો હિ તથાવિધં શતનપતનવિકિરણવિધ્વંસનાદિભિઃ દુઃખોપધાનૈરુપરુદ્ધ્યમાનં સંસારાર્ણવગહનસ્થમાત્માનં પશ્યેત્ । અલયનમન્ત્રાણમશરણ અદીનમનસમાત્માતમવેક્ષ્ય । ધ્યાયીત કણ્ઠમાત્રમુદકસ્થો નાભિમાત્રમુદકસ્થિતો વા તત્રૈવ તુ જલમધ્યે ચિત્તૈકાગ્રતામુપસ્થાપ્ય ॥
પ્રથમં તાવન્મહાપદ્મવિટપં મહાપદ્મપુષ્પોપેતં મહાપદ્મપત્રોપશોભિતં ચારુદર્શનરત્નમયં વૈદૂર્યકૃતગણ્ડં મરકતપત્રં પદ્મકેસરં સ્ફટિકસહસ્રપત્રં અતિવિકસિતં તદા ન જાતસ્ફટિકપદ્મરાગપુષ્પોપશોભિતં તત્રસ્થં સિંહાસનં રત્નમયમનેકરત્નોપશોભિતં દુષ્પયુગપ્રતિચ્છન્નં તત્રસ્થં બુદ્ધં ભગવન્તં ધ્યાયીત ધર્મં દેશયમાનં કનકાવદાતં સમન્તજ્વાલમાલિનં ધ્યાય પ્રભામણ્ડલમણ્ડિતં મહાપ્રમાણં વ્યોમ્નિરિવ ઉલ્લિખમાનં પર્યઙ્કોપનિષણ્ણમ્ । દક્ષિણતશ્ચ આર્યમઞ્જુશ્રીઃ સર્વાલઙ્કારવરોપેતં પદ્માસનસ્થં ચામરગ્રાહી ભગવતઃ સ્થિતકો નો નિષણ્ણઃ રક્તગૌરાઙ્ગઃ પિષ્ટકુઙ્કુમવર્ણો વા વામતશ્ચ આર્યાવલોકિતેશ્વરઃ શરત્કાણ્ડગૌરઃ ચમરવ્યગ્રહસ્તઃ । એવમષ્ટૌ બોધિસત્ત્વાઃ આર્યમૈત્રેયઃ સમન્તભદ્રઃ ક્ષિતિગર્ભઃ ગગનગઞ્જઃ સર્વનીવરણવિષ્કમ્ભી અપાયજહ આર્યવજ્રપાણિ સુધનશ્ચેત્યેતે દશ બોધિસત્ત્વાઃ દક્ષિણતો પ્રત્યેકબુદ્ધાઃ અષ્ટૌ ધ્યાયીત । ચન્દનઃ ગન્ધમાદનઃ કેતુઃ સુકેતુ સિતકેતુ ઋષ્ટૌપારિષ્ટનેમિશ્ચેતિ । અષ્ટૌ મહાશ્રાવકાઃ તત્રૈવ સ્થાને । તદ્યથા - આર્યમહામૌદ્ગલ્યાયન શારિપુત્ર ગવામ્પતિ પિણ્ડોલ ભરદ્વાજ પિલિન્દવત્સઃ આર્યરાહુલઃ મહાકાશ્યપ આર્યાનન્દશ્ચેતિ । ઇત્યેષાં મહાશ્રાવકાણાં સમીપે અનન્તં ભિક્ષુસઙ્ઘં ધ્યાયીત । પ્રત્યેકબુદ્ધાનાં સમીપે અનન્તાં પ્રત્યેકબુદ્ધાં ધ્યાયીતં । મહાબોધિસત્ત્વાનાં ચાષ્ટાસુ સ્થાનેષુ અનન્તં બોધિસત્ત્વસઙ્ઘં ધ્યાયીત । એવં શસ્તં નભસ્તલં મહાપર્ષન્મણ્ડલોપેતં ધ્યાયીત । આત્મનશ્ચ નાભિમાત્રોદકસ્થો નાનાવિધૈઃ પુષ્પૈઃ દિવ્યમાનુષ્યકૈઃ માન્દારવમહામાન્દારવ પદ્મમહાપદ્મધાતુઃ કારિકૈન્દીવરકુસુમૈશ્ચ નાનાવિધૈઃ મહાપ્રમાણૈઃ મહાકૂટસ્થૈઃ પુષ્પપુટૈઃ ભગવતઃ પૂજાં કુર્યા । સર્વશ્રાવકપ્રત્યેકબુદ્ધબોધિસત્ત્વાનાં ચૂર્ણચ્છત્રધ્વજપતાકૈઃ દિવ્યમાનુષ્યકૈઃ પ્રભૂતૈઃ પ્રદીપકોટીનયુતશતસહસ્રૈશ્ચ પૂજાં કુર્યાન્મનોરમામ્ ॥
એવં ચ બલિધૂપનિવેદ્યાદિસર્વપૂજોપસ્થાનાન્યુપકરણાનિ દિવ્યમાનુષ્યકાન્યુપહર્તવ્યાનિ । ભગવતશ્ચ શાક્યમુને ઊર્ણકોશાદ્રશ્મિંમભિનિશ્ચરન્તં ચાત્માનમવભાસ્યમાનં સર્વાસાં ધ્યાયીત । સમનન્તરધ્યાનગતસ્ય જાપિનઃ બ્રાહ્મપુણ્યફલાવાપ્તિઃ નિયતં બોધિપરાયણો ભવતીતિ ॥
ઇત્યેવમાદયો ધ્યાનાઃ કથિતા લોકપુઙ્ગવૈઃ ।
શ્રેયસઃ સર્વભૂતાનાં હિતાર્થં ચૈવ મન્ત્રિણામ્

આદિમુખ્યો તદા ધ્યાનો હિતાર્થં સર્વમન્ત્રિણામ્ ।
કથયામાસ સત્ત્વેભ્યો મુનિઃ શ્રેષ્ઠો ઽથ સત્તમઃ

મણ્ડલાકારતદ્વેષપ્રથમે મુનિભાષિતે ।
દ્વિતીયં મણ્ડલં ચાપિ તૃતીયં મન્ત્રમતઃ પરમ્

પ્રથમે ઉત્તમા સિદ્ધિઃ મધ્યમે તુ તથા પરમ્ ।
કન્યસે ક્ષુદ્રસિદ્ધિસ્તુ નિગમ્ય મુનિપુઙ્ગવઃ

પટાકારં તથા ધ્યાનં જ્યેષ્ઠમધ્યમકન્યસામ્ ।
સમાસેન તુ તદ્ધ્યાનં સર્વકિલ્વિષનાશનમ્