માનવગૃહ્યસૂત્ર · અધ્યાય 1.4

ઇતિ તૃતીયઃ ખણ્ડઃ
ચતુર્થઃ ખણ્ડઃ
વર્ષાસુ શ્રવણેન સ્વાધ્યાયાનુપાકુરુતે

સ જુહેતિ-
અપ્વાનામાસિ તસ્યાસ્તેજોષ્ટ્રં ગમયેમ્ ।
અહમિદ્ધિ પિતુઃ પરિમેધામૃતસ્ય જગ્રભ સૂર્ય ઇવાજનિ સ્વાહા ।
સરસ્વતીનામાસિ સરસ્વન્નામાસિ ।
યુક્તિર્નામાસિ યોજો નામાસિ ।
મતિર્નામાસિ મને નામાસિ ॥
તસ્યાસ્તેજોષ્ટ્રીં ગમેયમ્ ।
તસ્ય તેજોષ્ટ્રં ગમયેમિતિ સર્વત્રાનુષજતિ

યુજે સ્વાહા પ્રયુજે સ્વાહોદ્યુજેસ્વાહેત્યેતૈરત્તેવાસિનાં યોગમિચ્છન્નિતિ

પ્રાક્ સ્વિષ્ટકૃતોથ જપતિ ।
ઋતં વદિષ્યામિ સત્યં વદિષ્યામિ તન્મામવતુ તદ્વક્તારમવત્વવતુ મા ભવતુ વક્તારમ્ ।
વાઙ્ મે મનસિ પ્રતિષ્ઠિના, મનો મે વૈચિ પ્રતિષ્ઠિતમાવિરાયુર્મયિ ધેહિ વેદસ્ય વાણીઃ સ્થ ।
ઓં ભૂર્ભુવઃ સ્વસ્તત્સવિતુરિતિ

દર્ભપાણિસ્ત્રિઃ સાવિત્રી મધીતે ।
ત્રિંશ્ચાદિતો ઽનુવાકાન્ ।
કો વા યુનક્તીતિ ચ ।
ઉપાકુર્મહે ઽધ્યાયાનુપતિષ્ઠન્તુ છન્દાસીતિ ચ

તસ્યાનધ્યાયાઃ સમૂહન્વાતો વલીકક્ષારપ્રભૃતિ વર્ષં ન વિદ્યોતમાને ન સ્તનયતીતિ શ્રુતિરાકાલિકં દેવતુમુલં વિદ્યુદ્ધન્વોલ્કાત્યક્ષરાઃ શબ્દાઃ ।
આચારેણાન્યે

અર્દ્ધપઞ્ચમાન્માસાનધીત્યોત્સૃજતિ પઞ્ચાર્દ્ધષષ્ઠાન્વા

અથ જપતિ ઋત મવાદિષં તન્માવીત્ ત્તદ્વક્તારમાવીદાવીન્મામાવીદ્વક્તારમ્ ।
વાધ્ મે મનસિ પ્રતિષ્ઠિતા મનો મે વાચિ પ્રતિષ્ઠિતં માવિરાયુર્ મયિ ધેહિ ।
વેદસ્ય વાણીઃ સ્થ ।
ઓં ભૂર્ભુવઃ સ્વસ્તત્સવિતુરિતિ

દર્ભપાણિસ્ત્રિઃ સાવિત્રીમધીતે ।
ત્રીંશ્ચાદિતો ઽમુવાકાન્ કો વો વિમુઞ્ચતીતિ વિમુચ્યોત્સૃજામહેધ્યાયાન્પ્રતીશ્વસન્તુ છન્દાસીતિ ચ

પ્રતિપદં પક્ષિણીં રાત્રીં નાધીયીત નાત ઊર્ધ્વમભ્રેષુ

આકાલિકો વિદ્યુત્સ્નનયિત્નુવર્ષેષુ

ગોનામેષુ મન્ત્રબ્રાહ્મણકલ્પયિતૃમેધમહાવ્રતાષ્ટાપદીં વૈષુવતાનિ દિવાધીયીત વૈષુવત્તમાર્દ્રપાણિઃ

રુદાન્ન નક્તં ન ભુક્તા ન ગ્રામે

શુક્રિયસ્ય પ્રવર્ગ્યકલ્પે નિયમો વ્યાખ્યાતસ્ત્રયોવિંશં તુ સંમીલ્ય

ગવાં તુ ન સકાશે ગોનામાનિ ગાર્ભિણીનામસકાશે ઽષ્ટાપદીંરેતો મૂત્રમિતિ ચ

શુનીશીર્યસ્ય ચ સૌર્યે ચક્ષુષ્કામસ્ય ચક્ષુર્નો ધેહિ ચક્ષુષ ઇતિ સૂર્યો ઽપો ઽવગાહત ઇતિ ચ આદિત્યસૈર્યયામ્યાનિ ષડૃચાનિ દિવાધીયીત

ઉપાકૃત્યોત્સૃજ્ય ચ ત્ર્યહં પઞ્ચરાત્રમેકે

વેદારમ્ભણે સમાપ્તૌ ચાકાલમ્