મહાયાનપથસાધનસંગ્રહ · ભાગ 11

મહાયાનપથસાધનસઙ્ગ્રહઃ
નમઃ સર્વબુદ્ધબોધિસત્ત્વેભ્યઃ
સર્વાતીતાદ્યબુદ્ધાનાં જનકત્વાત્ પિતરૌ તથા ।
ભક્ત્યા સાધનધર્માશ્ચ વાક્ચિત્તાભ્યાં મુદા નતઃ ॥ 1 ॥
અચિન્ત્યાં મહતીં બોધિં જિઘૃક્ષુશ્ચેદનુત્તરામ્ ।
બોધેઃ સાધનનિષ્ઠત્વાત્ સાધનં સારતો ભજેત્ ॥ 2 ॥
સ ચ ત્રિશરણં ગત્ત્વા નિવાર્ય સકલાશુભાન્ ।
અધિશીલં ભજેચ્છુદ્ધં બોધિચિત્તસ્ય વાહનમ્ ॥ 3 ॥
આશ્રિત્ય કશયા ભૂયસ્ તાડયન્ મરણસ્મૃતેઃ ।
ભવમાર્ગ મહાભીતિં ક્રામેતૈનં ચ સત્વરમ્ ॥ 4 ॥
અભયબુદ્ધભૂપ્રાપ્તઃ પ્રણિધાનપદે સ્થિતઃ ।
સત્ત્વસંવરમાધાય ષટ્ ચ પારમિતાદિકાઃ ॥ 5 ॥
સત્ત્વચર્યાશ્ચરેત્તદ્વત્ તત્પ્રજ્ઞોપાયસઙ્ગ્રહમ્ ।
શિક્ષેતાસ્થિતનિર્વાણં તત્સારો દ્વિવિધસ્તથા ॥ 6 ॥
રાગદ્રર્યરહિતો નિત્યં પાવકાર્થી તથારણિમ્ ।
ભાવયેત્ સતતં ભક્ત્યા બુદ્ધઃ શીઘ્રં તતો ભવેત્ ॥ 7 ॥
પરાર્થ મણિવન્નિત્યમ્ અનાભોગં કરોતિ સઃ ।
મહાયાનસ્ય શિક્ષેયુઃ ધન્યાઃ સાધનસઙ્ગ્રહમ્ ॥ 8 ॥
ચિત્તં સુધાલવૈઃ રક્તં બુદ્ધય્શુદ્ધૌ ચ દુઃસ્પૃશમ્ ।
એતત્સઙ્ગ્રહપુણ્યેન જગદ્ યાતુ મહાપથમ્ ॥ 9 ॥
બુદ્ધભૂમિમહં ચાપ્ત્વા ભવેયં લોકનાયકઃ ॥ 10 અ બ ॥
ઽઅતિસંક્ષિપ્તમહાયાનપથસાધનંઽ મહાચાર્યદીપઙ્કરશ્રીજ્ઞાનવિરચિતં સમાપ્તમ્ ॥
ભારતસ્ય તેનૈવ ઉપાધ્યાય-પણ્ડિતેન લોકચક્ષુષા ભિક્ષુણા કલ્યાણમતિના (દ્ગે વહિ બ્લો ગ્રોસ્) ચ અનૂદ્ય નિર્ણીતમ્ ॥