મહાપ્રતિસરા પઞ્ચરક્ષા · ભાગ 111

મહાપ્રતિસરા વિદ્યારાજ્ઞી
નમો ભગવત્યૈ આર્યમહાપ્રતિસરાયૈ । નમઃ સમ્યક્સંબુધેભ્યઃ ॥
એવં મયા શ્રુતમ્ એકસ્મિન્ સમયે ભગવાન્ વજ્રમેરુશિખરકુટાગારે વિહરતિ સ્મ । મહાવજ્રસમાધિભૂમિપ્રતિસ્થાને મહાવજ્રકલ્પવૃક્ષસમલંકૃતે । મહાવજ્રપુષ્કિરિણીરત્નપદ્મપ્રભોદ્ભાસિતે । મહાવજ્રવાલિકાસંસ્કૃતભૂમિભાગે । મહાવજ્રાધિષ્ઠાને । મહાવજ્રમણ્ડલમાડે । શક્રસ્ય દેવાનામ્ ઇન્દ્રસ્ય ભવને । મહાવજ્રસિંહાસનકોટીનિયુતશતસહસ્રવિરાજિતે । ધર્મદેશનાપ્રતિભાનપ્રાતિહાર્યસમન્વાગતે । સર્વબુદ્ધાધિષ્ઠાનાધિષ્ઠિતે સર્વધર્મસમતાપ્રવેશે સર્વજ્ઞતાનિર્યાતે । ચતુરશીતિભિર્ બોધિસત્વકોટીનિયુતશતસહસ્રૈઃ સાર્ધમ્ । સર્વૈર્ એકજાતિભિર્ અવૈવર્તિકૈર્ અનુત્તરાયાં સમ્યક્સંબોધૌ મહાસ્થામપ્રાપ્તૈર્ મહાવજ્રવિમોક્ષસમાધિબુદ્ધક્ષેત્રવિકુર્વણમહાપ્રાતિહાર્યસંદર્શકૈઃ । એકચિત્રક્ષણભવમુહૂર્તસર્વસત્વચિત્તચરિતાનુપ્રવેશવિચિત્રમધુરોદારગમ્ભીરધર્મદેશનાપ્રતિભાનપ્રાતિહાર્યસંદર્શકૈર્ અનેકબુદ્ધક્ષેત્રતથાગતમહાપૂજમેઘાર્ચનાવિમોક્ષમુખધારણીસમાધિવશિતાભિજ્ઞાવએણિકબોધ્યઙ્ગમાર્ગભૂમિપારમિતોપાયકૌશલ્યસંગ્રહવસ્ત્રમહામૈત્રીકરુણામુદિતોપેક્ષામૈત્રીબલવિવિક્તપર્યવદાતચિત્તસંતાનૈઃ ॥
તદ્યથા । વજ્રગર્ભેણ ચ બોધિસત્વેન મહાસત્વેન । વજ્રનેત્રેણ ચ । વજ્રગાત્રેણ ચ । વજ્રમતિના ચ । વજ્રહસ્તેન ચ । વજ્રસંહતેન ચ । વજ્રનારાયણેન ચ । વજ્રવિકુર્વિતેન ચ । વજ્રકૂતેન ચ । વજ્રરાશિના ચ । વજ્રાઙ્કુશેન ચ । સુવજ્રેણ ચ । વજ્રસેનેન ચ । વજ્રકેતુના ચ બોધિસત્વેન મહાસત્વેન ॥
એવં પ્રમુખૈર્ બોધિસત્વકોટીનિયુતશતસહસ્રૈઃ સાર્ધં સંબહુલૈશ્ ચ મહાશ્રાવકૈઃ સર્વૈર્ અર્હદ્ભિર્ ક્ષીણાસ્રવૈર્ ઉચ્છિન્નભવસંયોજનૈઃ ( મ્પ્_2 ) સમ્યગાજ્ઞાસુવિમુક્તચિત્તૈઃ સુવિમુક્તપ્રજ્ઞૈર્ અચિન્ત્યસમાધિબલપ્રાતિહાર્યવિકુર્વણમહાસ્થામપ્રાપ્તૈર્ અસઙ્ગજ્ઞાનદર્શિભિઃ । સર્વૈર્ વિગતમલૈર્ નિદગ્ધસંક્લેશવાસનાબીજૈઃ ॥
યદુતાયુષ્મતા ચ શારદ્વતીપુત્રેણ । આયુષ્મતા ચ પૂર્ણમૈત્રાયણીપુત્રેણ । આયુષ્મતા ચ કફિનેન । આયુષ્મતા ચ સુભૂતિના । આયુષ્મતા ચ રેવતેન । આયુષ્મતા ચ મહામૌદ્ગલ્યાયનેન । આયુષ્મતા ચ ચુન્દેન । આયુષ્મતા ચ નન્દેન । આયુષ્મતા ચ સુનન્દેન । આયુષ્મતા ચ કાશ્યપેન । આયુષ્મતા ચ મહાકાશ્યપેન । આયુષ્મતા ચ નન્દીકાશ્યપેન । આયુષ્મતા ચોરુવિલ્વાકાશ્યપેન । આયુષ્મતા ચ ગયાકાશ્યપેન ॥
એવં પ્રમુખૈઃ સંબહુલૈર્ મહાશ્રાવકૈઃ સાર્ધં મહેશ્વરદેવપુત્રપ્રમુખૈશ્ ચાસંખ્યેયૈર્ અપરિમાણૈર્ અનભિલાષ્યાનભિલાષ્યૈઃ શુદ્ધાવાસકયિકૈર્ દેવપુત્રૈઃ ॥
બ્રહ્મણા ચ સહાપતિના । બ્રહ્મકાયિકદેવપુત્રપ્રમુખૈર્ દેવપુત્રૈઃ । સુયામેન ચ દેવપુત્રેણ । સુયામકાયિકદેવપુત્રપરિવારેણ । સંતુષિતેન ચ દેવપુત્રપરિવારેણ । નિર્માણરતિના ચ । પરનિર્મિતવશવર્તિના ચ । શક્રેણ ચ દેવાનામ્ ઇન્દ્રેણ । સર્વદેવપુત્રપરિવારેણ ॥
વેમચિત્રિણા ચાસુરેન્દ્રેણ । બલિના ચ । પ્રહ્લાદેન ચ । રાહુના ચ । વૈરોચનેન ચ । સુબાહુના ચ । એવં પ્રમુખૈર્ અપરિમિતાપ્રમેયાસંખ્યેયૈર્ અસુરેન્દ્રૈઃ ॥
સાગરેણ ચ નાગરાજેન । તક્ષકેન ચ । વાસુકિના ચા । શઙ્ખપાલેન ચ । કર્કોટકેન ચ । પદ્મેન ચ । મહાપદ્મેન ચ । એવં પ્રમુખૈર્ અપરિમિતાપ્રમેયાસંખ્યેયૈર્ નાગરાજૈઃ ॥
દ્રુમેણ ચ કિન્નરરાજેન । અનેકકિન્નરપરિવારેણ ॥
પઞ્ચશિખેન ચ ગન્ધર્વરાજેન । અનેકગન્ધર્વરાજપરિવારેણ ચ ॥
સર્વાર્થસિદ્ધેન ચ વિદ્યાધરરાજેન । અનેકવિદ્યાધરરાજપરિવારેણ ॥
સુપર્ણાક્ષેણ ચ ગરુડરાજેન । અનેકગરુડરાજપરિવારેણ ॥
વૈશ્રમણેન ચ । માણિભદ્રેણ ચ । પૂર્ણભદ્રેણ ચ । પાઞ્ચિકેન ચ યક્ષરાજેન । અનેકયક્ષરાજપરિવારેણ ॥
હારીત્યા ચ પઞ્ચપુત્રશતપરિવારયા । સપ્તભિશ્ ચ લોકમાતૃભિઃ । સપ્તભિશ્ ચ મહારાક્ષસીભિઃ સપ્તભિશ્ ચ મહર્ષિવરૈઃ । અન્તરીક્ષચરૈશ્ ચ સર્વનક્ષત્રગ્રહદેવતૈઃ । દિગ્ભિશ્ ચ વિદિગ્ભિશ્ ચ । પૃથિવ્યા ચ સરસ્વત્યા ચ । ભૂતૈશ્ ચ વિઘ્નૈશ્ ચ વિનાયકૈશ્ ચ પ્રેતભૂતમહર્દ્ધિકૈઃ । સર્વૈશ્ ચ પર્વતરાજૈઃ । વરુણેન ચ લોકપાલેન । સર્વસમુદ્રદેવતાપરિવારેણ । વિરૂઢકેન ચ વિરૂપાક્ષેણ ચ દણ્ડપાણિના ચ । નૈગુતેન ચ । જાતવેદસા ચ । સપ્તભિશ્ ચ મહાવાયુભિઃ । ઈશાનેન ચ સપત્નિકેન । અનેકગણકોટીનિયુતશતસહસ્રપરિવારેણ ॥
નારાયણેન ચ સપરિવારેણ । દન્તકેન ચ દામકેન ચ લોહકેન ચ મોહકેન ચ । મહાગણપતિના ચ । મેઘોલ્કેન ચ । વિનાયકેન્દ્રેણ ચ । અનેકવિઘ્નવિનાયકપરિવારેણ ॥
ષષ્ટ્યા ચ કોટગિર્યા ચ ચતસૃભિશ્ ચ ભગિનીભિઃ સભ્રાતૃકાભિઃ ॥
વજ્રાઙ્કુશ્યા ચ । વજ્રશઙ્કરયા ચ । ચતુઃષષ્ટિભિશ્ ચ વજ્રહૂતીભિઃ । વજ્રસેનેન ચ સુબાહુના ચ । મૂર્ધટકેન ચ । અનેકવજ્રકુલપરિવારેણ ॥
તદ્ અન્યૈશ્ ચ બુદ્ધધર્મસંઘાભિપ્રસન્નૈઃ । અપરિમિતાપ્રમેયાસંખ્યેયૈર્ દેવનાગયક્ષગન્ધર્વાસુરગરુડકિન્નરમહોરગભૂતપ્રેતપિશાચોન્માર્દાપસ્મારસાધ્યસાહિલ્લકોષ્ટરકૈઃ ॥
સૂર્યેણ ચ દેવપુત્રેણ । ચન્દ્રેણ ચ દેવપુત્રેણ । સુચન્દ્રેણ ચ દેવપુત્રેણ । સન્ધ્યયા ચ દેવતયા । ઉષસા ચ દેવતયા । સર્વૈશ્ ચ ગન્તુભિઃ । રોદસિન્યા ચ દેવતયા । પ્રજાપત્યા ચ દેવતયા સાર્ધમ્ ॥

ઇત્ય્ અપિ ચ ભગવાન્ સુપ્રવર્તિતધર્મચક્રઃ સુપરિનિષ્ઠિતબુદ્ધકાર્યઃ સુપરિપૂર્ણપુણ્યજ્ઞાનસંભારઃ સુપરિગૃહીતસર્વજ્ઞતામહાબોધિપારમિતાભૂમિલાભોજ્જ્વલિતદ્વાત્રિંશત્મહાપુરુષલક્ષણાલંકૃતશરીરશ્ ( મ્પ્_4 ) ચતુરશીત્યનુવ્યઞ્જનવિરાજિતઃ સર્વાઙ્ગાવયવશોભઃ સર્વસત્વાનવલોકિતમૂર્ધાનિર્જિતઃ સર્વમારકર્મકોવિદઃ સર્વસત્વજ્ઞાનપઞ્ચવિધચક્ષુઃ સર્વાકારવરોપેતઃ સર્વજ્ઞજ્ઞાનસમન્વાગતઃ સર્વબુદ્ધધર્મસમન્વાગતઃ । સર્વમારપરપ્રમાદિકુગણિગણપ્રમથન ઉદ્ગતકીર્તિશબ્દશ્લોક આર્ષભસિંહનાદંનદી સમુચ્છિન્નાવિદ્યાન્ધકારો ઽસંખ્યેયાપરિમાણકોટીનિયુતશતસહસ્રદાનશીલક્ષાન્તિવીર્યધ્યાનપ્રજ્ઞોપાયબલપ્રણિધાનપારમિતાદુષ્કરચર્યાવિનિવર્તિતદ્વાત્રિંશત્મહાપુરુષલક્ષણચતુરશીત્યનુવ્યઞ્જનગાત્રશોભઃ । મહાવજ્રરત્નપદ્મગર્ભસિંહાસને નિષણ્ણઃ । અનેકવજ્રરત્નવેદિકાસંસ્કૃતપાદપીઠસુપ્રતિષ્ઠિતે । અનેકવજ્રરત્નમકરમુખોદ્ગીર્ણલોહિતમુક્તાવલીનિબદ્ધગન્ધાયકે । અનેકવજ્રરત્નમુક્તકિઙ્કિણીજાલકલુકલોન્નાદિતે । અનેકવજ્રરત્નકર્ણિકાવિલગ્નકર્કેતનમહાકર્કેતનેન્દ્રનીલપુષ્પરાગરશ્મિજાલાવભાસિતસમન્તપ્રસાદિકે । અનેકવજ્રરત્નશલાકાવિભૂષિતોદ્દણ્ડાતપત્રકોટીનિયુતશતસહસ્રકૃતચ્છાયાપરિકરે । અનેકકલ્પવૃષદ્રુમોપશોભિતવિસ્તારે સુમેરુમાત્રે વજ્રરત્નપદ્માસને નિષણ્ણઃ । કાઞ્ચનપર્વતરાજ ઇવ શ્રિયા જ્વલનસૂર્યસહસ્રાભિર્ એકપ્રભામણ્ડલવિરાજિત ભૂમિભાગઃ । સુપરિપૂર્ણચન્દ્રમણ્ડલ ઇવ સર્વલોકપ્રિયદર્શનો મહાકલ્પવૃક્ષ ઇવ બુદ્ધધર્મૈઃ સંકુસુમિતો ધર્મં દેશયતિ સ્મ ॥
આદૌ કલ્યાણં મધ્યે કલ્યાણં પર્યવસાને કલ્યાણં સ્વર્થં સુવ્યઞ્જનં કેવલં પરિપૂર્ણં પરિશુદ્ધં પર્યવદાતં બ્રહ્મચર્યં સંપ્રકાશયતિ સ્મ ॥
અથ ખલુ ભગવાન્ મૂર્ધ્ન ઊર્ણકેશાત્ સર્વબુદ્ધસંદર્શનં નામ રશ્મિજાલં પ્રમુઞ્ચતિ સ્મ । તેન ચ રશ્મિજ્વાલેનાયં ત્રિસાહસ્રમહાસાહસ્રલોકધાતુર્ અવભાસિતઃ । સ્ફુટીકૃતો ઽભૂત્ । યાવન્તિ ચ ગઙ્ગાનદીવાલુકોપમાનિ બુદ્ધક્ષેત્રાણિ તાનિ ચ સર્વાણિ તેનાવભાસેન સ્ફુટીકૃતાન્ય્ અવભાસિતાન્ય્ અભૂવન્ । યે ચ તેષુ બુદ્ધક્ષેત્રેષુ બુદ્ધા ભગવન્તો ઽનેકસિંહાસનકોટીનિયુતશતસહસ્રવ્યૂહકૂટાગારવિમાનેષુ ધર્મં દર્શયતિ સ્મ । સાર્ધં ( મ્પ્_5 ) મહાશ્રાવકૈર્ બોધિસત્વૈર્ ભિક્ષુભિક્ષુણ્યુપાસકોપાસિકાભિર્ દેવનાગયક્ષગન્ધર્વાસુરગરુડકિન્નરમહોરગૈઃ સાર્ધમ્ ॥
અથ ખલુ ભગવાંસ્ તાં વિસ્તીર્ણાં પરિષદામ્ આમન્ત્રયતે સ્મ ॥
અથાતો મહાપ્રતિસરાં મહાવિદ્યાં પ્રવક્ષામિ સર્વસત્વાનુકમ્પયા ।
ધારણી દુષ્કૃતસ્યૈવ સર્વદુષ્ટપ્રમર્દની ।
યસ્યાશ્રવણમાત્રેણ પાપા ગચ્છન્તિ સંક્ષયમ્ ॥
સુખદા સર્વસત્વાનાં સર્વવ્યાધિપ્રમોચની ।
કારુણ્યાત્ સર્વસત્વાનાં લોકનાથેન ભાષિતા ॥
પરિત્રાણાય સર્વેષાં દેહિનાં પાપકારિણામ્ ।
અનયા કૃતરક્ષસ્ તુ પ્રવિશેદ્ અસુરાલયમ્ ॥
અડકવતીં તથા ગચ્છેદ્ યક્ષાણામ્ આલયં ભુવિ ।
ભૂતનાગપિશાચાનાં યુદ્ધે ભૈરવદારુણે ॥
અધૃષ્યઃ સર્વશત્રૂણાં સર્વભૂતગણૈર્ અપિ ।
ગ્રહા સર્વે વિનશ્યન્તિ નામ ગ્રહણકીર્તનૈઃ ॥
સ્કન્ધોન્માદા અપસ્મારાઃ પિશાચા ડાકિણીગ્રહાઃ ।
ઓજોભક્ષા મહાતેજા હિંસન્તે માનુષીપ્રજામ્ ॥
તે સર્વે સ્તમ્ભિતા ભોન્તિ પ્રતિસરાયાસ્ તુ તેજસા ।
પરચક્રા વિનશ્યન્તિ કાખોર્દા યે ચ દારુણાઃ ॥

મન્ત્રકર્મા ન બાધન્તે મૂલકર્માચ્ ચ મુચ્યતે ।
ન વિષં ન ગરં નાગ્નિર્ ન શસ્ત્રં નૈવ ચોદકમ્ ॥
અશનિર્ વિદ્યુતશ્ ચૈવ કાલવાયુર્ ન બાધતે ।
સર્વશત્રૂન્ પ્રમથ્નાતિ વિદ્યારાજ્ઞો હિ તેજસા ॥
ઉપસર્ગા વિનશ્યન્તિ વ્યાધયો ન ભવન્ત્ય્ અપિ ।
સર્વે ઽર્થાસ્ તસ્ય સિધ્યન્તિ જયં પ્રાપ્નોતિ નિત્યશઃ ॥
યઃ કશ્ચિદ્ ધારયેદ્ વિદ્યાં કણ્ઠે બાહૌ ચ નિત્યશઃ ।
તસ્ય સર્વાણિ કાર્યાણિ સિધ્યન્તે નાત્ર સંશયઃ ॥
નિત્યં રક્ષન્તિ દેવેન્દ્રા નાગરાજાસ્ તથૈવ ચ ।
બોધિસત્વા મહાવીર્યા બુદ્ધાઃ પ્રત્યેકનાયકાઃ ॥
શ્રાવકાઃ સર્વબુદ્ધાનાં વિદ્યાદેવ્યો મહાબલાઃ ।
રક્ષાં કુર્વન્તિ સતતં પ્રતિસરાધારકસ્ય વૈ ॥
વજ્રપાણિશ્ ચ યક્ષેન્દ્રો રાજાનશ્ ચતુરસ્ તથા ।
તસ્ય રક્ષાં કરિષ્યન્તિ દિવા રાત્રૌ ન સંશયઃ ॥
શક્રશ્ ચ ત્રિદેશૈઃ સાર્ધં બ્રહ્મા વિષ્ણુર્ મહેશ્વરાઃ ।
નન્દિકેશો મહાકાલઃ કાર્તિકેયો ગણેશ્વરઃ ॥
સર્વે માતૃગણાસ્ તસ્ય તથાન્યે મારકાયિકાઃ ।
ઋષયશ્ ચ મહાતેજા દેવાશ્ ચૈવ મહર્દ્ધિકાઃ ॥
નિત્યં રક્ષાં કરિષ્યન્તિ પ્રતિસરાધારકસ્ય વૈ ।
બુદ્ધાશ્ ચૈવ મહાત્માનો વિદ્યાદેવ્યો મહાબલાઃ ॥
મહાવીર્યા મહાતેજા મહાબલપરાક્રમાઃ ।
મામકી ભૃકુટી ચૈવ તારાદેવી તથાઙ્કુશી ॥
વજ્રસંકલયા શ્વેતા મહાશ્વેતા તથૈવ ચ ।
મહાકાલી ચ દૂત્યશ્ ચ વજ્રદૂત્યસ્ તથાપરાઃ ॥
સુપાશી વજ્રપાશી ચ ચક્રપાણિર્ મહાબલાઃ ।
વજ્રમાલા મહાવિદ્યા તથૈવામૃતકુણ્ડલિઃ ॥
અપરાજિતા મહાદેવી કાલકર્ણી મહાબલાઃ ।
તથા ધન્યા મહાભાગા પદ્મકુણ્ડલિર્ એવ ચ ॥
પુષ્પદન્તી મણિચૂડા સ્વર્ણકેશી ચ પિઙ્ગલા ।
મહાતેજા મહાદેવી ધન્યા ચ વિદ્યુન્માલિની ॥
રાક્ષસ્ય્ ઐકજટા ચૈવ બુદ્ધાક્ષિતિકનાયિકા ।
કાપાલિની મહાભાગા ધન્યા લઙ્કેશ્વરી તથા ॥
અન્યાશ્ ચ બહવો વિદ્યાસત્વાનુગ્રહકારિકાઃ ।
તસ્ય રક્ષાં કરિષ્યન્તિ યસ્ય વિદ્યા કરે સ્થિતા ॥
હારીતી પાઞ્ચિકશ્ ચૈવ શઙ્ખિની કૂટદન્તિની ।
શ્રીદેવી સરસ્વતી ચૈવ તં રક્ષન્તિ સદાનુગાઃ ॥
મહાપ્રતિસરામ્ એતાં યા સ્ત્રી ધારયતે સદા ।
સર્વસિદ્ધિર્ ભવેત્ તસ્યાઃ પુત્રગર્ભા નિત્યશઃ ॥
સુખં ગર્ભાણિ વર્ધન્તે સુખં પ્રસૂયતિ ગુર્વિણી ।
વ્યાધયશ્ ચાપિ નશ્યન્તિ સર્વપાપા ન સંશયઃ ॥

પુણ્યવાન્ બલવાન્ નિત્યં ધનધાન્યં પ્રવર્ધતે ।
આદેયવચનશ્ ચાપિ પૂજનીયો ભવિષ્યતિ ॥
શુચિર્ દ્વારયતે યસ્ તુ સ્ત્રિયો વા પુરુષો ઽથ વા ।
સ ભવેત્ સર્વસત્વાનાં મોક્ષનાથે સમુદયતઃ ॥
સુખિતશ્ ચ ભવેન્ નિત્યં સર્વવ્યાધિવિવર્જિતમ્ ॥
રાજાનો વશગાસ્ તસ્ય સાન્તઃપુરમહાજનાઃ ॥
નિત્યં ચ જ્વલતે લક્ષ્મ્યા પુણ્યરાશિર્ વિવર્ધતે ।
સર્વકલ્પાસ્ તસ્ય સિધ્યન્તિ પ્રવિષ્ટઃ સર્વમણ્ડલે ॥
સર્વત્ર સમયજ્ઞો ઽસૌ જિનસ્ય વચનં યથા ।
દુઃસ્વપ્ના ન પ્રબાધન્તે સર્વપાપહરીપરાઃ ॥
કિલ્બિષાશ્ ચૈવ નશ્યન્તિ પ્રત્યમિત્રાસ્ તથૈવ ચ ।
સર્વગ્રહવિનાશાર્થં ભાષિતા જ્ઞાનમહેશ્વરૈઃ ॥
સર્વકામંગમા હ્ય્ એષા ભાવયેદ્ યસ્ તુ નિત્યશઃ ।
તદ્ ઇદાનીં પ્રવક્ષામિ ભૂતસંઘા શૃણોન્તુ મે ॥
નમો બુદ્ધાય । નમો ધર્માય । નમો સંઘાય । નમઃ સર્વતથાગતાનાં નમો નમઃ । નમઃ સર્વબુદ્ધબોધિસત્વધર્મસંઘેભ્યઃ ॥
તદ્યથા । ઓં વિપુલગર્ભે । વિમલિ જયગર્ભે । ઓં વિપુલવિમલે । વિમલગર્ભે વજ્રજ્વાલાગર્ભે ગતિગહને । ગગને । ગગનવિશોધનિ । સર્વપાપવિશોધનિ । ઓં ગુણવતિ ગગનવિચારિણિ । ગગરિણિ 2 ગિરિ 2 ગિરિણિ 2 ગમરિ 2 ગહ 2 ગર્ગારિ 2 ગગરિ 2 ગંભરિ 2 ગભિ 2 ગહિ 2 ગમનિ 2 ગરે 2 ગુરુ 2 ગુભ 2 ગુહ 2 ગુરુણિચલે । ગુહણિ 2 ગુરુણે 2 ચુલુ 2 ગુચિલે 2 જય વિજય 2 । સર્વભયવિગતે । સર્વગર્ભસંરક્ષણિ । શિરિ 2 તિરિ 2 મિરિ 2 ઘિરિ 2 સમન્તાકર્ષણિ । સર્વશત્રુપ્રમથનિ । રક્ષ 2 માં સર્વસત્વાન્ સર્વભયેભ્યઃ સર્વોપદ્રવેભ્યઃ સર્વવ્યાધિભ્યઃ । ચિરિ 2 વિરિ 2 ધિરિ 2 વિગતાવરણે । વિશોધનિ । વિવિધાવરણવિનાશનિ । મુરિ 2 મુચિ 2 મુલિ 2 ચિલિ 2 કિલિ 2 મિલિ 2 કમલે વિમલે । જયે વિજયે જયાવહે । જયવતિ વિશેષવતિ । ભગવતિ રત્નમુકુટમાલાધરિ । બહુવિવિધવિચિત્રવેશધારિણિ । ભગવતિ મહાવિદ્યાદેવિ રક્ષ 2 ( મ્પ્_8 ) માં સપરિવારં સર્વસત્વાંશ્ ચ સમન્તાન્ સર્વપાપવિશોધનિ । હુરુ 2 મુરુ 2 રક્ષ 2 માં સર્વસત્વાંશ્ ચાનાથાન્ અત્રાણાન્ અપરાયણાત્ પ્રિમોચ્ય સર્વદુઃખેભ્યઃ ચણ્ડે 2 ચણ્ડિ 2 ચણ્ડિનિ 2 વેગવતિ 2 સર્વદુષ્ટનિવારિણિ । વિજયવાહિણિ । હુરુ 2 મુરુ 2 ચુરુ 2 તુરુ 2 આયુઃપાલનિ સુરવરપ્રમથનિ । સર્વદેવગણપૂજિતે । ચિલિ 2 ધિલિ 2 સમન્તાવલોકિતે । પ્રભે 2 સુપ્રભે । સુપ્રભવિશુદ્ધે સર્વપાપવિશોધનિ । ધુરુ 2 ધરણિધરે ધર 2 સુમુ 2 મુસુ 2 રુરુચલે ચાલય સર્વદુષ્ટાન્ પૂરય મે સર્વપાપવિશુદ્ધે આશાં શ્રીવસુધરે જયકમલે । ક્ષિણિ 2 વરદાંકુશે । ઓં પદ્મવિશુદ્ધે । શોધય 2 શુદ્ધે 2 ભર 2 ભિરિ 2 ભુરુ 2 મઙ્ગલવિશુદ્ધે । પવિત્રમુખિ । ખઙ્ગિનિ 2 ખર 2 જ્વલિતશિખરે । સમન્તાવલોકિતપ્રભે । સુપ્રભવિશુદ્ધે । સમન્તપ્રસારિતાવભાસશુદ્ધે । જ્વલ 2 સર્વદેવસમાકર્ષણિ । સત્યપ્રતે । ઓં હ્રીત્રં તર 2 તારય 2 માં સર્વસત્વાંશ્ ચ નાગવિલોકિતે । લહુ 2 હુલુ 2 હુતુ 2 તુરુ 2 કિણિ 2 ક્ષિણિ 2 હુનિ 2 સર્વગ્રહભક્ષણિ । પિઙ્ગલે 2 મુરુ 2 મુચુ 2 મુસુ 2 મુસુરિ રતે । તર 2 નાગવલોકિતે । તારય ભગવતિ અથ મહાદારુણભયેભ્યઃ । સર્વત્ર સમન્તેન વજ્રપ્રાકારવજ્રપાશબન્ધેન વજ્રજ્વાલાવિશુદ્ધે । ભુરિ 2 ભગવતિ ગર્ભસંશોધનિ । કુક્ષિસંપૂરણિ । જ્વલ 2 ચલ 2 જ્વાલનિ । વર્ષન્તુ દેવઃ સમન્તેન દિવ્યોદકેન અમૃતવર્ષણિ દેવતાવતારણિ । અભિષિઞ્ચન્તુ માં સુગતવરવચનામૃતવરવપુષે રક્ષ 2 માં સર્વત્ર સર્વદા । સર્વભયેભ્યઃ સર્વોપદ્રવેભ્યઃ સર્વોપસર્ગેભ્યઃ સર્વવ્યાધિભ્યઃ સર્વદુષ્ટભયભીતેભ્યઃ સર્વકલિકલહવિગ્રહવિવાદદુઃસ્વપ્નદુર્નિમિત્તામઙ્ગલપાપવિશોધનિ સર્વયક્ષરાક્ષસનાગવિદારણિ । ચલ 2 બલવતિ । જય 2 વિજય 2 જયતુ સર્વત્ર સર્વકાલં સિધ્યન્તુ મે । ઇયં વિદ્યા સાધય મણ્ડલં ઘાટય વિઘ્નાન્ । જય 2 સિદ્ધે 2 સિધ્ય 2 બુધ્ય 2 પૂરય 2 પૂરણિ 2 પૂરય મે આશાં સર્વવિદ્યોદ્ગતમૂર્તે । જયોત્તરિ જયકરિ જયવતિ । તિષ્ઠ 2 ભગવતિ સમયમ્ અનુપાલય સર્વતથાગતહૃદયશુદ્ધે વ્યવલોકય માં સપરિવારં સર્વસત્વાંશ્ ( મ્પ્_9 ) ચાથ મહાદારુણભયેષુ સર્વાસાં પરિપૂરય ત્રાયસ્વ મહાભયેભ્યઃ । સર 2 પ્રસર 2 સર્વાવરણવિશોધનિ સમન્તાકારમણ્ડલવિશુદ્ધે । વિગતે 2 વિગતમલે । સર્વમલવિશોધનિ । સર્વામઙ્ગલવિશુદ્ધે । સર્વામઙ્ગલવિશોધનિ । ક્ષિણિ 2 સર્વપાપવિશુદ્ધે । મલવિગતે । જયવતિ તેજોવતિ વજ્રવતિ ત્રૈલોક્યાધિષ્ઠિતે સ્વાહા ॥
સર્વતથાગતમૂર્ધાભિષિક્તે સ્વાહા ॥
સર્વબુદ્ધબોધિસત્વાભિષિક્તે સ્વાહા ॥
સર્વતથાગતહૃદયવિશુદ્ધે સ્વાહા ॥
સર્વતથાગતાભિષિક્તે સ્વાહા ॥
સર્વતથાગતહૃદયાધિષ્ઠિતહૃદયે સ્વાહા ॥
સર્વતથાગતહૃદયસિદ્ધે સ્વાહા ॥
ઇન્દ્રે ઇન્દ્રવતિ ઇન્દ્રવ્યવલોકિતે । બ્રહ્મે બ્રહ્માધ્યુષિતે સ્વાહા ॥
વિષ્ણુનમસ્કૃતે સ્વાહા । મહેશ્વરવન્દિતપૂજિતાયૈ સ્વાહા ॥
વજ્રધર વજ્રપાણિબલવીર્યાધિષ્ઠિતે સ્વાહા ॥
ધૃતરાષ્ટ્રાયે સ્વાહા । વિરૂઢકાય સ્વાહા । વિરૂપાક્ષાય સ્વાહા । વૈશ્રમણાય સ્વાહા । ચતુર્મહારાજનમસ્કૃતાય સ્વાહા ॥
યમાય સ્વાહા । યમપૂજિતનમસ્કૃતાય સ્વાહા ॥
વરુણાય સ્વાહા । મારુતાય સ્વાહા । મહામારુતાય સ્વાહા । અગ્નયે સ્વાહા । વાયવે સ્વાહા ॥
નાગવિલોકિતાય સ્વાહા । દેવગણેભ્યઃ સ્વાહા । નાગગણેભ્યઃ સ્વાહા । યક્ષગણેભ્યઃ સ્વાહા । રાક્ષસગણેભ્યઃ સ્વાહા । ગન્ધર્વગણેભ્યઃ સ્વાહા । અસુરગણેભ્યઃ સ્વાહા । ગરુડગણેભ્યઃ સ્વાહા । કિન્નરગણેભ્યઃ સ્વાહા । મહોરગગણેભ્યઃ સ્વાહા । મનુષ્યગણેભ્યઃ સ્વાહા । અમનુષ્યગણેભ્યઃ સ્વાહા ॥
સર્વગ્રહેભ્યઃ સ્વાહા । સર્વભૂતેભ્યઃ સ્વાહા । સર્વપ્રેતેભ્યઃ સ્વાહા । સર્વપિશાચેભ્યઃ સ્વાહા । સર્વાપસ્મારેભ્યઃ સ્વાહા । સર્વકુમ્ભાણ્ડેભ્યઃ સ્વાહ । સર્વપૂતનેભ્યઃ સ્વાહા । સર્વકટપૂતનેભ્યઃ સ્વાહા । સર્વદુષ્ટપ્રદુષ્ટેભ્યઃ સ્વાહા ॥
ઓં ધુરુ 2 સ્વાહા । ઓં તુરુ 2 સ્વાહા । ઓં કુરુ 2 સ્વાહા । ઓં ( મ્પ્_10 ) ચુરુ 2 સ્વાહા । ઓં મુરુ 2 સ્વાહા ॥
હર 2 સર્વશત્રૂન્ સ્વાહા । દહ 2 સર્વદુષ્ટાન્ સ્વાહા । પચ 2 સર્વપ્રત્યર્થિકપ્રત્યમિત્રાન્ સ્વાહા ॥
યે મહાહિતૈષિણસ્ તેષાં સર્વેષાં શરીરં જ્વાલય 2 દુષ્ટચિત્તાનાં સ્વાહા ॥
જ્વલિતાય સ્વાહા । પ્રજ્વલિતાય સ્વાહા । દીપ્તજ્વાલાય સ્વાહા । વજ્રજ્વાલાય સ્વાહા । સમન્તજ્વાલાય સ્વાહા ॥
માણિભદ્રાય સ્વાહા । પૂર્ણભદ્રાય સ્વાહા । કાલાય સ્વાહા । મહાકાલાય સ્વાહા । માતૃગણાય સ્વાહા ॥
યક્ષણીનાં સ્વાહા । રાક્ષસીનાં સ્વાહા । પ્રેતપિશાચડાકિનીનાં સ્વાહા । આકાશમાતૃણાં સ્વાહા । સમુદ્રગામિનીનાં સ્વાહા । સમુદ્રવાશિનીનાં સ્વાહા । રાત્રિચરાણાં સ્વાહા । દિવસચરાણાં સ્વાહા । ત્રિસન્ધ્યચરાણાં સ્વાહા । વેલાચરાણાં સ્વાહા । અવેલાચરાણાં સ્વાહા ॥
ગર્ભહરેભ્યઃ સ્વાહા । ગર્ભાહારિણીભ્યઃ સ્વાહા । ગર્ભસંધારિણીભ્યહ્ સ્વાહા ॥
હુલુ 2 સ્વાહા । ઓં સ્વાહા । ભૂઃ સ્વાહા । ભુવઃ સ્વાહા । ભૂર્ભુવઃ સ્વઃ સ્વાહા ॥
ચિટિ 2 સ્વાહા । વિટિ 2 સ્વાહા ॥

ધરણિ સ્વાહા । ધારણિ સ્વાહા । અગ્નિઃ સ્વાહા તેજોવાયુઃ સ્વાહા ॥

ચિલિ 2 સ્વાહા । શિલિ 2 સ્વાહા । મિલિ 2 સ્વાહા । બુધ્ય 2 સ્વાહા । સિધ્ય 2 સ્વાહા ॥
મણ્ડલબન્ધે સ્વાહા । સીમાબન્ધે સ્વાહા ॥
સર્વશત્રૂન્ ભઞ્જય 2 સ્વાહા । સ્તમ્ભય 2 સ્વાહા । છિન્દ 2 સ્વાહા । ભિન્દ 2 સ્વાહા । 2 સ્વાહા । ભઞ્જ 2 સ્વાહા । બન્ધ 2 સ્વાહા । મોહય 2 સ્વાહા ॥
મણિવિશુદ્ધે સ્વાહા । સૂર્યે સૂર્યવિશુદ્ધે સ્વાહા । ચન્દ્રે પૂર્ણચન્દ્રે સ્વાહા ॥
શોધનિ સ્વાહા । વિશોધનિ સ્વાહા ॥
ગ્રહેભ્યઃ સ્વાહા । નક્ષત્રેભ્યઃ સ્વાહા । શિવેભ્યઃ સ્વાહા । ( મ્પ્_11 ) શાન્તિભ્યઃ સ્વાહા । પુષ્ટિભ્યઃ સ્વાહા । સ્વસ્ત્યયનેભ્યઃ સ્વાહા ॥
શિવંકરિ સ્વાહા । શંકરિ સ્વાહા । શાન્તિંકરિ સ્વાહા । પુષ્ટિંકરિ સ્વાહા । બલવર્ધનિ સ્વાહા । બલવર્ધનંકરિ સ્વાહા । શ્રીકરિ સ્વાહા । શ્રીવર્ધનિ સ્વાહા । શ્રીજ્વાલિનિ સ્વાહા । મુચિ સ્વાહા । નમુચિ સ્વાહા । મુરુચિ સ્વાહા । વેગવતિ સ્વાહા ॥
ઓં સર્વતથાગતમૂર્તે પ્રવરવિગતભયે શમયસ્વ મે ભગવતિ સર્વપાપં સ્વસ્તિર્ મમ સર્વસત્વાનાં ચ સ્વાહા ॥
ઓં મુનિ 2 વિમુનિ 2 ધરિ ચરિ ચલને ભયવિગતે ભયહરિણિ । બોધિ 2 બોધય 2 બુદ્ધિલિ 2 સર્વતથાગતહૃદયજુષ્ટે સ્વાહા ॥
ઓં મુનિ 2 મુનિવરે અભિસિઞ્ચન્તુ માં સર્વસત્વાંશ્ ચ સર્વતથાગતાઃ સર્વવિદ્યાભિષેકૈર્ મહાવજ્રકવચમુદ્રામુદ્રિતૈઃ સર્વતથાગતહૃદયાધિષ્ઠિતવજ્રે સ્વાહા ॥
સમન્તજ્વાલામાલાવિશુદ્ધિસ્ફૂરિતચિન્તામણિમહામૂદ્રાહૃદયાપરાજિતા મહાધારણી તેન ખલુ સમયેન તસ્યામ્ એવ પરિષદિ મહાબ્રાહ્મણઃ સંનિપતિતો ઽભૂત્ । સંનિષણ્ણશ્ ચ ॥
તત્ર ભગવાન્ મહાબ્રાહ્મણમ્ આમન્ત્રયતે સ્મ । અસ્યા મહાપ્રતિસરાયા મહાવિદ્યારાજ્ઞઃ સહસ્રવર્ણમાત્રેણ મહાબ્રાહ્મણ તસ્ય કુલપુત્રસ્ય વા કુલદુહિતુર્ વા સર્વપાપવિનિર્મુક્તિર્ ભવતિ । યસ્ય પુનર્ ઇયં હૃદયગતા ભવિષ્યતિ । સ મહાબ્રાહ્મણ વજ્રકાય ઇતિ વેદિતવ્યઃ । નાગ્નિસ્ તસ્ય કાયે ક્રમિષ્યતિ । કિમ્ ઇતિ સંજ્ઞિતં । યદા કપિલવસ્તુમહાનગરવરે રાહુલભદ્રઃ કુમારો માતુઃ કુક્ષિગતો ઽભૂદ્ યદા ષડ્વર્ષાતિક્રાન્તે સર્વાર્થસિદ્ધેન કુમારેણ મમ નાભિઃ પાદં સુષ્ઠેન પૃષ્ઠો નિર્ગતસ્ તદ્ આજાનામિ । નાન્યત્ કિંચિદ્ ઇતિ । પરિકીર્ણાગ્નિના વિષોદકેન તપ્તકુઠારિકયાતુરયમાનાન્ અત્રાથાપરાજિતા ભવામિ । તદા ગોપયા શાક્યકન્યયા આત્માનમ્ અગ્નિખદાયાં પ્રક્ષિપ્તઃ । તત્ર પદ્મિની પ્રાદુર્ભૂતા । તદા રાહુલભદ્રકુમારો માતુઃ કુક્ષિગતો એવ ઇમાં વિદ્યાં મનસ્ય્ અકર્ષીત્ । અસ્યા વિદ્યાયા અનુસ્મરણમાત્રેણ ( મ્પ્_12 ) સો ઽપિ તસ્મિન્ ક્ષણે શીતીભાવમ્ ઉદાગતઃ । તતો ગોપાયાઃ શાક્યકન્યાયાઃ શરીરમ્ અગ્નિના ન સ્પૃષ્ટમ્ । તત્ કસ્ય હેતોર્ એષા વિદ્યા સર્વતથાગતાધિષ્ઠિતા । તેન હેતુનાયં મહાબ્રાહ્મણો ઽગ્નિર્ ન દહતિ । ન ચ વિષેણ શક્યં તં જીવિતાદ્ વ્યપરોપયિતુમ્ । તત્ કથમ્ ઇતિ ॥
યદા મહાબ્રાહ્મણ શૂર્પારકે મહાનગરવરે કોષવણિકસ્ય શ્રેષ્ઠિનઃ પુત્રો વિદ્યાવાદિકો બભૂવ । તેન તદ્ વિદ્યાબલેન તક્ષકો નાગરાજા આકર્ષિતઃ । આકર્ષયિત્વા ચ પ્રમાણવશાદ્ બદ્ધો નદાન્તો યાવત્ તેનાસૌ ક્રોધાદ્ દષ્ટઃ । સ તીવ્રાં ખરાં કટુકાં વેદનાં વેદયતિ । યથા જાનામિ ચ મે જીવિતં નિરુદ્ધમ્ ઇતિ । તત્ર બહવો વાદિકા આહુતાઃ । ન ચ કશ્ચિચ્ છક્નોતિ વિષં ચિકિત્સિતુમ્ । અથ ત્રૈવ શૂર્પારકે મહાનગરવરે વિમલવિશુદ્ધિર્ નામોપાસિકા પ્રતિવસતિ સ્મ । મહાકરુણાસમન્વાગતા તસ્ય ઇયં મહાવિદ્યારાજ્ઞી જિહ્વાગ્રે ઽભૂત્ । સા તસ્યાન્તિકમ્ ઉપસંક્રાન્તા ઉપસંક્રમ્યેમાં મહાવિદ્યાં પ્રવર્તયામાસ । સા તયૈકવેલાયામ્ અનુસ્મૃતમાત્રયા નિર્વિષં સ્મૃતિપ્રતિલબ્ધં કૃત્વા તતો મહાવ્યસનાત્ પરિમોચયિત્વા ઇમામ્ એવ શુદ્ધિપુત્રે મહાવિદ્યાં હૃદયગતાં કારયતિ સ્મ । યથા વિધિવદ્ અનુજ્ઞાતમ્ ઇતિ ॥
અપિ ચ મહાબ્રાહ્મણ કિં પરિજ્ઞાતમ્ ઇતિ । બારાણાસ્યાં મહાનગર્યામ્ અનુપૂર્વેણાનુવિચરમાણો રાજા બ્રહ્મદત્ત ઇતિ સંખ્યાં ગચ્છતિ । તસ્ય પ્રાતિસીમિકો બલચક્રરાજા ચતુરઙ્ગબલકાયં સંનાહ્ય બારાણસીમહાનગરીં પરિવાર્ય વિનાશયિતુમ્ આરબ્ધઃ । તતો રાજ્ઞા બ્રહ્મદત્તસ્યામાત્યૈર્ નિવેદિતમ્ । દેવ પરચક્રેણ નગરમ્ અપહૃતમ્ । તતઃ કિં તુ ખલુ વયમ્ ઉપાયં કુર્યામો યેનૈતત્ પરચક્રં વિનશ્યેત્ । આજ્ઞાં પ્રયચ્છ । રાજા કથયતિ । અલ્પોત્સુકા ભવન્તો મા ભવત । અસ્તિ મમ મહાપ્રતિસરા નામ વિદ્યારાજ્ઞી । યેનાહમ્ ઇહેમં ચતુરઙ્ગબલકાયં પરાજેષ્યામિ । તથા કરિષ્યામિ । અમાત્યાઃ શિરસા પ્રણિપત્યોચુઃ । કિમ્ ઇદં મહારાજ નાસ્માભિઃ કદાચિદ્ અપિ ન શ્રુતમ્ ઇતિ । રાજા પ્રાહ । અહમ્ ઇદાનીં પ્રત્યક્ષં દર્શનં કરિષ્યામિ । અથ સ રાજા બ્રહ્મદત્તો ( મ્પ્_13 ) નાનાગન્ધોદકેન સ્નાતઃ શિરાઃ શુચિવસ્ત્રં પ્રાવૃત્ય ઇમાં મહાપ્રતિસરાં મહાવિદ્યારાજ્ઞીં યથાવિધિનાભિલિખ્ય શિરઃ કેશે ઽવસ્થાપ્ય ઇમામ્ એવ મહાવિદ્યારાજ્ઞીં કવચં કૃત્વા સંગ્રામમધ્યે ઽવતીર્ય એકાકિનૈવ સર્વાસૌ ચતુરઙ્ગબલકાયઃ પરાજિતઃ । આમર્દિતશ્ ચ તાવદ્ યાવચ્ ચરણં ગતઃ । ઇતિ કૃત્વાસૌ બલચક્રરાજા મુક્ત ઇતિ ॥

એવં હિ મહાબ્રાહ્મણ પ્રત્યક્ષં મહાનુભાવેયં મહાવિદ્યારાજ્ઞી સર્વતથાગતહૃદયમુદ્રાધિષ્ઠિતા । પ્રત્યક્ષમ્ એવેતિ ધારયિતવ્યા । સર્વતથાગતસમૈષા દ્રષ્ટવ્યા । યે કેચિત્ પશ્ચિમે કાલે પશ્ચિમે સમયે અલ્પાયુષ્કાનાં મન્દભાગ્યાનાં મન્દધાન્યાનં પરીત્તભાગ્યાનાં સત્વાનામ્ અર્થાય હિતાય સુખાય દ્રષ્ટવ્યા । યઃ કશ્ચિન્ મહાબ્રાહ્મણ ઇમાં મહાવિદ્યારાજ્ઞીં યથાવિધિના લિખિત્વા બાહૌ કણ્ઠે ધારયિષ્યતિ । સ સર્વતથાગતાધિષ્ઠિતો વેદિતવ્યઃ । સર્વતથાગતકાય ઇતિ વેદિતવ્યઃ । વજ્રકાય ઇતિ વેદિતવ્યઃ । સર્વતથાગતધાતુગર્ભ ઇતિ વેદિતવ્યઃ । સર્વતથાગતનેત્ર ઇતિ વેદિતવ્યઃ । જ્વાલિતાર્ચિશરીર ઇતિ વેદિતવ્યઃ । અભેદ્યકવચ ઇતિ વેદિતવ્યઃ । સ સર્વશત્રૂણાં પ્રમથન ઇતિ વેદિતવ્યઃ । સર્વપાપાવરણનિર્દહન ઇતિ વેદિતવ્યઃ । સર્વનરકગતિવિશોધન ઇતિ વેદિતવ્યઃ । કિમ્ ઇતિ પૂર્વં પરિજ્ઞાતં મહાબ્રાહ્મણ અન્યતમસ્મિં પૃથિવીપ્રદેશે ભિક્ષુશ્રાદ્ધસ્ તથાગતકુલશિક્ષાખણ્ડકો ઽદત્તાદાયી સુખાદ્વારહારકઃ સંઘિકં ચાતુર્દિશિકં સ્તૌપિકં ગણપ્રાપ્તં ચ યદ્ દ્રવ્યં તત્ પૌદ્ગલિકં કૃત્વા સર્વમ્ અધિષ્ઠાય તક્ષયતિ । યાવદ્ અપરેણ સમયેન મહાવ્યાધિના પૃષ્ટઃ । સ મહતીં દુઃખાવેદનામ્ અનુભવતિ । સ તપસ્વી અત્રાણો ઽપરાયણો ઽપ્રતિશરણો મહાન્તસુક્રોશણાશબ્દં કરોતિ । અથ તસ્મિન્ન્ એવ પૃથિવીપ્રદેશે ઉપાસકો બ્રાહ્મણો પ્રતિવસતિ । તેન તચ્ છબ્દઃ શ્રુતઃ । શ્રુત્વા ચ પુનર્ યેન સ ભિક્ષુસ્ તેનોપસંક્રાન્ત ઉપસંક્રમ્ય તસ્ય ભિક્ષોર્ ઇમાં મહાપ્રતિસરાં મહાવિદ્યારાજ્ઞીં લિખિત્વા કણ્ઠે બધ્નાતિ સ્મ । સમનન્તરબદ્ધાયાં મહાપ્રતિસરાયાં મહાવિદ્યારાજ્ઞ્યાં તસ્ય ભિક્ષોઃ સર્વા વેદનાઃ ( મ્પ્_14 ) પ્રશાન્તાઃ સર્વવ્યાધિભ્યઃ પરિમુક્તઃ સ્વસ્થઃ સંવૃત્ત ઇતિ । તસ્યામ્ એવ રાત્ર્યામ્ અત્યયાભ્યુપસ્થિતે સ્મૃતિપ્રતિલબ્ધઃ કાલગતઃ । તસ્મિન્ન્ એવ ક્ષત્રવરે ઉત્સૃષ્ટો ઽવીચૌ મહાનરકે ઉપપન્નઃ । તચ્ ચ તસ્ય મૃતશરીરં ભિક્ષુભિઃ કૂટે સ્થાપિતમ્ । સા ચ તસ્ય મહાપ્રતિસરા મહાવિદ્યારાજ્ઞી કણ્ઠે બદ્ધૈવાસ્થિતા । સમનન્તરોપપન્નસ્ય તસ્ય ભિક્ષોસ્ તસ્મિન્ન્ અવીચૌ મહાનરકે તેષાં નારકાનાં સત્વાનાં સર્વદુઃખવેદનાઃ શાન્તાઃ । તે ચ નારકસત્વાઃ સર્વસુખસમર્પિતા અભૂવન્ । યે ચ તે મહાન્ત-આવિચિકા-અગ્નિસ્કન્ધાસ્ તે ઽપિ સર્વેણ સર્વમ્ ઉપશાન્તા ઇતિ । અથ તે યમપુરુષા વિસ્મયમ્ આપન્ના યમસ્ય ધર્મરાજસ્યેમં નિશ્ચયં વિસ્તરેણારોચયતિ સ્મ ॥
અતિવિસ્મયમ્ ઇદં દેવ દૃષ્યતે નરકસંકટે ।
પ્રશાન્તા દારુણા દુઃખાઃ સત્વાનાં કર્મજાશ્ ચ યે ।
પ્રશાન્તાસ્ તે ઽપિ ચાઙ્ગારા દેહસ્થા દેહિનાશયા ॥
કરપત્ત્રા ન બાધન્તે ક્ષુરધારા ન સજ્જતે ।
અયઃશાલ્મલયો ભગ્નાઃ પ્રશાન્તા લોહકુમ્ભયઃ ॥
અસિપત્ત્રાવને પત્ત્રા ન બાધન્તે કર્મજા પુનઃ ।
યમસ્ ત્વં ધર્મરાજો ઽસિ ધર્મેણ શાસયસે પ્રજામ્ ॥
ઇદં તુ કારણં નાલ્પમ્ અસ્માકં વક્તુમ્ અર્હસિ ।
તતો ઽસૌ ધર્મરાજા વૈ ધર્માત્મા ધર્મનિશ્ચયઃ ॥
કરુણાશયનષ્ટાનાં વાક્યં શ્રુત્વેદમ્ ઈદૃશમ્ ।
કિમ્ એતત્ કથ્યતાં શીઘ્રં કથં ત્વ્ ઇતિ વચો ઽવદત્ ॥
તતસ્ તે દુષ્ટસત્વાનાં યમભૃત્યા સુદારુણાઃ ।
યમસ્ય ધર્મરાજસ્ય ઇદં વચનમ્ અશ્રૂવન્ ॥
અયં દેવ મહાસત્વ ઉત્પન્નો નરકસંકટે ।
અવીચિર્ યસ્ય નામેદં તેનાસૌ નરકસંકટ ઉચ્યતે ॥
કર્માણં યસ્ય વૈચિત્ર્યં સત્વા યે હિ સુખીકૃતમ્ ।
સુખિનો હ્ય્ એવ સર્વત્ર પુનર્ યાન્તિ સુરાલયમ્ ॥
યમો ઽપિ ધર્મરાજા વૈ દૃષ્ટ્વા વદતિ વિસ્મિતઃ ।
મહર્દ્ધિકો ઽયં મહચ્ ચાસ્ય શરીરં પૂર્વો જન્મિકમ્ ॥
યથા ધાતુશતૈર્ વૃન્દં સ્તૂપં શોભતિ શાશ્વતમ્ ।
તથાસ્ય શોભતે કાયઃ પ્રતિસરાબદ્ધકણ્ઠકઃ ॥
અથ તે નરકપાલા યક્ષા યમસ્ય ધર્મરાજસ્ય ઇદં વચનમ્ અબ્રુવન્ । કથમ્ ઇયં દેવ પ્રતિસરેત્ય્ ઉચ્યતે । ધર્મરાજ ઉવાચ । પ્રતિપત્ સ્મારયેદ્ યસ્ તુ સ ન ગચ્છતિ દુર્ગતિં સુગતિં ગચ્છતે ચાસૌ પ્રતિસરાભાવભાવિતઃ । યૂયં નરકપાલા વૈ ગચ્છથ પુષ્કરાવતીં । તદ્ રક્ષથ મહાકૂટં દેવતૈઃ પરિવારિતમ્ । તં દૃષ્ટ્વા સર્વસર્વસખેષુ મૈત્રચિત્તા ભવિષ્યથ । અથ તે યક્ષા યમપુરુષા તસ્યામ્ એવ રાત્ર્યાં પુષ્કરાવતીં ગતાઃ ।
તે પશ્યન્તિ તદા તત્ર રાજધાનીસમીપતઃ ।
તચ્ ચ કૂટં સમન્તેન એકદ્વારાસમાકુલમ્ ॥
મૃતશરીરં પશ્યન્તિ પ્રતિસરાબદ્ધકણ્ઠકમ્ ।

દેવા નાગાશ્ ચ ગન્ધર્વા યક્ષરાક્ષસકિન્નરાઃ ॥
પરિવાર્ય સમન્તેન પૂજાં કુર્વન્ત્ય્ અનુત્તરામ્ ।
યાવત્ તસ્ય ચ તૈર્ યક્ષૈઃ પ્રતિસરાકૂટેતિ નામ સ્થાપિતમ્ ॥
અથ તે યક્ષા પુનર્ આગત્ય યમસ્ય ધર્મરાજસ્યેમં નિશ્ચયં વિસ્તરેણારોચયતિ સ્મ । એવમ્ એતદ્ દેવ ત્વયાભિહિતં । સમનન્તરોદિતે તસ્મિન્ વચનપર્યવસાને મહાસત્વસ્ તં નારકં શરીરં વિજહ્ય ત્રાયસ્ત્રિંશેષુ દેવેષૂપપન્નઃ । તેન હેતુના પ્રતિસરાપૂર્વીદેવપુત્ર ઇત્ય્ ઉચ્યતે । તેન હિ મહાબ્રાહ્મણ પરિજ્ઞાતવતી પૂર્વતસ્ તસ્માદ્ એવેયં મહાપ્રતિસરા ધારયિતવ્યા વાચયિતવ્યા લિખિતવ્યા યથાવિધિના નિત્યં શરીરગતાં કૃત્વા ધારયિતવ્યા । સ નિત્યં સર્વવ્યસનદુઃખેભ્યઃ પરિમુચ્યતે । સર્વદુર્ગતિભયભૈરવેભ્ય ઉત્તરતિ । ન વિદ્યુતા શક્યં પાતયિતુમ્ । કિમ્ ઇતિ વિદ્યુતા પરિજ્ઞાતમ્ ॥
પૂર્વં મહાબ્રાહ્મણ હિઙ્ગુમર્દને મહાનગરે વિમલશઙ્ખો નામ શ્રેષ્ઠી મહાધનકનકસમૃદ્ધઃ પરિપૂર્ણકોશકોશાગારસંપન્નો બભૂવ । સ મહાસાર્થવાહ ઇતિ ખ્યાતવાન્ । અથ સ મહાસાર્થવાહો યાનપાત્રમ્ આસાદ્ય મહાસમુદ્રમ્ અવતીર્ણઃ । ( મ્પ્_16 ) યાવત્ તિમિઙ્ગિલૈઃ સો ઽસ્ય પોતો ઽવસ્તબ્ધઃ વિનાશયિતુકામા નાગાશ્ ચ સંક્ષુબ્ધા મહાન્તગર્જના સ્ફોટં કુર્વન્તિ । વિદ્યુદુલ્કામ્ ઉત્સૃજન્તિ વજ્રાશનિં પ્રવર્ષિતુમ્ આરબ્ધાઃ । તતસ્ તે વણિજો મહતા દુઃખેનાભ્યાહતચિત્તાસ્ તં મહાન્તં નાગસંક્ષોભં વિદ્યુદુલ્કાં વજ્રાશનિં ચોત્સૃજન્તિ તૈશ્ ચ તિમિઙ્ગિલૈઃ પોતમ્ અવસ્તબ્ધં દૃષ્ટ્વા મહાન્તં ઉત્ક્રોશનં શબ્દં કર્તુમ્ આરબ્ધઃ । તે વિશેષૈર્ નાયાચયન્તિ । તતસ્ તે સાર્થવાહસ્યોપગમ્ય કરુણમ્ ઇદં વચનમ્ અબ્રુવન્ । પરિત્રાયસ્વ ત્વં મહાસત્વ મોચયાસ્માન્ મહાભયાત્ । અથ ખલુ મહાસાર્થવાહો દૃઢચિત્તો મહામતિઃ વણિજો વિક્લવીભૂતાન્ ઇદં વચનમ્ અબ્રુવત્ । મા ભૈર્ મા ભૈર્ વણિજો ભવન્તો વીરતાં વ્રજત । અહં વો મોચયિષ્યામ્ય્ અતો દુઃખમહાર્ણવાત્ । તત વીરમાનસો ભૂતા વણિજ ઇદં વચનમ્ અબ્રુવન્ । કિમ્ એતત્ તેન મહાસત્વ બ્રૂહિ શીઘ્રમ્ અવિઘ્નતઃ । યાવદ્ જીવિતમ્ અસ્માકં ત્વત્ પ્રભાવાદ્ મહામતે કથ્યતાં જ્ઞાનમહાત્મ્યં પશ્ચાત્ કિં કરિષ્યસિ ।
તતઃ સાર્થપતિસ્ તેષામ્ ઇમાં વિદ્યામ્ ઉદાહરત્ ।
અસ્તિ મમ મહાવિદ્યા પ્રતિસરા નામ વિશ્રુતા ॥
મર્દની સર્વબુદ્ધાનાં મહાબલપરાક્રમાઃ ।
તેનાહં મોચયિષ્યામિ અતો દુઃખમહાર્ણવાત્ ॥
તતઃ મહાસાર્થવાહસ્ તસ્યાં વેલાયામ્ ઇમાં મહાપ્રતિસરાં મહાવિદ્યારાજ્ઞીં લિખિત્વા ધ્વજાગ્રાવરોપિતાં કરોતિ સ્મ । સમનન્તરં ધ્વજાગ્રાવરોપિતાયામ્ અસ્યાં મહાપ્રતિસરાયાં મહાવિદ્યારાજ્ઞ્યાં સર્વ એવ તે તિમિઙ્ગિલાસ્ તં પોતમ્ એકજ્વાલીભૂતં પશ્યન્તિ । તતસ્ તે નાગા મૈત્રમનસસ્ તેષામ્ અન્તિકે ઽવતીર્ય પૂજાં કર્તુમ્ આરબ્ધાઃ । તે ચ તિમિઙ્ગિલા અસ્યા મહાપ્રતિસરાયા મહાવિદ્યારાજ્ઞ્યા અનુભાવેન દહ્યમાનાઃ । પ્રપલાયિત્વા વિલપં ગતાઃ । સાર્થિકાસ્ તૈર્ મહાનાગૈર્ મહતિ મહારત્નદ્વીપે પ્રાપિતા ઇતિ ॥
જ્ઞાતવતીયં મહાવિદ્યા મહાપ્રતિસરા સર્વતથાગતાધિષ્ઠિતા તેન હેતુના મહાબ્રાહ્મણ મહાવિદ્યેતિ ખ્યાતા । તસ્માદ્ અવશ્યમ્ ( મ્પ્_17 ) એવેયં ધ્વજાગ્રાવરોપિતં કૃત્વા ધારયિતવ્યા । સર્વવાતશીતાકાલમેઘવિદ્યુદશનીં પ્રશમયતિ । સર્વદેવમનુષ્યામનુષ્યવિગ્રહવિવાદેષુ પરિમોચયતિ । સર્વદંષ્ટ્રમશકશરભકપ્રાણકજાતા વિવિધરૂપાઃ ।સસ્યવિનાશકા ન પ્રભવન્તિ । પ્રશમં ગચ્છન્તિ । સર્વદુષ્ટચિત્તા મૃગપક્ષિદંષ્ટ્રિણો વિનશ્યન્તિ । સર્વાણિ ચ પુષ્પફલપત્ત્રવનસ્પત્યોષધિસસ્યાદીન્ય્ અભિવર્ધન્તે । અરસાનિ સ્વાદૂનિ મૃદૂનિ ચ ભવિષ્યન્તિ । સમ્યગ્ એવ પરિપાચિતાનિ ભવિષ્યન્તિ । અતિવૃષ્ટ્યેનાવૃષ્ટિદોષાઃ સર્વેણ સર્વં ન ભવિષ્યન્તિ । કાલવૃષ્ટિર્ ભવિષ્યન્તિ નાકાલવૃષ્ટિઃ । યે ચ તસ્મિન્ વિષયે મહાનાગાસ્ તે સમ્યગ્ એવ કાલેન કાલં વર્ષધારામ્ ઉત્સૃજન્તિ । યસ્મિન્ વિષયે ઇયં વિદ્યારાજ્ઞી મહાપ્રતિસરા નામ પ્રચરિષ્યતિ । તત્ર તૈઃ સત્વૈર્ જ્ઞાત્વા પૂજાસત્કારં કૃત્વા નાનાગન્ધૈર્ નાનાપુષ્પૈર્ નાનાવસ્ત્રૈઃ પરિવેષયિત્વા ચૈત્યસ્યોપરિ ધ્વજાગ્રાવરોપયિતાં કૃત્વા નાનાવાદ્યતૂર્યસંગીતિભિર્ વાદ્યમાનાભિઃ પ્રદક્ષિણીકર્તવ્યા । તતસ્ તેષાં મહાસત્વાનાં યથા ચિઞ્ચિતમ્ આશાં પરિપૂરયિષ્યન્તિ । દેવતાઃ શક્રબ્રહ્મપ્રભૃતયઃ । અથવા યથાયથાવિધિના લિખ્યતે તથાતથા સમૃધ્યતે । પુત્રાર્થી લભતે ગર્ભસંધારણી પરાઃ સુખેન વર્ધતે ગર્ભઃ સુખેનૈવ પ્રસૂયતે । કાલેન વર્ધતે ગર્ભઃ કાલેન પરિમુચ્યતે । કિમ્ ઇતિ મહાબ્રાહ્મણ પૂર્વવચ્ છ્રૂયતામ્ ॥

ઇહૈવ મગધવિષયે રાજા પ્રસારિતપાણિર્ નામ સ ચાપુત્રકો ઽભૂવ । કિમ્ ઇતિ પ્રસારિતપાણિર્ ઇતિ ખ્યાતાન્ । તેન રાજ્ઞા જાતમાત્રેણ પાણિં પ્રસાર્ય માતુઃ સ્તનૌ ગૃહીત્વા યાવદ્ આપ્તં ક્ષીરં પીતમ્ । તૌ ચ સ્તનૌ સહ સ્પર્શમાત્રેણ સુવર્ણવર્ણૌ સંવૃત્તૌ । નિત્યકાલં ચ મહતા ક્ષીરેણ પ્રવર્ધતઃ । તેન કારણેન તસ્ય રાજ્ઞઃ પ્રસારિતપાણિર્ ઇતિ નામ સ્થાપિતમ્ । અન્યચ્ ચ તસ્ય રાજ્ઞઃ યાચનકજના આગચ્છન્તિ । તદા સ રાજા દક્ષિણપાણિં પ્રસારયત્ય્ ઉપર્ય્ અન્તરિક્ષે બોધિસત્વઃ સ રાજા તેન હેતુના તસ્ય બુદ્ધાભિપ્રસન્ના દેવતા દિવ્યૈ રત્નવિશેષૈઃ સુવર્ણમણિભિશ્ ચ પાણિં પરિપૂરયન્તિ । તદા સ રાજા તેભ્યો યાચનકજનેભ્યો ( મ્પ્_18 ) ઽનુપ્રયચ્છન્તિ । યથા ચિન્તમાત્રેણ સર્વયાચનકજનાનાં સર્વસુખસંપત્તિકામાં દદાતિ । દેવાનાં ચ મહાન્તિ પૂજાસત્કારાણિ કરોતિ પુત્રહેતોર્ ન ચ પુત્રં પ્રતિલભતે । સ પૌરાણાં તથાગતચૈત્યાનાં પુરતઃ પૂજાસત્કારં કર્તુમ્ આરબ્ધઃ । મહાન્તિ ચ પૂજાસત્કારાણિ કરોતિ દાનાનિ ચ દદાતિ । ઉપવાસમ્ ઉપવસતિ । મહાન્તિ ચ પુણ્યાનિ ચ કરોતિ । અક્ષિણાન્ય્ એવ દાનાનિ દદાતિ । તત્ કસ્ય હેતોર્ ભૂતપૂર્વં મહાબ્રાહ્મણ અસ્મિન્ન્ એવ મગધવિષયે મલ્લા નામ જનપદે કુશિનગરે મહાપટ્ટનવરે ભગવતઃ પ્રભૂતરત્નસ્ય તથાગતસ્ય શાસને સમુત્પન્નો ધર્મચિત્તકઃ કશ્ચિદ્ મહાસત્વો ધર્મમતિર્ નામ શ્રેષ્ઠી પ્રતિવસતિ । સ સર્વસત્વાનામ્ અન્તિકે મહાકરુણાચિત્તમ્ ઉપસ્થાપ્ય ઇમામ્ એવ મહાવિદ્યાં મહાપ્રતિસરામ્ આરભ્ય ધર્મં દેશયતિ સ્મ । અથ કશ્ચિદ્ એકો દરિદ્રપુરુષસ્ તં ધર્મં શ્રુત્વા તસ્ય શ્રેષ્ઠિન ઇદં વચનમ્ અબ્રુવત્ । અહમ્ આર્યસ્ય નિવેશને ભૃતિકર્મં કરિષ્યામિ ધર્મં ચ શ્રોષ્યામિ । યદા મમ કિંચિદ્ ભવિષ્યતિ તદાહં ધર્મં પૂજયિષ્યામિ । તસ્ય ગૃહવ્યાપારં કુર્વતો ધર્મં ચ શૃણ્વતો યાવદ્ અપરેણ કાલસમયેન શ્રેષ્ઠિના એકો દીનારો દત્તઃ । સ તેન સર્વસત્વપરિત્રાણાર્થં બોધિચિત્તમ્ ઉત્પાદ્ય સાધાઋઅં કૃત્વા મહાપ્રતિસરારત્નેતિ નિર્યાતિતા । એવં પ્રણિધાનં કૃતમ્ અનેન મહાફલેન મમ સર્વસત્વાનાં ચ દારિદ્રદુઃખસંચ્છેદઃ સ્યાત્ । અનેન કારણેન તદ્ દાનં પરીક્ષયં ન ગચ્છતિ । એવં બહુવિધાનેકવિધપુણ્યાભિસંસ્કારકૃતો દેવતાશ્ ચ પૂજિતા યાવદ્ બુદ્ધા ભગવન્તઃ પૂજિતાસ્ તદા ચ શુદ્ધાવાસકાયિકાભિર્ દેવતાભિઃ સ્વપ્ને દર્શનં દત્તમ્ । એવં ચાભિહિતં ભો મહારાજ સમન્તજ્વાલામાલાવિશુદ્ધિસ્ફૂરિતચિન્તામણિર્ મહામુદ્રાહૃદયાપરાજિતા મહાધારણી મહાવિદ્યારાજ્ઞી મહાપ્રતિસરા નામ તં યથાવિધિના કલ્પેનાભિહિતેન ઉપવાસોષિતાયા અગ્રમહિષ્યા દેવ્યાઃ શરીરે બદ્ધા તતસ્ તે પુત્રપ્રતિલમ્ભો ભવિષ્યતીતિ । અથ સ રાજા પ્રતિવિશુદ્ધસ્ તસ્યામ્ એવ રાત્ર્યામ્ અત્યયેન સંખ્યાલિપિનક્ષત્રગ્રહવિપઞ્ચકાન્ કુલબ્રાહ્મણાન્ સંનિપાત્ય યથાવિધિના ( મ્પ્_19 ) કલ્પોપદિષ્ટેન પુષ્યે નક્ષત્રરાજે પ્રતિપન્ને સુસ્નાતગાત્રાયા ઉપવાસોષિતાયા અગ્રમહિષ્યા દેવ્યા યથાવિધિના લિખ્યેમાં મહાપ્રતિસરાં મહાવિદ્યારાજ્ઞીં કણ્ઠે બદ્ધવાન્ । મહતીં મહાબુદ્ધચૈત્યેષુ પૂજામ્ અકર્ષીદ્ અનેકાનિ ચ રત્નવિશેષાણિ સત્વાનાં દાનાનિ દત્તાનિ । તતો નવાનાં માસાનામ્ અભ્યયાત્ પુત્રો જાતો ઽભિરૂપઃ પ્રાસાદિકો દર્શનીયઃ । પરમયા શુભવર્ણપુષ્કલતયા સમન્વાગત ઇતિ ॥
તતો જ્ઞાત્વા મહાબ્રાહ્મણ સર્વકામંગમા અપરાજિતા મહાપ્રતિસરારત્નેતિ વિશ્રુતા મહાવિદ્યારાજ્ઞી સર્વતથાગતપુજિતા શક્રસ્યાપીયં ચૂડામણિઃ સર્વથા ॥
યદા શક્રો દેવાનામ્ ઇન્દ્રો મહાસંગ્રામમ્ અસુરૈઃ સાર્ધં કર્તુકામસ્ તદા ઇમાં મહાવિદ્યાં કવચં કૃત્વા સંગ્રામમધ્યે ઽવતીર્ય ચૂડાયામ્ અવસ્થાપ્ય સર્વાસુરાન્ નિર્જિત્ય સુખં સ્વસ્તિના ક્ષેમેણ દેવપુરં પ્રવિશતિ । સર્વાસુરૈર્ અધૃષ્યો ભવિષ્યતિ । એવં હિ મહાબ્રાહ્મણ પ્રથમચિત્તોત્પાદમ્ ઉપાદાય બોદ્ધિસત્વસ્ય મહાસત્વસ્યેમાં મહાપ્રતિસરાં મહાવિદ્યારાજ્ઞીં ધારયતઃ સર્વમારૈર્ અનવમૃદ્યતા ભવતિ । યસ્યૈષા કણ્ઠગતા ભવિષ્યતિ સ સર્વતથાગતાધિષ્ઠિતો ભવિષ્યતિ । સર્વબુદ્ધબોધિસત્વસંરક્ષિતો ભવિષ્યતિ । સર્વદેવમનુષ્યામનુષ્યરાજરાજામાત્યબ્રાહ્મણગૃહપતિભિશ્ ચ સતતસમિતં વન્દિતઃ પૂજિતઃ સંમાનિતો ભવિષ્યતિ । સર્વદેવાસુરગરુડકિન્નરમહોરગાભ્યર્ચિતઃ પૂજિતો ભવિષ્યતિ । સ મહાસત્વ ઇત્ય્ ઉવાચ । ભગવાન્ મારબલપ્રમર્દકઃ સર્વવ્યાધિવિગતો ભવિષ્યતિ । સર્વે ઽત્યુપદ્રવોપસર્ગાશ્ ચાસ્ય પ્રશામ્યન્તિ । તસ્ય મહાસત્વસ્ય સર્વશોકવિગમો ભવિષ્યતિ । સર્વદેવતાશ્ ચાસ્ય સતતસમિતં રક્ષાવરણગુપ્તિં વિધાસ્યન્તિ । ઇમાનિ ચાનેન ચત્વાર્ય્ અપરાજિતામહાવિદ્યામન્ત્રપદહૃદયાનિ સતતસમિતં લિખિત્વા કાયકણ્ઠગતાનિ કૃત્વા ધારયિતવ્યાનિ । સસમિતં ચ મનસિ કર્તવ્યાનિ । સ્વાધ્યાતવ્યાનિ ભાવયિતવ્યાનિ ચાધ્યાશયેન સર્વદુઃસ્વપ્નદુર્નિમિત્તામઙ્ગલ્યભાવા વિનશ્યન્તિ । સર્વસુખસંપત્તયશ્ ચ પ્રાદુર્ભવિષ્યન્તિ । ( મ્પ્_20 ) અત્ર મન્ત્રપદાઃ સિદ્ધાઃ સર્વકર્મકરાઃ શ્રુતાઃ ॥
તદ્યથા । ઓં અમૃતવરે વર વર પ્રવર વિશુદ્ધે હૂં હૂં ફટ્ ફટ્ સ્વાહા ॥
ઓં અમૃતવિલોકિનિ ગર્ભસંરક્ષણિ આકર્ષણિ હૂં હૂં ફટ્ ફટ્ સ્વાહા ॥ અપરાજિતાહૃદયમ્ ॥
ઓં વિમલે વિપુલે જય વરે અમૃતે હૂં હૂં ફટ્ ફટ્ સ્વાહા ॥
ઓં ભર ભર સંભર સંભર ઇન્દ્રિયબલવિશોધને હૂં હૂં ફટ્ ફટ્ સ્વાહા ॥
ઓં મણિધરિ વજ્રિણિ મહાપ્રતિસરે હૂં હૂં ફટ્ ફટ્ સ્વાહા ॥ ઉપહૃદયવિદ્યા ॥
અશેષૈઃ સર્વબુદ્ધૈર્ બોધિસત્વૈશ્ ચ શ્રાવકૈર્ એકસ્વરસંનિપાતેન એકસ્વરનિર્ઘોષેણ ઇમાનિ ધારણીમન્ત્રપદાનિ ભાષિતાનિ મહાપ્રતિસરામહાવિદ્યારાજ્ઞીહૃદયકવચાન્ય્ એતાનિ મન્ત્રપત્ત્રપદાનિ સર્વતથાગતધર્મમુદ્રયા મુદ્રિતાનિ । અતિદુલ્લભમ્ અપ્ય્ એષાં શ્રવણં કિં પુનઃ લિખનપઠનધારણવાચનપરદેશના બુદ્ધકૃત્યમ્ એતદ્ ઇતિ જ્ઞાતવ્યા । ઇયં હ્ય્ અતીવ સર્વપાપક્ષયંકરા । સર્વતથાગતૈઃ પ્રશંસિતા અનુમોદિતા વ્યાકૃતા પરમદુલ્લભેયં મહાધારણી અપરાજિતા મહાપ્રતિસરા નામધેયં શ્રવણમ્ અપિ પરમદુલ્લભમ્ । ઇયં સર્વપાપક્ષયંકરી । મહાબલપરાક્રમા મહાતેજા મહાપ્રભાવા મહાગુણોદ્ભાવની સર્વમારકાયિકદેવતાવિધ્વંસનકરી । સર્વવાસનાનુસંધિસમુદ્ઘાટનકરી । સર્વમારપાશસમુચ્છેદનકરી પરમન્ત્રમુદ્રાવિષકાખોર્દકિરણપ્રયોગવિદ્વેષણાભિચારકાનાં ચ દુષ્ટચિત્તાનાં વિધ્વંસનકરી । સર્વબુદ્ધબોધિસત્વાર્યગણવરપૂજિતાભિરતાનાં પરિપાલનકરી । મહાયાનોદ્ગ્રહણલિખનવાચનપઠનસ્વાધ્યાયનશ્રવણધારણાભિયુક્તાનાં પરિપાલિકેયં મહાધારણી યાવદ્ બુદ્ધબોધિપરિપૂરયિત્રીયં મહાબ્રાહ્મણ મહાપ્રતિસરા મહાવિદ્યારાજ્ઞી ન ક્વચિત્ પ્રતિજન્યતે સર્વત્ર મહાપૂજાં પ્રાપ્નોતિ યથાહં શાસ્તા જિતવિષયઃ । કિમ્ ઇતિ પૂર્વં પરિજ્ઞાતવતીયં ( મ્પ્_21 ) મહાબ્રહ્મણ મહાવિદ્યારાજ્ઞી સર્વવિઘ્નવિનાયકાનાં વિધવંસયિત્રી ॥

યદા ચ ભગવાન્ વિપુલપ્રહસિતવદનમણિકનકરત્નજ્વલરશ્મિપ્રભાસાભ્યુદ્ગતરાજસ્ તથાગતો ઽર્હન્ સમ્યક્સંબુદ્ધો યેન બોધિમણ્ડલસ્ તેનોપસંક્રાન્ત ઉપસંક્રમ્ય સર્વબુદ્ધપ્રશસ્તં ધર્મચક્રં પ્રવર્તયિતુકામસ્ તદા તસ્ય ભગવતઃ સર્વમારૈઃ સપરિવારૈર્ અનેકમારકોટીનિયુતશતસહસ્રપરિવૃતૈર્ નાનારૂપવિરૂપભયભૈરવશબ્દાકુલૈર્ બહુવિવિધમારવિષયવિકુર્વણાધિષ્ઠાનાધિષ્ઠિતૈર્ નાનાપ્રહરણવૃષ્ટીભિર્ અભિનિર્માયાગત્ય ચતુર્દિશં પરિવાર્યાન્તરાયઃ કર્તુમ્ આરબ્ધઃ । તતઃ સ ભગવાન્ વિપુલપ્રહસિતવદનમણિકનકરત્નજ્વલરશ્મિપ્રભાસાભ્યુદ્ગતરાજો મુહૂર્તં તૂષ્ણીમ્ આસ્થાય ઇમાં મહાપ્રતિસરાં મહાવિદ્યારાજ્ઞીં મનસા સપ્તકૃત્વઃ પ્રવર્તયામાસ । સમનન્તરં પ્રવર્તયિતાયામ્ અસ્યાં મહાપ્રતિસરાયાં મહાવિદ્યારાજ્ઞ્યાં તત્ક્ષણાદ્ એવ સર્વે તે મારાઃ પાપીયાંસો દદૃશુર્ ભગવત એકૈકસ્માદ્ રોમકૂપવિવરાદ્ અનેકકોટીનિયુતશતસહસ્રાણિ પુરુષાણાં સંનદ્ધકવચાનાં જ્વલિતખઙ્ગપરશુપાશમુદ્ગરાસિમુસરત્રિશૂરહસ્તાનામ્ એવં વાચં પ્રવ્યાહરમાણાનિ ગચ્છન્તિ । ગૃહ્ણત 2 બન્ધત 2 દુષ્ટમારાન્ વિધ્વંસય દુષ્ટચિત્તાન્ વિચૂર્ણય જીવિતં સર્વદુષ્ટગ્રહવિઘ્નવિનાયકાનાં યે ભગવતો વિહેઠનં કુર્વન્તિ । તતસ્ તે સર્વદુષ્ટમારામૈત્રીખઙ્ગેણાભિનિર્જિતાં કૃત્વા કેચિચ્ છિક્ષાપદાનિ ગ્રાહિતા । કેચિદ્ યાવદ્ અનુત્તરાયાં સમ્યક્સંબોધૌ વ્યાકૃતાસ્ તત્ર મહાનુભાવાઃ । અન્યે પુનસ્ તાન્ તથાગતરોમવિવરવિનિર્ગતાન્ મહાપુરુષાન્ દૃષ્ટ્વા તસ્મિન્ નગરે વિહ્વલીભૂતા ઋદ્ધિપરિહીણા નષ્ટપ્રતિભાનબલપરાક્રમા વિધ્વસ્તાઃ । સમસ્તાઃ સમન્તાત્ પ્રપલીના ઇતિ । તતો ભગવતા ધર્મચક્રં પ્રતિવર્તિતમ્ । યથાન્યૈર્ બુદ્ધૈર્ ઇતિ । સર્વવિઘ્નવિનાયકાન્ મારાંશ્ ચ પાપીયાંસો વિધ્વંસયિત્વોત્તીર્ણઃ પારંગત ઇતિ । એવં હિ મહાબ્રાહ્મણ મહાબલવેગર્દ્ધિપારમિતાપ્રાપ્તેયં મહાપ્રતિસરા મહાવિદ્યારાજ્ઞી સ્મરણમાત્રેણ સર્વવ્યસનભયભૈરવેભ્યઃ ( મ્પ્_22 ) પરિમોચયતિ । આશયપરિવિશુદ્ધાનાં સત્વાનાં નાન્યેષાં દુષ્ટચેતસામ્ । તસ્માત્ તર્હિ મહાબ્રાહ્મણ નિત્યમ્ એવાનુસ્મરણમાત્રેણ મનસિ કર્તવ્યા । સર્વકાલં ચ લિખિત્વા કાયકણ્ઠગતાં કૃત્વા ધારયિતવ્યા । કિમ્ ઇતિ પૂર્વવચ્ છ્રૂયતામ્ ॥
ઉજ્જયન્યાં મહાનગર્યાં રાજ્ઞો બ્રહ્મદત્તસ્ય વિહિતે કેનચિત્ પુરુષેણાપરાધઃ કૃતઃ । સ રાજ્ઞા બ્રહ્મદત્તેન વધકપુરુષેભ્ય આજ્ઞપ્તઃ । ભવતો ગચ્છતૈનં પુરુષં જીવિતાદ્ વ્યપરોપયતેતિ । અથ તે વધપુરુષાસ્ તં રાજ્ઞાજ્ઞપ્તં પુરુષં ગૃહીત્વા પર્વતવિવરં નીત્વા અસિકોશાન્ નિષ્કાસ્ય તં પુરુષં જીવિતાદ્ વ્યપરોપયિતુમ્ આરબ્ધઃ । તદા સ પુરુષ ઇમાં મહાપ્રતિસરાં મહાવિદ્યારાજ્ઞીં મનસા સ્મૃતવાન્ લિખિતાં ચ દક્ષિણે બાહૌ બદ્ધ્વા ધારયતિ સ્મ । તસ્ય મહાસત્વસ્યાસ્યા મહાવિદ્યાયાઃ પ્રભાવેનાસિર્ એકજ્વાલીભૂતા ખણ્ડખણ્ડં યથા પાંશુમયો વિકીર્ણ ઇતિ । તતસ્ તે વધકપુરુષા ઇમમ્ એવં નિશ્ચયં રાજં વિસ્તરેણારોચયામાસુઃ । તતો રાજા પ્રકુપિતશ્ ચણ્ડીભૂતઃ કથયતિ । ગચ્છત ભો પુરુષા અન્યતરસ્મિન્ પ્રદેશે યક્ષગુહાસ્તિ । તત્ર બહૂનિ યક્ષશતસહસ્રાણિ પ્રતિવસન્તિ પિશિતાશીનિ । તત્ર નીત્વા છોરયત । તતઃ સ પુરુષો વધકપુરુષૈસ્ તસ્યાં યક્ષગુહાયાં છોરિતઃ । સમનન્તર છોરિતે તસ્મિન્ યક્ષગુહાયાં તતસ્ તે યક્ષાઃ સર્વે તુષ્ટમનસો હૃષ્ટચિત્તાશ્ ચ પ્રધાવિતા માનુષં ભક્ષયિષ્યામ ઇતિ । તે પશ્યન્તિ અસ્યા મહાપ્રતિસરાયા મહાવિદ્યારાજ્ઞ્યા અનુભાવેન તં પુરુષમ્ એકજ્વલીભૂતં દેદીપ્યમાનં વિગ્રહં દૃષ્ટ્વા ચ સર્વ એવ તે યક્ષા સંત્રસ્તા દહ્યમાનં સ્વશરીરં પશ્યન્તિ । અથ તે યક્ષા વિસ્મયં સમાપન્નાસ્ તં પુરુષં ગૃહીત્વા બહિર્દ્વારે ઽવસ્થાપ્ય પ્રદક્ષિણીકર્તુમ્ આરબ્ધાઃ । યાવત્ તૈર્ વધકપુરુષૈ રાજ્ઞે નિશ્ચયો ઽયં વિસ્તરેણારોઇતઃ । તતો ભૂયો રાજા પ્રકુપિતશ્ ચણ્ડીભૂતઃ કથયતિ । યદ્ એવ ભવન્તો ગચ્છતૈનં પુરુષં બદ્ધ્વા નદ્યાં પ્રક્ષિપત । તતઃ સ પુરુષો વધકપુરુષૈર્ બદ્ધ્વા નદ્યામ્ પ્રક્ષિપ્તઃ । સમનન્તરં પ્રક્ષિપ્તે તસ્મિન્ મહાપુરુષે સા નદી નિરુદકી ભૂતા યથ સ ( મ્પ્_23 ) પુરુષઃ સ્થલગત એવ તિષ્ઠતિ । તાનિ ચ બન્ધનાનિ ખણ્ડખણ્ડં વિચૂર્ણિતાનિ । રાજા શ્રુત્વા તતો રાજા વિસ્મિતોત્ફુલ્લવદનઃ કથયતિ । અહો વિસ્મયમ્ ઇદં પુરુષસ્ય દૃશ્યતે । કિમ્ અત્ર કારણં સ્યાદ્ ઇતિ મે વિતર્કઃ । અથ સ રાજા તં પુરુષમ્ આહૂયૈનમ્ આહ । કિં ત્વં ભોઃ પુરુષ જાનાસિ । સ પુરુષ ઉવાચ । નાહં મહારાજ કિંચિદ્ અપિ જાનામિ । અન્યત્ર મહાપ્રતિસરાં મહાવિદ્યારાજ્ઞીં ધારયામિ । અસ્યા એષ દેવ મહાપ્રભાવઃ । રાજા આહ । અહો આશ્ચર્યમ્ ઇદં મહત્ । મહાવિદ્યા સુભાષિતા । મોહની મૃત્યુદણ્ડસ્ય સર્વબુદ્ધૈર્ અધિષ્ઠિતા । તારણી સર્વસત્વાનાં સર્વદુઃખપ્રમોચની । મહાવિદ્યા મહાતેજા અકાલમૃત્યુમોચની । ભાષિતા કારુણિકૈર્ નાથૈર્ મહારોગનિવારિણી । તતો રાજ્ઞા પ્રહૃષ્ટમાનસેન મહાપ્રતિસરા મહાવિદ્યારાજ્ઞી પૂજિતા માનિતાભિનન્દિતા । તસ્ય પુરુષસ્ય પોટ્ટબન્ધં કૃત્વા સ્વસ્ય જનપદસ્ય પુરસ્તાન્ નગરજ્યેષ્ઠતાયામ્ અભિષેકો દત્તઃ । એવં હિ મહાબ્રાહ્મણ ઇયં મહાપ્રતિસરા મહાવિદ્યારાજ્ઞી સર્વત્ર મહતીપૂજાં લભતે । અનભિક્રમણીયા સર્વદુષ્ટચિત્તૈઃ સર્વૈઃ પૂજનીયા । એવં હિ મહાબ્રાહ્મણ પૂર્વમ્ ઇયં મહાપ્રતિસરા મહાવિદ્યારાજ્ઞી ન ક્વચિત્ પ્રતિહન્યતે । તસ્માદ્ અવશ્યમ્ ઇયં મહાવિદ્યારાજ્ઞી કાયકણ્ઠગતાં કૃત્વા ધારયિતવ્યા । અપિ તુ મહાબ્રાહ્મણ મનુક્ષેત્રેણેયં મહાવિદ્યારાજ્ઞી સુપ્રશસ્તેન વિધાનેન લિખિતવ્યા ॥
અથ સ મહાબ્રાહ્મણો ઽતીવ પ્રહૃષ્ટમનસા ભગવન્તં પઞ્ચમણ્ડલકેનાભિપ્રણમ્ય પ્રષ્ટુમ્ આરબ્ધઃ । કીદૃશેન ભદન્ત ભગવન્ વિધાનેનેયં મહાપ્રતિસરા મહાવિદ્યારાજ્ઞી લિખિતવ્યા ॥
ભગવાન્ આહ ।
શૃણુ મહાબ્રાહ્મણ ત્વામ્ અહં વક્ષ્યે સર્વસત્વાનુકંપયા ।
યેન સત્વાઃ સુખિનો ભોન્તુ મુચ્યતૈ કર્મસંકટાત્ ॥
વ્યાધિતાનાં ચ મોક્ષાર્થં સ્ત્રીણાં ગર્ભસમુદ્ભવમ્ ।
ભવિષ્યતિ ચ સત્વાનાં દારિદ્ર્યવરણરોહણમ્ ॥
ઉપવાસોષિતો ભૂત્વા નક્ષત્રે પુષ્યસંમતે ।
બુદ્ધપૂજાપરો ભૂત્વા ચિત્તમ્ ઉત્પાચ્ય બોધયે ॥
કરુણામ્રેડિતચિત્તેન મૈત્ર્યા ચાપિ સમન્વિતઃ ।
હિતાધાનપરશ્ ચાપિ સર્વસત્વેષુ નિત્યશઃ ॥
સ્નાત્વા ચન્દનકર્પૂરૈઃ કસ્તૂરીસલિલેન ચ ।
શુચિવસ્ત્રાણિ પ્રાવૃત્ય ધૂપિતાનિ ચ ધૂપનૈઃ ॥
તતો મણ્ડલકં કૃત્વા શૃઙ્ગોમયસમન્વિતમ્ ।
પઞ્ચરઙ્ગિકચૂર્ણેન ચિત્રય મણ્ડલં શુભમ્ ॥
પૂર્ણકુમ્ભાશ્ ચ ચતુરઃ પઞ્ચમં મધ્યમણ્ડલે ।
પુષ્પધૂપાશ્ ચ ગન્ધાશ્ ચ દાતવ્યાત્ર મહારિહા ॥
ધૂપનં ચન્દનં ચૈવ સ્પૃક્કાગુરુ તથૈવ ચ ।
પઞ્ચશર્કરા રુક્મા ચ દાતવ્યાત્ર વિધાનતઃ ॥

નાનાવિધાનિ પુષ્પાણિ યથાકાલં યથાવિધિઃ ।
સર્વપુષ્પફલૈર્ બીજૈર્ ગન્ધૈશ્ ચાપિ સુમણ્ડિતાન્ ॥
ઘૃતમાક્ષિકદુગ્ધૈશ્ ચ પાવકૈઃ પયસાદિભિઃ ।
પૂરયેદ્ બલિકુમ્ભાશ્ ચ લક્ષણાદ્ યાન્ સુમઙ્ગલાન્ ॥
સ્થાપયેચ્ ચતુરો દિક્ષુ પઞ્ચમં મધ્યમણ્ડલે ।
સ્થાપનીયાઃ શરાવાંશ્ ચ કોણેષુ ગન્ધપૂરિતાઃ ॥
ચત્વારઃ કીલકાશ્ ચાપિ ખાદિરા દૃઢવેશિતાઃ ।
પઞ્ચરઙ્ગિકસૂત્રેણ વેશયિત્વા વિચક્ષણાઃ ।
સમભાગેન સ્થાપ્યેતાં નિપત્યાન્ મણ્ડલાદ્ બહિઃ ।
એવં કૃતે લિખેદ્ વિપ્ર યદ્ ઇચ્છેત્ સિદ્ધિમ્ આત્મનઃ ॥
શુક્લભોજનભુક્તેન લિખિતવ્યં સુખૈષિણા ।
પટ્ટે વા વસ્ત્રભૂર્જે વાન્યત્ર વા યત્ર કુત્રચિત્ ॥
લિખેત્ સ્ત્રીષુ ચ પુત્રાર્થી સમ્યગ્ગોરોચનેન વૈ ।
મધ્યે ચ દારકં કુર્યાત્ સર્વાલંકારભૂષિતમ્ ॥
રત્નપૂર્ણં તથા પાત્રં વામહસ્તેન ધારયેત્ ।
કાર્યે પદ્મે નિષણ્ણો સૌપ્રફુલ્લિતવિભૂષિતે ॥
મણિહારસુવર્ણં ચ નાનારત્નવિશેષતઃ ।
પ્રવર્ષશ્ ચાપિ કર્તવ્યાશ્ ચતુઃ કોણેષુ પર્વતાઃ ॥
એવં લિખેત્ પ્રયત્નેન યદ્ ઇચ્છેદ્ જીવિતં સુખમ્ ।
કુઙ્કુમેન લિખેત્ પ્રાજ્ઞઃ પુરુષાણાં વિશેષતઃ ॥
તસ્યેપ્સિતાનિ કાર્યાણિ સિધ્યન્તે નાત્ર સંશયઃ ।
નાનારૂપાશ્ ચ કર્તવ્યા મુદ્રાચિહ્નશ્ ચ પદ્મિની ॥
દ્વે પદ્મે અથવા ત્રીણિ ચત્વારિ પઞ્ચ વા લિખેત્ ।
પદ્માનાં ચ તથા કુર્યાત્ કેશરાણિ સમન્તતઃ ॥
સુપુષ્પિતં પદ્મં કુર્વીત સદણ્ડં પટ્ટબદ્ધકમ્ ।
ત્રિશૂલં પદ્મે કુર્વીતાથ કોણં પટ્ટબદ્ધકમ્ ॥
પર્શું કુર્યાત્ તથા પદ્મે અથ પત્રે સમન્તતઃ ।
સખઙ્ગં પદ્મં કુર્વીત તત્ પદ્મં શિતમ્ એવ ચ ॥
શઙ્ખં પદ્મે તથા કુર્યાત્ સર્વત્ર વિધિવિસ્તરમ્ ।
સર્વત્ર વિધિચિહ્નાનિ કારયેત્ સુવિચક્ષણઃ ॥
વર્જયેદ્ બાલરૂપાણિ યત્ર ચિત્તં પ્રદુષ્યતિ ।
દેવરૂપાશ્ ચ કર્તવ્યા નાનાલંકારભૂષિતા ॥
ભિક્ષું વજ્રધરં કુર્યાદ્ દુષ્ટતર્જનં તત્ પરમ્ ।
ચતુરશ્ ચ મહારાજાંશ્ ચતુઃ પાર્શ્વેષુ સંલિખેત્ ॥
બ્રાહ્મણેષ્વ્ ઈશ્વરો લેખ્યઃ ક્ષત્રિયેષુ મહેશ્વરઃ ।
શૂદ્રેષુ ચ સદા સૌમ્યં ચક્રસ્વામિનમ્ આલિખેત્ ॥
વૈશ્યેષુ ચ વૈશ્રમણમ્ ઇન્દ્રશ્ ચૈવ સુરેશ્વરઃ ।
દારકેભ્યઃ સદા લેખ્યઃ પ્રજાપતિર્ મહામતિઃ ॥
સ્યામવર્ણા ભવેદ્ યાતુ રૌદ્રં તસ્યા સમાલિખેત્ ।
ગૌરાયા રૂપસંપન્નો લિખેન્ નિત્યં યશસ્વિનઃ ॥

સ્થૂલાયા માણિભદ્રશ્ ચ લિખિતવ્યં પ્રયત્નતઃ ।
કૃષાયાઃ પૂર્ણભદ્રસ્ તુ મયા હ્ય્ ઉક્તં સ્વયંભુવા ॥
ગુલ્વિણ્યાશ્ ચ મહાકાલો લિખેચ્ ચ બ્રહ્મદેવતાન્ ।
અન્યાશ્ ચાપિ યથાપૂર્વં વિભિનોક્તં સમાલિખેત્ ॥
લિખિત્વૈવ પ્રયત્નેન વિધિદૃષ્ટેન કર્મણા ।
ધારયેત્ સતતં કણ્ઠે ભદ્રં તસ્ય ભવિષ્યતિ ॥
દ્વારાગ્રે ચિન્તામણિં કુર્યાદ્ ધ્વજાગ્રે પદ્મસંસ્થિતમ્ ।
પદ્મસ્ય કેશરે પાશં ચક્રં ચાપિ તથાપરમ્ ॥
વજ્રં પદ્મે તથા લિખ્યં મુદ્ગલં પદ્મસંસ્થિતમ્ ।
શક્તિં લિખેત્ તથા પદ્મે યથાવિધિષુ દૃષ્યતે ॥
દ્વારાગ્રમણયઃ સર્વે વિસ્ફુલિઙ્ગાઃ સમાકુલાઃ ।
પટ્ટબદ્ધાશ્ ચ કર્તવ્યા યથાવિધિષુ કીર્તિતાઃ ॥
નાગાશ્ ચ ફલિનઃ કાર્યામણિદ્વારા નવશીર્ષકાઃ ।
તે ઽપિ સર્વે પ્રયત્નેન હૃદિ વજ્રપ્રસ્થિતાઃ ॥
પાર્થિવાનાં બલં નિત્યં સાર્થવાહં લિખેદ્ બુધઃ ।
વિદ્યાધરાણાં સર્વેષાં દિવ્યાદેવીં સમાલિખેત્ ॥
ચન્દ્રસૂર્યૌ હિ નક્ષત્રૌ રાહુકેતુગ્રહાષ્ટકમ્ ।
લિખેચ્ ચ ખણ્ડાં પાણ્ડાનાં પુત્રલાભો ભવિષ્યતિ ॥
નિશ્ચયાદ્ વિધિના લિખ્ય શાસ્ત્રદૃષ્ટેન કર્મણા ।
તસ્માત્ સર્વપ્રયત્નેન ધારયેત્ મતિમાન્ નરઃ ॥
સર્વસિદ્ધિકરં હ્ય્ એતદ્ મઙ્ગલ્યં પાપનાશનમ્ ।
પ્રાપ્નોતિ પરમં સ્થાનં સ્વયંભૂ વચનં યથા ॥
લોકે ઽસ્મિન્ પરમં સૌખ્યં પરલોકે પરં સુખમ્ ।
ત્રયસ્ત્રિંશદ્ભવનાદૌ સ્થાનં તસ્ય સુરાલયે ॥
જમ્બુદ્વીપે શુભે રમ્યે વિદ્યાસૌખ્યં ચ નિત્યશઃ ।
સર્વબુદ્ધૈર્ ન શક્યં હિ પુણ્યસ્કન્ધપ્રકીર્તિતામ્ ॥
યત્ પુણ્યં સમવાપ્નોતિ પ્રતિસરાધારકો નરઃ ।
નરકદ્વારા પિથિતાઃ સ્વર્ગદ્વારા અપાવૃતાઃ ॥
સુખં સંપત્તિસંપન્નો ભવિષ્યતિ મહામતિઃ ।
બુદ્ધાશ્ ચ બોધિસત્વાશ્ ચ આશ્વાસયન્તિ નિત્યશઃ ॥
કાયેન સુખસંપન્નો બલેન મહતા ભવેત્ ।
યથા તથૈવ જિતેન્દ્રોક્તં ચક્રવર્તી ભવિષ્યતિ ॥
આશ્વાસનં નૃદેવાનાં ત્રાસનં દુષ્ટચેતસામ્ ।
ભવિષ્યતિ ચિરેણાસૌ યસ્ય વિદ્યા સુભાષિતા ॥
નાસૌ હન્યતિ શસ્ત્રેણ ન વિષેણ નાગ્નિના ।
નાકાલમરણં ચાસ્ય દૂરે ગચ્છન્તિ પાપકાઃ ॥
દર્શનાત્ સ્પર્શનાચ્ ચૈવ શ્રવણાદ્ એવ સર્વતઃ ।
ભૂતગ્રહવિવાદાશ્ ચ ઉદકાગ્નિભયં તથા ॥
મૃગાવ્યાડાહયાનાગાવ્યાધયશ્ ચ સુદારુણાઃ ।
તે સર્વે ન ભવિષ્યન્તિ યેષાં વિદ્યા સુભાષિતા ॥

સર્વથા સર્વમારૈસ્ તુ શૃણુ વક્ષામિ તત્વતઃ ।
પૂજનીયા ભવિષ્યન્તિ સર્વસત્વોત્તમા હિતેતિ ॥
આર્યમહાવિદ્યારાજ્ઞો મહાપ્રતિસરાયાઃ પ્રથમકલ્પઃ સમાપ્તઃ ॥
અથાતો વિદ્યાવરસ્ય રક્ષાવિધાનકલ્પં વ્યાખ્યાસ્યામિ સર્વસત્વાનુકમ્પકયા ।
જનરક્ષાવિધાનેન મહાસિદ્ધિર્ ભવિષ્યતિ ।
યત્ર યત્ર કૃતા રક્ષા ભવત્ય્ અબદ્ધો ન સંશયઃ ॥
નિર્ભયં નિર્જ્વલં ચૈવ સર્વગ્રહનિવારણમ્ ।
સુનક્ષત્રાનુકૂલં ચ કર્મસઙ્કલચ્છેદનમ્ ॥
દુર્ભુક્તં દુલ્લઙ્ઘિતં ચૈવ સર્વશત્રુગણૈઃ કૃતમ્ ।
દુષ્પ્રેક્ષિતં દુલ્લિખિતં કાખોર્દા યે ચ દારુણાઃ ॥
ચૂર્ણમન્ત્રકૃતં ચૈવ વિષભુક્તં તથા ગરમ્ ।
સર્વે તસ્ય પ્રશામ્યન્તિ રક્ષાં ધાવયતે તુ યઃ ॥
પ્રત્યઙ્ગિરા વિપચ્યન્તે યો વિદ્યાં સમતિક્રમેત્ ।
પરચક્રદારુણા યે ઽપિ પ્રત્યમિત્રા મહાભયાઃ ॥
સર્વે તે પ્રલપં યાન્તિ પ્રતિસરા સાપતર્જિતાઃ ।
બુદ્ધા રક્ષન્તિ સર્વજ્ઞા બોધિસત્વાશ્ ચ પૂરતાઃ ॥
રક્ષન્તિ પ્રત્યેકબુદ્ધાઃ શ્રાવકાશ્ ચ મહાભયાઃ ।
અન્યે ચ બહુવિધા ભૂયો દેવા નાગા મહાર્દ્ધિકાઃ ॥
રક્ષાં કુર્વન્તિ તસ્યેમે ચાસ્મિન્ યુક્તસ્ય નિત્યશઃ ।
અસ્યાઃ શ્રવણમાત્રેણ વિદ્યારાજ્ઞા નરોત્તમાઃ ॥
નિર્ભયો ભવતિ સર્વત્ર ઇત્ય્ એવં મુનિર્ અબ્રવીત્ ।
દુઃસ્વપ્ના દુષ્કૃતા યે ચ ઉપસર્ગા યે ચ દારુણા ॥
વ્યાધિસ્પૃષ્ટા મહારોગા યે ગ્રસ્તા રાજજન્મના ।
અન્યે ચ બહુવિધા રોગા ગણ્ડલૂતાવિચર્ચિકાઃ ॥
ઇતયો દારુણા યે ચ ગ્રસન્તે માનુષીં પ્રજામ્ ।
મનુષ્યાણાં વિનાશાર્થં હિંસકાશ્ ચ સુદારુણાઃ ॥
સર્વે તે પ્રલપં યાન્તિ રક્ષા યત્ર મહાબલાઃ ।
અનયા કૃતરક્ષસ્ તુ વધ્યપ્રાપ્તો મુચ્યતે ॥
યદિ ગ્રસ્તકાલપાશેન નીતશ્ ચાપિ યમાલયમ્ ।
આયુસ્ તસ્ય વિવર્ધેત પ્રતિસરાલિખનાદ્ અપિ ॥
પરિક્ષીણાયુષો યસ્ તુ સપ્તાહમૃત એવ ચ ।
યાવલ્ લિખિતમાત્રેણ સ જીવતિ ન સંશયઃ ॥
અથ શ્રવણમાત્રેણ કૃતરક્ષા વિધાનતઃ ।
સ્વસ્તિ પ્રાપ્નોતિ સર્વત્ર સુખં જીવતિ ચેપ્સયા ॥
અષ્ટષષ્ઠિસહસ્રાણિ કોટીનિયુતશતાનિ ચ ।
ત્રાયસ્ત્રિંશાશ્ ચ યે દેવા સર્વે શક્રપુરોગમાઃ ॥
રક્ષાર્થં તસ્ય સત્વસ્ય પૃષ્ઠતઃ સમુપસ્થિતઃ ।
ચત્વારો લોકપાલાશ્ ચ વજ્રપાણિર્ મહાબલઃ ॥
વિદ્યા કુલશતૈઃ સાર્ધં રક્ષાં કુર્વન્તિ નિત્યશઃ ।
સોમઃ સુમતાઃ સૂર્યશ્ ચ બ્રહ્મા વિષ્ણુર્ મહેશ્વરાઃ ॥

યમશ્ ચ માણિભદ્રશ્ ચ બલદેવો મહાબલઃ ।
પૂર્ણભદ્રો મહાવીરો હારીતી ચ સપુત્રિકા ॥
પાઞ્ચાલઃ પાઞ્ચિકશ્ ચૈવ કાર્તિકેયો ગણેશ્વરઃ ।
શ્રીર્ અપિ ચ મહાદેવી વૈશ્રમણઃ સરસ્વતી ॥
શઙ્ખિની કૂટદન્તી ચ તથૈકજટાપિ ચ ।
ધન્યા એતા મહાભાગા રક્ષાં કુર્વન્તિ નિત્યશઃ ॥
ષણ્ઢાનાં પુત્રજનની ગર્ભસ્થાનવિવર્ધની ।
રક્ષેયં મહતી ચાસ્ય યાવદ્ જીવં ભવિષ્યતિ ॥
નરાણાં જયદા નિત્યં યુદ્ધે સંગ્રામભૈરવે ।
અનયા વરદા ભોન્તિ દેવતા ધર્મનિશ્ચિતા ॥
અથ પાપવિનાશે તુ લિખનાદ્ એવ સેત્સ્યતિ ।
તથાગતા વિલોક્યન્તિ બોધિસત્વાસ્ તથૈવ ચ ॥
યશશ્ ચ વર્ધતે તસ્ય પુણ્યમ્ આયુશ્ ચ વર્ધતે ।
ધનધાન્યં સમૃદ્ધિશ્ ચ ભવિષ્યતિ ન સંશયઃ ॥
સુખં સ્વપિતિ મેધાવી સુખં ચ પ્રતિબુધ્યતે ।
અધૃષ્યઃ સર્વશત્રૂણાં સર્વભૂતગણૈર્ અપિ ॥
સંગ્રામે વર્તમાનસ્ય જયો ભવતિ નિત્યશઃ ।
વિદ્યાયાં સાધ્યમાનાયામ્ ઇયં રક્ષા અનુત્તરા ॥
સુખં સાધયતે વિદ્યાં વિઘ્નો ઽસ્ય ન ભવિષ્યતિ ।
સિધ્યન્તિ સર્વકલ્પાશ્ ચ પ્રવિષ્ટઃ સર્વમણ્ડલે ॥
ક્ષિપ્રં ચ સમયજ્ઞો ઽસૌ ભવેત્ સર્વત્ર જાતિષુ ।
વૈસ્વાસિકશ્ ચ સ ભવેજ્ જિનાનાં ગુણધારણૈઃ ॥
સર્વમઙ્ગલસંપન્નઃ સર્વસિદ્ધિર્ મનોરથઃ ।
અસ્યાં લિખિતમાત્રાયાં સર્વસૌખ્યં સમૃધ્યતિ ॥
સુખં કાલક્રિયાં કૃત્વા ભવેત્ સ્વર્ગપરાયણઃ ।
વિવાદે કલહે ચૈવ વિગ્રહે પરમદારુણે ॥
સર્વભયવિનિર્મુક્તો જિનોક્તવચનં યથા ।
નિત્યં જાતિસ્મરા ભોન્તિ જાતૌ ન સંશયઃ ॥
રાજાનો વશગાસ્ તસ્ય ચાન્તઃપુરમહાજનાઃ ।
સામાત્યશ્ ચ ભવેન્ નિત્યં સાધુભિર્ લોકસમતૈઃ ॥
સર્વેષાં ચ પ્રિયો ભોન્તિ યે દેવા યે ચ માનુષાઃ ।
રક્ષાં તસ્ય કરિષ્યન્તિ દિવા રાત્રૌ ચ નિત્યશઃ ॥
અત્ર મન્ત્રપદાઃ સિદ્ધાઃ સમ્યક્સંબુદ્ધભાષિતાઃ ।
નમો બુદ્ધાય । નમો ધર્માય । નમઃ સંઘાય ॥
નમો ભગવતે શાક્યમુનયે મહાકારુણિકાય તથાગતાયાર્હતે સમ્યક્સંબુદ્ધાય ।
નમઃ સમન્તેભ્યઃ સમ્યક્સંબુદ્ધેભ્યઃ ॥
ભાવનૈતાં નમસ્કૃત્ય બુદ્ધશાસનવૃદ્ધયે ।
અહમ્ ઇદાનીં પ્રવક્ષામિ સત્વાનુકંપયા ॥
ઇમાં વિદ્યાં મહાતેજાં મહાબલપરાક્રમામ્ ।
યસ્યાં ભાષિતમાત્રાયાં મુનિના વજ્રપાશને ॥

મારાશ્ ચ મારકાયાશ્ ચ ગ્રહાઃ સર્વે વિનાયકાઃ ।
વિઘ્નાશ્ ચ સન્તિ યે કેચિત્ તત્ક્ષણાદ્ વિલપં ગતાઃ ॥
તદ્યથા । ઓં ગિરિ 2 ગિરિણિ 2 ગિરિવતિ ગુણવતિ આકાશવતિ । આકાશવિશુદ્ધે । આકાશે । ગગણતલે । આકાશવિચારિણિ । જ્વલિતશિખરે । ( મ્પ્_30 ) મણિમૌક્તિખચિતમૌલિવરે સુકેશે । સુવેશે । સુવક્ત્રે સુનેત્રે । સુવર્ણે સુવર્ણગૌરે । અતીતે । અનાગતે । પ્રત્યુત્પન્ને । નમઃ સર્વેષાં બુદ્ધાનાં જ્વલિતતેજસામ્ । બુદ્ધે સુબુદ્ધે । ભગવતિ સુરક્ષણિ । સુક્ષેમે સુપ્રભે । સુદમે સુદાન્તે । વરે વરદે । ભગવતિ ભદ્રવતિ । ભદ્રે સુભદ્રે । વિમલે જયભદ્રે । ચણ્ડે પ્રચણ્ડે । ચણ્ડિ 2 વજ્રચણ્ડે ઘોરિ ગન્ધારિ ગૌરિ ચણ્ડાલિ માતઙ્ગિ વર્ચસિ । સુમતિ । પુક્કસિ । શવરિ શાવરિ । શંકરિ દ્રમિડિ દ્રામિડિ રૌદ્રિણિ । સર્વાર્થસાધનિ ।
હન 2 સર્વશત્રૂન્ । દહ 2 સર્વદુષ્ટાન્ પ્રેતપિશાચડાકિનીનાં મનુષ્યામનુષ્યાણાં ચ । પચ 2 હૃદયં વિધ્વંસય જીવિતં સર્વદુષ્ટગ્રહાણાં નાશય સર્વપાપાનિ મે ભગવતિ । રક્ષ 2 માં સપરિવારં સર્વસત્વાંશ્ ચ સર્વત્ર સર્વદા સર્વભયોપદ્રવેભ્યઃ સર્વદુષ્ટાનાં બન્ધનં કુરુ 2 સર્વકિલ્બિષનાશનિ । માર્તણ્ડે મૃત્યુદણ્ડનિવારિણિ માનિનિ । ચલે વિચલે । ચિટિ 2 વિટિ 2 નિટિ નિતુટે । ઘોરિણિ વીરિણિ । પ્રવરસવરે । ચણ્ડાલિ । માતઙ્ગિ । રુન્ધસિ । વર્ચસિ । સુમતિ પુક્કસિ । શવરિ શાવરિ । શંકરિ દ્રમિડિ દ્રામિડિ । દહનિ । પચનિ પાચનિ । મર્દનિ । સરલે 2 સરલંભે । હીનમધ્યોત્કૃષ્ટવિદારિણિ । મહિલે 2 મહામહિલે । નિગડે 2 નિગડભઞ્જે । મત્તે । મટ્ટિનિ । દાન્તે । ચક્રે ચક્રવાકિનિ । જ્વલે 2 જ્વાલિનિ । શવરિ શાવરિ સર્વવ્યાધિહરણિ । ચૂડિ 2 ચૂડિનિ 2 મહાચૂડિનિ । નિમિ 2 નિમિન્ધરિ । ત્રિલોકદહનિ । ત્રિલોકાલોકકરિ । ત્રૈધાતુકવ્યવલોકનિ । વજ્રપરશુપાશમુઙ્ગરાસિચક્રત્રિશૂલચિન્તામણિમહાવિદ્યાધારિણિ । રક્ષ 2 માં સર્વસ્થાનગતં સર્વદુષ્ટભયેભ્યઃ સર્વમનુષ્યામનુષ્યભયેભ્યઃ સર્વભયેભ્યઃ સર્વવ્યાધિભ્યઃ । વજ્રે વજ્રવતિ વજ્રપાણિધરે । હિલિ 2 મિલિ 2 કિલિ 2 ચિલિ 2 સિલિ 2 વર 2 વરદે ।
સર્વત્ર જયલબ્ધે સ્વાહા । સર્વપાપવિદારિણિ સ્વાહા । સર્વવ્યાધિહરિણિ સ્વાહા । સંભરણિ સ્વાહ । સર્વશત્રુભયહરિણિ સ્વાહા । સ્વસ્તિર્ ભવતુ મમ સર્વસત્વાનાં ચ સ્વાહા । શાન્તિંકરિ સ્વાહા । પુષ્ટિંકરિ સ્વાહા । બલવર્ધનિ સ્વાહા । ઓં જયતુ જયે ( મ્પ્_31 ) જયવતિ કમલે વિમલે સ્વાહા । વિપુલે સ્વાહા । સર્વતથાગતમૂર્તે સ્વાહા । ઓં ભૂરિ મહાશાન્તિ સ્વાહા । ઓં ભૂરિ 2 વજ્રવતિ સર્વતથાગતહૃદયપૂરણિ આયુઃસંધારણિ । બલ 2 બલવતિ જય વિદ્યે હૂં હૂં ફટ્ ફટ્ સ્વાહા । ઓં મણિધરિ વજ્રિણિ । મહાપ્રતિસરે હૂં હૂં ફટ્ ફટ્ સ્વાહા ॥
યસ્ય કસ્યચિત્ મહાબ્રાહ્મણ અનયા તથાગતમૂર્ત્યા વિદ્યામન્ત્રપદધારિણ્યા રક્ષા કૃતા ગુપ્તિઃ પરિત્રાણં પરિગ્રહં પરિપાલનં શાન્તિઃ સ્વસ્ત્યયનં દણ્ડપરિહારઃ શસ્ત્રપરિહારો વિષદૂષણં વિષનાશનં કૃતો ભવેત્ ।
તસ્ય પરીક્ષીણામ્ આયુઃ પુનર્ એવ વિવર્ધતે ।
સુચિરં સુખં જીવતિ સ્મૃતિસંપન્નશ્ ચ ભવતિ ॥
ઉચ્ચારણમાત્રેણ વજ્રાવમર્જનેન વા અકાલમરણાત્ મહાવ્યાધિભ્યશ્ ચ પરિમુચ્યતે । સર્વરોગાશ્ ચાસ્ય પ્રશામ્યન્તિ । દીર્ઘમ્લાનાન્ય્ અવમાર્જનમાત્રેણ પ્રશમં ગચ્છન્તિ । દિને દિને સ્વાધ્યાયં કુર્યાન્ મહાપ્રાજ્ઞો ભવતિ । ઓજોબલવીર્યપ્રતિભાનસંપન્નો ભવતિ । સર્વકર્માવરણાનિ ચાસ્ય નિયતવેદનીયાનિ નિરવશેયં પરિક્ષયં ગચ્છન્તિ । સર્વબુદ્ધબોધિસત્વદેવનાગયક્ષાદીનિ ચાસ્ય ઓજોબલવીર્યં કાયે પ્રક્ષેપ્સ્યન્તિ । મહાપ્રીતિર્ બહુલો ભવિષ્યતિ । અન્તશો મહાબ્રાહ્મણ ઇયં મહાવિદ્યામન્ત્રપદરક્ષા તિર્યગ્યોનિગતાનામ્ અપિ મૃગપક્ષિણાં યેષાં કર્ણપુટે વિપતિતે સર્વે વૈવર્ત્તિકા ભવિષ્યન્ત્ય્ અનુત્તરાયાં સમ્યક્સંબોધૌ । કઃ પુનર્ વાદો ય ઇમાં મહાપ્રતિસરાં ધારણીં શ્રાદ્ધઃ કુલપુત્રો વા કુલદુહિતા વા ભિક્ષુર્ વા ભિક્ષુણી વા ઉપાસકો વા ઉપાસિકા વા રાજા વા રાજપુત્રો વા રાજામાત્યો વા બ્રાહ્મણો વા ક્ષત્રિયો વા તદ્ અન્યો વા યઃ કશ્ચિચ્ છ્રોક્ષતિ શ્રુત્વા ચ મહત્યા શ્રદ્ધયા ગૌરવેણાધ્યાશયેન લિખિષ્યતિ લિખાપયિષ્યતિ ધારયિષ્યતિ વાચયિષ્યતિ । તીવ્રેણ મનસા ભાવયિષ્યતિ । પરેભ્યશ્ ચ વિસ્તરેણ સંપ્રકાશયિષ્યતિ । તસ્ય મહાબ્રાહ્મણાષ્ટૌ અકાલમરણાનિ પ્રતિકાંક્ષિતવ્યાનિ ન પ્રભવન્તિ । ન ચાસ્ય કાયે મહાવ્યાધયો ભવિષ્યન્તિ । નાગ્નિર્ ન વિષં ન શસ્ત્રં ન ગરં ( મ્પ્_32 ) ન કાખોર્દા ન કિરણા ન મન્ત્રકર્મણં ન ચૂર્ણયોગો નાઙ્ગશૂલં ન શિરોવર્તિ એકાહિકં દ્વૈતીયકં ચાતુર્થકં સપ્તાહિકા વા જ્વાલા ન ક્રમિષ્યન્તિ । સ સ્મૃત એવ સુખં સ્વસ્તિના સ્વપિતિ । સ્મૃત એવ વિબુધ્યતે । મહાપરિનિર્વાણલાભી ભવિષ્યતિ । સકૃત્સહધર્મેણ મહદ્ ઐશ્વર્યં ચાધિગચ્છન્તિ । સ યત્રયત્રોપપદ્યતે તત્રતત્ર જાતૌ જાતૌ જાતિસ્મરો ભવિષ્યતિ । સર્વસત્વાનાં ચ પ્રિયો ભવિષ્યતિ । વન્દનીયશ્ ચ પુદ્ગલો ભવિષ્યતિ । સર્વનરકગતિતિર્યગ્યોનિગતિગણપ્રેતોપપત્તિભ્યશ્ ચ પરિમુક્તો ભવિષ્યતિ । યથા ચાર્કમણ્ડલં સર્વસત્વાનાં તથા રશ્મ્યાવભાસકરો ભવિષ્યતિ । યથા ચન્દ્રમણ્ડલમ્ અમૃતેન પ્રભવતા સર્વસત્વાનાં કાયં પ્રહ્રદયતિ તથા ધર્મામૃતેન સર્વસત્વાનાં ચિત્તસન્તાનાનિ પ્રહ્રદયિષ્યતિ । સર્વદુષ્ટયક્ષરાક્ષસભૂતપ્રેતપિશાચોન્માદાપસ્મારડાકિનીગ્રહવિઘ્નવિનાશકાદયઃ સર્વે ઽસ્ય મહાપ્રતિસરાયા મહાવિદ્યાયાઃ પ્રભાવેન ન શક્તા વિહેઠનાં કર્તુમ્ । ઉપસંક્રામતાં ચ તેષામ્ ઇયં મહાવિદ્યારાજ્ઞી સ્મર્તવ્યા । તતસ્ તે સર્વે દુષ્ટચિત્તા વિદ્યાધરસ્ય વશ્યા આજ્ઞયા શ્રવણવિધેયા ભવિષ્યન્તિ । અસ્યા એવાનુભાવેન યદ્ ઉત મહાપ્રતિસરાયા મહાવિદ્યારાજ્ઞો ન ચાસ્ય શત્રુભયં ભવિષ્યતિ । અનતિક્રમનીયશ્ ચ ભવિષ્યતિ । સર્વશત્રુગણૈ રાજમહારાજામાત્યબ્રાહ્મણગૃહપતિભિશ્ ચ । અન્તશો વધ્યાર્હો ઽપિ વધકપુરુષૈર્ ઉચ્છ્રિતાન્ય્ અપિ શસ્ત્રાણિ ખણ્ડં ખણ્ડં ગચ્છન્તિ પાંશુમયાનીવ વિશીર્યસ્ તતશ્ ચ સમયે સર્વધર્મા અસ્યાભિમુખી ભવિષ્યન્તિ । મહચ્ ચાસ્ય સ્મૃતિબલં ભવિષ્યન્તિ ।
રક્ષોઘ્નં પરમં હ્ય્ એતત્ પવિત્રં પાપનાશનમ્ ।
શ્રીકરં ધીકરં ચૈવ સર્વગુણવિવર્ધનમ્ ॥
સર્વમઙ્ગલકરી હ્ય્ એષાં સર્વામઙ્ગલવિનાશની ।
સુસ્વપ્નદર્શની ચાપિ દુઃસ્વપ્નસ્ય વિનાશની ॥
સ્ત્રીપુંસયોઃ પરારક્ષાવિદ્યેયં હિ મહાબલા ।
અટવીકાન્તારદુર્ગેષુ નિત્યં મુચ્યન્તિ તત્ક્ષણાત્ ॥
સર્વકામાંશ્ ચ લભતે બુદ્ધસ્ય વચને યથા ॥
પથ ઉત્પથમ્ આપન્ના એષાં વિદ્યામ્ અનુસ્મરેત્ ॥
પન્થાનં લભતે શીઘ્રં ભોજનં પાનમ્ ઉત્તમમ્ ।
કર્મણા મનસા વાચા યત્ કૃતં પૂર્વજન્મસુ ॥
અશુભં બહુવિધા કિંચિત્ સર્વં ક્ષયયિષ્યતિ ।
સ્મરણાદ્ ધારણાચ્ ચૈવ ઉદ્ગ્રહાલ્ લિખનાદ્ અપિ ॥
પઠનાદ્ વચનાચ્ ચૈવ જયનાત્ પરદેશનાત્ ।
ભવિષ્યત્ય્ અચિરેણાસૌ સર્વધર્મગતિં ગતઃ ॥
એવં હિ ધર્મરસે પ્રાપ્તે પાપા ગચ્છન્તિ સંક્ષયમ્ ।

સિધ્યન્તે સર્વકર્માણિ મનસા યદ્ યદ્ ઈપ્સિતમ્ ॥
સર્વમૃત્યુભયે ચૈષાં ત્રાણં તસ્ય ભવિષ્યતિ ।
રાજાગ્નિર્ ઉદકં ચૈવ વિદ્યુદ્ વા તસ્કરો ઽપિ વા ॥
યુદ્ધસંગ્રામકલહા દંષ્ટ્રિણો યે ચ દારુણાઃ ।
સર્વે તે પ્રલપં યાન્તિ વિદ્યાયા લક્ષજાયાતઃ ॥
વિદ્યેમાં પરમાં સિદ્ધાં સર્વબુદ્ધૈર્ હિ દેશિતા ।
કીર્તિમાના ન સીદન્તિ બોધિસંભારપૂરયે ॥
સર્વેષુ ચૈવ સ્થાનેષુ ઇમાં વિદ્યાં પ્રયોજયેત્ ।
યાનિ ચેચ્છન્તિ કાર્યાણિ સ્વપરાર્થપ્રસિદ્ધયે ॥
સિધ્યન્તિ અયત્નતસ્થાનિ વિદ્યાતો નાત્ર સંશયઃ ।
નમઃ સર્વતથાગતેભ્યો યે ઽપિ તિષ્ઠન્તિ દશસુ દિક્ષુ ॥
ઓં મણિવજ્રે હૃદયવૈરે મારસૈન્યવિદારિણિ હન 2 સર્વશત્રૂન્ રક્ષ 2 મમ શરીરં સર્વસત્વાનાં ચ વજ્રે 2 વજ્રગર્ભે 2 । ત્રાસય 2 સર્વમારભવનાનિ હૂં હૂં ફટ્ ફટ્ સ્વાહા ॥
બુદ્ધમૈત્રીસર્વતથાગતવજ્રકલ્પાધિષ્ઠિતે સર્વકર્માવરણાન્ય્ અપનય સ્વાહા ॥
તદ્ ઇદાનીં પ્રવક્ષામ્ય્ આતુરાણાં ચિકિત્સાનમ્ ।
ચતુરશ્રં મણ્ડલકં કુર્યાત્ મૃદ્ગોમયસમન્વિતમ્ ॥
પઞ્ચરઙ્ગિકચૂર્ણેન ચિત્રયેદ્ મણ્ડલં શુભમ્ ।

ચતુરઃ પૂર્ણકુંભાંશ્ ચ સ્થાપયેદ્ વિધિના બુધઃ ॥
પુષ્પાણ્ય્ અવકિરેત્ તત્ર ધૂપયેદ્ ધૂપમ્ ઉત્તમમ્ ।
બલિકર્મં ચ કુર્વીત મહાસાહસ્રપ્રમર્દનમ્ ॥
પૂર્વવદ્ ગન્ધપુષ્પાદીન્ દદ્યાચ્ ચાત્ર વિધાનતઃ ।
ચતુરસ્ તીરિકાઃ સ્થાપ્યાઃ સર્વાશ્ ચ પટ્ટબદ્ધકાઃ ॥
સ્થાપયિત્વાતુરં પશ્ચાચ્ છુચિવસ્ત્રસમાવૃતમ્ ।
શુભગન્ધાનુલિપ્તાઙ્ગં પ્રવેશયેત્ મધ્યમણ્ડલે ॥
પૂર્વામુખં નિષદ્યૈતાં એતાં વિદ્યાં ઉદાહરેત્ ।
સપ્તસો જપ્તયા ચાસ્ય રક્ષાં કુર્યાદ્ વિચક્ષણઃ ॥
આતુરસ્ય તતો ઽર્થાય વારાંશ્ ચાપ્ય્ એકવિંશતિ ।
ઉદાહરેદ્ ઇમાં વિદ્યાં સર્વરોગોપશાન્તયે ॥
ભૂયશ્ ચ સપ્તવારાન્ વૈ વરિકુમ્ભં સુમન્ત્રિતમ્ ।
પશ્ચાન્ નિવેશયેદ્ મન્ત્રી વરિપુષ્પં યથાવિધિઃ ॥
ઇત્ય્ એવં દક્ષિણે પાર્શ્વે પ્રક્ષિપેત્ સપ્ત એવ તુ ।
પશ્ચિમા યાન્તુ સપ્તૈવ ઉત્તરાયાં તથા દિશિ ॥
અધ ઊર્ધ્વં તુ સપ્તૈવ કૃતા રક્ષા ભવિષ્યતિ ।
એવં કૃતે દ્વિજશ્રેષ્ઠ સર્વદુઃખાત્ પરિમુચ્યતે ॥
એષા રક્ષા મયા ખ્યાતા શાક્યસિંહેન ભાષિતા ।
નાસ્ત્ય્ અસ્યાઃ પરા કાચિદ્ રક્ષા વિદ્યા ત્રિધાતુકે ॥
ન તસ્ય મૃત્યુર્ ન જરા ન રોગો ન ચ પ્રિયૈર્ જાતુવિયોગભાવઃ । ન ચાપ્રિયૈસ્ તસ્ય હિ સંપ્રયોગો ભવેદ્ ધિયો ભાવિતચિત્તસંતતિઃ । યમો ઽપિ તસ્ય વરધર્મરાજા કરિષ્યતે પૂજાં સગૌરવેણ । કથયિષ્યતે દેવસુરં હિ ગછ ક્ષણિકં મમેદં નરકપુરજ્વારિં કરિષ્યસિ । તતો વિમાનૈઃ સુબહુપ્રકારરિર્ મહર્દ્ધિકો યાતિ સુરાલયં શુભમ્ । એવં હ્ય્ અસૌ નરમરુદ્યક્ષરાક્ષસૈઃ સંપૂજિતસ્ તત્ર સદા ભવિષ્યતિ ।
વજ્રપાણિશ્ ચ યક્ષેન્દ્ર ઇન્દ્ર ચૈવ શચીપતિઃ ।
હારીતી પાઞ્ચિકશ્ ચૈવ લોકપાલા મહાર્દ્ધિકાઃ ॥
ચન્દ્રસૂર્યૌ સનક્ષત્રૌ યે ગ્રહાઃ પરમદારુણાઃ ।
તે ચ સર્વે મહાનાગા દેવતા ઋષયસ્ તથા ॥
અસુરા ગરુડા ગન્ધર્વાઃ કિન્નરાશ્ ચ મહોરગાઃ ।
નિત્યાનુબુદ્ધારક્ષાર્થં યસ્ય વિદ્યામહાબલાઃ ॥
લિખિતાં ધારયેત્ પ્રાજ્ઞો બાહૌ બદ્ધ્વા મહર્દ્ધિકાઃ ।
મહતીં લભતે પૂજાં સંપદં ચાપિ નિત્યશ ઇતિ ॥
મહાપ્રતિસરાયા વિદ્યારાજ્ઞો રક્ષાવિધાનકલ્પો વિદ્યાધરસ્ય સમાપ્તઃ ॥