ક્રિયાસંગ્રહકારિકા · અધ્યાય 1

ક્રિયાસંગ્રહકારિકા
પરીક્ષા ગુરુશિષ્યાણાં ગુરોરધ્યેષણા તતઃ ।
મન્ત્રસેવાં ગુરુઃ કુર્યાત્ તતો ભૂમેઃ પરીક્ષણમ્

દેવતાયોગયુક્તઃ સન્ મહીપૂજાં વિધાય ચ ।
દેવતોત્થાપનં કૃત્વા શોધયેન્મેદિનીં તતઃ

યવાનાં રોપણં કૃત્વા જાઙ્ગુલી ચાપિ પૂજયેત્ ।
સૂત્રં સંપાત્ય યત્નેન વાસ્તુનાગં પરીક્ષયેત્

ઇષ્ટકાલક્ષણં સમ્યગ્ જ્ઞાત્વાદિગ્રહણં તતઃ ।
સમ્યગાયવ્યયૌ જ્ઞાત્વા પ્રાસાદસ્ય ચ લક્ષણમ્

દેવદિક્પાલવસુધાઃ સમ્પૂજ્ય ચ યથાવિધિ ।
ઈતિકારોપણં કૃત્વા હોમં કુર્યાત્ પ્રમોહનમ્

વનયાત્રા તતો દ્વારં સમ્યગુત્થાપયેત્સુધીઃ ।
સંસ્થાપ્ય ચ શિરોદારુ જુહુયાદમૃતાનલમ્

વજ્રાચાર્યપ્રવેશો ઽસ્મિન્ સમાધિત્રયભાવના ।
પરિક્રમાર્થસૂત્રાણાં પાતનં રજસામપિ

અગ્નિક્રિયાવિધાનં ચ પિણ્ડિકાસ્થાપનં તતઃ ।
સવ્યક્ષણેન નિષ્પાદ્ય પ્રતિમાં સ્થાપયેત્તતઃ

ચિત્રકર્મ વલિઃ પિણ્ડી ગણ્ડિકાલક્ષણં તતઃ ।
એતેષાં ચ પ્રતિષ્ઠાનં પ્રવ્રજ્યાગ્રહણં તથા

લક્ષણં ધર્મધાતૂનાં ધ્વજાનામવરોપણમ્ ।
જીર્ણોદ્ધારોપસંહારૌ પૂજયેદ્ ગણમણ્ડલમ્