કિરાતાષ્ટકમ્ · અધ્યાય 1

પ્રત્યર્થિ વ્રાતવક્ષઃસ્થલરુધિરસુરા-
પાનમત્તમ્પૃષત્કં
ચાપે સન્ધાય તિષ્ઠન્ હૃદયસરસિજે
મામકે તાપહન્તા ।
પિઞ્છોત્તંસઃ શરણ્યઃ પશુપતિતનયો
સાવધાનઃ સદા નઃ

આખેટાય વનેચરસ્ય ગિરિજા-
સક્તસ્ય શમ્ભોઃસુતઃ
ત્રાતું યો ભુવનં પુરા સમજનિ
ખ્યાતઃ કિરાતાકૃતિઃ ।
કોદણ્ડઃ છુરિકાધરો ઘનરુચિઃ
પિઞ્છાવતંસોજ્વલઃ
સ ત્વં મામવ સર્વદા રિપુગણ
ત્રસ્તં દયાવારિધે

યો માં પીડયતિ પ્રસહ્ય સતતં
દેહી ત્વદેકાશ્રયં
ભિત્વા તસ્ય રિપોરુરઃ છુરિકયા
શાતાગ્રયા દુર્મતેઃ ।
દેવ ત્વત્કરપઙ્કજોલસિતયા
શ્રીમન્ કિરાતાકૃતે
તત્પ્રાણાન્ વિતરાન્તકાય ભગવન્
કાલારિપુત્રાઞ્જસા

વિદ્ધો મર્મમસુ દુર્વચોભિરસતાં
સન્તપ્તશલ્યોપમૈઃ
દૃપ્તાનાં દ્વિષતામશાન્તમનસાં
ખિન્નોઽસ્મિ યાવદ્ ભૃશં
તાવત્ ત્વં છુરિકાશરાસનધરઃ
ચિત્તે મમાવિર્ભવન્
સ્વામિન્ દેવ કિરાતરૂપ શમય
પ્રત્યર્થિવર્ગં ક્ષણાત્

હર્તું વિત્તધર્મતો મમ રતાઃ-
છોરાશ્ચ યે દુર્જનાઃ
તેષાં મર્મસુ તાડયાશુ વિશિખૈ-
સ્ત્વત્કાર્મુકાન્નિઃસૃતૈઃ ।
શાસ્તારં દ્વિષતાં કિરાતવપુષં
સર્વાર્થદં ત્વામૃતે
પશ્યામ્યત્ર પુરારિપુત્ર શરણં
નાન્યં પ્રપન્નોઽસ્મ્યહમ્

યક્ષપ્રેતપિશાચભૂતનિવહાઃ
દુઃખપ્રદા ભીષણાઃ
બાધાન્તે નરશોણિતોત્સુકધિયો
યે તાં રિપુપ્રેરિતાઃ ।
ચાપજ્યાનિનદૈસ્ત્વમીશ સકલાન્
સંહૃત્ય દુષ્ટગ્રહાન્
ગૌરીશાત્મજ દૈવતેશ્વર કિરા-
તાકાર સંરક્ષ મામ્

દ્રોગ્ધું યે નિરતાસ્ત્વદીયપદપ-
દ્મૈકાન્તભક્તાય મે
માયાઃછન્નકળેબરાશ્ચ વિષદા
નાદ્યૈઃસુદા કર્મભિઃ ।
વશ્યસ્તમ્ભનમારણાદિ કુશલ-
પ્રારમ્ભ દક્ષાનરીન્
દુષ્ટાન્સંહર દેવદેવ શબરા-
કાર ત્રિલોકેશ્વર

તન્વા વા મનસા ગિરાઽપિ સતતં
દોષાં ચિકીર્ષન્ત્યલં
ત્વત્પાદપ્રણતસ્ય મે નિરપરા-
ધસ્યાપિ યે માનવાઃ ।
સર્વાન્ સહેર તાન્ ગિરીશસુત મે
તાપત્રયૌઘાનપિ
ત્વામેકં શબરાકૃતે ભયહરં
નાથં પ્રપન્નોઽસ્મ્યહમ્

કૃષ્ટો રાજભટૈઃ સદાઽપિ પરિભૂતોઅં
ખલૈર્વૈરિભિ-
શ્ચાન્યર્ઘોરતરૈર્વિ પજ્જલનિધૌ
મગ્નોઽસ્મિ દુઃખાતુરઃ
હા હા કિં કરવૈ વિભો શબરવેષં
ત્વામભીષ્ટાર્થદં
વન્દેઽહં પરદૈવતં કુરુ કૃપાં
નાથાર્થ બન્ધો મયિ

સ્તોત્રં યઃ પ્રજપેત્ પ્રશાન્તકરણૈર્-
નિત્યં કિરાતાષ્ટકં
સ ક્ષિપ્રં વશગાન્ કરોતિ નૃપતી-
નાબદ્ધવૈરાનપિ ।
સંહૃત્યાત્મ વિરોધિનઃ ખલજનાન્
દુષ્ટગ્રહાનપ્યસૌ
યાત્યન્તે યમદૂતભીતિરહિતો-
દિવ્યાં ગતિં શાશ્વતીમ્