ખસર્પણસાધન · ભાગ 11

(ખ્સ્_11)
॥ નમઃ શ્રીખસર્પણાય ॥
ઇહ શુભઙ્કરનામા ઉપાસકઃ શુભકર્મકારી કરુણાયમાનઃ સ કિલ પોતલકગમનોદ્યતઃ । ગચ્છન્ ખાડીમણ્ડલે ખસર્પણનામા ગ્રામો ઽસ્તિ તત્રોષિતઃ । તસ્ય તુ ભગવતાર્યાવલોકિત્શ્વરેણ પ્રત્યાદેચો દત્તઃ । મા ગચ્છ ત્વમ્ ઇહાસ્માન્ વૈરોચનાભિસંબોધિતન્ત્રરાજક્રમેણ સ્થાપય તેન મહાન્ સત્વાર્થો ભવિષ્યતિ । તતો ઽસૌ ભગવન્તં શીઘ્રમ્ એવ કારિતવાન્ । ઇત્ય્ એષા શ્રુતિઃ । તત્ર ભગવતઃ સાધનાય દૃઋષ્ટિસંપત્તિઃ ક્રિયતે । તથા હિ
વરં ભિક્ષોઃ શીલવિપત્તિર્ ન પુનર્ દૃષ્ટિવિપત્તિર્ ઇતિ । અતસ્ તત્ર તાવત્ ક્ષણિકાન્ નિરાત્મકાન્ સર્વધર્માન્ વ્યવલોક્ય વ્યપગતસકલવિકલ્પઃ કૃપાશયો ઽહો વતામી સત્વાઃ ક્લેશકર્માદિભિર્ ઉપદ્રુતાઃ । તતો જાતિજરામરણદુઃખૈર્ (ખ્સ્_12) અતીવ પીડ્યમાનાઃ સન્તો ઽનેકપ્રકારદુઃખમ્ અનુભવન્તિ । તતો ઽહં લોકેશ્વરો ભૂત્વા તેષાં દુઃખાદ્ય્ અપનયામિ । સર્વજ્ઞજ્ઞાને પ્રતિષ્ઠાપયામિ । ઇત્ય્ એવં પ્રતિજ્ઞાશયં કૃત્વા સ્વહૃદિ પંકારજસહશ્રદલપદ્મવરાટકમધ્યે અકારજચન્દ્રમણ્ડલોપરિ આં તાં સું ભૃં હં ઇતિ પઞ્ચ બીજાનિ વિન્યસ્ય । એતદ્રશ્મિમાલાભિઃ સઞ્ચોદ્યાનીય તાન્ ગુરુબુદ્ધબોધિસત્વાન્ ગગનતલે પુરોવર્તિનઃ કૃત્વા વન્દનાપૂજાપાપદેચનાત્રિસરણગમનાદિસપ્તવિધાં પૂજામ્ એકદશધાં વા કૃત્વા મૈત્રીકરુણાદિચતુર્બ્રહ્મવિહારી ભાવનાં કુર્યાત્ તતઃ શૂન્યતાજ્ઞાનવજ્રસ્વભાવાત્મકો ઽહમ્ ઇત્ય્ ઉચ્ચાર્ય શૂન્યતાબોધિમ્ કૃત્વા ભગવાન્ અવલોકિતેશ્વરો યોગિનાત્મના ભૂયતે । સ ચ શરચ્ચન્દ્રગૌરઃ । જટામકુટી શિરસિ અમિતાભધારી સર્વાલઙ્કારબૂષિતઃ । રત્નસિંહાસનોપરિ સહસ્રદલપદ્મસ્થઃ । લલિતાક્ષેપઃ દ્વિભુજૈકમુખઃ । વામેન પદ્મધારી । દક્ષિણેનામૃતધારાશ્રવદ્વરદઃ । સત્વપર્યઙ્કાસીનઃ । અગ્રતસ્ તારા કનકશ્યામવર્ણા । ઉન્નતપીનપયોધરા । સર્વાલઙ્કારભૂષિતા । ઉત્પલકલિકાસન્નકરદ્વયાર્પિતનેત્રા । તદનુ સધનકુમારહ્ । કનકોજ્જ્વલઃ । રત્નાભરણો રત્નમુકુટી વામકક્ષાવસક્તમલિકઃ । કૃતાઞ્જલિપુટઃ । તદનુ ભૃકુટી જટામુકુટિની । મૂર્ધ્નિ ચૈત્યાલઙ્કૃતા । કનકોજ્જ્વલા । રક્તવસ્ત્રપરિધાના । દક્ષિણહસ્તેન નમસ્કારં કુર્વાણા । અપરેણાક્ષમાલાધરા । વામકરાભ્યાં ત્રિદણ્ડીકમણ્ડલુવ્યગ્રા । તદનુ હયગ્રીવો જ્વલદ્ભાસુરઃ પિઙ્ગલોર્ધ્વકેશઃ । નાગાભરણો રક્તવર્ણઃ । લમ્બોદરો વ્યાઘ્રચર્મામ્બરઃ । દણ્ડહસ્તઃ । એવં પઞ્ચાત્મકો ભગવાન્ ભાવનીયઃ । સપરિવારઃ । પૂજયિતવ્યો ઽપ્ય્ એવંવિધઃ । તતઃ કૃતમણ્ડલે । તત્રાદૌ મણ્ડલં કૃત્વા રક્ષાં કુર્યાત્ । (ખ્સ્_13) ઓં મણિધરિ વજ્રિણિ રક્ષ ઓ માં હૂં ફટ્ સ્વાહા ॥ ઓં વજ્રરેખે હૂં મણ્ડલમન્ત્રઃ ॥ ઓં આગચ્છ ભગવન્ મણ્ડલકસિંહાસને ઓં આઃ ઇતિ મન્ત્રકૃતાધ્યેષાણાયાં કૃતમણ્ડલમધ્યસિંહાસનોપરિ સહસ્રદલપદ્મસ્થપઞ્ચાત્મકમ્ પૂજયેદ્ ઇતિ । તત્ર પૂજામન્ત્રઃ । ઓં વજ્રપુષ્પે હૂં । ઓં વજ્રધૂપે હૂં । ઓં વજ્રગન્ધે હૂં । ઓં વજ્રાલોકે હૂં । ઓં વજ્રાહારે હૂં । ઇતિ સંપૂજ્ય સંસ્તુત્ય મન્ત્રજાપમ્ કુર્યાત્ । ઓં સર્વતથાગતપૂજામેઘપ્રસરસમૂહે હૂં । પૂજાધિષ્ઠાનમન્ત્રઃ ॥ ઓં આં તાં સું ભૃં હં ફટ્ સ્વાહા ॥ ઓં સર્વતથાગતસુલલિતનમિતૈર્ નમામિ ભગવન્તં જઃ હૂં વં હોઃ પ્રતીચ્છ કુસુમાઞ્જલિર્ નાથ હોઃ । ઇતિ વન્દનામન્ત્રઃ । ઓં મુઃ સ્વાહા ઇતિ વિસર્જનમન્ત્રઃ । ઓં ખ ખ ખ હિ । ગૃહ્ણ ગૃહ્ણ ગૃહ્ણ ન્તુ સર્વભૌતિકા ઇમં બલિં સ્વાહા । ઇતિ બલિમન્ત્રઃ । અથ પૂજારમ્ભકાલે એવમ્ ઉચ્ચાર્ય ચિત્તં શોધનીયં । યત્ સર્વદુશ્ચરિતેભ્યો વિરતિં
કરોમિ । સર્વબુદ્ધબોધિસત્વશિક્ષાં શિક્ષિષ્યે । યાવત્ પૂજાવિધેન સમન્વયામિ । યદ્ય્ એવં ન ક્રિયતે । તદા રાગજં દ્વેષજં મોહજં કુશલમૂલં સ્યાત્ । ઇહ સર્વ એવ સત્વા રાગદ્વેષમોહાશયાઃ ॥ તથા હિ
રાગજકુશલમૂલેન નન્દોપનન્દૌ નાગરાજાનૌ
દ્વેષજેન રાગેણ મોહજેન વૈશ્રવણો યક્ષો ભૂતઃ ।
ઇત્ય્ અતો રાગદ્વેષમોહાદીન્ પરિહૃત્ય ચિત્તશુદ્ધ્યા કરુણાયમાનચિત્તેન સર્વાણ્ય્ એવ દાનાદિકુશલમૂલાનિ કર્તવ્યાનિ ।
ઇતિ ખસર્પણસાધનં સમાપ્તં ॥ શુભંકરેણ રચિતં