કૌષીતકિબ્રાહ્મણ · અધ્યાય 2.2
ચતુર્.ઉન્નયેત્ ।
ચતુષ્ટયમ્.વા.ઇદમ્.સર્વમ્ ।
અસ્ય.એવ.સર્વસ્ય.આપ્ત્યૈ ।
પઞ્ચ.કૃત્વ.ઉન્નયેત્ । (અગ્નિહોત્ર)
પાઙ્ક્તો.વૈ.યજ્ઞો.યજ્ઞસ્ય.એવ.આપ્ત્યૈ ।
ઉપસદો.અગ્નિહોત્રે.વેદિતવ્યાઃ ।
ઉન્નીય.ઉત્તરેણ.ગાર્હપત્યમ્.ઉપસાદયતિ । (અગ્નિહોત્ર)
તદ્.ઇમંલ્.લોકમ્.આપ્નોતિ ।
આહવનીયે.હોષ્યન્.દ્વિતીયમ્ ।
પાલાશીમ્.સમિધમ્.અભ્યાદધાતિ । (અગ્નિહોત્ર)
સોમો.વૈ.પલાશઃ ।
સા.પ્રથમા.સોમ.આહુતિઃ ।
પ્રાદેશ.માત્રી.ભવતિ । (અગ્નિહોત્ર)
પ્રાદેશ.માત્રમ્.હિ.ઇમ.આત્મનો.અધિ.પ્રાણાઃ ।
દ્વ્ય્.અઙ્ગુલમ્.સમિધો.અતિહૃત્ય.અનુદૃભન્ન્.ઇવ.અભિજુહોતિ । (અગ્નિહોત્ર)
દ્વ્ય્.અઙ્ગુલે.વા.ઇદમ્.મુખસ્ય.અન્નમ્.ધીયતે ।
ધૂમાયન્ત્યામ્.ગ્રામ.કામસ્ય.જુહુયાત્ । (અગ્નિહોત્ર)
જ્વલન્ત્યામ્.બ્રહ્મ.વર્ચસ.કામસ્ય ।
અઙ્ગારેષુ.પશુ.કામસ્ય ।
અભ્યાધાય.ઇતિ.ત્વ્.એવ.સ્થિતમ્ । (અગ્નિહોત્ર)
અત્ર.હ્ય્.એવ.એતે.સર્વે.કામા.ઉપાપ્યન્ત.ઇતિ ।
ઉભે.આહુતી.હુત્વા.જપતિ ।
યા.યજ્ઞસ્ય.સમૃદ્ધસ્ય.આશીઃ.સા.મે.સમૃધ્યતામ્.ઇતિ । (અગ્નિહોત્ર)
યા.વૈ.યજ્ઞસ્ય.સમૃદ્ધસ્ય.આશીઃ.સા.યજમાનસ્ય.ભવતિ ।
ઉત્તરાવ્.અવતીર.આહુતીર્.(.ઉત્તર.અવતીર.આહુતીર્).જુહુયાત્ । (અગ્નિહોત્ર)
ઉત્તર.ઉત્તરિણ.એવ.તત્.સ્વર્ગાંલ્.લોકાન્.આપ્નોતિ ।
સ્રુચો.બુધ્નેન.અઙ્ગારાન્.ઉપસ્પૃશતિ ।
સ્વર્ગ.એવ.તલ્.લોકે.યજમાનમ્.દધાતિ । (અગ્નિહોત્ર)
મૂળ પાઠ: Kauṣītakibrāhmaṇa (or Śāṅkhāyanabrāhmaṇa) · Edition: E. R. Sreekrishna Sarma (Wiesbaden 1968; VOHD, Suppl. 9,1) · Data entry Muneo Tokunaga · GRETIL (Göttingen) · CC BY-NC-SA 4.0