કઠિનાવદાન · અધ્યાય 30.11

ગ્રીવાશિરશ્ચરણબાહુસમાશ્રિતસ્ય
વૈડૂર્યહાટકમયસ્ય સમૌક્તિકસ્ય ।
ગાત્રસ્ય ભૂષણવિધેર્ દિવિ વા ક્ષિતૌ વા
શ્રેષ્ઠં વિભૂષણમ્ અતઃ પ્રવદન્તિ વસ્ત્રમ્ ॥ 1
રૂપાન્વિતો ઽપિ કુલજો ઽપિ વિચક્ષણો ઽપિ
નૈકેષુ શાસ્ત્રસમયેષુ કૃતશ્રમો ઽપિ ।
શીલાદિભિર્ ગુણગણૈઃ સમાલંકૃતો ઽપિ
ન ભ્રાજતે હિ ભુવિ વસ્ત્રમ્ ઋતે મનુષ્યઃ ॥ 2
તસ્માદ્ વિભૂષણમ્ અતુલ્યમ્ અવેક્ષ્યવસ્ત્રં શીતોષ્ણદંશમશકપ્રતિવારણં ચ ।
હ્રીવસ્ત્રમ્ અપ્રતિસમં સમવાપ્તકામૈર્
વસ્ત્રપ્રદાનમ્ અસકૃન્ મનુજૈઃ પ્રદેયમ્ ॥ 3
ચન્દ્રાંશુવત્સ્ફુરિતચામરહેમદણ્ડૈઃ
સિંહાસનોપરિ નિષદ્ય સિતાતપત્રૈઃ ।
સૌવર્ણરત્નમુકુટૈહ્ શિરભૂષિતો ઽપિ
શ્રીચક્રવર્તિર્ અપિ વસ્ત્રમ્ ઋતે ન ભાતિ ॥ 4
શ્રીમદ્ધનેન્દ્રનિવસત્ય્ અલકાપુરેષુ જિહ્વાસહસ્રમણિભૂષિતભોગવત્યામ્ ।
કૈલાસમેરુશિખરે સુરસંઘમધ્યે
બ્રહ્મેન્દ્રરુદ્ર અપિ વસ્ત્રવિના ન ભાતિ ॥ 5

દત્ત્વા સત્પિઙ્ગચિત્રાં સ્તબકવિરચિતાં નીલપીતાવદાતૈ
રક્તૈશ્ ચાન્યૈશ્ ચ રમ્યૈઃ સુરુચિરવસનૈશ્ ચીવરૈશ્ ચારુમાલામ્ ।
દિવ્યં વામુક્તવસ્ત્રં સુગતસુતગણાયાભિરૂપો મનોજ્ઞો
હ્રીવસ્ત્રાલઙ્કૃતાત્મા ભવતિ પટુમતિઃ સર્વધર્મેશ્વરઃ સઃ ॥ વસ્ત્ર