કઙ્કાલમાલિનીતન્ત્રમ્ · અધ્યાય 1
કઙ્કાલમાલિનીતન્ત્રમ્
ઓં નમઃ શ્રીગુરવે
શ્રીભૈરવી ઉવાચ
ત્રિપુરેશ મહેશાન પાર્વતીપ્રાણવલ્લભ ।
જગદ્વન્દ્ય શૂલપાણે વર્ણાનાં કારણં વદ
શ્રીભૈરવ ઉવાચ
કથયામિ વરારોહે વર્ણાનાં ભેદમુત્તમમ્ ।
ન પ્રકાશ્યં મહાદેવિ ! તવ સ્નેહાત્ સુભાષિણિ
યજ્જ્ઞાત્વા યોગિનો યાન્તિ નિર્ગુણત્વં મમ પ્રિયે !
તચ્છૃણુશ્વ સ્વરૂપેણ મહાયૌવનગર્વિતે
શબ્દબ્રહ્મસ્વરૂપં તદ્ આદિક્ષાન્તં જગત્પ્રભુઃ ।
વિદ્યુદ્જિહ્વા કરાલાસ્યા ગર્જિની ધૂમ્રભૈરવી
કાલરાત્રિર્વિદારી ચ મહારૌદ્રી ભયંકરી ।
સંહારિણી કરાલિની ઊર્ધ્વકેશ્યુગ્રભૈરવી
ભીમાક્ષી ડાકિની રુદ્રડાકિની ચણ્ડિકેતિ ચ ।
એતે વર્ણાણ્ સ્વરા જ્ઞેયાઃ કૌલિનિ વ્યંજનાન્ શૃણુ
ક્રોધીશો વામનશ્ચણ્ડો વિકાર્યુન્મત્તભૈરવઃ ।
જ્વાલામુખો રક્તદંષ્ટ્રો હસિતાઙ્ગો વડવામુખઃ
વિદ્યુન્મુખો મહાજ્વાલઃ કપાલી ભીષણો રુરુઃ ।
સંહારી ભૈરવો દણ્ડી વલિભુગુગ્રશૂલધૃક્
સિંહનાદી કપર્દી ચ કરાલાગ્નિર્ભયઙ્કરઃ ।
બહુરૂપી મહાકાલો જીવાત્મા ક્ષતજોક્ષિતઃ
બલભેદી રક્તપશ્ચ ચણ્ડીશો જ્વલનધ્વજઃ ।
વૃષધ્વજો વ્યોમવક્ત્રસ્ત્રૈલોક્યગ્રસનાત્મકઃ
એતે ચ વ્યઞ્જના જ્ઞેયાઃ કાદિક્ષાન્તાઃ ક્રમાદિતાઃ ।
અકારાદિક્ષકારાન્તા વર્ણાસ્તુ શિવશક્તયઃ
પઞ્ચાશચ્ચ ઇમે વર્ણા બ્રહ્મરૂપાઃ સનાતનાઃ ।
યેષાં જ્ઞાનં વિના વામે સિદ્ધિર્ન સ્યાદ્ ગુરુસ્તનિ
તે વર્ણસાગરાઃ પ્રોક્તા ગુણત્રયમયાઃ શુભે ।
વિદ્યુદ્જિહ્વા મુખં કૃત્વા ચણ્ડિકાન્તં નગાત્મજે
સત્ત્વગુણમયા વર્ણા રજોગુણમયાન્ શૃણુ ।
ક્રોધીશાદ્ દણ્ડિપર્યન્તા વ્યઞ્જના રાજસાઃ સ્મૃતાઃ
બલિભુગ્વર્ણમારભ્ય ત્રૈલોક્યગ્રસનાવધિ ।
જ્ઞેયાસ્તમઃસ્વરૂપાસ્તે તેભ્યો જાતાન્ શૃણુ પ્રિયે
ગુશબ્દશ્ચાન્ધકારઃ સ્યાદ્ રુશબ્દસ્તન્નિરોધકૃત્ ।
અન્ધકારનિરોધિત્વાદ્ ગુરુરિત્યભિધીયતે
ગકારઃ સિદ્ધિદઃ પ્રોક્તો રકારઃ પાપહારકઃ ।
ઉકારસ્તુ ભવેદ્ વિષ્ણુસ્ત્રિતયાત્મા ગુરુઃ સ્વયમ્
આદાવસૌ જાયતે ચ શબ્દબ્રહ્મસનાતનઃ ।
વસુજિહ્વા કાલરાત્ર્યા રુદ્રડાકિન્યલઙ્કૃતા
વિષબીજં શ્રુતિમુખં ધ્રુવં હાલાહલં પ્રિયે ।
ઓં ચણ્ડીશઃ ક્ષતજારૂઢો ધૂમ્રભૈરવ્યલઙ્કૃતઃ
નાદબિન્દુસમાયુક્તં લક્ષ્મીબીજં પ્રકીર્તિતમ્ ।
શ્રીં । ક્રોધીશં ક્ષતજારૂઢં ધૂમ્રભૈરવ્યલઙ્કૃતમ્
નાદબિન્દુયુતં દેવિ નામબીજં પ્રકીર્તિતમ્ ।
ધ્રીં (ક્રોધીશોવલભૃદ્)(વલિભુગ્) ધૂમ્રભૈરવીનાદબિન્દુભિઃ
ત્રિમૂર્તિર્મન્મથઃ કામબીજં ત્રૈલોક્યમોહનમ્ ।
ક્રી। । ક્ષતજસ્થો વ્યોમવક્ત્રો થૂમ્રભૈરવ્યલઙ્કૃતઃ
નાદબિન્દુસુશોભાઢ્ય માયાલજ્જાહ્વયં સ્મૃતમ્ ।
ક્રીં । વ્યોમાસ્યઞ્જ વિદારીસ્થં નાદબિન્દુવિરાજિતમ્
કૂર્ચકાલં ક્રોધબીજં જાનીહિ વીરવન્દિતે ।
હૂ। । વ્યોમાસ્યઃ કાલરાત્ર્યાઢ્યો વર્મબિદ્ બિન્દુસંયુતઃ
કથિતં વચનં બીજં કુલાચારપ્રિયેઽમલે ।
દૂ। । વ્યોમાસ્યં ક્ષતજારૂઢં ડાકિન્યા નાદબિન્દુભિઃ
જ્યોતિર્મન્ત્રં સમાખ્યાતં મહાપાતકનાશનમ્ ।
દ્રા। । નાદબિન્દુસમાયુક્તાં સમાદાયોગ્રભૈરવીમ્
ભૌતિકં વાગ્ભવં બીજં વિદ્ધિ સારસ્વતં પ્રિયે ।
ઐં પ્રલયાગ્નિર્મહાજાલઃ ખ્યાતોઽસ્ત્રમનુઃ શિવે
રક્તક્રોધીશભીમાખ્યોઽઙ્કુશોઽયં નાદબિન્દુમાન્ ।
ક્રૌ। । દ્વિઠઃ શિવો વહ્નિ જાયા સ્વાહા જ્વલનવલ્લભા
સ્વાહાસ્વાહાસંયુતં ધૂમ્રભૈરવ્યા રક્તસ્ય બલિભોજનમ્ ।
નાદબિન્દુસમાયુક્તં કિઙ્કિણીબીજમુત્તમમ્
દ્રી। । નાદબિન્દુસમાયુક્તં રક્તસ્થં બલિભોજનમ્ ।
કરાલાસ્યાસનોપેતં વિશિકાખ્યં મહામનુમ્
દૂ। । વિદાર્યા નેક્ષિતો ગુહ્યે વલિભુક્ ક્ષતજોક્ષિતઃ ।
નાદબિન્દુસમાયુક્તો વિજ્ઞેયઃ પિશિતાશનઃ
ધૂમોજ્જ્વલકરાલાગ્નિ ઊર્ધ્વકેશીન્દુબિન્દુભિઃ ।
યુગાન્તકારકં બીજં વીરપત્નિપ્રકાશિતમ્
સંહારિણ્યા સ્થિતઞ્ચોર્ધ્વં કશિનન્તુ કપર્દિનમ્ ।
નાદબિન્દુસમાયુક્તં બીજં બૈતાલિકં સ્મૃતમ્
સનાદબિન્દુક્રોધીશં ગુહ્યે સંહારિણીસ્થિતમ્ ।
કમ્પિનીબીજમિત્યુક્તં ચણ્ડિકાખ્યં મનોહરમ્
કપર્દિનં સમાદાય ક્ષતજોક્ષિતસંસ્થિતમ્ ।
સંયુક્તં ધૂમ્રભૈરવ્યા ધ્વાઙ્ક્ષોઽયં નાદબિન્દુમાન્
પ્રીં । કદલીદ્વયમાદાય મહાકાલેન મણ્ડિતમ્ ।
સનાદસ્તુ નમિત્યુક્તં ચણ્ડિકાખ્યં પયોધરમ્
ઠ। ઠ। । પ્રલયાગ્નિસ્થિતો ધૂમધ્વજો ગુહ્યેશબિન્દુમાન્ ।
સંયુક્તો ધૂમ્રભૈરવ્યા સ્મૃતા ફેત્કારિણી પ્રિયે
સ્ફીં । ક્ષતજસ્થં વ્યોમવક્ત્રં બિન્દુખણ્ડેન્દ્વલઙ્કૃતમ્ ।
ખદ્યોતમિતિ વિખ્યાતં ગ્રસિનીકાલરાત્રિયુક્
દ્રૂ। । ક્ષતજોક્ષિતમારૂઢં નાદબિન્દુસમન્વિતમ્ ।
વિદારીભૂષિતં દેવિ બીજં વૈવસ્વતાત્મકમ્
॥ ઇતિ દક્ષિણામ્નાયે સાર્ઘલક્ષગ્રન્થે કઙ્કાલમાલિનીતન્ત્રે
પ્રથમઃ પટલઃ
અથ દ્વિતીયઃ પટલઃ
શ્રીપાર્વતી ઉવાચ
દેવ દેવ મહાદેવ નીલકણ્ઠ તપોધન ।
યોનિમુદ્રાં મહાદેવ તત્ત્વત્રયં પરાત્પરમ્ ।
એતદેવ મહાદેવ કથ્યતાં મે પિનાકધૃક્
શ્રી-ઈશ્વર ઉવાચ
શૃણુ વક્ષ્યામિ દેવેશિ દાસોઽહં તવ સુવ્રતે ।
અતિગુહ્યં મહાપુણ્યં તત્ત્વત્રયં વરાનને
સારાત્ સારં પરં ગુહ્યમતિગોપ્યં સુનિશ્ચિતમ્ ।
શઙ્કાપિ જાયતે દેવિ કથં તત્કથયામ્યહમ્
કથયામિ મહેશાનિ આજ્ઞયા તવ ભામિનિ ।
ન ચેત્ તત્ કથ્યતે દેવિ તવ ક્રોધઃ પ્રજાયતે
ત્વયા ક્રોધે કૃતે દેવિ હાનિઃ સ્યાન્મમ કામિનિ ।
મન્ત્રાર્થં મન્ત્રચૈતન્યં ધર્માર્થકામદં પ્રિયે
યોનિમુદ્રા મહેશાનિ તૃતીયં બ્રહ્મરૂપિણી ।
અજ્ઞાત્વા યો જપેન્મન્ત્રં નહિ સિદ્ધિઃ પ્રજાયતે
જ્ઞાત્વા પ્રારભ્ય કુર્વીત હ્યકુર્વાણો વિનશ્યતિ ।
યોનિમુદ્રા મહેશાનિ સાક્ષાન્મોક્ષપ્રસાધિની
તતો યોનિર્મહેશાનિ પ્રિયા મમ યથા પ્રિયે ।
સતતં પરમેશાનિ દાસોઽહં તવ યોનિના
તવ યોનિપ્રસાદેન મૃત્યું જિત્વા વરાનને ।
મૃત્યુજ્જયોઽહં દેવેશિ સતતં કમલાનને
તવ યોનૌ મહેશાનિ બ્રહ્માણ્ડં સચરાચરમ્ ।
તિષ્ઠન્તિ સતતં દેવિ બ્રહ્માદ્યાસ્ત્રિદિવૌકસઃ
મયૂરસ્ય મહેશાનિ પુચ્છે કૃત્વા ચ અદ્ભુતમ્ ।
યોન્યાકારં મહેશાનિ દૃષ્ટ્વા કૃષ્ણઃ શુચિસ્મિતે
શિરે ધૃત્વા વરારોહે ત્રૈલોક્યં વશમાનયેત્ ।
તવ યોનિં મહેશાનિ ભાવયામીત્યહર્ન્નિશમ્
તત્રૈવ દૃષ્ટ્વા બ્રહ્માણ્ડં નાન્યં પશ્યામિ કામિનિ ।
કર્પૂરપુલકોદ્ભૂતં તવ યોનિપુરં પરમ્
તવ યોનિર્મહેશાનિ તત્ત્વત્રયસુપૂજિતમ્ ।
રેતોરજઃસમાયુક્તં સાક્ષાન્મન્મથમન્દિરમ્
ન જાને કિં કૃતં કર્મ કાલિકે કમલેક્ષણે ।
તવ યોનૌ મહાદેવિ અત એવ વરાનને
યોનિમુદ્રાં યોનિબીજં સતતં પરમેશ્વરિ ।
અહં મૃત્યુજ્જયો દેવિ યોનિમુદ્રાપ્રસાદતઃ
યોનિબીજં મહેશાનિ નિગદામિ શૃણુ પ્રિયે ।
પ્રથમે પરમેશાનિ યોગિનીં રુદ્રયોગિનીમ્
ઉત્કૃત્ય વહુયત્નેન બલબીજયુતં કુરુ ।
વિન્દ્વર્ધચન્દ્રસંયુક્તં બીજં ત્રૈલોક્યમોહનમ્
બદ્ધ્વા તુ યોનિમુદ્રાં વૈ પૂર્વોક્તક્રમતઃ પ્રિયે ।
યોનિબીજં મહેશાનિ અષ્ટોત્તરશતં જપેત્
અષ્ટોત્તરશતં જપ્ત્વા યત્ ફલં લભતે પ્રિયે ।
માહાત્મ્યં તસ્ય દેવેશિ વક્તું કો વા ક્ષમો ભવેત્
યઃ કરોતિ પ્રસન્નાત્મા રહસ્યે યોનિરૂપિણીમ્ ।
બ્રહ્માણ્ડં પૂજયેત્ તે ન બ્રહ્માદ્યાસ્ત્રિદિવૌકસઃ
તવ યોનિર્મહેશાનિ પરં બ્રહ્મસ્વરૂપિણી ।
તવ યોનિર્મહેશાનિ ભવસ્ય મોહિની પ્રિયે
તવ યોનિર્મહેશાનિ સિદ્ધિસૂત્રેણ વેષ્ટયેત્ ।
સિદ્ધિસૂત્રં મહેશાનિ ત્રિપ્રકારં વરાનને
ઈડા ચ પિઙ્ગલા ચૈવ સુષુમ્નાત્રિતયં તથા ।
સદાનન્દમયીં યોનિં નાનાસુખવિલાસિનીમ્
શૃઙ્ગારસમયે દેવિ નાન્તં ગચ્છામિ પાર્વતિ ।
મમ લિઙ્ગો મહેશાનિ ભિનત્તિ સકલં જગત્
તથાપિ પરમેશાનિ નાન્તં ગચ્છામિ કામિનિ ।
તવ યોનિર્મહેશાનિ ન જાને કીદૃશીં ગતિમ્
તવ યોનિર્મહેશાનિ આદ્યા પ્રકૃતિરૂપિણી ।
સદા કુણ્ડલિનીં યોનિમહાકુણ્ડલિનીં પરામ્
યઃ સદા પરમેશાનિ યોનિં દૃષ્ટ્વા વરાનને ।
જપેદ્ બીજં વરારોહે ભગારવ્યં ભગરૂપિણીમ્
યોનિં બદ્ધ્વા મહેશાનિ ભગબીજેન પાર્વતિ ।
અષ્ટોત્તરશતં જપ્ત્વા મમ તુલ્યો ભવેત્ પ્રિયે
તવ યોનૌ મહેશાનિ રમણં યત્નતશ્ચરેત્ ।
તસ્યા રમણમાત્રેણ બ્રહ્મવિષ્ણુશિવાત્મકઃ ।
સ એવ ધનવાન્ વાગ્મી વાગીશસમતાં વ્રજેત્
શ્રીદેવી ઉવાચ
નીલકણ્ઠ મહાદેવ રહસ્યં કૃપયા વદ ।
યદિ નો કથ્યતે દેવ વિમુઞ્ચામિ તદા તનુમ્
શ્રી ઈશ્વર ઉવાચ
શૃણુ પાર્વતિ કૃ.પ્ણાઙ્ગિ ખજ્જનાક્ષિ સુલોચને ।
ગોપનીયં રહસ્યં હિ સર્વકામફલપ્રદમ્
તિસ્રઃ કોટ્યસ્તદર્ધેન શરીરે નાડિકા મતાઃ ।
તાસુ મધ્યે દશ પ્રોક્તાસ્તાસુ તિસ્રો વ્યવસ્થિતાઃ
પ્રધાના મેરુદણ્ડાગ્રે ચન્દ્રસૂર્યાગ્નિરૂપિણી ।
મજ્જયિત્વા સુષુમ્નાયામહં યોગી સુરેશ્વરિ
ષટ્ચક્રે પરમેશાનિ ભાવયેદ્ યોનિરૂપિણીમ્ ।
પ્રથમં પરમેશાનિ આધારયુગપત્રકમ્
વાદિસાન્ત્યૈશ્ચતુર્વર્ણૈર્દ્રુતહેમસમપ્રભમ્ ।
તડિત્કોટિપ્રભાકારં સ્થાનં પરમદુર્લભમ્
તત્ કર્ણિકાયાં દેવેશિ ત્રિકોણમતિસુન્દરમ્ ।
ઇચ્છાજ્ઞાનક્રિયારૂપં બ્રહ્મવિષ્ણુશિવાત્મકમ્
મધ્યે સ્વયં ભૂલિઙ્ગં ચ કુણ્ડલીવેષ્ટિતં સદા ।
ત્રિકોણાખ્યં તુ દેવેશિ લકારં ચિન્તયેત્ તથા
બ્રહ્માણ્ડં તત્ર સંચિન્ત્ય કામદેવં ચ ચિન્તયેત્ ।
બીજં તત્રૈવ નિશ્ચિન્ત્યં યોનાવાદાનમેવ ચ
પદે ચ ગમનં પાયૌ વિસર્ગં નસિ કામિનિ ।
ઘ્રાણં સંચિન્ત્ય દેવેશિ મહેશિ પ્રાણવલ્લભે
ડાકિનીં પરમારાધ્યાં શક્તિં ચ ભાવયેત્ તતઃ ।
એતાનિ ગિરિજે માતઃ પૃથ્વીં નીત્વા ગણેશ્વરિ
તન્મધ્યે લિઙ્ગરૂપં હિ કુણ્ડલીવેષ્ટિતં પ્રિયે ।
તત્ર કુણ્ડલિનીં નિત્યાં પરમાનન્દરૂષિણીમ્
તત્ર ધ્યાનં પ્રકુર્વીત સિદ્ધિકામો વરાનને ।
કોટિચન્દ્રપ્રભાકારાં પરંબ્રહ્મસ્વરૂપિણીમ્
ચતુર્ભુજાં ત્રિનેત્રાઞ્ચ વરાભયકરાં તથા ।
તથા ચ પુસ્તકં વીણાં ધારિણીં સિંહવાહિનીમ્
ગચ્છન્તિ સ્વાસનં ભીમાં નાનારૂપધરાં પરામ્ ।
પૂર્વોક્તાં પૃથ્વીં ધન્યાં ગન્ધે નીત્વા મહેશ્વરિ
આકૃષ્ય પ્રણવેનૈવ જીવાત્માનં નગેન્દ્રજે ।
કુણ્ડલિન્યા સહ પ્રેમે ગન્ધમાદાય સાધકઃ
સોઽહમિતિ મનુના દેવિ સ્વાધિષ્ઠાને પ્રવેશયેત્ ।
તત્પદ્મં લિઙ્ગમૂલસ્થં સિન્દૂરાભં ચ ષડ્દલમ્
સ્ફુરદ્વિક્રમસંકાશૈર્વાદિનાન્તૈઃ સુશોભિતમ્ ।
તત્કર્ણિકાયાં વરુણં તત્રાપિ ભાવયેદ્ધરિમ્
યુવતિં રાકિણીં શક્તિં ચિન્તયિત્વા વરાનને ।
રસનેન્દ્રિયયૂપસ્થં જલઞ્ચ કામલાલસે
એતાનિ ગન્ધઞ્ચ શિવે રસે નીત્વા વિનોદિનીં ।
જીવાત્માનં કુણ્ડલિનીં રસઞ્ચ મણિપૂરકે
નીત્વા પરમયોગેન તત્પદ્મં દિગ્દલં પ્રિયે ।
નીલવર્ણં તડિદ્રૂપં ડાદિફાન્તૈશ્ચ મણ્ડિતમ્
તત્કર્ણિકાયાં સુશ્રોણિ વહ્નિં સઞ્ચિન્ત્ય સાધકઃ ।
તત્ર રુદ્રઃ સ્વયં કર્તા સંહારે સકલસ્ય ચ
લાકિનીશક્તિસંયુક્તો ભાવયેત્ તં મનોહરે ।
તત્ર ચક્ષુરિન્દ્રિયઞ્ચ કૃત્વા તેજોમયં યજેત્
એતં રસઞ્ચ સુભગે રૂપં નીત્વા મહાભાગે ।
જીવાત્માનં કુણ્ડલિનીરૂપઞ્ચાનાહતે નયેત્
બન્ધૂકપુષ્પસંકાશં તત્પદ્મં દ્વાદશારકમ્ ।
કાદિઠાન્તૈઃ સ્ફુરદ્વર્ણૈઃ શોભિતાં હરવલ્લભામ્
તત્કર્ણિકાયાં વાયુઞ્ચ જીવસ્થાનનિવાસિનમ્ ।
તત્ર યોનેર્મણ્ડલઞ્ચ બાણલિઙ્ગવિરાજિતમ્
કાકિનીશક્તિસંયુક્તં તત્ર વાયોસ્ત્વગિન્દ્રિયમ્ ।
એતદ્ રૂપઞ્ચ સંયોજ્ય સ્વર્ગે રમણકામિનિ
જીવકુણ્ડલિનીં સ્પર્શં વિશુદ્ધૌ સ્થાપયેત્ તતઃ ।
ધૂમ્રવર્ણં કણ્ઠપદ્મં ષોડશસ્વરમણ્ડિતમ્
તત્કર્ણિકાયામાકાશં શિવઞ્ચ કારિણીયુતમ્ ।
વાચં શ્રોત્રં ચ આકાશે સંસ્થાપ્ય નગનન્દિનિ
એતાનિ સ્પર્શં શબ્દે ચ નીત્વા શાઙ્કરિ મત્પ્રિયે ।
જીર્વ કુણ્ડલિનીં શબ્દઞ્ચાજ્ઞાપત્રે નિધાપયેત્
નેત્રપદ્મં શુક્લવર્ણં દ્વિદલમક્ષભૂષિતમ્ ।
તત્કર્ણિકાયાં ત્રિકોણં યદ્ બાણલિઙ્ગઞ્ચ સઙ્ગતમ્
મનશ્ચાત્ર સદા ભાતિ હાકિનીશક્તિલાઞ્છિતમ્ ।
બુદ્ધિપ્રકૃત્યહઙ્કારલક્ષિતં તેજસા પરમ્
જીવાત્માનં કુણ્ડલિનીં મનશ્ચાપિ મહેશ્વરિ ।
સહસ્રારે મહાપદ્મે મનશ્ચાપિ નિયોજયેત્
સહસ્રારં નિત્યપદ્મં શુક્લવર્ણમધોમુખમ્ ।
અકારાદિક્ષકારાન્તૈઃ સ્ફુરદ્વર્ણૈર્વિરાજિતમ્
તત્કર્ણિકાયાં દેવેશિ અન્તરાત્મા તતો ગુરુઃ ।
સૂર્યસ્ય મણ્ડલઞ્ચૈવ ચન્દ્રમણ્ડલમેવ ચ
તતો વાયુર્મહાનાદો બ્રહ્મરન્ધ્રં તતઃ સ્મૃતમ્ ।
તસ્મિન્ રન્ધ્રે વિસર્ગઞ્ચ નિત્યાનન્દં નિરઞ્જતમ્
તદૂર્ધ્વે શંખિની દેવી સૃષ્ટિસ્થિત્યન્તકારિણી ।
તસ્યાધઃસ્થા ચ દેવેશિ ચતુર્મણ્ડલમધ્યગમ્
ત્રિકોણં તત્ર સંઞ્ચિન્ત્ય કૈલાસમત્ર ભાવયેત્ ।
ઇહ સ્થાને મહાદેવિ સ્થિરચિત્તં વિધાય ચ
જીવજીવી ગતવ્યાધિર્ન પુનર્જન્મસંભવઃ ।
અત્ર નિત્યોદિતા વૃદ્ધિક્ષયહીના અમાકલા
તન્મધ્યે કુટિલા નિર્વાણાખ્યા સપ્તદશી કલા ।
નિર્વાણાખ્યાન્તર્ગતા વહ્નિરૂપા નિરોધિકા
નાદોઽવ્યક્તસ્તદુષરિ કોટ્યાદિત્યસમપ્રભા ।
નિર્વાણશક્તિઃ પરમા સર્વેષાં યોનિરૂપિણી
અસ્યાં શક્તૌ શિવં જ્ઞેયં નિર્વિકારં નિરઞ્જનમ્ ।
અત્રૈવ કુણ્ડલીશક્તિ ર્મુદ્રાકારા સુરેશ્વરિ
પુનસ્તેન પ્રકારેણ ગચ્છન્ત્યાધારપઙ્કજે ।
કથિતા યોનિમુદ્રેયં મયા તે પરમેશ્વરિ
વિના યેન ન સિદ્ધેન નિહરેત્ પરમાત્મના ।
તદ્ દિવ્યામૃતધારાભિર્લાક્ષાભાભિર્મહેશ્વરિ
તર્પયેદ્ દેવતાં યોગી યોગેનાઽનેન સાધકઃ ।
કુણ્ડલીશક્તિસિદ્ધિઃ સ્યાદ્ વર્ણકોટિશતૈરપિ
તસ્માત્ ત્ત્વયાપિ ગિરિજે ગોપનીયં પ્રયત્નતઃ ।
મન્ત્રરૂપાં કુણ્ડલિનીં ધ્યાત્વા ષટ્ચક્રમણ્ડલે
કન્દમધ્યાત્ સુમધુરં કૂજન્તીં સતતોત્થિતામ્ ।
ગચ્છન્તીં બ્રહ્મરન્ધ્રેણ પ્રવિશન્તીં સ્વકેતનમ્
મૂલાધારે ચ તાં દેવીં સંસ્થાપ્ય વીરવન્દિતે ।
ચિત્રિણીગ્રથિતા માલાજાપં બ્રહ્માણ્ડસુન્દરિ
રહસ્યં પરમં દિવ્યં મન્ત્રચૈતન્યમીરિતમ્ ।
મુદ્રાચૈતન્યયોર્જ્ઞાનં વર્ણાનાં જ્ઞાનમેવ ચ
મન્ત્રાર્થં કથિતં દેવિ તવ સ્નેહાત્ પ્રિયંવદે ।
અસ્ય જ્ઞાનં વિના ભદ્રે સિદ્ધિર્ન સ્યાત્ સુલોચને ।
ઇતિ તે કથિતં દેવિ યોનિક્રીડેદમુત્તમમ્
શ્રી-ઈશ્વર ઉવાચ
સુરાસુરજગદ્વન્દ્ય પાર્વતીભગસેવક ।
ઇદાનીં શ્રોતુમિચ્છામિ યોનેઃ કવચમુત્તમમ્
શ્રી-ઈશ્વર ઉવાચ
યદ્ ધૃત્વા પઠનાત્ સર્વાઃ શક્તયો વરદાઃ પ્રિયે ।
એતસ્ય કવચસ્યાપિ ઋષિશ્ચ શ્રીસદાશિવઃ
છન્દો ગાયત્રી દેવતા યોનિરૂપા સનાતની ।
ચતુર્વર્ગેષુ દેવેશિ વિનિયોગઃ પ્રકીર્તિતઃ
ઓં મમ્ મામ્ મિમ્ મીમ્ મુમ્ મૂમ્ મેમ્ મૈમ્ મોમ્ મૌમ્ મં મઃ ।
(દક્ષપાદમ્) મમ શિરો રક્ષન્તુ સ્વાહા ।
ઓં મમ્ મામ્ મિમ્ મીમ્ મુમ્ મૂમ્ મેમ્ મૈમ્ મોમ્ મૌમ્ મં મઃ
ઓં મામ્ ઓં આકુટામ્ મમ રક્ષન્તુ સ્વાહા મમ્ મામ્ ।
ઓં મમ્ મામ્ મિમ્ મીમ્ મુમ્ મૂમ્ મેમ્ મૈમ્ મોમ્ મૌમ્ મંમઃ મમ હૃદયાદિદક્ષબાહું રક્ષન્તુ ।
ઓં મં માં મિં મીં મુમ્ મૂમ્ મેમ્ મૈમ્ મોમ્ મૌં મઃ
ઓં મમ્ મામ્ મિમ્ મીમ્ મુમ્ મૂમ્ મેમ્ મૈમ્ મોમ્ મૌમ્ મં મઃ
મમ હૃદયાદિવામબાહુ રક્ષન્તુ મમ । ઓં મમ્ મામ્ મિમ્ મીમ્ મુમ્ મૂમ્ મેમ્ મૈમ્ મોમ્ મૌમ્ મં મઃ દક્ષપાદં રક્ષન્તુ મમ । વામપાદં રક્ષન્તુ મમ સદા સ્વાહા સ્વાહા સ્વાહા ।
ઓં મમ્ મામ્ મિમ્ મીમ્ મુમ્ મૂમ્ મેમ્ મૈમ્ મોમ્ મૌમ્ મં મઃ
મમ હૃદાદિષુ નાસાં રક્ષન્તુ સ્વાહા । ઓં મમ્ મામ્ મિમ્ મીમ્ મુમ્ મૂમ્ મેમ્ મૈમ્ મોમ્ મૌમ્ મં મઃ ઉપસ્થં રક્ષન્તુ મમ સદા સ્વાહા । ઓં મમ્ મામ્ મિમ્ મીમ્ મુમ્ મૂમ્ મેમ્ મૈમ્ મોમ્ મૌમ્ મં મઃ ॥
ઇદં હિ યોનિકવચં રહસ્યં પરમાદ્ભુતમ્ ।
અજ્ઞાત્વા યો જપેન્મન્ત્રં સર્વં નિષ્ફલતાં વ્રજેત્
રહસ્યં પરમં દિવ્યં સાવધાનાઽવધારય ।
મૂલાધારે મહેશાનિ જપેદ્ યન્ત્રં વરાનને
મૂલાધારે મહેશાનિ વરારોહેઽન્તરાત્મનિ ।
પ્રતિચક્રે મહેશાનિ પઠેદ્ યોનિં સનાતનીમ્
ચન્દ્રસૂર્યોપરાગે ચ પઠેદ્ વા કવચં પ્રિયે ।
સ્વનારીં રમયેદ્ યન્ત્રે પરનારીમથાપિ વા
કવચસ્ય પ્રસાદેન યોનિમુદ્રા હિ સિદ્ધ્યતિ ।
ઇદં હિ કવચં દેવિ પઠિત્વા કમલાનને
મૈથુનં મહદાખ્યાનં ત્વયા સહ મયા કૃતમ્ ।
કવચસ્ય પ્રસાદેન જના યાન્તિ પરાં ગતિમ્
ભૂર્જપત્રે સમાલિખ્ય સ્વયંભૂકુસુમેન તુ ।
શુક્લેન કુસુમેનાપિ રોચનાલક્તકેન ચ
સ્વર્ણસ્થાં ગુટિકાં કૃત્વા ધારયેદ્ યન્ત્રમાનવઃ ? ।
ઇહ લોકે પરત્રે ચ સ એવ શ્રીસદાશિવઃ
અષ્ટોત્તરશતઞ્ચાસ્ય પ્રપઠેત્ સિદ્ધિ વાઞ્છયા ।
કિમત્ર બહુનોક્તેન અસ્માત્ પરતરો નહિ ।
નમો યોન્યૈ નમો યોન્યૈ કુણ્ડલિન્યૈ નમો નમઃ
ઇતિ દક્ષિણામ્નાયે સાર્ધલક્ષગ્રન્થે કઙ્કાલમાલિનીતન્ત્રે યોનિમુદ્રાદિકથનં દ્વિતીયઃ પટલઃ
અથ તૃતીયઃ પટલઃ
શ્રીદેવી ઉવાચ
ઇદાનીં શ્રોતુમિચ્છામિ ગુરુપૂજનમુત્તમમ્ ॥
શ્રી-ઈશ્વર ઉવાચ
કથયામિ મહાદેવિ અપ્રકાશ્યં વરાનને ।
નિર્ગુણઞ્ચ પરં બ્રહ્મ ગુરુરિત્યક્ષરદ્વયમ્
મહામન્ત્રં મહેશાનિ ગોપનીયં પરાત્પરમ્ ।
તત્ર ધ્યાનં પ્રવક્ષ્યામિ શૃણુ પાર્વતિ સાદરમ્
સહસ્રદલપદ્મસ્થમન્તરાત્માનમુજ્જ્વલમ્ ।
તસ્યોપરિ નાદબિન્દોર્મધ્યે સિંહાસનોજ્જ્વલે
ચિન્તયેન્નિજગુરું નિત્યં રજતાચલસન્નિભમ્ ।
વીરાસનસમાસીનં મુદ્રાભરણભૂષિતમ્
શુભ્રમાલ્યામ્બરધરં વરદાભયપાણિનમ્ ।
વામોરુશક્તિસહિતં કારુણ્યેનાવલોકિતમ્
પ્રિયયા સવ્યહસ્તેન ધૃતચારુકલેવરમ્ ।
વામેનોત્પલધારિણ્યા રક્તાભરણભૂષયા
જ્ઞાનાનન્દસમાયુક્તં સ્વરેત્તન્નામપૂર્વકમ્ ।
માનસૈસ્તૂપચારૈશ્ચ સંપૂજ્ય કલ્પયેત્ સુધીઃ
ગન્ધં ભૂમ્યાત્મકં દદ્યાદ્ ભાવપુષ્પૈસ્તતઃ પરમ્ ।
ધૂપં વાયવાત્મકં દેવિ તેજસા દીપમેવ ચ
નૈવેદ્યમમૃતં દદ્યાત્ પાનીયં વરુણાત્મકમ્ ।
અમ્બરં મુકુટં દદ્યાત્ વસ્ત્રઞ્ચૈવ મમ પ્રિયે
ચામરં પાદુકાચ્છત્રં તથાલઙ્કારભૂષણૈઃ ।
તત્તન્મુદ્રાવિધાનેન સંપૂજ્યાથ ગુરું યજેત્
યથાશક્તિ જપં કૃત્વા સમર્પ્ય કવચં પઠેત્ ।
ઇતિ તે કથિતં સમ્યગ્ ગુરુપૂજનમુત્તમમ્
શ્રીદેવી ઉવાચ
ભૂતનાથ મહાદેવ કવચં તસ્ય મે વદ
શ્રી-ઈશ્વર ઉવાચ
અથ તે કથયામીશે કવચં મોક્ષદાયકમ્ ।
યસ્ય જ્ઞાનં વિના દેવિ ન સિદ્ધિર્ન ચ સદ્ગતિઃ
બ્રહ્માદયોઽપિ ગિરિજે સર્વત્ર જયિનઃ સ્મૃતાઃ ।
અસ્ય પ્રસાદાત્ સકલા વેદાગમપુરઃસરાઃ
કવચસ્યાસ્ય દેવેશિ ઋષિર્વિષ્ણુરુદાહૃતઃ ।
છન્દો વિરાડ્ દેવતા ચ ગુરુદેવઃ સ્વયં શિવઃ
ચતુર્વર્ગે જ્ઞાનમાર્ગે વિનિયોગઃ પ્રકીર્તિતઃ ।
સહસ્રારે મહાપદ્મે કર્પૂરધવલો ગુરુઃ
વામોરુગતશક્તિર્યઃ સર્વતઃ પરિરક્ષતુ ।
પરમાખ્યો ગુરુઃ પાતુ શિરસં મ વલ્લભે
પરાપરાખ્યો નાસાં મે પરમેષ્ઠિર્મુખં મમ ।
કણ્ઠં મમ સદા પાતુ પ્રહ્લાદાનન્દનાથકઃ
બાહૂ દ્વૌ સનકાનન્દઃ કુમારાનન્દનાયકઃ ।
વશિષ્ઠનન્દનાથશ્ચ હૃદયં પાતુ સર્વદા
ક્રોધાનન્દઃ કટિં પાતુ સુખાનન્દઃ પદં મમ ।
ધ્યાનાનન્દશ્ચ સર્વાઙ્ગં બોધાનન્દશ્ચ કાનને
સર્વત્ર ગુરવઃ પાન્તુ સર્વે ઈશ્વરરૂપિણઃ ।
ઇતિ તે કથિતં ભદ્રે કવચં પરમં શિવે
ભક્તિહીને દુરાચારે દદ્યાન્મૃત્યુમવાપ્નુયાત્ ।
અસ્યૈવ પઠનાદ્ દેવિ ધારણાચ્છ્રવણાત્ પ્રિયે
મન્ત્રાઃ સિદ્ધાશ્ચ જાયન્તે કિમન્યત્ કથયામિ તે ।
કણ્ઠે વા દક્ષિણે બાહૌ શિખાયાં વીરવન્દિતે
ધારણાન્નાશયેત્ પાપં ગઙ્ગાયાં કલુષં યથા ।
ઇદં કવચમજ્ઞાત્વા યદિ મન્ત્રં જપેત્ પ્રિયે
તત્ સર્વં નિષ્ફલં કૃત્વા ગુરુર્યાતિ સુનિશ્ચિતમ્ ।
શિવે રુષ્ટે ગુરુસ્ત્રાતા ગુરૌ રુષ્ટે ન કશ્ચન
શ્રીપાર્વતી ઉવાચ
લોકેશ કથ્યતામ્ દેવ ગુરુગીતા મયિ પ્રભો
શ્રીશિવ ઉવાચ
શૃણુ તારિણિ વક્ષ્યામિ ગીતાં બ્રહ્મમયીં પરામ્ ।
ગુરુઃ સ્વયં સર્વશાસ્ત્રાણામહમેવ પ્રકાશકઃ
ત્વમેવ ગુરુરૂપેણ લોકાનાં પ્રાણકારિણી ।
ગયા ગઙ્ગા કાશિકા ચ ત્વમેવ સકલં જગત્
કાવેરી યમુના રેવા કરતોયા સરસ્વતી ।
ચન્દ્રભાગા ગૌતમી ચ ત્વમેવ કુલપાલિકા
બ્રહ્માણ્ડં સકલં દેવિ કોટિબ્રહ્માણ્ડમેવ ચ ।
નહિ તે વક્તુમર્હામિ ક્રિયાજાલં મહેશ્વરિ
ઉક્ત્વા ઉક્ત્વા ભાવયિત્વા ભિક્ષુકોઽયં નગાત્મજે ।
કથં ત્વં જનની ભૂત્વા બધૂસ્ત્વં મમ દેહિનામ્
તવ ચક્રં મહેશાનિ અતીતં પરમાત્મનઃ ।
ઇતિ તે કથિતા ગીતા ગુરુદેવસ્ય બ્રહ્મણઃ
સંક્ષેપેણ મહેશાનિ પ્રભુરેવ ગુરુઃ સ્વયમ્ ।
જગત્ સમસ્તમસ્થેયં ગુરુસ્થેયો હિ કેવલમ્
તં તોષયિત્વા દેવેશિ નતિભિસ્તત્ત્રિભિસ્તથા ।
નાનાવિધદ્રવ્યદાનૈઃ સિદ્ધિઃ સ્યાત્ સાધકોત્તમઃ
ઇતિ શ્રીદક્ષિણામ્નાયે સાર્ધલક્ષગ્રન્થે કઙ્કાલમાલિનીતન્ત્રે શ્રીગુરુપૂજનકવચગુરુગીતા નામ તૃતીયઃ પટલઃ
અથ ચતુર્થઃ પટલઃ
શ્રીપાર્વતી ઉવાચ
કથયસ્વ વિરૂપાક્ષ મહાકાલીમનું પ્રભો ।
શ્રી-ઈશ્વર ઉવાચ
અથાતઃ સંપ્રવક્ષ્યામિ મહાકાલીમનું પ્રિયે ।
યસ્ય વિજ્ઞાનમાત્રેણ સર્વસિદ્ધીશ્વરો ભવેત્
શ્રિયા વિષ્ણું મમ કાન્ત્યા સમ્મુખેન સમઃ સુખી ।
શૌચેન શુચિના તુલ્યો બલેન પવનોપમઃ
વાગીશ્વરઃ સમો વાચિ ધનેન ધનપઃ સ્વયમ્ ।
સાર્વજ્ઞે શમ્ભુના તુલ્યો દાને દાધીચિના સમઃ
આજ્ઞયા દેવરાજોઽસૌ બ્રાહ્મણ્યેન પ્રજાપતિઃ ।
ભૃગોરિવ તપસ્વી ચ ચન્દ્રવત્ પ્રીતિવર્ધનઃ
તેજસાગ્નિસમો ભક્ત્યા નારદઃ શિવકૃષ્ણયોઃ ।
રૂપેણ મદનઃ સાક્ષાત્ પ્રતાપે ભાનુસન્નિભઃ
શાસ્ત્રચર્ચાસ્વાઙ્ગિરસો જામદગ્ન્યઃ પ્રતિજ્ઞયા ।
સિદ્ધાનાં ભૈરવઃ સાક્ષાત્ ગઙ્ગેવ મલનાશકઃ
અથવા બહુનોક્તેન કિં વા તેન વરાનને ।
ન તસ્ય દૂરિતં કિઞ્ચિત્ મહાકાલીં સ્મરેદ્ધિયા
શબ્દબ્રહ્મમયીં સ્વાહાં ભોગમોક્ષૈકદાયિકામ્ ।
ભોગેન મોક્ષમાપ્નોતિ શ્રુત્વા ગુરુમુખાત્ પરામ્
તાં વિદ્યાં શૃણુ વક્ષ્યામિ યયા ભૈરવતાં વ્રજેત્ ।
ક્રોધીશં ક્ષતજારૂઢં ધૂમ્રભૈરવ્યલક્ષિતમ્
નાદબિન્દુસમાયુક્તં મન્ત્રં સ્વર્ગેઽપિ દુર્લભમ્ ।
એકાક્ષરીસમા નાસ્તિ વિદ્યા ત્રિભુવને પ્રિયે
મહાકાલી ગુહ્યવિદ્યા કલિકાલે ચ સિદ્ધિદા ।
અથાન્યત્ સંપ્રવક્ષ્યામિ દક્ષિણાં કાલિકાં પરામ્
વાગ્ભવં બીજમુચ્ચાર્ય કામરાજં તતઃ પરમ્ ।
માયાબીજં તતો ભદ્રે ત્ર્યક્ષરં મન્ત્રમીરિતમ્
કામરાજં તતો કૂર્ચં માયાબીજમતઃ પરમ્ ।
અપરં ત્ર્યક્ષરં પ્રોક્તં પૂર્વોક્તં ફલદં પ્રિયે
હાલાહલં સમુચ્ચાર્ય માયાદ્વયમતઃ પરમ્ ।
એતત્તુ ત્ર્યક્ષરં દેવિ સર્વકામફલપ્રદમ્
એતેષાઞ્ચૈવ મન્ત્રાણાં ફલમન્યત્ શૃણુ પ્રિયે ।
ન કાલનિયમોઽત્રાસ્તિ નારિમિત્રાદિદૂષણમ્
કાયક્લેશકરં નૈવ પ્રયાસો નાસ્ય સાધને ।
દિવા વા યદિ વા રાત્રૌ જપઃ સર્વત્ર શોભનઃ
ભોગમોક્ષવિરોધોઽત્ર સાધને નાસ્તિ નિશ્ચિતમ્ ।
ભોગેન લભતે મોક્ષં નરોઽપિ વિદ્યયાનયા
અસ્યા જપાત્તથા ધ્યાનાત્ લભેન્મુક્તિં ચતુર્વિધામ્ ।
નાનયા સદૃશી વિદ્યા નાનયા સદૃશો જપઃ
નાનયા સદૃશં ધ્યાનં નાનયા સદૃશં તપઃ ।
સત્યં સત્યં પુનઃ સત્યં સત્યપૂર્વં વદામ્યહમ્
અનયા સદૃશી વિદ્યા નાસ્તિ સિદ્ધિઃ સુગોચરે ।
અથ સંક્ષેપતો વક્ષ્યે પૂજાવિધિમનુત્તમમ્
વિસ્તારે કસ્ય વા શક્તિઃ કો વા જાનાતિ તત્ત્વતઃ ।
પૂજા ચ ત્રિવિધા પ્રોક્તા નિત્યનૈમિત્તિકામ્યતઃ
તત્રૈવ નિત્યપૂજાઞ્ચ વક્ષ્યે તાઞ્ચ નિશામય ।
ભૈરવોઽસ્ય ઋષિઃ પ્રોક્ત ઉષ્ણિક્ છન્દ ઉદાહૃતમ્
દેવતા મુનિભિઃ પ્રોક્તા મહાકાલી પુરાતની ।
વિનિયોગસ્તુ વિદ્યાયાઃ પુરુષાર્થચતુષ્ટયે
પઞ્ચશુદ્ધિવિહીનેન યત્કૃતં ન ચ તત્કૃતમ્ ।
પઞ્ચશુદ્ધિં વિના પૂજા અભિચારાય કલ્પ્યતે
આત્મશુદ્ધિઃ સ્થાનશુદ્ધિર્દ્રવ્યસ્ય શોધનસ્તથા ।
મન્ત્રશુદ્ધિર્દેવશુદ્ધિઃ પઞ્ચશુદ્ધિરિતીરિતા
ભૂપ્રદેશે સમે શુદ્ધિઃ પુષ્પઃ પ્રકરસંકુલે ।
આસનં કલ્પયેદાદૌ કોમલં કમ્બલન્તુ વા
વામે ગુરૂન્ પુનર્નત્વા દક્ષિણે ગણપતિં વિભુમ્ ।
ભૂતશુદ્ધિં તથા કુર્યાત્ પૂજાયોગ્યા યથા ભવેત્
પ્રાણાયામાદિ વિધિવત્ ઋણ્યાદિન્યાસમાચરેત્ ।
આદૌ શુદ્ધિભૈરવાય ઋષયે નમ ઇત્યથ
ઉષ્ણિક્ છન્દસે નમસા મુખે છન્દો વિનિર્દિશેત્ ।
મમ પ્રિયે મહાકાલી દેવતાયૈ નમો હૃદિ
હ્રીં બીજાય નમઃ પૂર્વં હું શક્તયે નમોઽપ્યથ ।
કવિત્વાર્થે વિનિયોગ ઇતિ વિન્યસ્ય વાઞ્છયા
કેવલાં માતૃકાં ન્યસ્ય બીજન્યાસ સમાચરેત્ ।
ઓં ક્રા। અઙ્ગુષ્ઠયોર્ન્યસ્ય ઓં ક્રી। તર્જન્યોર્નમઃ
ઓં ક્ર। મધ્યમયોર્ન્યસ્ય ઓં ક્રૈ। અનામિકાદ્વયોઃ ।
ઓં ક્રૌ। કનિષ્ઠાયુગલે ઓં ક્રઃ કરતલે તથા
પુનર્હૃદયાદિષ્વેતૈર્જાતિયુક્તૈઃ ષડઙ્ગકમ્ ।
ષડદીર્ઘભાવં સ્વબીજૈઃ પ્રણવાદ્યૈસ્તુ વિન્યસેત્
વર્ણન્યાસં તથા કુર્યાદ્ યેન દેવીમયો ભવેત્ ।
અ આ ઇ ઈ ઉ ઊ ઋ ૠ ઌ ૡ ચ હૃદયે ન્યસેત્
એ ઐ ઓ ઔ અં અઃ ક ખ ગ ઘ વૈ દક્ષિણે ભુજે ।
ઙ ચ છ જ ઝ ઞ ટ ઠ ડ ઢ વૈ વામકે ભુજે
ણ ત થ દ ધ ન પ ફ બ ભ દક્ષજઙ્ઘકે ન્યસેત્ ।
મ ય ર લ વ શ ષ સ હ લ ક્ષ વામજઙ્ઘકે
પઞ્ચધા સપ્તધા વાપિ મૂલવિદ્યાં સમુચ્ચરન્ ।
શિર-આદિ ચ પાદાન્તં ન્યસેદ્ વ્યાપકમુત્તમ્
નિત્યન્યાસ ઇતિ પ્રોક્તઃ સર્વ એવ સુખાવહઃ ।
અથ ધ્યાનં પ્રવક્ષ્યામિ ભૈરવાકારદાયકમ્
હિમાલયગિરેર્મધ્યે નગરે ભૈરવસ્ય ચ ।
દિવ્યસ્થાને મહાપીઠે મણિમણ્ડપરાજિતે
નારદાદ્યૈર્મુનિશ્રેષ્ઠૈઃ સંસેવિતપદામ્બુજામ્ ।
તત્ર ધ્યાયેન્મહાકાલીમાદ્યાં ભૈરવન્દિતામ્
નીલેન્દીવરવર્ણિનીં યુગ્માપીનતુઙ્ગસ્તનીમ્
સુપ્તશ્રીહરિપીઠરાજિતવતીં ભીમાં ત્રિનેત્રાં શિવામ્ ।
મુદ્રાખડ્ગકરાં વરાભયયુતાં ચિત્રામ્બરોદ્દીપનીં
વન્દે ચઞ્ચલચન્દ્રકાન્તમણિભિર્માલાં દધાનાં પરામ્
ધ્યાનાન્તરં પ્રવક્ષ્યામિ શૃણ ગૌરિ ગિરેઃ સુતે ।
તત્ર પીઠે મહાદેવીં કાલીં દાનવસેવિતામ્
મેઘાઙ્ગી વિગતામ્બરાં શવશિરારૂઢાં ત્રિનેત્રાં પરાં
કર્ણાલમ્બિતબાણયુગ્મલસિતાં મુણ્ડાવલીમણ્ડિતામ્ ।
વામાધોર્ધ્વ કરામ્બુજે નરશિરઃખડ્ગઞ્ચ સવ્યેતરે ।
દાનાભીતિવિમુક્તકેશનિચયા ધ્યેયા સદા કાલિકા
અપરઞ્ચ પ્રવક્ષ્યામિ ધ્યાનં પરમદુર્લભમ્ ।
કાલીં કરાલવદનાં ઘોરદંષ્ટ્રાં ત્રિલોચનામ્
સ્મરેચ્છરકરશ્રેણિકૃતકાઞ્ચીં દિગમ્બરામ્ ।
વીરાસનસમાસીનાં મહાકાલોપરિ સ્થિતામ્
શ્રુતિમૂલસમાકીર્ણાં સૃક્કણીં ઘોરનાદિનીમ્ ।
મુણ્ડમાલાગલદ્રક્તચર્ચિતાં પીવરસ્તનીમ્
મદિરામોદિતાસ્ફાલકમ્પિતાખિલમેદિનીમ્ ।
વામે ખડ્ગં છિન્નમુણ્ડં ધારિણીં દક્ષિણે કરે
વરાભયયુતાં ઘોરવદનાં લોલજિહ્વિકામ્ ।
શકુન્તપક્ષસંયુક્તવાણકર્ણવિભૂષિતામ્
શિવાભિર્ઘોરરાવાભિઃ સેવિતાં પ્રલયોદિતામ્ ।
ચણ્ડહાસચણ્ડનાદચણ્ડાખ્યાનૈશ્ચ ભૈરવૈઃ
ગૃહીત્વા નરકઙ્કાલં જયશબ્દપરાયણૈઃ ।
સેવિતાખિલસિદ્ધૌઘૈર્મુનિભિઃ સેવિતાં પરામ્
એષામન્યતમં ધ્યાનં કૃત્વા ચ સાધકોત્તમઃ ।
માનસૈરુપચારૈશ્ચ સોઽહમાત્માનમર્ચયેત્
તતો દેવીં સમભ્યર્ચ્ય અર્ઘ્યદ્વયં નિવેદયેત્ ।
દશપઞ્ચારપદ્મેષુ પીઠપૂજાં સમાચરેત્
તત્રાવાહ્ય મહાદેવીં નિયમેન સમાહિતઃ ।
તતો ધ્યાયેન્મહાદેવીં કાલિકાં કુલભૂષણામ્
મહાકાલં યજેદ્દ્યત્નાત્ પીઠશક્તિં તતો યજેત્ ।
કાલીં કપાલિનીં કુલ્લાં કુરુકુલ્લાં વિરોધિનીમ્
વિપ્રચિત્તાં તથા ચૈવ વહિઃ ષટ્કોણકે પુનઃ ।
ઉગ્રામુગ્રપ્રભાં દીપ્તાં તત્ર ત્રિકોણકે પુનઃ
મહાકાલં યજેદ્યત્નાત્પીઠશક્તિં તતોયજેત્ ।
કાલીં કૃપાલિની કુલ્લાં કુરુકુલ્લાં વિરોધિનીમ્
વિપ્રચિંત્તાં તથા ચૈવ વહિઃ ષટ્કોણકે પુનઃ ।
ઉગ્રામુગ્રેપ્રભાં દીપ્તાં તત્ર ત્રિકોણકે પુનઃ
નીલાં ઘનાં વલાકાઞ્ચ તથા પરત્રિકોણકે ।
માત્રાં મુદ્રાં નિત્યાઞ્ચૈવ તથૈવાન્તસ્ત્રિકોણકે
સર્વા શ્યામા અસિકરા મુણ્ડમાલાવિભૂષણા ।
તર્જનીં વામહસ્તેન ધારયન્તી શુચિસ્મિતા
બ્રાહ્મ્યાદ્યાસ્તથાવાહ્ય યજેત્ પૂર્વદલક્રમાત્ ।
બ્રાહ્મી નારાયણી ચૈવ તથૈવ ચ મહેશ્વરી
ચામુણ્ડાપિ ચ કૌમારી તથા ચૈવાત્ર રાજિતા ।
વારાહી ચ તથા પૂજ્યા નારસિંહી તથૈવ ચ
સર્વાસામપિ દાતવ્યા બલિઃ પૂજા તથૈવ ચ ।
અનુલેપનકં ગન્ધં ધૂપદીપૌ ચ પાનકમ્
ત્રિસ્ત્રિઃ પૂજા ચ કર્તવ્યા સર્વાસામપિ સાધકૈઃ ।
પુનર્ગન્ધાદિભિઃ પૂજ્ય જપ્ત્વા શેષં સમર્પયેત્
સમયં ચાર્ચયેદ્ દેવ્યા યોગિનીયોગિભિઃ સહ ।
મધુ માંસં તથા મત્સ્યં યત્ કિઞ્ચ કુલસાધનમ્
શક્ત્યૈ દત્વા તતઃ પશ્ચાદ્ ગુરવે વિનિવેદયેત્ ।
તદનુજ્ઞાં મૂર્ધ્નિ કૃત્વા શેષં ચાત્મનિ યોજયેત્
મધુ માંસં વિના યસ્તુ કુલપૂજાં સમાચરેત્ ।
જન્માન્તરસહસ્રસ્ય સુકૃતિસ્તસ્ય નશ્યતિ
તસ્માત્ સર્વપ્રયત્નેન મકારપઞ્ચકૈર્યજેત્ ।
મધુના ન વિના મન્ત્રં ન મન્ત્રેણ વિના મધુ
પરસ્પરવિરોધેન કથં સિધ્યન્તિ સાધકાઃ ।
કુણ્ડકુમ્ભકપાલાદિપદાર્થાનાં નિષેવણમ્
સૌરે તન્ત્રે વિરુદ્ધં ચ શૈવે શાક્તે મહાફલમ્ ।
બ્રહ્માણ્ડખણ્ડસમ્ભૂતમશેષરત્નસમ્ભવમ્
શ્વેતં પીતં સુગન્ધં ચ નિર્મલં ભૂરિતેજસમ્ ।
અથવા કુમ્ભમધ્યેઽસ્મિન્ સ્રવન્તં પરમામૃતમ્
અન્તર્લયો બહિર્મધ્યે ત્રિકોણોદરવર્તિનિ ।
તદ્ વાહ્યં સ્ફાટિકોદારમણિચન્દ્રં ચ મણ્ડલમ્
તેનામૃતેન તદ્બાહ્યે ચિન્તયેત્ પરમામૃતમ્ ।
આરમ્ભસ્તરુણઃ પ્રૌઢસ્તદન્તે તરુણઃ પુનઃ
એભિરુલ્લાસવાન્ યોગી સ્વયં શિવમયો યતઃ ।
સર્વશેષે ચ દેવેશિ સામાન્યાર્ઘ્યં પદેઽર્પયેત્
વિશેષાર્ઘ્યં શિવે દત્વા દેવ્યાઃ પ્રિયતમો ભવેત્ ।
સાઙ્ગક્રિયાં પદે દત્વા સામાન્યાર્ઘ્યં શિવે ભવેત્
ઇત્યુક્ત્વા સ પરામર્ષી[ર્શી] શક્તિતોષણકારકઃ ।
ભોગેન લભતે મોક્ષં બહુના જલ્પિતેન કિમ્
નિયમઃ પુરુષે જ્ઞેયો ન યોષિત્સુ કદાચન ।
યદ્વા તદ્વા યેન કેન સર્વદા સર્વતોઽપિ ચ
યોષિતાં ધ્યાનયોગેન શુદ્ધશેષં ન સંશયઃ ।
બાલાં વા યૌવનોન્મત્તાં વૃદ્ધાં વા યુવતીં તથા
કુત્સિતાં વા મહાદુષ્ટાં નમસ્કૃત્ય વિસર્જયેત્ ।
તાસાં પ્રહારો નિન્દા ચ કૌટિલ્યમપ્રિયં તથા
સર્વથા ન ચ કર્તવ્યમન્યથા સિદ્ધિરોધકૃત્ ।
ઇતિ તે કથિતં શેષમાચરેદ્ લક્ષણં પ્રિયે ॥
નિત્યપૂજાક્રમં ભક્ત્યા જ્ઞાત્વા સિદ્ધિમવાપ્નુયાત્
ઇતિ દક્ષિણામ્નાયે કઙ્કાલમાલિનીતન્ત્રે સાર્ધલક્ષગ્રન્થે મહાકાલીમન્ત્રપૂજાકથનં નામ ચતુર્થઃ પટલઃ
પઞ્ચમઃ પટલઃ
શ્રીપાર્વતી ઉવાચ
કથયસ્વ મહાભાગ પુરશ્ચરણમુત્તમમ્ ।
કસ્મિન્ કાલે ચ કર્તવ્યં કલૌ સિદ્ધિદમદ્ભુતમ્
શ્રી-ઈશ્વર ઉવાચ
સામાન્યતઃ પ્રવક્ષ્યામિ પુરશ્ચર્યાવિધિં શૃણુ ।
નાશુભો વિદ્યતે કાલો નાશુભો વિદ્યતે ક્વચિત્
ન વિશેષો દિવારાત્રૌ ન સન્ધ્યાયાં મહાનિશિ ।
કાલાકાલં મહેશાનિ ભ્રાન્તિમાત્રં ન સંશયઃ
પ્રલયે મહતિ પ્રાપ્તે સર્વં ગચ્છતિ બ્રહ્મણિ ।
તત્કાલે ચ મહાભીમે કો ગચ્છતિ શુભાશુભમ્
કલિકાલે મહામાયે ભવન્ત્યલ્પાયુષો જનાઃ ।
અનિર્દિષ્ટાયુષઃ સર્વે કાલચિન્તા કથં પ્રિયે
યત્કાલં બ્રહ્મચિન્તાયાં તત્કાલં સફલં પ્રિયે ।
પુરશ્ચર્યાવિધૌ દેવિ કાલચિન્તાં ન ચાચરેત્
નાત્ર શુદ્ધ્યાદ્યપેક્ષાસ્તિ ન નિષિદ્ધાદિદૂષણમ્ ।
દિક્કાલનિયમો નાત્ર સ્થિત્યાદિનિયમો નહિ
ન જપે કાલનિયમો નાર્ચાદિષ્વપિ સુન્દરિ ।
સ્વેચ્છાચારોઽત્ર નિયમો મહામન્ત્રસ્ય સાધને
નાધર્મો વિદ્યતે સુભ્રુ પ્રચરેદ્ હૃષ્ટમાનસઃ ।
જમ્બૂદ્વીપે ચ વર્ષે ચ કલૌ ભારતસંજ્ઞકે
ષણ્માસાદપિ ગિરિજે જપાત્ સિદ્ધિર્ન સંશયઃ ।
યન્નોક્તં સર્વતન્ત્રેષુ તદદ્ય કથયામિ તે
સુભગે શૃણુ ચાર્વઙ્ગિ કલ્યાણિ કમલેક્ષણે ।
કલૌ ચ ભારતે વર્ષે યેન સિદ્ધિઃ પ્રજાયતે
તત્સર્વં કથયામ્યદ્ય સાવધાનાઽવધારય ।
કલિકાલે વરારોહે જપમાત્રં પ્રશસ્યતે
ન તિથિર્ન વ્રતં હોમં સ્નાનં સન્ધ્યા પ્રશસ્યતે ।
પુરશ્ચર્યાં વિના દેવિ કલૌ મન્ત્રં ન સાધયેત્
સત્યત્રેતાયુગં દેવિ દ્વાપરં સુખસાધનમ્ ।
કલિકાલે દુરાઘર્ષં સર્વદુઃખમયં સદા
સારં હિ સર્વતન્ત્રાણાં મહાકાલીષુ કથ્યતે ।
પ્રાતઃકૃત્યાદિકં કૃત્વા તતઃ સ્નાનં સમાચરેત્
કૃત્વા સન્ધ્યાં તર્પણં ચ સંક્ષેપેણ વરાનને ।
પૂજાં ચૈવ વરારોહે યસ્ય યત્ પટલક્રમાત્
પૂજાદ્વારે ચ વિન્યસ્ય બલિં દદ્યાદ્ યથાક્રમમ્ ।
પ્રાણાયામત્રયં ચૈવ માષભક્તબલિં તથા
સઙ્કલ્પ્યોપાસ્ય દેવેશિ બલિદાનસ્ય સાધકઃ ।
આદૌ ગણપતેર્બીજં ગમિત્યેકાક્ષરં વિદુઃ
ભૂમૌ વિલિખ્ય ગુપ્તેન બલિં પિણ્ડોપમં તતઃ ।
ઓં ગં ગણપતયે સ્વાહા ઇતિ મન્ત્રેણ સાધકઃ
બલિમિત્થં ચ સર્વત્ર બીજોપરિ પ્રદાપયેત્ ।
ઓં ભૈરવાય તતઃ સ્વાહા ભૈરવાય બલિં તતઃ
ઓં ક્ષં ક્ષેત્રપાલાય સ્વાહા ક્ષેત્રપાલબલિં તતઃ ।
ઓં યાં યોગિનિભ્યો નમઃ સ્વાહા ચ યોગિનીબલિમ્
સંપૂજ્ય વિધિના દદ્યાત્ પૂર્વવત્ ક્રમતો બલિમ્ ।
કથોપકથનં દેવિ ત્યજેદત્ર સુરાલયે
પૂર્વે ગણપતેર્ભદ્રે ઉત્તરે ભૈરવાય ચ ।
પશ્ચિમે ક્ષેત્રપાલાય યોગિન્યૈ દક્ષિણે દદેત્
ઇન્દ્રાદિભ્યો બલિં દદ્યાદાત્મકલ્યાણહેતવે ।
તદા સિદ્ધિમવાપ્નોતિ ચાન્યથા હાસ્યકેવલમ્
પલૈકં માષકલ્કઞ્ચ પલમેકઞ્ચ તણ્ડુલમ્ ।
અર્દ્ધતોલં ઘૃતઞ્ચૈવ દધિ અર્દ્ધાર્દ્ધતોલકમ્
શર્કરૈકતોલકેન બલિં દદ્યાત્ સુસિદ્ધયે ।
એતેષાં સહયોગેન બલિર્ભવતિ શામ્ભવિ
પૂજાસ્થાને તથા ભદ્રે કૂર્મબીજં લિખેત્ તતઃ ।
ચન્દ્રબિન્દુમયં બીજં કૂમબીજં ઇતીરિતમ્
સ્થાપયેદાસનં તત્ર પૂજયેત્ પટલક્રમાત્ ।
ભૂતશુદ્ધિં તતઃ કૃત્વા પ્રાણાયામં તતઃ પરમ્
અઙ્ગન્યાસં કરન્યાસં માતૃકાન્યાસમેવ ચ ।
યઃ કુર્યાન્માતૃકાન્યાસં સ શિવો નાત્ર સંશયઃ
તતસ્તુ ભીમતિલકં રુદ્રાક્ષં ધારયેત્તતઃ ।
રુદ્રાક્ષસ્ય ચ માહાત્મ્યં ભસ્મનશ્ચ શૃણુ પ્રિયે
આગ્નેયમુચ્યતે ભસ્મ દુગ્ધગોમયસમ્ભવમ્ ।
શોધયેન્મૂલમન્ત્રેણ અષ્ટોત્તરશતં જપન્
શિરોદેશે લલાટે ચ સ્કન્ધયોર્ભ્રૂપ્રદેશકે ।
બાહ્વોઃ પાર્શ્વદ્વયે દેવિ કણ્ઠદેશે હૃદિ પ્રિયે
શ્રુતિયુગ્મે પૃષ્ઠદેશે નાભૌ તુણ્ડે મહેશ્વરિ ।
કૂર્પરાદ્ બાહુપર્યન્તં કક્ષે ગ્રીવાસુ પાર્વતિ
સર્વાઙ્ગે લેપયદ્ દેવિ કિમન્યત્ કથયામિ તે ।
મધ્યમાનામિકાઙ્ગુલ્યઙ્ગુષ્ઠેન તિલકં તતઃ
તિલકં તુ ત્રિરેખં સ્યાદ્ રેખાણાં નવધા મતમ્ ।
પૃથિવ્યગ્નિસ્તથા શક્તિઃ ક્રિયાશક્તિર્મહેશ્વરઃ
દેવઃ પ્રથમરેખાયાં ભક્ત્યા તે પરિકીર્તિતઃ ।
ન ભસ્માંશ્ચૈવ સુભગે દ્વિતીયા ચૈવ દેવતા
પરમાત્મા શિવો દેવસ્તૃતીયાયાશ્ચ દેવતા ।
એતાન્નિત્યં નમસ્કૃત્ય ત્રિપુણ્ડ્રં ધારયેદ્ યદિ
મહેશ્વરવ્રતમિદં કૃત્વા સિદ્ધીશ્વરો ભવેત્ ।
બ્રહ્મચારી ગૃહસ્થો વા વનસ્થો વા યતિસ્તથા
મહાપાતકસંઘાતૈર્મુચ્યતે સર્વપાતકાત્ ।
તથાઽન્યક્ષત્રવિટ્શૂદ્રસ્ત્રીહત્યાદિષુ પાતકૈઃ
વીરબ્રાહ્મણહત્યાભિર્મુચ્યતે સુભગેશ્વરિ ।
અમન્ત્રેણાપિ યઃ કુર્યાદ્ જ્ઞાત્વા ચ મહિમોન્નતિમ્
ત્રિપુણ્ડ્રભાલતિલકો મુચ્યતે સર્વપાતકૈઃ ।
પરદ્રવ્યાપહરણં પરદારાભિમર્ષણમ્
પરનિન્દા પરક્ષેત્રહરણં પરપીડનમ્ ।
અસત્યવાક્યપૈશુન્યં પારુષ્યં દેવવિક્રયમ્
કૂટસાક્ષ્યં વ્રતત્યાગં કૈતવં નીચસેવનમ્ ।
ગોમૃગાણાં હિરણ્યસ્ય તિલકમ્બલવાસસામ્
અન્નધાન્યકુશાદીનાં નીચેભ્યોઽપિ પરિગ્રહમ્ ।
દાસીવેશ્યાસુ કૃષ્ણાસુ વૃષલીસુ નદીષુ ચ
રજસ્વલાસુ કન્યાસુ વિધવાસુ ચ સઙ્ગમે ।
માંસચર્મરસાદીનાં લવણસ્ય ચ વિક્રયમ્
એવંરૂપાણ્યસંખ્યાનિ પાપાનિ વિવિધાનિ ચ ।
સદ્ય એવ વિનશ્યન્તિ ત્રિદણ્ડસ્ય ચ ધારણાત્
શિવદ્રવ્યાપહરણાત્ શિવનિન્દાઞ્ચ કુત્રચિત્ ।
નિન્દાયાઃ શિવભક્તાનાં પ્રાયશ્ચિત્તૈર્ન શુધ્યતિ
ત્રિપુણ્ડ્રં શિરસા ધૃત્વા તત્ક્ષણાદેવ શુધ્યતિ ।
દેવદ્રવ્યાપહરણે બ્રહ્મસ્વહરણેન ચ
કુલાન્યગ્નય એવાત્ર વિનશ્યન્તિ સદાશિવે ।
મહાદેવિ મહાભાગે બ્રાહ્મણાતિક્રમેણ ચ
કુલરક્ષા ભવત્યસ્માત્ ત્રિપુણ્ડ્રસ્ય ચ સેવનાત્ ।
રુદ્રાક્ષં યસ્ય દેહેષુ લલાટેષુ ત્રિપુણ્ડ્રકમ્
યદિ સ્યાત્ સ ચ ચાણ્ડાલઃ સર્વવર્ણોત્તમોત્તમઃ ।
યાનિ તીર્થાનિ લોકેઽસ્મિન્ ગઙ્ગાદ્યાઃ સરિતશ્ચ યાઃ
સ્નાતો ભવતિ સર્વત્ર યલ્લલાટે ત્રિપુણ્ડ્રકમ્ ।
સપ્તકોટિમહામન્ત્રા ઉપમન્ત્રાસ્તથૈવ ચ
શ્રીવિષ્ણોઃ કોટિમન્ત્રાશ્ચ કોટિમન્ત્રાઃ શિવસ્ય ચ ।
તે સર્વે તેન જપ્તા ચ યો બિભર્તિ ત્રિપુણ્ડ્રકમ્
સહસ્રં પૂર્વજાતાનાં સહસ્રં ચ જનિષ્યતામ્ ।
સ્વવંશજાતમર્ત્યાનામુદ્ધરેદ્ યસ્ત્રિપુણ્ડ્રકૃત્
ષડૈશ્વર્યગુણોપેતઃ પ્રાપ્ય દિવ્યવપુસ્તતઃ ।
દિવ્યં વિમાનમારુહ્ય દિવ્યાસ્ત્રશતસેવિતઃ
વિદ્યાધારણાં સિદ્ધાનાં ગન્ધર્વાણાં મહૌજસામ્ ।
ઇન્દ્રાદિલોકપાલાનાં લોકેષુ ચ યથાક્રમમ્
ભુક્ત્વા ભોગાન્ સુવિપુલં પ્રદેશાનાં પુરેષુ ચ ।
બ્રહ્મણઃ પદમાસાદ્ય તત્ર કલ્પાયુતં વસેત્
વિષ્ણુલોકે ચ રમતે આબ્રહ્મણઃ શતાયુષમ્ ।
શિવલોકં તતઃ પ્રાપ્ય રમતે કાલમક્ષયમ્
શિવસાયુજ્યમાપ્નોતિ ન સ ભૂયોઽપિ જાયતે ।
શૈવે વિષ્ણૌ ચ સૌરે ચ ગાણપત્યેષુ પાર્વતિ
શક્તિરૂપા ચ યા ગૌઃ સ્યાત્ તસ્યા ગોમયસમ્ભવમ્ ।
ભસ્મ તેષુ મહેશાનિ વિશિષ્ટં પરિકીર્તિતમ્
શૈવાપિ ચ વરારોહે સાદ્ગુણ્યં વરવર્ણિનિ ।
શક્તૌ પ્રશસ્તમોક્ષં હિ ભસ્મ યૌવનજીવને
અન્યેષાં ગોકરીષેણ ભસ્મ શક્ત્યાદિકેષ્વપિ ।
સામાન્યમેતત્ સુશ્રોણિ વિશેષં શૃણુ મત્પ્રિયે
કરીષભસ્માદનઘે હૌમં ભસ્મ મહાફલમ્ ।
હૌમભસ્માત્ કોટિગુણં વિષ્ણુહોમં મહેશ્વરિ
શિવહોમં તદ્દ્વિગુણં ભસ્માત્તુ શૃણુ સુન્દરિ ।
સ્વીયેષ્ટદેવતાહોમમનન્તં પ્રિયવાદિનિ
તન્માહાત્મ્યમહં વક્તું કલ્પકોટિશતૈરપિ ।
ન સમર્થો યોગમાર્ગો કિમન્યત્ કથયામિ તે
હોમઃ કલિયુગે દેવિ જમ્બૂદ્વીપસ્ય વર્ષકે ।
ભારતાખ્યે મહાકાલિ દશાંશં ક્રમતઃ શિવે
નાસ્તિકાસ્તે મહામોહે કેવલં હોમમાચરેત્ ।
લક્ષં વાપ્યયુતં વાપિ સહસ્રં વા વરાનને
અષ્ટાધિકશતં વાપિ કામ્યહોમં પ્રકલ્પયેત્ ।
નિત્યહોમં ચ કર્તવ્યં શક્ત્યા ચ પરમેશ્વરિ
પ્રજપેન્નિત્યપૂજાયામષ્ટોત્તરસહસ્રકમ્ ।
અષ્ટોત્તરશતં વાપિ અષ્ટપઞ્ચાશતં ચરેત્
અષ્ટાત્રિંશત્સંખ્યકં વા અષ્ટાવિંશતિમેવ ચ ।
અષ્ટાદશં દ્વાદશં ચ દશાષ્ટૌ ચ વિધાનતઃ
હોમં ચૈવ મહેશાનિ એતત્સંખ્યાવિધાનતઃ ।
એવં સર્વત્ર દેવેશિ નિત્યકર્મમહોત્સવઃ
ઇત્થં પ્રકારં યદ્ ભસ્મ અઙ્ગે સંલિપ્ય સાધકઃ ।
માલાઞ્ચૈવ મહેશાનિ નરાસ્થ્યદ્ભુતપૂજિતામ્
ગલે દદ્યાદ્ વરારોહે શક્તશ્ચેદ્ દિવ્યનાયિકે ।
રુદ્રાક્ષમાલ્યં સંધાર્યં તતઃ શૃણુ મમ પ્રિયે
એવં કૃત્વા ત્વયા સાર્દ્ધં પિતૃભૂમૌ સ્થિતં મયા ।
સુભગે શૃણુ સુશ્રોણિ રુદ્રાક્ષં પરમં પદમ્
સર્વપાપક્ષયકરં રુદ્રાક્ષં બ્રહ્મણીશ્વરિ ।
અભુક્તો વાઽપિ ભુક્તો વા નીચાન્નીચતરોઽપિ વા
રુદ્રાક્ષં ધારયેદ્ યસ્તુ મુચ્યતે સર્વપાતકાત્ ।
રુદ્રાક્ષધારણં પુણ્યં કૈવલ્યસદૃશં ભવેત્
મહાવ્રતમિદં પુણ્યં ત્રિકોટિતીર્થસંયુતમ્ ।
સહસ્રં ધારયેદ્ યસ્તુ રુદ્રાક્ષાણાં શિચિસ્મિતે
તં નમન્તિ સુરાઃ સર્વે યથા રુદ્રસ્તથૈવ સઃ ।
અભાવે તુ સહસ્રસ્ય બાહ્વોઃ ષોડશ ષોડશ
એકં શિખાયાં કવચયોર્દ્વાદશ દ્વાદશ ક્રમાત્ ।
દ્વાત્રિંશત્ કણ્ઠદેશે તુ ચત્વારિંશત્ શિરે તથા
ઉભયોઃ કર્ણયોઃ ષટ્ ષડ્ હૃદિ અષ્ટોત્તરં શતમ્ ।
યો ધારયતિ રુદ્રાક્ષાન્ રુદ્રવત્ સ ચ પૂજિતઃ
મુક્તાપ્રવાલસ્ફટિકૈઃ સૂર્યેન્દુમણિકાઞ્ચનૈઃ ।
સમેતાન્ ધારયેદ્ યસ્તુ રુદ્રાક્ષાન્ શિવ એવ સઃ
કેવલાનપિ રુદ્રાક્ષાન્ યો બિભર્તિ વરાનને ।
તં ન સ્પૃશન્તિ પાપાનિ તિમિરાનીવ ભાસ્કરમ્
રુદ્રાક્ષમાલયા જપ્તો મન્ત્રોઽનન્તફલપ્રદઃ ।
યસ્યાઙ્ગે નાસ્તિ રુદ્રાક્ષ એકોઽપિ વરવર્ણિનિ
તસ્ય જન્મ નિરર્થં સ્યાત્ ત્રિપુણ્ડ્રરહિતં યથા ।
રુદ્રાક્ષં મસ્તકે બધ્વા શિરઃસ્નાનં કરોતિ યઃ
ગઙ્ગાસ્નાનફલં તસ્ય જાયતે નાત્ર સંશયઃ ।
રુદ્રાક્ષં પૂજયેદ્ યસ્તુ વિના તોયાભિષેચનૈઃ
યત્ફલં શિવપૂજાયાં તદેવાપ્નોતિ નિશ્ચિતમ્ ।
એકવક્ત્રૈઃ પઞ્ચવક્ત્રૈસ્ત્રયોદશમુખૈસ્તથા
ચતુર્દશમુખૈર્જપ્ત્વા સર્વસિદ્ધિઃ પ્રજાયતે ।
કિં બહૂક્ત્યા વરારોહે કૃત્વા ગતિકમદ્ભુતમ્
રુદ્રાક્ષં યત્નતો ધૃત્વા શિવ એવ સ સાધકઃ ।
ભસ્મના તિલકં કૃત્વા પશ્ચાદ્ રુદ્રાક્ષધારણમ્
પ્રાણાયામં તતઃ કૃત્વા સંકલ્પ્યોપાસ્ય સાધકઃ ।
મૂલમન્ત્રસિદ્ધિકામઃ કુર્યાચ્ચ વર્ણપૂજનમ્
ષટ્ત્રિંશદ્વર્ણમાલાર્ચા વિસ્તારોન્નતિશાલિની ।
વિલિપ્ય ચન્દનં શુદ્ધં સર્વવર્ણાત્મકે ઘટે
સર્વાવયવસંયુક્તાન્ વિલિખ્ય માતૃકાક્ષરાન્ ।
ગુરું સંપૂજ્ય વિધિવદ્ ઘટસ્થાપનમાચરેત્
પઞ્ચાશમાતૃકાવર્ણાન્ પૂજયેદ્ વિભવક્રમાત્ ।
પઞ્ચોપચારૈઃ સંપૂજ્ય ધ્યાનં કૃત્વા પ્રસન્નધીઃ
શુક્લવિદ્યુત્પ્રતીકાશાં દ્વિભુજાં લોલલોચનામ્ ।
કૃષ્ણામ્બરપરિધાનાં શુક્લવસ્ત્રોત્તરીયિણીમ્
નાનાભરણભૂષાઢ્યાં સિન્દૂરતિલકોજ્જ્વલામ્ ।
કટાક્ષવિશિખોદ્દીપ્તામજ્જનાઞ્ચિતલોચનામ્
મન્ત્રસિદ્ધિપ્રદાં નિત્યાં ધ્યાયેત્ સત્ત્વસ્વરૂપિણીમ્ ।
રક્તવિદ્યુત્પ્રતીકાશાં દ્વિભુજાં લોલલોચનામ્
શુક્લામ્બરપરીધાનાં કૃષ્ણવસ્ત્રોત્તરીયિણીમ્ ।
નાનાભરણભૂષાઢ્યાં સિન્દૂરતિલકોજ્જ્વલામ્
કટાક્ષવિશિખોદ્દીપ્તામઞ્જનાઞ્ચિતલોચનામ્ ।
મન્ત્રસિદ્ધિપ્રદાં નિત્યાં ધ્યાયેદ્ રજઃસ્વરૂપિણીમ્
ભ્રમદ્ભ્રમરસંકાશાં દ્વિભુજાં લોલલોચનામ્ ।
રક્તવસ્ત્રપરીધાનાં કૃષ્ણવસ્ત્રોત્તરીયિણીમ્
નાનાભરણભૂષાઢ્યાં સિન્દૂરતિલકોજ્જ્વલામ્ ।
કટાક્ષવિશિખોદ્દીપ્તાં ભ્રૂલતાપરિસેવિતામ્
મન્ત્રસિદ્ધિપ્રદાં નિત્યાં ધ્યાયેત્ તમઃ સ્વરૂપિણીમ્ ।
ધ્યાત્વા પાદ્યાદિકં દત્વા ત્રિગુણાં પૂજયેત્ ક્રમાત્
ઓં ઊઙ્કારરૂપિણ્યૈ નમઃ પાદ્યૈઃ પ્રપૂજયેત્ ।
આદિધ્યાનેન સુભગે યજેત્ સત્ત્વમયીં પરામ્
ઓં કઙ્કારરૂપિણ્યૈ નમઃ પાદ્યાદિભિર્યજેત્ ।
ક્રમાત્ સપ્તદશાર્ણં હિ દ્વિતીયં ધ્યાનમાચરન્
ઓં દંકારરૂપિણ્યૈ નમઃ પાદ્યાદિભિર્યજેત્ ।
ક્રમાત્ સપ્તદશાર્ણં હિ તૃતીયં ધ્યાનમાચરન્
એવં ક્રમેણ પઞ્ચાશદ્વવર્ણાન્ હિ પરિપૂજયેત્ ।
ઇતિ તે કથિતં ભદ્રે પઞ્ચાશદ્વર્ણપૂજનમ્
વર્ણાનાં પૂજનાદ્ ભદ્રે દેવપૂજા પ્રજાયતે ।
અણિમાદ્યષ્ટસિદ્ધીનાં પૂજા સ્યાદ્ વર્ણપૂજનાત્
સપ્તકોટિમહાવિદ્યા ઉપવિદ્યા તથૈવ ચ ।
શ્રીવિષ્ણોઃ કોટિમન્ત્રાશ્ચ કોટિમન્ત્રાઃ શિવસ્ય ચ
પૂજનાત્ પૂજિતં સર્વં વર્ણાનાં સિદ્ધિદાયકમ્ ।
પ્રથમં પ્રણવં દત્વા સહસ્રં કુણ્ડલીમુખે
મૂલવિદ્યાં તતો ભદ્રે સહસ્રયુગલં જપેત્ ।
તતસ્તુ સુભગે માતર્જપેચ્ચ દીપિનીં પરામ્
આદૌ ગાયત્રીમુચ્ચાર્ય મૂલમન્ત્રં તતઃ પરમ્ ।
પ્રણવં ચ તતો ભીમે ભયાનાં સહયોગતઃ
સદૈવૈનાં મહેશાનિ દીપિનીં પરિકીર્તિતામ્ ।
એતામપિ સહસ્રં ચ પ્રજપેત્ કુણ્ડલીમુખે
પ્રણવાદૌ જપેદ્ વિદ્યાં ગાયત્ર્યાં દીપિનીં પરામ્ ।
ગાયત્રીં શૃણુ વક્ષ્યામિ અ। ઙ। મ। મ। ઙ। ન। પ્રિયે
ષડક્ષરમિદં મન્ત્રં ગાયત્રી સમુદીરિતમ્ ।
અસ્યાશ્ચ ફલમાપ્નોતિ તદૈવ વરવર્ણિનિ
સ્મરણં કુણ્ડલીમધ્યે મનસા ઉન્મની સહ ।
સહસ્રારે કર્ણિકાયાં ચન્દ્રમણ્ડલમધ્યગામ્
સર્વસંકલ્પરહિતા કલા સપ્તદશી ભવેત્ ।
ઉન્મનીનામ તસ્ય હિ ભવપાશનિકૃન્તની
ઉન્મન્યા સહિતો યોગી ન યોગી ઉન્મનીં વિના ।
બુદ્ધિમઙ્કુશસંયુક્તામુન્મનીં કુસુમાન્વિતામ્
ઉન્મનીઞ્ચ મનોવર્ણં સ્મરણાત્ સિદ્ધિદાયિનીમ્ ।
સ્મરેત્ કુણ્ડલીયોગાદમૃતં રક્તરોચિષમ્ ।
ઉન્મનીકુસુમં તત્તુ જ્ઞેયં પરમદુર્લભમ્
હંસં નિત્યમનન્તમધ્યમગુણં સ્વાધારતો નિર્ગતાં
શક્તિં કુણ્ડલિની સમસ્તજનની હસ્તે ગૃહીત્વા ચ તામ્ ।
કાન્તા સ્વાશ્રમમર્કકોટિરુચિરા નામામૃતોલ્લાસિની
દેવીં તાં ગમનાગમૈઃ સ્થિરમતિર્ધ્યાયેદ્ જગન્મોહિનીમ્
ઇતિ તે કથિતં ધ્યાનં મૃત્યુઞ્જયમનામયમ્ ।
વિના મનોન્મનીમન્ત્રં વિના ધ્યાનં જપં વૃથા
તતઃ સંકલ્પ્ય ધ્યાત્વૈવ મૂલમન્ત્રસ્ય સિદ્ધયે ।
ગાયત્રીમયુતં જપ્ત્વા તદર્ધં પ્રણવં જપેત્
દીપનં પ્રણવસ્યાર્ધં જપેત્ પઞ્ચદિનાવધિ ।
શૂદ્રાણાં પ્રણવં દેવિ ચતુર્દશસ્વરં પ્રિયે
નાદબિન્દુસમાયુક્તં સ્ત્રીણાં ચૈવ વરાનને ।
મનૌ સ્વાહા ચ યા દેવી શૂદ્રોચ્ચાર્યા ન સંશયઃ
હોમકાર્યે મહેશાનિ શૂદ્રઃ સ્વાહાં ન ચોચ્ચરેત્ ।
મન્ત્રોઽપ્યૂહો નાસ્તિ શૂદ્રે વિષબીજં વિના પ્રિયે
ગણપત્યાદ્યૌ યદ્ દત્તં બલિદાનં દિને દિને ।
તેનૈવ બલિના ભદ્રે હવિષ્યં સમ્મતં સદા
શેષ ઇષ્ટં પ્રપૂજ્યાથ હવિષ્યાશી સ્ત્રિયા સહ ।
જાપકસ્ય ચ યન્મન્ત્રમેકવર્ણં તતઃ પ્રિયે
તસ્ય પત્ની સાભિરૂપા પ્રયતં પ્રજપેત્ યદિ ।
તદા ફલમવાપ્નોતિ સાધકઃ શક્તિસઙ્ગતઃ
શક્તિહીને ભવેદ્ દુઃખં કોટિપુરશ્ચરણેન કિમ્ ।
સાધકશ્ચ હવિષ્યાશી સાધિકા તદ્વિવર્જિતા
યથેચ્છાભોજનં તસ્યાસ્તામ્બૂલપૂરિતાનના ।
નાનાભરણવેષાઢ્યા ધૂપામોદનમોદિતા
શિવહીના તુ યા નારી દૂરે તાં પરિવર્જયેત્ ।
શ્રીદેવી ઉવાચ
ગાયત્રીજપકાલે તુ સાધિકા કિં જપેત્ પ્રભો
શ્રીશિવ ઉવાચ
શ્લોક નો. ૨૯, ૩૦અ મિસ્સિન્ગ્
ગાયત્રીમજપાવિદ્યાં પ્રજપેદ્ યદિ સાધિકા ।
પૂર્વોક્તેન વિધાનેન ધ્યાત્વા કૃત્વા ચ પૂજનમ્
માનસં પરમેશાનિ જપેત્ તદ્ગતમાનસા ।
તતઃ ષષ્ઠદિનં પ્રાપ્ય પ્રાતઃ સ્નાનં સમાચરેત્
કુઙ્કુમાગુરુપઙ્કેન કસ્તૂરીચન્દનેન ચ ।
કૂર્મબીજં લિખેદ્ ભદ્રે અથવા શ્વેતચન્દનૈઃ
તત્રાસનં સમાસ્થાય વિશેત્ સાધકસન્નિધૌ ।
એવં વિધાય સા સાધ્વી સાધકોઽપિ પ્રસન્નધીઃ
સંકલ્પ્ય વિધિના ભક્ત્યા મૂલમન્ત્રસ્ય સિદ્ધયે ।
લક્ષં જપેત્ પુરશ્ચર્યાવિધૌ વિધિવિધાનતઃ
તદ્વિધાનં વદામીશે શ્રુત્વા ત્વમવધારય ।
ઓં ઓં ક। હુ। ભ। સ। દેવિ પ્રાતઃ સ્નાનોત્તર પરમ્
દશધા પ્રજપેન્મન્ત્રં જિહ્વાશોધનકારકમ્ ।
તતશ્ચ પ્રજપેન્મન્ત્રં મૌની મધ્યન્દિનાવધિ
તસ્ય વામે તસ્ય પત્ની તસ્ય એકાક્ષરં જપેત્ ।
સાધકઃ શિવરૂપશ્ચ સાધિકા શિવરૂપિણી
અન્યોન્યચિન્તનાચ્ચૈવ દેવત્વં જાયતે ધ્રુવમ્ ।
આદાવન્તે ચ પ્રણવં દત્વા મન્ત્રં જપેત્ સુધીઃ
દશધા વા સપ્તદશં જપ્ત્વા મન્ત્રં જપેત્તુ સઃ ।
પ્રાતઃકાલં સમારભ્ય જપેન્મધ્યન્દિનાવધિ
એવં હિ પ્રત્યહં કુર્યાદ્ યાવલ્લક્ષં સમાપ્યતે ।
દ્વિતીયપ્રહરાદૂર્ધ્વં નિત્યપૂજાદિકં ચરેત્
સ્નાનં કૃત્વા તતો ધીમાન્ હવિષ્યં બુભુજેત્ તતઃ ।
તત્પત્ની શક્તિરૂપા ચ પાતિવ્રત્યપરાયણા
તસ્યાશ્ચેચ્છા ભવેદ્ યેષુ બુભુજેત્ પાનભૂષિતા ।
દશદણ્ડગતે રાત્રૌ શયયાયાં પ્રજપેન્મનુમ્
તામ્બૂલપૂરિતમુખો ધૂપામોદેન મોદિતઃ ।
વામે શ્રીશક્તિરૂપા ચ જપેચ્ચ સાધકાક્ષરમ્
દક્ષિણે સાધકઃ સિદ્ધો દિવામાને જપેન્મનુમ્ ।
આદ્યન્તગોપનં કૃત્વા પ્રત્યહં પ્રજપેદ્ યદિ
તતઃ સિદ્ધિમવાપ્નોતિ પ્રકાશાદ્ધાનિરેવ ચ ।
માતૃકાપુટિતં કૃત્વા ચન્દ્રબિન્દુસમન્વિતમ્
પ્રત્યહં પ્રજપેન્મન્ત્રમનુલોમવિલોમતઃ ।
જપાદૌ સુભગે પ્રૌઢે પ્રત્યહં પ્રજપેન્મનુમ્
તેન હે સુભગે માતઃ પુરશ્ચરણમીરિતમ્ ।
સમાપ્તે પુરશ્ચરણે ગુરુદેવં પ્રપૂજયેત્
તદા સિદ્ધો ભવેન્મન્ત્રો ગુરુદેવસ્ય પૂજનાત્ ।
જમ્બૂદ્વીપસ્ય વર્ષે ચ કલિકાલે ચ ભારતે
દશાંશં વર્જયેદ્ ભદ્રે નાસ્તિ હોમઃ કદાચન ।
દશાંશં ક્રમતો દેવિ પઞ્ચાઙ્ગવિધિના કલૌ
નાચરેત્ કુત્રચિન્મન્ત્રી પુરશ્ચર્યાવિધિં શુભે ।
ભ્રમાદ્ યદિ મહેશાનિ કારયેત્ સાધકોત્તમઃ
સિદ્ધિહાનિર્મહાનિષ્ટં જાયતે ભારતેઽનઘ ।
દશાંશં જાયતે પૂર્ણં ગુરુદેવસ્ય પૂજનાત્
અત એવ મહેશાનિ ભક્ત્યા ગુરુપદં યજેત્ ।
દક્ષિણાં ગુરવે દદ્યાત્ સુવર્ણં વાસસાન્વિતમ્
ધાન્યં તિલં તથા દદ્યાદ્ ધેનું વાપિ પયસ્વિનીમ્ ।
અન્યથા વિફલં સર્વં કોટિપુરશ્ચરેણ કિમ્
કુમારીભોજનં સાન્તં સર્વસિદ્ધિપ્રદાયકમ્ ।
કુમારી ભોજિતા યેન ત્રૈલોક્યં તેન ભોજિતમ્
પૂજનાદ્ દર્શનાદ્ તસ્યા રમણાત્ સ્પર્શનાત્ પ્રિયે ।
સર્વં સમ્પૂર્ણમાયાતિ સાધકો ભક્તિમાનસઃ
પુરશ્ચરણસમ્પન્નો વીરસાધનમાચરેત્ ।
યસ્યાનુષ્ઠાનમાત્રેણ મન્દભાગ્યોઽપિ સિધ્યતિ
પુત્રદારધનસ્નેહલોભમોહવિવર્જિતઃ ।
મન્ત્રં વા સાધયિષ્યામિ દેહં વા પાતયામ્યહમ્
એવં પ્રતિજ્ઞામાસાદ્ય ગુરુમારાધ્ય યત્નતઃ ।
બલિદાનાદિના સર્વં માનસૈઃ પરિપૂજ્ય ચ
શરત્કાલે મહાપૂજા ક્રિયતે યા ચ વાર્ષિકી ।
તસ્મિન્ પક્ષે વિશેષેણ પુરશ્ચરણમાચરેત્
દેવ્યા વિધિં સમારભ્ય યાવત્ સ્યાન્નવમી તિથિઃ ।
પ્રત્યહં પ્રજપેન્મન્ત્રં સહસ્રં ભક્તિભાવતઃ
હોમપૂજાદિકં ચૈવ યથાશક્ત્યા વિધિં ચરેત્ ।
સપ્તમ્યાદૌ વિશેષેણ પૂજયેદિષ્ટદેવતામ્
અષ્ટમ્યાદિ નવમ્યાન્તમુપવાસપરો ભવેત્ ।
અષ્ટમી-નવમીરાત્રૌ પૂજાં કુર્યાત્ મહોત્સવમ્
ઇત્થં જપાદિકં કુર્યાત્ સાધકઃ સ્થિરમાનસઃ ।
શક્ત્યા સહ વરારોહે કુમારીપૂજનં ચરેત્
દશમ્યાં પારણં કુર્યાન્મત્સ્યમાંસાદિભિઃ પ્રિયે ।
એવં પુરસ્ક્રિયાં કૃત્વા સાધકઃ શિવતાં વ્રજેત્
અથવાન્યપ્રકારેણ પુરશ્ચરણમુચ્યતે ।
શરત્કાલે મહાદેવ્યા બોધેન ચ મહોત્સવે
પ્રતિપત્તિથિમારભ્ય નવમાન્તં મમ પ્રિયે ।
પૂર્વોક્તવિધિના મન્ત્રી કુર્યાત્ પુરસ્ક્રિયાં ધિયા
અથવાન્ય પ્રકારેણ પુરશ્ચરણમુચ્યતે ।
શરત્કાલે ચતુર્થ્યાદિ નવમ્યન્તં સહસ્રકમ્
જપિત્વા પ્રત્યહં ભદ્રે સપ્તમ્યાદૌ પ્રપૂજયેત્ ।
તથા સર્વોપચારૈસ્તુ વસ્ત્રાલઙ્કારભૂષણૈઃ
મહિષૈશ્છાગલૈર્મેષૈશ્ચતુર્વર્ગં લભેન્નરઃ ।
અષ્ટમીસન્ધિવેલાયાં તેનૈન વિધિના પશુમ્
છિત્ત્વા તસ્યોપરિ સ્થિત્વા મધ્યનક્તં જપેત્ સુધીઃ ।
વિભીર્ધ્યાનપરો ભૂત્વા વાંછિતાં સિદ્ધિમાપ્નુયાત્
નવમ્યાં નિયતં જપ્ત્વા પૂજયિત્વા યથાવિધિ ।
ગુરવે દક્ષિણાં દદ્યાદ્ દશમ્યાં પારયેત્તતઃ
એવં કૃત્વા પુરશ્ચર્યાં કિં ન સાધયતિ સાધકઃ ।
અથવાન્યપ્રકારેણ પુરશ્ચરણમુચ્યતે
અષ્ટમીસન્ધિવેલાયામષ્ટોત્તરલતાગૃહે ।
પ્રવિશ્ય મન્ત્રી વિધિવત્ તાસામભ્યર્ચ્ય યત્નતઃ
પૂર્વોક્તકલ્પમાસાદ્ય પૂજાદિકમથાચરન્ ।
કેવલં કામદેવોઽસૌ જપેદષ્ટોત્તરં શતમ્
મહાસિદ્ધો ભવેત્ સદ્યો લતાદર્શનપૂજનાત્ ।
લતાગૃહં શૃણુ પ્રૌઢે કામકૌતુકલાલસે
અષ્ટૌ સંખ્યા અતિક્રમ્ય નવસંખ્યાદિસાંખિકામ્ ।
યૌવનાદિગુણૈર્યુક્તાઃ સાધિકાઃ કામગર્વિતાઃ
સ્ત્રિયો યત્ર ગૃહે સન્તિ તદ્ગૃહં હિ લતાગૃહમ્ ।
અથવાન્યપ્રકારેણ પુરશ્ચરણમુચ્યતે
પૂર્વોક્તાનિ મહેશાનિ હેમન્તાદિ-ઋતૌ ચરેત્ ।
સાધકઃ પૂર્ણતાં પ્રાપ્ય સર્વભોગેશ્વરો ભવેત્
અથવાન્યપ્રકારેણ પુરશ્ચરણમુચ્યતે ।
ચતુર્દશીં સમારભ્ય યાવદન્યા ચતુર્દશી
તાવજ્જપ્તે મહેશાનિ મન્ત્રી વાંછિતમાપ્નુયાત્ ।
અથવાન્યપ્રકારેણ પુરશ્ચરણમુચ્યતે
કૃષ્ણાષ્ટમ્યાં સમારભ્ય યાવત્ કૃષ્ણાષ્ટમી ભવેત્ ।
સહસ્રસંખ્યાજપ્તે તુ પુરશ્ચરણમિષ્યતે
યત્ કૃત્વા પરમેશાનિ સિદ્ધિઃ સ્યાન્નત્ર સંશયઃ ।
અથવાન્યપ્રકારેણ પુરશ્ચરણમુચ્યતે
કૃષ્ણાં ચતુર્દશીં પ્રાપ્ય નવમ્યન્તં મહોત્સવે ।
અષ્ટમી-નવમીરાત્રૌ પૂજાં કુર્યાદ્ વિશેષતઃ
દશમ્યાં પારણં કુર્યાન્મત્સ્યમાંસાદિભિઃ પ્રિયે ।
ષટ્સહસ્રંજપેન્નિત્યં ભક્તિભાવપરાયણઃ
અથવાન્યપ્રકારેણ પુરશ્ચરણમુચ્યતે ।
અષ્ટમ્યાઞ્ચ ચતુર્દશ્યાં નવમ્યાં વીરવન્દિતે
સૂર્યોદયં સમારભ્ય યાવત્ સૂર્યોદયો ભવેત્ ।
તાવજ્જપ્તે નિરાતઙ્કઃ સર્વસિદ્ધીશ્વરો ભવેત્
અથવાન્યપ્રકારેણ પુરશ્ચરણમુચ્યતે ।
અષ્ટમ્યાઞ્ચ ચતુર્દશ્યાં પક્ષયોરુભયોરપિ
અસ્તમારભ્ય સૂર્યસ્ય યાવત્ સૂર્યાસ્તમં ભવેત્ ।
તાવજ્જપ્તો નિરાતંકઃ સર્વસિદ્ધીશ્વરો ભવેત્
અથવા નિર્જનસ્થસ્ય અસ્થિશયયાસનેન ચ ।
ઉદયાસ્તં દિવા જપ્ત્વા સર્વસિદ્ધીશ્વરો ભવેત્
તેનાસનેન વા દેવી અસ્તમારભ્ય ભસ્વતઃ ।
જપિત્વા ચાસ્તપર્યન્તં સાધકઃ સિદ્ધિમાપ્નુયાત્
જપાન્તે પૂજયિત્વા ચ ગુરવે દક્ષિણાં દદેત્ ।
અથવાન્યપ્રકારેણ પુરશ્ચરણમુચ્યતે
સૂર્યોદયં સમારભ્ય ઘટિકા ચ દશક્રમાત્ ।
ઋતવઃ સ્યુર્વસન્તાદ્યા અહોરાત્રં દિને દિને
વસન્તો ગ્રીષ્મ વર્ષા ચ શરધેમન્તશિશિરાઃ ।
વસન્તશ્ચૈવ પૂર્વાહ્ણે ગ્રીષ્મો મધ્યન્દિનં તથા
અપરાહ્ને પ્રાવૃષઃ સ્યુઃ પ્રદોષે શરદઃ સ્મૃતાઃ ।
અર્દ્ધરાત્રૌ તુ હેમન્તઃ સેષે ચ શિશિરઃ સ્મૃતઃ
સૂર્યોદયં સમારભ્ય વસન્તાન્તં સમાહિતઃ ।
તાવજ્જપ્તે મહેશાનિ પુરશ્ચર્યા હિ સિધ્યતિ
તતઃ પૂજાદિકં કૃત્વા શક્તિયુક્તશ્ચ સાધકઃ ।
ગુરવે દક્ષિણાં દત્વા સર્વસિદ્ધીશ્વરો ભવેત્
અથવાન્યપ્રકારેણ પુરશ્ચરણમુચ્યતે ।
ગ્રીષ્માદિષુ મહેશાનિ પઞ્ચસ્વર્ત્તુષુ સાધકઃ
પૃથગ્જપ્ત્વા વરારોહે પુરશ્ચર્યા હિ સિધ્યતિ ।
પૂર્વોક્તવિધિના સર્વં કર્તવ્યં વીરવન્દિતે
ઋતૌ જપ્ત્વા સમસ્તે તુ શક્તિતઃ પૂજયેત્ પરામ્ ।
એવમાચર્યકૃત્યં વૈ ધનાનામીશ્વરો ભવેત્
અથવાન્યપ્રકારેણ પુરશ્ચરણમુચ્યતે ।
કુમારીપૂજનાદેવ પુરશ્ચર્યાવિધિઃ સ્મૃતઃ
અથવાન્યપ્રકારેણ પુરશ્ચરણમુચ્યતે ।
ગુરુમાનીય સંસ્થાપ્ય દેવવત્ પૂજયેદ્ વિભુમ્
વસ્ત્રાલંકારભૂષાદ્યૈઃ સ્વયં સન્તોષયેદ્ ગુરુમ્ ।
તત્સુતં તત્સુતં વાપિ તત્પત્નીઞ્ચ વિશેષતઃ
પૂજયિત્વા મનું જપ્ત્વા સર્વસિદ્ધીશ્વરો ભવેત્ ।
ગુરુસન્તોષમાત્રેણ દુષ્ટમન્ત્રોઽપિ સિધ્યતિ
માસિ માસિ ચ મન્ત્રસ્ય સંસ્કારાન્ દશધા ચરેત્ ।
એવં ક્રમવિધાનેન કૃત્વા નિત્યં હિ સાધકઃ
ષણ્માસાભ્યન્તરે વાપિ એકવર્ષાન્તરેઽપિ વા ।
સાધનૈઃ સુભગે ભદ્રે યદિ સિદ્ધિર્ન જાયતે
ઉપાયાસ્તત્ર કર્તવ્યાઃ સત્યમેતં મતં શૃણુ ।
ખ્યાતિર્વાહનભૂષાદિલાભઃ સુચિરજીવિતા
નૃપાણાં તત્કુલાનાઞ્ચ વાત્સલ્યં લોકવશ્યતા ।
મહદૈશ્વર્યનિત્યઞ્ચ પુત્રપૌત્રાદિસમ્પદઃ
અધમા સિદ્ધયો ભદ્રે ષણ્માસાભ્યન્તરે યદિ ।
એકવર્ષાન્તરે વાપિ સન્તિ શઙ્કરવન્દિતે
સાધકાશ્ચ તદા સિદ્ધા નાત્ર કાર્યા વિચારણા ।
અત્રોપાયાન્ પ્રવક્ષ્યામિ યદિ સિદ્ધિવિલમ્બનમ્
ભ્રામણં બોધનં વશ્યં પાડનઞ્ચ તથા પ્રિયે ।
પોષણં તોષણઞ્ચૈવ દહનઞ્ચ તતઃ પરમ્
ઉપાયાઃ સન્તિ સપ્તૈતે કૃત્વા ત્રેતાયુગેષુ ચ ।
દ્વાપરે ચ તથા ભદ્રે ઉપાયં સપ્તમં સ્મૃતમ્
ન પ્રશસ્તં કલૌ ભદ્રે સપ્તશંકરભાષિતમ્ ।
ડાકિન્યાદિયુતં કૃત્વા લક્ષઞ્ચ પ્રજપેન્મનુમ્
ડાકિનીપુટિતં કૃત્વા યદિ સિદ્ધિર્ન જાયતે ।
રાકિણીપુટિતં કૃત્વા લક્ષઞ્ચ પ્રજપેન્મનુમ્
રાકિણીપુટિતં કૃત્વા યદિ સિદ્ધિર્ન જાયતે ।
લાકિનીપુટિતં કૃત્વા લક્ષઞ્ચ પ્રજપેન્મનુમ્
લાકિનીપુટિતં કૃત્વા યદિ સિદ્ધિર્ન જાયતે ।
કાકિનીપુટિતં કૃત્વા લક્ષઞ્ચ પ્રજપેન્મનુમ્
કાકિનીપુટિતં કૃત્વા યદિ સિદ્ધિર્ન જાયતે ।
શાકિનીપુટિતં કૃત્વા લક્ષઞ્ચ પ્રજપેન્મનુમ્
શાકિનીપુટિતં કૃત્વા જપેલ્લક્ષં સમાહિતઃ ।
તદા સિદ્ધો ભવેન્મન્ત્રો નાત્ર કાર્યા વિચારણા
લાકિનીપુટિતં કૃત્વા યદિ સિદ્ધિર્ન જાયતે ।
પુટિતં સત્ત્વરુપિણ્યા લક્ષઞ્ચ પ્રજપેન્મનુમ્
પુટિતં સત્ત્વરૂપિણ્યા યદિ સિદ્ધિર્ન જાયતે ।
કકારાદિક્ષકારાન્તા માતૃકા વર્ણરૂપિણી
તથા સંપુટિતં કૃત્વા લક્ષઞ્ચ પ્રજપેન્મનુમ્ ।
છિન્નવિદ્યાદયો મન્ત્રાસ્તન્ત્રે તન્ત્રે નિરૂપિતાઃ
એતે તે સિદ્ધિમાયાન્તિ માતૃકાવર્ણભાવતઃ ।
નિશ્ચિતં મન્ત્રસિદ્ધિઃ સ્યાન્નાત્ર કાર્યા વિચારણા
વર્ણમયી પુટીકૃત્ય યદિ સિદ્ધિર્ન જાયતે ।
તતો ગુરુપુટીકૃત્ય લક્ષઞ્ચ સંજપેન્મનુમ્
ગુરુદેવપ્રસાદેન અતુલાં સિદ્ધિમાપ્નુયાત્ ।
શ્રીપાર્વતી ઉવાચ
આદિદેવ મહાદેવ આદ્યન્તગોપનં વદ ।
યદિ નો કથ્યતે દેવ વિમુઞ્ચામિ તદા તનુમ્
શ્રી-ઈશ્વર ઉવાચ
આદ્યન્તગોપનં સૂક્ષ્મં કથં તત્ કથયામ્યહમ્ ।
જમ્બૂદ્વીપસ્ય વર્ષેષુ કલૌ લોકાધમાઃ સ્મૃતાઃ
ગુરુભક્તિવિહીનાશ્ચ ભવિષ્યન્તિ ગૃહે ગૃહે ।
દુષ્ક્રિયાયાં રતાઃ સર્વે પરમજ્ઞાનવર્જિતાઃ
લૌકિકાચારિણઃ સર્વે ભવિષ્યન્તિ ગૃહે ગૃહે ।
વિના શબ્દપરિજ્ઞાનં મન્ત્રદાતા દ્વિજો ભવેત્
મમ સઃ શ્રીમતીમન્ત્રઃ સંસારોદ્ભવબન્ધનાત્ ।
કથ્યતે દેવદેવેશિ મન્ત્રઃ સર્વત્ર સિદ્ધિદઃ ॥
જાયતે તેન મે શઙ્કા કથં મે પ્રાણવલ્લભે
શ્રીભૈરવી ઉવાચ
ભૂતનાથ મહાભાગ હૃદયે મે કૃપાં કુરુ ।
કથ્યતં કથ્યતાં દેવ યતસ્તે સેવિકા વયમ્
શ્રી-ઈશ્વર ઉવાચ
સુભગે શૃણુ મે માતઃ કૃપયા કથયામિ તે ।
પ્રથમે ડાકિની બીજં યુવતી ષોડશાક્ષરમ્
અ। આ। ઇ। ઈ। ઉ। ઊ। ઋ। ૠ। ઌ। ૡ। એ। ઐ। ઓ। ઔ। અ। અ।ઃ
ડાકિની દેવદેવસ્ય ઈરિતં બીજમુત્તમમ્ ।
આદ્યન્તપુટિતં કૃત્વા મન્ત્રં લક્ષં જપેદ્ યદિ
તદા સિદ્ધો વરારોહે નાન્યથા વચનં મમ ।
અધુના સંપ્રવક્ષ્યામિ ડાકિનીબીજમદ્ભુતમ્ ॥
એકોચ્ચારણમાત્રેણ સત્યત્રેતાયુગે ભવેત્
ક। ખ। ગ। ઘ। ઙ। ચ। છ। જ। ઝ। ઞ। દશ તથા મહેશ્વરિ ।
ઇતિ તે કથિતં ભક્ત્યા રાકિનીબીજમદ્ભુતમ્
ટ। ઠ। ડ। ઢ। ણ। ત। થ। દ। ધ। ન। દશકં પરમેશ્વરિ ।
ઇતિ તે કથિતં ભક્ત્યા લાકિનીબીજનિર્ણયમ્
અધુના સંપ્રવક્ષ્યામિ કાકિનીં સિદ્ધિદાયિનીમ્ ।
પ। ફ। બ। ભ। મ। ય। ર। લ। આર્ણઃ શ્રીવીરવન્દિતે
કથિતં કાકિનીબીજં ચતુર્વર્ગફલપ્રદમ્ ।
અધુના સંપ્રવક્ષ્યામિ સુભગે શૃણુ શાકિનીમ્
વ। શ। ષ। સ। ચતુર્વર્ણં વાઞ્છિતાર્થપ્રદં પ્રિયે ।
ઇદં તુ શાકિનીબીજં ચતુર્વર્ગપ્રદાયકમ્
અધુના સંપ્રવક્ષ્યામિ સુભગે શૃણુ હાકિનીમ્ ।
હ। લ। ક્ષ। હાકિનીબીજં ક્ષિપ્રં સિદ્ધિપ્રદાયકમ્
સત્ત્વસ્વરૂપિણીબીજં શૃણુ સિદ્ધિપ્રદાયકમ્ ।
અ। આ। ઇ। ઈ। ઉ। ઊ। ઋ। ૠ। ઌ। ૡ। એ। ઐ। ઓ। ઔ। અ। અ।ઃ
ષોડશાર્ણમહાબીજં સત્ત્વમધ્યે પ્રકીર્તિતમ્ ।
રજઃસ્વરૂપિણીબીજં શીઘ્રસિદ્ધિપ્રદાયકમ્
ક। ખ। ગ। ઘ। ઙ। ચ। છ। જ। ઝ। ઞ। ટ। ઠ। ડ। ઢ। ણ। ત। થ। ।
ઇદં સપ્તદર્શાર્ણં હિ રજોમધ્યે પ્રકીર્તિતમ્
રમ્યં તમોમયીબીજમધુના તે વદામ્યહમ્ ।
દ। ધ। ન। પ। ફ। બ। ભ। મ। ય। ર। લ। વ। શ। ષ। સ। હ। ક્ષ।
ઇદં સપ્તદશાર્ણં હિ તમોમધ્યે ઉદાહૃતમ્ ।
અધુના સંપ્રવક્ષ્યામિ માતૃકાબીજમદ્ભુતમ્
અ। આ। ઇ। ઈ। ઉ। ઊ। ઋ। ૠ। ઌ। ૡ। એ। ઐ। ઓ। ઔ। અ। અ।ઃ
ક। ખ। ગ। ઘ। ઙ। ચ। છ। જ। ઝ। ઞ। ટ। ઠ। ડ। ઢ। ણ। ત। થ। દ। ધ। ન।
પ। ફ। બ। ભ। મ। ય। ર। લ। વ। શ। ષ। સ। હ। ક્ષ।
ઇદં પઞ્ચાશદર્ણં હિ માતૃકાયાઃ પ્રકીર્તિતમ્ ।
અનુલોમવિલોમેન પુટીકૃત્ય જપં ચરેત્
લક્ષં યાવન્મહેશાનિ તતઃ સિદ્ધો ન સંશયઃ ।
ગુરુબીજં સમુદ્દિષ્ટં ગુરુરિત્યક્ષરદ્વયમ્
ડાકિની રાકિની દેવિ લાકિની કાકિની તતઃ ।
શાકિની હાહિની સંજ્ઞા સત્ત્વરૂપા તતઃ
રજોરૂપા તમોરૂપા માતૃકારૂપિણી ગુરુઃ ।
એતાસ્તુ પરમેશાનિ મૂર્તિઃ પઞ્ચાશદક્ષરમ્
ડાકિની ચ મહાદેવિ અણિમાસિદ્ધિદાયિની ।
રાકિણી લઘિમાસિદ્ધિદાયિની લાકિની તથા
પ્રાપ્તિસિદ્ધિદાયિની ચ કાકિની કામ્યદાયિની ।
શાકિની મહિમાસિદ્ધિદાયિની હાકિની તતઃ
કામાવશાયિતાસિદ્ધિં જપાદેવ પ્રયચ્છતિ ।
સત્ત્વરૂપા તમોરૂપા રજોરૂપા તથૈવ ચ
એતાશ્ચૈવ મહાદેવિ ચતુર્વર્ગં દદન્તિ હિ ।
પઞ્ચાશદ્વર્ણરૂપા યા નિર્વાણં સા દદાતિ હિ
ગુરુર્દદાતિ સકલં બ્રહ્માણ્ડજ્ઞાનમવ્યયમ્ ।
ઇતિ તે કથિતં ભક્ત્યા ડાકિન્યાદિવિનિર્ણયમ્
ડાકીની રાકિણી ચૈવ લાકિની કાકિની તથા ।
શાકિની લાકિની દેવિ વર્ણાનામત્ર દેવતાઃ
ગુણાનાં સિદ્ધિવર્ણાનાં ષડેતા અધિદેવતાઃ ।
ડાકિન્યાદેર્વિના જ્ઞાનં વર્ણે વર્ણે પૃથક્ પૃથક્
અજ્ઞાનાત્ પ્રજપેન્મન્ત્રં ડાકિન્યાદેશ્ચ ભક્ષણમ્ ।
વિના વર્ણપરિજ્ઞાનં કોટિપુરશ્ચરણેન કિમ્
તસ્ય સર્વં ભવેદ્ દુઃખમરણ્યે રોદનં યથા ।
શૃણુ ધ્યાનં પ્રવક્ષ્યામિ ડાકિનીનાં શુચિસ્મિતે
ધ્યાનાનિ યથા -
શરચ્ચન્દ્રપ્રતીકાશાં દ્વિભુજાં લોલલોચનામ્ ।
સિન્દૂરતિલકોદ્દીપ્તામઞ્જનાઞ્ચિતલોચનામ્
કૃષ્ણામ્બરપરીધાનાં નાનાલઙ્કારભૂષિતામ્ ।
ધ્યાયેચ્છશિમુખીં નિત્યાં ડાકિનીમન્ત્રસિદ્ધયે
અરુણાદિત્યસંકાશાં દ્વિભુજાં મૃગલોચનામ્ ।
સિન્દૂરતિલકોદ્દીપ્તામઞ્જનાઞ્ચિતલોચનામ્
શુક્લામ્બરપરીધાનાં નાનાભરણભૂષિતામ્ ।
ધ્યયેચ્છશિમુખીં નિત્યાં રાકિનીમન્ત્રસિદ્ધયે
સિન્દૂરવર્ણસંકાશાં દ્વિભુજાં ખઞ્જનેક્ષણામ્ ।
સિન્દૂરતિલકોદ્દીપ્તામઞ્જનાઞ્ચિતલોચનામ્
શુક્લામ્બરપરીધાનાં નાનાલઙ્કારભૂષિતામ્ ।
ધ્યાયેચ્છશિમુખીં નિત્યાં લાકિનીમન્ત્રસિદ્ધયે
યવયાવકસંકાશાં દ્વિભુજાં કઞ્જનેક્ષણામ્ ।
સિન્દૂરતિલકોદ્દીપ્તામઞ્જનાઞ્ચિતલોચનામ્
શુક્લામ્બરપરિધાનાં નાનાભરણભૂષિતામ્ ।
ધ્યાયેચ્છશિમુખીં નિત્યાં કાકિનીમન્ત્રસિદ્ધયે
શુક્લજ્યોતિપ્રતીકાશાં દ્વિભુજાં મૃગલોચનામ્ ।
સિન્દૂરતિલકોદ્દીપ્તામ્ અઞ્જનાઞ્ચિતલોચનામ્
કૃષ્ણામ્બરપરીધાનાં નીનાલઙ્કારભૂષિતામ્ ।
ધ્યાયેચ્છશિમુખીં નિત્યાં શાકિનીમન્ત્રસિદ્ધયે
શુક્લકૃષ્ણારુણાભાસાં દ્વિભૂજાં લોલલોચનામ્ ।
ભ્રમદ્ભ્રમરસંકાશાં કુટિલાલકકુન્તલામ્
સિન્દૂરતિલકોદ્દીપ્તામ્ અઞ્જનાઞ્ચિતલોચનામ્ ।
રક્તવસ્ત્રપરીધાનાં શુક્લવસ્ત્રોત્તરીયિણીમ્ ॥
ધ્યાયેચ્છશિમુખીં નિત્યાં હાકિનીમન્ત્રસિદ્ધયે
ત્રિગુણાયાશ્ચ દેવેશિ ધ્યાનં પૂર્વમુદાહૃતમ્ ।
અધુના સંપ્રવક્ષ્યામિ માતૃકાધ્યાનમુત્તમમ્
પઞ્ચાશલ્લિપિભિર્વિભક્તમુખદોઃપન્મધ્યવક્ષસ્થલીમ્ ।
ભાસ્વન્મૌલિનિબદ્ધચન્દ્રશકલામાપીનતુઙ્ગસ્તનીમ્ ।
મુદ્રામક્ષગુણં સુધાઢ્યકલશં વિદ્યાઞ્ચ હસ્તામ્બુજૈ-
ર્બિભ્રાણાં વિશદપ્રભાં ત્રિનયનાં વાગ્દેવતામાશ્રયે
ગુરોરપિ મહેશાનિ પૂર્વોક્તધ્યાનમાચરન્ ॥
પાદ્યાદિભિર્વરારોહે સંપૂજ્ય પ્રજપેન્મનુમ્ ।
પૂર્વોક્તો યસ્ય યદ્બીજં યન્મન્ત્રસ્તસ્ય નિર્ણયમ્
અં ડાકિન્યૈ નમઃ સ્વાહા કં કાકિન્યૈ નમસ્તતઃ ।
ટં લાકિન્યૈ નમઃ સ્વાહા પં કાકિન્યૈ નમસ્તતઃ
વં શાકિન્યૈ નમઃ સ્વાહા હં હાકિન્યૈ નમસ્તતઃ ।
તત્તદ્ધ્યાનેન ઇત્યુક્ત્વા પૂજયેદુપચારતઃ
ઉક્તબીજેન પુટિતં કૃત્વા મન્ત્રં જપેદ્ યદિ ।
તદા સિદ્ધો ભવેન્મન્ત્રો શાપાદિદોષદૂષિતઃ
ઇતિ તે કથિતં દિવ્યં કલિકાલસ્ય સમ્મતમ્ ।
કલૌ ભારતવર્ષે ચ નાન્યદ્વર્ષે કદાચન
શમાદિષોડશભાણ્ડારં ડાકિનીસિદ્ધિસંયુતમ્ ।
ચણ્ડિકાદિદશભાણ્ડારં કાકિનીસિદ્ધિસંયુતમ્
શમાદિદશભાણ્ડારં લાકિનીસિદ્ધિનિર્ણયમ્ ।
ગદાદિદશભાણ્ડારં કાકિનીસિદ્ધિનિર્ણયમ્
કલ્યાણીત્યાદિકીર્ત્યન્તં શાકિનીસિદ્ધિનિર્ણયમ્ ।
બદ્ધાદિવિલક્ષણાન્તં હાકિનીસિદ્ધિનિર્ણયમ્
ગુરુદેવં વિના ભદ્રે નિષ્ફલં શ્રમકેવલમ્ ।
કલિકાલે વરારોહે કલહં ગુરુશિષ્યયોઃ
ભવિષ્યતિ ન સન્દેહઃ પ્રહારં ગુરુશિષ્યયોઃ ।
ઇતિ તે કથિતં સર્વં કાલિકાયાઃ સુદુર્લભમ્
કાલિકા ભૈરવો દેવો જાગર્તિ હિ સદા કલૌ ।
તારા ચૈવ મહાવિદ્યા તથા ત્રિપુરસુન્દરી
ધનદા છિન્નમસ્તા ચ માતઙ્ગી બગલામુખી ।
ત્વરિતા અન્નપૂર્ણા ચ તથા વાગ્વાદિની પ્રિયે
મહિષઘ્ની વિશાલાક્ષી તારિણી ભુવનેશિકા ।
ધૂમાવતી ભૈરવી ચ તથા પ્રત્યઙ્ગિરાદિકાઃ
દુર્ગા શાકમ્ભરી ચૈવ કલિકાલે હિ નિદ્રિતા ।
એતાસાં જપમન્ત્રેણ નિદ્રાભઙ્ગોઽભિજાયતે
નિદ્રાભઙ્ગે કૃતે દેવિ સિદ્ધિહાનિશ્ચ જાયતે ।
કિં તાસાં જપપૂજાયાં હાનિઃ સ્યાદુત્તરોત્તરમ્
બ્રાહ્મણે ક્ષત્રિયે વૈશ્યે શૂદ્રે વિદ્યા પ્રશસ્યતે ।
સત્યાદિ ચ ચતુર્યુગે સર્વજાતિષુ કાલિકા
પ્રશસ્તા કાલિકા વિદ્યા અસ્યાશ્ચ ફલબોધિકા ।
ઉપાયાંસ્તત્ર વક્ષ્યામિ યેન સિદ્ધિઃ પ્રજાયતે
સહસ્રં ડાકિનીમન્ત્રં નિશાયાં પ્રજપેદ્ યદિ ।
બહુકાલે તદા સિદ્ધિર્જાયતે નાત્ર સંશ્યઃ
સ્ત્રીશૂદ્રાણાં પુરશ્ચર્યા નાસ્તિ ભદ્રે કદાચન ।
જપપૂજા સદૈવાસાં પ્રશસ્તા વીરવન્દિતે
ચન્દ્રસૂર્યોપરાગે ચ શૂદ્રાણાં સિદ્ધિરુત્તમા ।
જાયતે સુભગે માતર્ગુરુભક્તિર્ભવેત્ યદિ
તદા સિદ્ધિમવાપ્નોતિ ગુરુભક્ત્યા વિશેષતઃ ।
ઇતિ દક્ષિણામ્નાયે શ્રીકઙ્કાલમાલિનીતન્ત્રે પઞ્ચમઃ પટલઃ સમાપ્તઃ ॥
ગ્રન્થશ્ચ સમાપ્તઃ
મૂળ પાઠ: kaṅkālamālinītantram · Sanskrit Wikisource contributors · Sanskrit Wikisource · CC BY-SA 4.0