જ્ઞાનાલોકાલંકારસૂત્ર · અધ્યાય 6

§39 મ્સ્. 27અ6-27બ્4, પ્. 329બ્2-330અ2, દ્. 301અ4-301બ્3, ત્. 357 248અ7-24, ત્. 358 -, ત્. 359(w) 263બ્17-263ચ્1.
અથ ખલુ ભગવાન્ મઞ્જુશ્રિયે કુમારભૂતાય સાધુકારમ્ અદાત્ । સાધુ સાધુ મઞ્જુશ્રીઃ । સુભાષિતં તે મઞ્જુશ્રીર્ એવમ્ એવ । મઞ્જુશ્રીર્ ન બુદ્ધા રૂપતો દ્રષ્ટવ્યા ન ધર્મતો ન લક્ષણતો ન ધર્મધાતુતઃ । ન બુદ્ધા એકાકિનો ન મહાજનમધ્યગતાઃ । ન બુદ્ધા કેનચિદ્ દૃષ્ટાઃ, ન શ્રુતા ન પૂજિતા ન પૂજ્યન્તે । ન બુદ્ધા કસ્યચિદ્ ધર્મસ્ય એકત્વં વા બહુત્વં વા કુર્વન્તિ । ન બુદ્ધૈર્ બોધિઃ પ્રાપ્તા । ન બુદ્ધાઃ કેનચિદ્ ધર્મેન પ્રભાવ્યન્તે । ન બુદ્ધૈઃ કશ્ચિદ્ ધર્મો દૃષ્ટો ન શ્રુતો ન સ્મૃતો ન વિજ્ઞાતો નાજ્ઞાતઃ । ન બુદ્ધૈર્ ભાષિતં નોદાહૃતમ્, ન બુદ્ધા ભાષન્તિ નોદાહરન્તિ, ન બુદ્ધા ભાષિષ્યન્તિ નોદાહરિષ્યન્તિ । ન બુદ્ધા અભિસંબુધ્યન્તિ, ન બુદ્ધૈઃ કશ્ચિદ્ ધર્મો ઽભિસંબુદ્ધઃ । ન બુદ્ધાનાં ક્લેશાઃ પ્રહીણાઃ, ન વ્યવદાનં સાક્ષાત્કૃતમ્ । ન બુદ્ધૈઃ કશ્ચિદ્ ધર્મો દૃષ્ટઃ, ન શ્રુતો નાઘ્રાતો ન વિજ્ઞાતઃ । તત્ કસ્ય હેતોઃ । આદિપરિશુદ્ધત્વાત્ સર્વધર્માણામ્ ॥
વ્
§40 મ્સ્. 27બ્4-28બ્2, પ્. 330અ2-બ્6, દ્. 301બ્3-302અ6, ત્. 357 248અ24-248બ્20, ત્. 358 253બ્1-13, ત્. 359(w) 263ચ્2-27.
(1) યઃ કશ્ચિન્ મઞ્જુશ્રીર્ બોધિસત્ત્વઃ ત્રિસાહસ્રમહાસાહસ્રલોકધાતુપરમાણુરજઃસમાન્ સત્ત્વાન્ પ્રત્યેકજિનત્વે સ્થાપયેદ્ ઇદં ધર્મપર્યાયં નાધિમુક્તઃ । યો ચાન્યો મઞ્જુશ્રીર્ બોધિસત્ત્વ ઇમં ધર્મપર્યાયમ્ અધિમુચ્યેત્ । અયં તતો બહુતરં પુણ્યં પ્રસવતિ ।
કઃ પુનર્ વાદો ય ઇમં ધર્મપર્યાયં લિખેદ્ લેખાપયેદ્ વા । અયમ્ એવ તતો બહુતરં પુણ્યં પ્રસવતિ ॥
(2) યાવન્તો મઞ્જુશ્રીર્ બોધિસત્ત્વ ત્રિસાહસ્રમહાસાહસ્રે લોકધાતૌ સત્ત્વાઃ સંવિદ્યન્તે, અણ્ડજા વા, જરાયુજા વા, સંસ્વેદજા વા, ઓપપાદુકા વા, રૂપિણો વા, અરૂપિણો વા, સંજ્ઞિનો વા, અસંજ્ઞિનો વા, અપદા વા, દ્વિપદા વા, ચતુઃપદા વા, બહુપદા વા, સર્વે તે પરિકલ્પમ્ ઉપાદાય, અપૂર્વાચરમં માનુષ્યકમ્ આત્મભાવં પ્રતિલભેયુઃ । માનુષ્યકમ્ આત્મભાવં પ્રતિલભ્ય બોધિચિત્તમ્ ઉત્પાદયેયુઃ । બોધિચિત્તમ્ ઉત્પાદ્ય એકૈકો બોધિસત્ત્વો ગઙ્ગાસિકતાસંખ્યેયાનાં બુદ્ધક્ષેત્રપરમાણુરજઃસમાનાં બુદ્ધાનાં બોધિસત્ત્વાનાં સશ્રાવકાણાં ચીવરપિણ્ડપાતશયનાસનગ્લાનપ્રત્યયભૈષજ્યપરિષ્કારૈર્ ઉપતિષ્ઠેત્ । સર્વસુખોપધાનાનિ ચોપસંહરેત્ । ગઙ્ગાસિકતાસંખ્યેયાં કલ્પાંસ્ ( જાઅ 79 ) તેષાં ચ પરિનિર્વૃતાનાં સ્તૂપાનિ કારયેત્, રત્નમયાનિ, યોજનશતોચ્છ્રિતાનિ, રત્નવેદિકાપરિવૃતાનિ, મણિમુક્તારત્નદામકૃતશોભાનિ, ઉચ્છ્રિતચ્છત્રધ્વજપતાકાનિ, વશિરાજમણિરત્નજાલસંચ્છન્નાનિ ।
યો ચાન્યો બોધિસત્ત્વ આશયસંપન્નઃ । ઇમં ધર્મપર્યાયં સર્વબુદ્ધવિષયાવતારજ્ઞાનાલોકાલંકારં શ્રુત્વાધિમુચ્યેદ્ અવતરેત્ પત્તીયેત્ પરિબુદ્ધેત્ । અન્તશ એકામ્ અપિ ગાથામ્ ઉદ્દિશેદ્ અયં તતો સંખ્યેયતરં પુણ્યં પ્રસવેત્ । બુદ્ધજ્ઞાનાનુગમનં સંવર્તકમ્ અસ્ય પુણ્યાભિસંસ્કારસ્ય । અસ્ય પુણ્યાભિસંસ્કારસ્ય સ પૂર્વકઃ પુણ્યાભિસંસ્કારઃ, તેષાં બોધિસત્ત્વાનાં દાનમયં પુણ્યક્રિયાવસ્તુ શતતમામ્ અપિ કલાં નોપૈતિ, સહસ્રતમામ્ અપિ, કોટીશતસહસ્રતમામ્ અપિ, કલામ્ અપિ, ગણનામ્ અપિ, ઉપમામ્ અપિ, ઉપનિષદમ્ અપિ નોપૈતિ ॥
§41 મ્સ્. 28બ્2-29બ્6, પ્. 330બ્6-332અ2, દ્. 302અ6-303અ7, ત્. 357 248બ્22-249અ10, ત્. 358 253બ્13-19, ત્. 359(w) 263ચ્27-264બ્7.
(1) યઃ કશ્ચિન્ મઞ્જુશ્રીર્ ગૃહી બોધિસત્ત્વો ગઙ્ગાસિકતાસંખ્યેયાન્ બુદ્ધાન્ બોધિસત્ત્વાન્ સશ્રાવકસંઘાન્ ગઙ્ગાસિકતાસંખ્યેયાન્ ( જાઅ 80 ) કલ્પાન્ ચીવરપિણ્ડપાતશયનાસનગ્લાનપ્રત્યયભૈષજ્યપરિષ્કારૈર્ ઉપતિષ્ઠેત્ । યશ્ ચાન્યઃ પ્રવ્રજિતો બોધિસત્ત્વઃ શીલવાન્ આશયસંપન્નો ઽન્તશો યસ્ તિર્યગ્યોનિગતે ઽપિ સત્ત્વ એકસ્યાપ્ય્ આલોપં દદ્યાત્ । તસ્ય પુણ્યાભિસંસ્કારસ્ય પૂર્વકઃ પુણ્યાભિસંસ્કારઃ શતતમામ્ અપિ કલાં નોપૈતિ, સહસ્રતમામ્ અપિ, કોટીશતસહસ્રતમામ્ અપિ, કોટીનિયુતસહસ્રતમામ્ અપિ, યાવદ્ ઉપનિષદમ્ અપિ ન ક્ષમતે ॥
(2) સચેન્ મઞ્જુશ્રીસ્ ત્રિસાહસ્રમહાસાહસ્રલોકધાતુપરમાણુરજઃસમા બોધિસત્ત્વાઃ પ્રવ્રજિતાઃ શીલવન્ત આશયશુદ્ધાઃ, તત એકૈકો બોધિસત્ત્વો ગઙ્ગાનદીસિકતાસંખ્યેયાન્ બુદ્ધાન્ બોધિસત્ત્વાન્ સશ્રાવકસંઘાંશ્ ચીવરપિણ્ડપાતશયનાસનગ્લાનપ્રત્યયભૈષજ્યપરિસ્કારૈર્ ઉપતિષ્ઠેત્, ગઙ્ગાનદીસિકતાસંખ્યેયાન્ કલ્પાન્ । યસ્ તેષાં બોધિસત્ત્વાનાં પુણ્યાભિસંસ્કારો ભવેદ્ દાનમયઃ । યો વાન્યો બોધિસત્ત્વ આશયશુદ્ધો શીલવાન્ ગૃહી વા પ્રવ્રજિતો વા, ઇમં ધર્મપર્યાયં શ્રુત્વાધિમુચ્યેત્ પત્તીયેદ્ વા લિખેત લેખાપયેદ્ વા । અસ્ય પુણ્યાભિસંસ્કારસ્ય સ પૂર્વકઃ પુણ્યાભિસંસ્કારઃ, તેષાં બોધિસત્ત્વાનાં દાનમયં પુણ્યક્રિયાવસ્તુ શતતમીમ્ અપિ કલાં નોપૈતિ, સહસ્રતમીમ્ અપિ, યાવદ્ ઉપનિષામ્ અપિ ન ક્ષમતે ॥
(3) સચેન્ મઞ્જુશ્રીર્ બોધિસત્ત્વો મહાસત્ત્વસ્ ત્રિસાહસ્રમહાસાહસ્રં લોકધાતું સપ્તરત્નપરિપૂર્ણાં કૃત્વા બુદ્ધેભ્યો ભગવદ્ભ્યો દાનં દદ્યાત્ । એવં દદન્ ત્રિસાહસ્રમહાસાહસ્રલોકધાતુપરમાણુરજઃસમાન્ કલ્પાન્ દાનં દદ્યાત્ । યો વાન્યો બોધિસત્ત્વ ઇમાન્ ધર્મપર્યાયાન્ અન્તશશ્ ચતુષ્પાદિકાં ગાથાં બોધિસત્ત્વસ્ય દેશયેત્ । અસ્ય પુણ્યાભિસંસ્કારસ્ય સ પૂર્વકઃ પુણ્યાભિસંસ્કારઃ શતતમામ્ અપિ કલાં નોપૈતિ, સહસ્રતમામ્ અપિ, શતસહસ્રતમામ્ અપિ, કોટીશતસહસ્રતમામ્ અપિ, યાવદ્ ઉપનિષામ્ અપિ ન ક્ષમતે ॥
(4) તિષ્ઠન્તુ તાવન્ મઞ્જુશ્રીઃ ત્રિસાહસ્રમહાસાહસ્રલોકધાતુપરમાણુરજઃસમાન્ કલ્પાન્ દાનં દદતઃ પુણ્યાભિસંસ્કારાઃ । સચેન્ મઞ્જુશ્રીર્ ગઙ્ગાસિકતાસંખ્યેયા બોધિસત્ત્વા ભવેયુઃ । તત એકૈકો બોધિસત્ત્વો ગઙ્ગાસિકતાસંખ્યેયાનિ બુદ્ધક્ષેત્રાણિ જામ્બૂનદસુવર્ણમયાનિ, સર્વવૃક્ષાંશ્ ચ દિવ્યૈર્ વસ્ત્રૈઃ પરિવેષ્ટયિત્વા, સર્વપ્રભાસમુચ્ચયમણિરત્નજાલસંચ્છન્નાનિ કૃત્વા, વશિરાજમણિરત્નમયૈઃ કૂટાગારૈર્ વિદ્યુત્પ્રદીપમણિરત્નવેદિકાપરિવૃતૈઃ પરિપૂર્ણાં કૃત્વા, ઉચ્છ્રિતચ્છત્રધ્વજપતાકાભિર્ ગઙ્ગાનદીસિકતાસંખ્યેયેભ્યો બુદ્ધેભ્યો દિવસે દિવસે દાનં દદ્યાત્ । એવં દદઙ્ ગઙ્ગાસિકતાસંખ્યેયાન્ કલ્પાન્ દાનં દદ્યાત્ । યો વાન્યો બોધિસત્ત્વ ઇમં ધર્મપર્યાયમ્ અધિમુચ્યાન્યસ્ય બોધિસત્ત્વસ્યેતો ધર્મપર્યાયાદ્ અન્તશ એકામ્ અપિ ચતુષ્પાદિકાં ગાથાં દેશયેદ્ અવતારયેદ્ ( જાઅ 82 ) વા । અસ્ય પુણ્યાભિસંસ્કારસ્ય સ પૂર્વકઃ પુણ્યાભિસંસ્કારસ્ તેષાં બોધિસત્ત્વાનાં દાનમયઃ શતતમામ્ અપિ કલાં નોપૈતિ, સહસ્રતમામ્ અપિ, શતસહસ્રતમામ્ અપિ, સંખ્યામ્ અપિ, કલામ્ અપિ, ગણનામ્ અપિ, ઉપનિષામ્ અપિ, યાવદ્ ઉપનિષદમ્ અપિ નોપૈતિ ॥
§42 મ્સ્. 29બ્6-301બ્1, પ્. 332અ2-બ્4, દ્. 303અ7-302અ1, ત્. 357 249અ11-249બ્5, ત્. 358 253બ્19-23, ત્. 359(w) 264બ્8-29.

(1) તદ્યથા મઞ્જુશ્રીસ્ ત્રૈધાતુકપર્યાપન્નાઃ સર્વસત્ત્વા નરકતિર્યક્પ્રેતયમલોકોપપન્ના ભવેયુઃ । અથ ગૃહી બોધિસત્ત્વસ્ તાન્ સર્વાન્ નરકતિર્યક્પ્રેતયમલોકાદ્ ઉદ્ધૃત્ય પ્રત્યેકબુદ્ધત્વે પ્રતિષ્ઠાપયેત્ । યો વાન્યો બોધિસત્ત્વઃ પ્રવ્રજિતો ઽન્તશસ્ તિર્યગ્યોનિગતે ઽપિ સત્ત્વ એકમ્ આલોપં દદ્યાત્ । અયં તતો બહુતરમ્ અસંખ્યેયતરં પુણ્યં પ્રસવયાત્ ॥
(2) સચેન્ મઞ્જુશ્રીર્ દશસુ દિક્ષુ બુદ્ધક્ષેત્રાનભિલાપ્યકોટીનિયુતશતસહસ્રપરમાણુરજઃસમાઃ પ્રવ્રજિતા બોધિસત્ત્વા ભવેયુઃ । તત એકૈકો બોધિસત્ત્વો દશસુ દિક્ષ્વ્ એકૈકસ્મિન્ દિગ્ભાગે દશબુદ્ધક્ષેત્રાનભિલાપ્યકોટીનિયુતશતસહસ્રપરમાણુરજઃસમાન્ બુદ્ધાન્ ભગવતઃ પશ્યેત્ । એકૈકં ચ તથાગતં સબોધિસત્ત્વં સશ્રાવકં દશસુ બુદ્ધક્ષેત્રાનભિલાપ્યકોટીનિયુતશતસહસ્રપરમણુરજઃસમાન્ ( જાઅ 83 ) કલ્પાંશ્ ચીવરપિણ્ડપાતશયનાસનગ્લાનપ્રત્યયભૈષજ્યપરિષ્કારૈર્ ઉપતિષ્ઠેત્ । એકૈકસ્ય ચ તથાગતસ્ય દિવસે દિવસે બુદ્ધક્ષેત્રાનભિલાપ્યકોટીનિયુતશતસહસ્રપરમાણુરજઃસમાન્ લોકધાતૂન્ વશિરાજમણિરત્નપ્રતિપૂર્ણાન્ કૃત્વા દાનં દદ્યાત્ । યો વાન્યો બોધિસત્ત્વો ઽસ્મિન્ ધર્મપર્યાયે ઽધિમુક્તો ઽન્તશસ્ તિર્યગ્યોનિગતે ઽપિ સત્ત્વ એકમ્ આલોપં દદ્યાત્ । અસ્ય પુણ્યાભિસંસ્કારસ્ય પૂર્વકઃ પુણ્યાભિસંસ્કારસ્ તેષાં બોધિસત્ત્વાનાં દાનમયઃ શતતમામ્ અપિ કલાં નોપૈતિ, સહસ્રતમામ્ અપિ, શતસહસ્રતામામ્ અપિ, સંખ્યામ્ અપિ, કલામ્ અપિ, ગણનામ્ અપિ, ઉપનિષામ્ અપિ, ઉપનિષદમ્ અપિ ન ક્ષમતે । તત્ કસ્ય હેતોઃ । અવૈવર્તિકાનાં બોધિસત્ત્વાનામ્ ઇયં મુદ્રા યદુતાસ્ય ધર્મપર્યાયસ્ય શ્રવઃ ॥
§43 મ્સ્. 30બ્1-31અ5, પ્. 332બ્4-333અ4, દ્. 304અ1-304બ્6, ત્. 357 249બ્6-249ચ્19, ત્. 358 -, ત્. 359(w) 264બ્30-265અ11.
(1) સચેન્ મઞ્જુશ્રીર્ બોધિસત્ત્વો દશસુ દિક્ષુ સર્વલોકધાતુષુ સત્ત્વાન્ શ્રદ્ધાનુસારિત્વે પ્રતિષ્ઠાપયેત્ । યો વાન્યો બોધિસત્ત્વ એકં સત્ત્વમ્ અર્થાનુસારિત્વે પ્રતિષ્ઠાપયેત્ । અયં તતો ઽસંખ્યેયતરં પુણ્યં પ્રસવતિ ॥
(2) સચેન્ મઞ્જુશ્રીર્ બોધિસત્ત્વો દશદિક્ષુ સર્વલોકધાતુષુ સર્વસત્ત્વાન્ અર્થાનુસારિત્વે પ્રતિષ્ઠાપયેત્ । યો વાન્યો બોધિસત્ત્વ એકં સત્ત્વં ધર્માનુસારિત્વે પ્રતિષ્ઠાપયેત્ । અયં ( જાઅ 84 ) તતો ઽસંખ્યેયતરં પુણ્યં પ્રસવતિ ॥
(3) સચેન્ મઞ્જુશ્રીર્ બોધિસત્ત્વો દશસુ દિક્ષુ સર્વલોકધાતુષુ સત્ત્વાન્ ધર્માનુસારિત્વે પ્રતિષ્ઠાપયેત્ । યો વાન્યો બોધિસત્ત્વ એકં સત્ત્વં સ્રોતાપત્તિફલે પ્રતિષ્ઠાપયેત્ । અયં તતો ઽસંખ્યેયતરં પુણ્યં પ્રસવતિ ॥
(4) સચેન્ મઞ્જુશ્રીર્ બોધિસત્ત્વો દશસુ દિક્ષુ સર્વલોકધાતુષુ સર્વસત્ત્વાન્ સ્રોત-આપત્તિફલે પ્રતિષ્ઠાપયેત્ । યો વાન્યો બોધિસત્ત્વ એકં સત્ત્વં સકૃદાગામિફલે પ્રતિષ્ઠાપયેત્ । અયં તતો ઽસંખ્યેયતરં પુણ્યં પ્રસવતિ ॥
(5) સચેન્ મઞ્જુશ્રીર્ બોધિસત્ત્વો દશસુ દિક્ષુ સર્વલોકધાતુષુ સર્વસત્ત્વાન્ સકૃદાગામિફલે પ્રતિષ્ઠાપયેત્ । યો વાન્યો બોધિસત્ત્વ એકં સત્ત્વમ્ આનાગામિફલે પ્રતિષ્ઠાપયેત્ । અયં તતો ઽસંખ્યેયતરં પુણ્યં પ્રસવતિ ॥
(6) સચેન્ મઞ્જુશ્રીર્ બોધિસત્ત્વો દશસુ દિક્ષુ સર્વલોકધાતુષુ સર્વસત્ત્વાન્ અનાગામિફલે પ્રતિષ્ઠાપયેત્ । યો ( જાઅ 85 ) વાન્યો બોધિસત્ત્વ એકં સત્ત્વં અર્હત્વે પ્રતિષ્ઠાપયેત્ । અયં તતો ઽસંખ્યેયતરં પુણ્યં પ્રસવતિ ॥
(7) સચેન્ મઞ્જુશ્રીર્ બોધિસત્ત્વો દશસુ દિક્ષુ સર્વલોકધાતુષુ સર્વસત્ત્વાન્ અર્હત્વે પ્રતિષ્ઠાપયેત્ । યો વાન્યો બોધિસત્ત્વ એકં સત્ત્વં પ્રત્યેકબુદ્ધત્વે પ્રતિષ્ઠાપયેત્ । અયં તતો ઽસંખ્યેયતરં પુણ્યં પ્રસવતિ ॥
(8) સચેન્ મઞ્જુશ્રીર્ બોધિસત્ત્વો દશસુ દિક્ષુ સર્વલોકધાતુષુ સર્વસત્ત્વાન્ પ્રત્યેકબુદ્ધત્વે પ્રતિષ્ઠાપયેત્ । યો વાન્યો બોધિસત્ત્વ એકં સત્ત્વં બોધિચિત્તે પ્રતિષ્ઠાપયેત્ । અયં તતો ઽસંખ્યેયતરં પુણ્યં પ્રસવેત્ ॥
(9) સચેન્ મઞ્જુશ્રીર્ બોધિસત્ત્વો દશસુ દિક્ષુ સર્વલોકધાતુષુ સર્વસત્ત્વાન્ બોધિચિત્તે પ્રતિષ્ઠાપયેત્ । યો વાન્યો બોધિસત્ત્વ એકં સત્ત્વમ્ અવૈવર્તિકત્વે પ્રતિષ્ઠાપયેત્ । અયં તતો બહુતરં પુણ્યં પ્રસવેત્ ॥
(10) સચેન્ મઞ્જુશ્રીર્ બોધિસત્ત્વઃ સર્વસત્ત્વાન્ અવૈવર્તિકત્વે પ્રતિષ્ઠાપયેત્ । યો વાન્યો બોધિસત્ત્વ ઇમં ધર્મપર્યાયમ્ અધિમુક્તઃ લિખાપયિત્વા પરેભ્યો વિસ્તરેણ સંપ્રકાશયેત્, અન્તશ એકં સત્ત્વમ્ અપ્ય્ અસ્મિન્ ધર્મપર્યાયે ઽવતારયેત્ । અયં તતો બહુતરં પુણ્યં પ્રસવેત્ ॥
§44 મ્સ્. 31અ5-32અ3, પ્. 333અ4-334અ5, દ્. 304બ્6-305અ7, ત્. 357 249ચ્19-250અ14, ત્. 358 253બ્23-253ચ્18, ત્. 359(w) 265અ12-265બ્24.
અથ ખલુ ભગવાંસ્ તસ્યાં વેલાયામ્ ઇમા ગાથા અભાષત્ ।
યો બોધિસત્ત્વો દશબુદ્ધકોટિનાં સદ્ધર્મં ધારયેત્ ક્ષયાન્તકાલે ।
સૂત્રં ચ યો ઽન્યઃ શૃણુયાત્ સગૌરવાદ્ ઇદં તતઃ પુણ્યમહાન્તં વિશેષયેત્

યો બુદ્ધકોટીદશ પૂજયેદ્ ઋદ્ધ્યા સમાક્રમ્ય દશાસુ દિક્ષુ ।
વન્દાપયેત્ સ પુરુષાંશ્ ચ સર્વાન્ કૃત્વા કૃપાં સર્વસુખેષ્વ્ અગૃદ્ધઃ

યશ્ ચેદં સૂત્રં જિનધર્મસૂચકં પરસ્ય દેશેત મુહૂર્તકં પિ ।
પ્રસન્નચિત્તઃ સુગતસ્ય શાસન ઇદં તતઃ પુણ્યફલં વિશિષ્યતે

સંદર્શ્ય સૂત્રં સુગતપ્રવેદિતં પ્રદીપભૂતં મરુમાનુષાણાં ।
સ તીક્ષ્ણપ્રજ્ઞશ્ ચ મહાબલશ્ ચ બુદ્ધાન ભૂમિં લભતે ચ શીઘ્રમ્

કથાં શ્રુણિત્વા સુગતાનમ્ ઈદૃશં સંશ્રાવયેદ્ યશ્ ચ દ્વિતીયસત્ત્વે ।
તેષાં ચ બુદ્ધાન નરોત્તમાનાં પરિનિર્વૃતાનાં નિરુપાધિશેષે

સ્તૂપાન્ પ્રતિષ્ઠાપય ઉચ્ચશોભનાન્ ભવાગ્રપર્યન્તસુરત્નચિત્રાન્ ।
છત્રૈઃ પતાકૈસ્ તથ ઘણ્ટશબ્દૈઃ પરિણાહવન્તે હિ યથા ભવાગ્રમ્

ઇચ્છે ત્વ્ અયં કશ્ચિદ્ ઇહ બોધિસત્ત્વઃ સૂત્રં શ્રુણિત્વા ઇમ એવરૂપમ્ ।
કાયે પ્રતિષ્ઠાપયિ પુસ્તકે વા ઇદં તતઃ પુણ્યફલં વિશિષ્યતે

યો બોધિસત્ત્વો ઇમુ ધર્મુ ધારયેદ્ અપનીતમાચ્છર્યમલો વિશારદઃ ।
પુણ્યં ભવેત્ તસ્ય હિ અપ્રમેયં લભેત બોધિં ચ યથેપ્સિતેન

ઇદં હિ સૂત્રં સુગતૈઃ પ્રશસ્તં પરિગૃહીતં બહુબોધિસત્ત્વૈઃ ।
તથાગતાનામ્ ઇહ-મ્-આત્મભાવ આકાશધાત્વે હિ સર્વેષુ દર્શિતઃ