ઈશ્વરસિદ્ધિ (અન્ય આવૃત્તિ) · અધ્યાય 3

અથ ખલુ તત્રભવાન્ પરમાચાર્યઃ શ્રીમદ્ભગવદ્યામુનમુનિરાત્મચિન્તાં વિધાયાત્મસિદ્ધૌ પરમાત્મચિન્તાં વિદધદીશ્વરસિદ્ધાવીશ્વરસાધકપ્રમાણવ્યવસ્થાપનાયોપક્રમમાણઃ પ્રતિજાનીતે તત્રે તિ । સમસ્તમં ચેતનાચતનાત્મકં જગત્ એકસ્ય - સર્વેશ્વરસ્ય વશે - ઇચ્છાયાં સઙ્કલ્પલક્ષણાયાં પ્રવર્તતેપ્રકર્ષેણ વર્તતે - અસઙ્કીર્ણસ્વરૂપસ્વભાવવ્યવસ્થમાસ્તે, પ્રવર્તતે ચ સ્વે સ્વે કર્મણિ યથાયથમિતિ કૃત્સ્નસ્ય સર્વેશ્વરસઙ્કલ્પાધીનસ્વરૂપસ્થિતિપ્રવૃત્તિકત્વં સાધયિતું - પ્રમાણતો વ્યવસ્થાપયિતું, પ્રથમતઃ પૂર્વપક્ષં વર્ણયામ ઇતિ કારિકાર્થઃ । અત્ર તત્રેતિ પ્રકાન્તપરામર્શકતચ્છબ્દનિર્દેશાદેતત્પૂર્વતનઃ કશ્ચનેશ્વરસિદ્ધગ્રન્થભાગઃ સ્યાત્ , યો બહોઃ કાલાત્પૂર્વમેવવિલુપ્ત ઇત્યભ્યૂહ્યતે 1
વ્યવસ્થિતમિતસ્વાર્થં ન તાવદિહ લૌકિકમ્ ।
સાધનં તેન સર્વાર્થતજ્જ્ઞાનાદેરસિદ્ધિતઃ