હેરમ્બસ્તોત્રં ગૌરિકૃતમ્ · અધ્યાય 1

॥ હેરમ્બસ્તોત્રં ગૌરિકૃતમ્ ॥
શ્રી ગણેશાય નમઃ ।
ગૌર્યુવાચ ।
ગજાનન જ્ઞાનવિહારકારિન્ન માં ચ જાનાસિ પરાવમર્ષામ્ ।
ગણેશ રક્ષસ્વ ન ચેચ્છરીરં ત્યજામિ સદ્યસ્ત્વયિ ભક્તિયુક્તા

વિઘ્નેશ હેરમ્બ મહોદર પ્રિય લમ્બોદર પ્રેમવિવર્ધનાચ્યુત ।
વિઘ્નસ્ય હર્તાઽસુરસઙ્ઘહર્તા માં રક્ષ દૈત્યાત્વયિ ભક્તિયુક્તામ્

કિં સિદ્ધિબુદ્ધિપ્રસરેણ મોહયુક્તોઽસિ કિં વા નિશિ નિદ્રિતોઽસિ ।
કિં લક્ષલાભાર્થવિચારયુક્તઃ કિં માં ચ વિસ્મૃત્ય સુસંસ્થિતોઽસિ

કિં ભક્તસઙ્ગેન ચ દેવદેવ નાનોપચારૈશ્ચ સુયન્ત્રિતોઽસિ ।
કિં મોદકાર્થે ગણપાદ્ધૃતોઽસિ નાનાવિહારેષુ ચ વક્રતુણ્ડ

સ્વાનન્દભોગેષુ પરિહૃતોઽસિ દાસીં ચ વિસ્મૃત્ય મહાનુભાવ ।
આનન્ત્યલીલાસુ ચ લાલસોઽસિ કિં ભક્તરક્ષાર્થસુસઙ્કટસ્થઃ

અહો ગણેશામૃતપાનદક્ષામરૈસ્તથા વાઽસુરપૈઃ સ્મૃતોઽસિ ।
તદર્થનાનાવિધિસંયુતોઽસિ વિસૃજ્ય માં દાસીમનન્યભાવામ્

રક્ષસ્વ માં દીનતમાં પરેશ સર્વત્ર ચિત્તેષુ ચ સંસ્થિતસ્ત્વમ્ ।
પ્રભો વિલમ્બેન વિનાયકોઽસિ બ્રહ્મેશ કિં દેવ નમો નમસ્તે

ભક્તાભિમાનીતિ ચ નામ મુખ્યં વેદે ત્વભાવાન્ નહિ ચેન્મહાત્મન્ ।
આગત્ય હત્વાઽદિતિજં સુરેશ માં રક્ષ દાસીં હૃદિ પાદનિષ્ઠામ્

અહો ન દૂરં તવ કિઞ્ચિદેવ કથં ન બુદ્ધીશ સમાગતોઽસિ ।
સુચિન્ત્યદેવ પ્રજહામિ દેહં યશઃ કરિષ્યે વિપરીતમેવમ્

રક્ષ રક્ષ દયાસિન્ધોઽપરાધાન્મે ક્ષમસ્વ ચ ।
ક્ષણે ક્ષણે ત્વહં દાસી રક્ષિતવ્યા વિશેષતઃ

સ્તુવત્યામેવ પાર્વત્યાં શઙ્કરો બોધસંયુતઃ ।
બભૂવ ગણપાનાં વૈ શ્રુત્વા હાહારવં વિધેઃ

ગણેશં મનસા સ્મૃત્વા વૃષારૂઢઃ સમાયયૌ ।
ક્ષણેન દૈત્યરાજં તં દૃષ્ટ્વા ડમરુણાહનત્

તતઃ સોઽપિ શિવં વીક્ષ્યાલિઙ્ગિતું ધવિતો।આભવત્ ।
શિવસ્ય શૂલિકાદીનિ શસ્ત્રાણિ કુણ્ઠિતાનિ વૈ

તં દૃષ્ટ્વા પરમાશ્ચર્યં ભયભીતો મહેશ્વરઃ ।
સસ્માર ગણપં સોઽપિ નિર્વિઘ્નાર્થં પ્રજાપતે

પાર્વત્યાઃ સ્તવનં શ્રુત્વા ગજાનનઃ સમાયયૌ ।
ઇતિ મુદ્ગલપુરાણોક્તં હેરમ્બસ્તોત્રં સમ્પૂર્ણમ્ ।