ગર્ભસંગ્રહઃ · શ્લોક 1-14

ગર્ભસઙ્ગ્રહઃ । (ગ્સ્)
નમો મહાકારુણિકાય ।
ત્રૈલોક્યદુઃખસિન્ધૂનાં કર્મભ્યઃ ક્ષુબ્ધવીચયઃ ।
કુશલાકુશલાદિભ્યઃ સાસ્રવેભ્યો વિનિઃસૃતાઃ

રાગદ્વેષાદિતસ્તાનિ જાતાનિ ક્લેશહેતુતઃ ।
તેષામુદ્ભવહેતુશ્ચાપીષ્ટાનિષ્ટાદિકસ્તથા

દ્વૈધગ્રહણતો જાતઃ પદાર્થગ્રાહકગ્રહાઃ ।
નિત્યવિભ્વૈકતાદ્યાશ્ચ સમસ્તોત્પાદહેતવઃ

ભાગ્યવાન્ પુરુષસ્તસ્માત્ મુક્તિકાંક્ષી પરાત્મનોઃ ।
પ્રતીત્યાદિસુયુક્તીનામ્ અભ્યાસૈર્વિનિવારયેત્

ભાવાનાં ગ્રહણં તાવત્ ધર્માન્ બાહ્યાન્તરાખિલાન્ ।
સર્વલક્ષણહીનેન ચાકાશેન સમં ભજેત્

વસ્તુગ્રહાભિભૂતં તુ લક્ષ્યીકૃત્યાખિલં જગત્ ।
દુઃખસાગરસંશોષિમહાકારુણ્યપૂર્વકમ્

સ્વપરાર્થભવં રત્નં બોધિચિત્તં પ્રભાવયેત્ ।
બોધિચર્યામહાવીચિષટ્પારમિતાદિકમ્

ધ્યાનવ્યુત્થાનયોગેન પઞ્ચમાર્ગૈઃ ક્રમાદ્ વ્રજેત્ ।
દ્વિવિધાવરણં છિત્ત્વા દ્વૌ સંભારૌ પ્રપૂર્ય ચ

ત્રિકાયફલમાપ્તવ્યં ત્રિકાયાપ્તેશ્ચ લક્ષણમ્ ।
નભોવચ્છૂન્યતાયાશ્ચાનાભોગકરુણામ્બુદાત્

દ્વિકાયામૃતધારાભિરાત્રિધાતુ સદાર્દ્રયન્ ।
બોધિમણ્ડસુબીજેભ્યઃ પુણ્યશસ્યાનિ પાચયેત્

હૃદયં સર્વબુદ્ધાનાં ગર્ભસઙ્ગ્રહ ઇત્યયમ્ ।
કાલાન્ત્યાદલ્પમાયુષ્યં બહુરોગાશ્ચાલ્પભોગિતા

દુર્હેતુબહુવિઘ્નૈશ્ચ ચિરં સ્થાતુમશક્તિતઃ ।
પદાનુચ્છેદશક્યત્વાત્ સન્મિત્રં હિ સમાશ્રયેત્

અત્યન્તવીર્યચિત્તેન પ્રપાતં સ્મરતા ભૃશમ્ ।
સઙ્ગૃહીતો ઽઞ્જસા ગર્ભો મોક્તું સ્વં ચ પરં તથા

સ્નેહૈનૈતત્કૃતાત્પુણ્યાત્ સત્ત્વાઃ સર્વે ઽપિ દુર્ભગાઃ ।
બોધિચિત્તમયા ભૂત્વા ગર્ભં ગૃહ્ણન્તુ ચાઞ્જસા