દુર્ગાસ્તુતિઃ · અધ્યાય 1

નમામિ દેવીં કમલાયતાક્ષીં
સુરેન્દ્રબૃન્દાદિ નતાંઘ્રિયુગ્મામ્ ।
સમુન્નતાશેષસુરપ્રપાલિનીં
નમામિ દુર્ગાં દુરિતાપહન્ત્રીમ્

કિરીટકોટ્યુલ્લિખિતાબ્જપાદાં
મનોજવાં તાં પરમેશભામિનીમ્ ।
શશાંકરેખાન્વિતમસ્તકાગ્રાં
સુરેશ્વરીં તાં પ્રણમામિ દુર્ગામ્

મૂલશ્રીભૈરવાત્મત્રિવિધપદમહાદેવતાભિઃ પરીતે
દિવ્યે સિંહાસનેન્દ્રે સ્થિતમખિલકલાબોધકં દેશિકેશમ્ ।
તસ્યાઙ્કે સન્નિષણ્ણામરુણરુચિચયા રઞ્જિતાશાવકાશાં
દેવીમાનન્દપૂર્ણામમૃતકરતલામાશ્રયેઽભીષ્ટસિદ્ધ્યૈ

કલ્પાન્તાનલકોટિકોટિસદૃશં ઘોરં ત્રિશૂલાયુધં
પાણિભ્યાં પરિગૃહ્ય પઞ્ચવદનસ્કન્ધેઽધિરુહ્ય સ્થિતામ્ ।
વિશ્વાસાવૃતવીરશક્તિવિવિધક્રીડાવિશેષારવૈઃ
તત્તત્ક્ષુદ્રસમસ્તશત્રુનિવહાં વન્દે મહાશૂલિનીમ્

ભાસાકુન્દશશાઙ્કશંખસદૃશાં કણ્ઠીરવાધ્યાસિનીં
કોદાણ્ડેષુકપાલપુસ્તકજપસ્રક્ શૂલદાનાભયામ્ ।
સર્વેશીં નિખિલાઘસંઘશમનીં ભક્તાનુકમ્પાપરાં
દેવીં વિશ્વમનોરથૈકવરદાં ધ્યાયેત્પરામમ્બિકામ્

મેઘશ્યામલકોમલાં સ્મિતમુખીં સિંહાસનાં શાઙ્કરીં
ચાપજ્યોદ્ગતવારુણાસ્ત્રગલિતૈરાપૂરિતાશાષ્ટકૈઃ ।
તોયૈર્ભક્તવિરુદ્ધસૈનિકગણં સંસ્તમ્ભયન્ત્યન્વહં
વિશ્વાકારનિયાપનં વિદધતીં ધ્યાયેન્મહાશૂલિનીમ્

આરુહ્ય સિંહમસિખેટરથાઙ્ગશંખ-
ચાપેષ્વભીતિવરદાઙ્કુશપાશહસ્તા ।
પથ્યગ્રતસ્સકલવૈરિમદાપહય
ગચ્છાનિશં વિજયશૂલિનિ વિશ્વભૂત્યૈ

વિશ્વજ્યોતિપ્રકાશે વિવિધતનુમયે વિશ્વહૃત્પદ્મવાસે
વિશ્વવ્યાપારભેદાનુગુણવિવિધૈર્વિશ્વશિક્ષૈકદક્ષે ।
વિશ્વદ્રોહં ક્ષમસ્વાખિલવિધદુરિતં નાશયત્વાશુ શશ્વત્
ત્રાહિ શ્રીશૂલિનીશે સહજકરુણયા સન્તતં સન્નિધેહિ