ચિદમ્બરં શ્રીનટરાજસ્તુતી · અધ્યાય 1

ચિદમ્બરં શ્રીનટરાજસ્તુતી ॥
નમસ્તે રૂદ્ર મન્યવ ઉતોત ઇષવે નમઃ ।
નમસ્તે અસ્તુ ધન્વને કરાભ્યાં તે નમો નમઃ

યાતે રુદ્ર શિવા તનૂઃ શાન્તા તસ્યૈ નમો નમઃ ।
નમોઽસ્તુ નીલગ્રીવાય સહસ્રાક્ષાય તે નમઃ

સહસ્રપાણયે તુભ્યં મીઢુષ્ટમાય તે નમઃ ।
કપર્દિને નમસ્તુભ્યં કાલરૂપાય તે નમઃ

નમસ્તે ચાત્તશસ્ત્રાય નમસ્તે શૂલપાણયે ।
હિરણ્યપાણયે તુભ્યં હિરણ્યપતયે નમઃ

નમસ્તે વૃક્ષરૂપાય હરિકેશાય તે નમઃ ।
પશૂનાં પતયે તુભ્યં પથીનાં પતયે નમઃ

પુષ્ટાનાં પતયે તુભ્યં ક્ષેત્રાણાં પતયે નમઃ ।
આતતાવિસ્વરૂપાય વનાનાં પતયે નમઃ

રોહિતાય સ્તપતયે વૃક્ષાણાં પતયે નમઃ ।
નમસ્તે મન્ત્રિણે સાક્ષાત્ કક્ષાણાં પતયે નમઃ

ઓષધીનાં ચ પતયે નમઃ સાક્ષાત્પરાત્મને ।
ઉચ્ચૈર્ઘોષાય દેવાય પત્તીનાં પતયે નમઃ

સત્વાનાં પતયે તુભ્યં ઘનાનાં પતયે નમઃ ।
સહમાનાય શાન્તાય શઙ્કરાય નમો નમઃ

આધીનાં પતયે તુભ્યં વ્યાધીનં પતયે નમઃ ।
કકુભાય નમસ્તુભ્યં નમસ્તેઽસ્તુ નિષઙ્ગિણે

સ્તેનાનાં પતયે તુભ્યં ધનાનાં પતયે નમઃ ।
તસ્કરાણાં નમસ્તુભ્યં પતયે પાપહારિણે

વઞ્ચતે પરિવઞ્ચતે સ્તાયૂનાં પતયે નમઃ ।
નમો નિચેરવે તુભ્યં અરણ્યાનાં પતયે નમઃ

ઉષ્ણીષિણે નમસ્તુભ્યં નમસ્તે પરમાત્મને ।
વિસ્તૃતાય નમસ્તુભ્યં આસીનાય નમોનમઃ

શયનાય નમ્સ્તુભ્યં સુષુપ્તાય નમો નમઃ ।
પ્રબુદ્ધાય નમસ્તુભ્યં સ્થિરાય પરમાત્મને

સભારૂપાય તે નિત્યં સભાયાઃ પતયે નમઃ ।
નમઃ શિવાય સામ્બાય બ્રહ્મણે સર્વસાક્ષિણે

॥ ઇતિ સૂતસંહિતાયાં મુક્તિકાણ્ડે સભાપતિસ્તુતિઃ સમ્પૂર્ણમ્ ॥