છાંદોગ્યોપનિષદ (ટીકા સહિત) · અધ્યાય 2.6

છુપ્ભ્_2,5.2 ફલં-કલ્પન્તે હ ઋતુવ્યવસ્થાનુરૂપં ભોગ્યત્વેનાસ્મા ઉપાસકાયર્તવઃ ।
ઋતુમાનાર્તવૈર્ભોગૈશ્ચ સમ્પન્નો ભવતીત્યર્થઃ ॥2॥
ઇતિ છાન્દોગ્યોપનિષદિ દ્વિતીયાધ્યાયસ્ય પઞ્ચમઃ ખણ્ડઃ
=======================================================================
સ્તર્ત્ છુપ્ 2,6.1
પશુષુ પઞ્ચવિધં સામોપાસીત ।
અજા હિઙ્કારઃ ।
અવયઃ પ્રસ્તાવઃ ।
ગાવ ઉદ્ગીથઃ ।
અશ્વઃ પ્રતિહારઃ ।
પુરુષો નિધનમ્

છુપ્ભ્_2,6.1 પશુષુ પઞ્ચવિધં સામોપાસીત ।
સમ્યગ્વૃત્તેષ્વૃતુષુ પશવ્યઃ કાલ ઇત્યાનન્તર્યમ્ ।
અજા હિઙ્કારઃ ।
પ્રાધાન્યાત્ પ્રાથમ્યાદ્વા ।
"અજઃ પશૂનાં પ્રથમ"ઇતિ શ્રુતેઃ ।
અવયઃ પ્રસ્તાવઃ ।
સાહચર્યદર્શનાદજાદીનામ્ ।
ગાવઃ ઉદ્ગીથઃ ।
શ્રૈષ્ઠ્યાત્ ।
અશ્વાઃ પ્રતિહારઃ ।
પ્રતિહરણાત્પુરુશાણામ્ ।
પુરુષો નિધનમ્ ।
પુરુષાશ્રયત્વાત્પશૂનામ્ ॥1 ॥
સ્તર્ત્ છુપ્ 2,6.2
ભવન્તિ હાસ્ય પશવઃ પશુમાન્ ભવતિ ય એતદ્ એવં વિદ્વાન્ પશુષુ પઞ્ચવિધં સામોપાસ્તે