ચર્યાસંગ્રહપ્રદીપ · શ્લોક 1-20

ચર્યાસઙ્ગ્રહપ્રદીપઃ (ચ્સ્પ્)
નમો લોકેશ્વરાય
મદાદ્યશેષમૂઢાનાં યસ્ય વચનરશ્મિભિઃ ।
ફુલ્લતામેતિ હૃત્પદ્મં તં વન્દે પુરુષોત્તમમ્

પારમિં ગુહ્યમન્ત્રં ચ શ્રિત્વા બોધિઃ પ્રસિધ્યતિ ।
ગુરુબુદ્ધોક્તિતસ્ત્વેવં તદર્થો લિખ્યતે મયા

ગુહ્યમન્ત્રો ઽત્ર નો વાચ્યઃ પારમીનયચારિકાઃ ।
બોધિસત્ત્વસ્ય ચર્યાસ્તુ સમાસેન લિખામ્યહમ્

ધીમતઃ સંવરો ગ્રાહ્યો બોધિચિત્તપુરઃ સરઃ ।
આલોક્યાશેષસૂત્રાણિ શાસ્ત્રં શ્રવ્યં સમસ્તકમ્

કાયેન મનસા વાચા યથોક્તાન્ સંવરાન્ ત્રિભિઃ ।
રક્ષેદક્ષુણ્ણશુદ્ધાંશ્ચ શીલાંશ્ચ પરિશોધયેત્

ભક્તમાત્રાં વિજાનીયાદ્ ઇન્દ્રિયદ્વારમાવરેત્ ।
રાત્રેઃ પૂર્વે ઽપરે ભાગે ન સુપ્ત્વા યોગમાચરેત્

અણુમાત્રેષ્વવદ્યેષુ હ્યતિમાત્રં બિભેતિ ચ ।
રાત્રેર્ભાગત્રયં કૃત્વા હ્યન્ત્યે ભાગે તુ જાગૃયાત્

પ્રક્ષાલયેન્મુખાદીન્ વાક્ષાલનં વાપિ યુજ્યતે ।
સુખાસનં સમાશ્રિત્ય ધર્માણાં ધર્મતાં સ્મરેત્

નિમિત્તૈઃ ક્ષોભતો ઽશક્યે તૂત્ત્થાયાભાસવસ્તુષુ ।
માયાવત્ત્વેન સમ્પ્રેક્ષ્ય પુણ્યયોગાંસ્તદન્તરે

પૂરયેચ્ચાપિ સપ્તાઙ્ગાન્ વિપુલાં પ્રણિધિં ચરેત્ ।
ભાવયેદ્ ભાવનાં પૂર્વા કાલે ઽથ ભોજનસ્ય ચ

એતન્નિઃ સારકાયેન પરં સારં ગવેષયન્ ।
કાયં નૌકાધિયા રક્ષેદ્ ન ભુઙ્ક્તાં સ્થૂલતાકૃતે

રસાસક્ત્યા ન ભુઞ્જીત ચતુર્ધાન્નં વિભજ્ય ચ ।
દેવેભ્યો વિનિવેદ્યાદિં ધર્મપાલાય તત્પરમ્

બલિં સુવિપુલાં દદ્યાત્ શેષં સ્વભુક્તપીતતઃ ।
દદ્યાચ્ચ સર્વભૂતેભ્યઃ કથાતન્ત્રં તદન્તરે

કુર્યાદદ્ભુતવાર્ત્તા ચ કિઞ્ચિદુત્થાય સઞ્ચરેત્ ।
પરિક્રામેદધિષ્ઠાનં જપં વા ગ્રન્થવાચનમ્

સુગતપ્રતિમાં કુર્યાદ્ યાવત્ સ્વેદો ન જાયતે ।
કુર્યાત્, પ્રદક્ષિણાં તાવદ્ અક્ષુબ્ધઃ પ્રણિધિં બહુમ્

ધર્મચર્યા દશપ્રોક્તાઃ મૈત્રેયેણ, સમાસતઃ ।
ચરેદક્ષિપ્તચિત્તેન માયૌપમ્યં ચ સંસ્મરન્

યદિ સ્યાત્ પૂજયેત્ સઙ્ઘં કુર્યાદ્ વા બાલકોત્સવમ્ ।
અનાથેભ્યઃ સુદાનં તુ યોગિને પુણ્યસઞ્ચયઃ

પૂર્ણેષુ દિનકૃત્યેષુ ભાગે ચ પ્રથમે નિશઃ ।
ધર્મતા નિષ્પ્રપઞ્ચાપિ તથા ચિત્તં ચ યોજયેત્

પ્રાપ્તાયાં મધ્યરાત્રૌ ચ ઉત્થાનાભાસસઞ્જ્ઞયા ।
સિંહનિદ્રા યથા તદ્વત્ શુભનિદ્રાં સમાશ્રયેત્

પ્રાયો ધ્યાનદૃઢે ચિત્તે કાયવાક્પુણ્યગૌણતા ।
અસંસ્પૃષ્ટે સમાધૌ વા લોકકલ્પપ્રવૃત્તયે