બૃહત્પારાશરહોરાશાસ્ત્રમ્ · અધ્યાય 23

અથ વ્યયભાવફલાધ્યાયઃ

કર્મભાવફલં ચાઽથ કથયામિ તવાગ્રતઃ।
સૃણુ મૈત્રેય તત્ત્વેન બ્રહ્મગર્ગાદિભાષિતમ્‌

સબલે કર્મભાવેશે સ્વોચ્ચે સ્વાંશે સ્વરાશિગે।
જાતસ્તાતસુખેનાઢ્‌યો યશસ્વી શુભકર્મકૃત્‌

કર્માધિપો બલોનશ્ચેત્‌ કર્મવૈકલ્યમાદિશેત્‌।
સૈહિઃ કેન્દ્રત્રિકોણસ્થો જ્યોતિષ્ટોમાદિયાગકૃત્‌

કર્મેશે શુભસંયુક્તે શુભસ્થાનગતે તથા।
રાજદ્વારે ચ વાણિજ્યે સદા લાભોઽન્યથાન્યથા

દશમે પાપસંયુક્તે લાભે પાપસમન્વિતે।
દુષ્કૃતિં લભતે મર્ત્યઃ સ્વજનાનાં વિદૂષકઃ

કર્મેશે નાશરાશિસ્થે રાહુણા સંયુતે તથા।
જનદ્વેષી મહામૂર્ખો દુષ્કૃતિં લભતે નરઃ

કર્મેશે દ્યૂનરાશિસ્થે મન્દભૌમસમન્વિતે।
દ્યૂનેશે પાપસંયુતે શિશ્નોદરપરાયણઃ

તુઙ્ગરાશિં સમાશ્રિત્ય કર્મેશે ગુરુસંયુતે।
ભાગ્યેશે કર્મરાશિસ્થે માનૈશ્વર્યપ્રતાપવાન્‌

લાભેશે કર્મરાશિસ્થે કર્મેશે લગ્નસંયુતે।
તાવુભૌ કેન્દ્રગૌ વાપિ સુખજીવનભાગ્‌ ભવેત્‌

કર્મેશે બલસંયુક્તે મીને ગુરુસમન્વિતે।
વસ્ત્રાભરણસૌખ્યાદિ લભતે નાત્ર સંશયઃ

લાભસ્થાનગતે સૂર્યે રાહુભૌમસમન્વિતે।
રવિપુત્રેણ સંયુક્તે કર્મચ્છેત્તા ભવેન્નરઃ

મીને જીવે ભૃગુયુતે લગ્નેશે બલસંયુતે।
સ્વોચ્ચરાશિગતે ચન્દ્રે સમ્યગ્‌જ્ઞાનાર્થવાન્‌ ભવેત્‌

કેન્દ્રેશે લાભરાશિસ્થે લાભેશે લગ્નસંસ્થિતે।
કર્મરાશિસ્થિતે શુક્રે રત્નવાન્‌ સ નરો ભવેત્‌

કેન્દ્રત્રિકોણગે કર્મનાથે સ્વોચ્ચસમાશ્રિતે।
ગુરુણા સહિતે દૃષ્ટે સ કર્મસહિતો ભવેત્‌

કર્મેશે લગ્નભાવસ્થે લગ્નેશેન સમન્વિતે।
કેન્દ્રત્રિકોણગે ચન્દ્રે સત્કર્મનિરતો ભવેત્‌

કર્મસ્થાનગતે મન્દે નીચખેચરસંયુતે।
કર્માંશે પાપસંયુક્તે કર્મહીનો ભવેન્નરઃ

કર્મેશે નાશરાશિસ્થે રન્ધ્રેશે કર્મસંસ્થિતે।
પાપગ્રહેણ સંયુક્તે દુષ્કર્મ નિરતો ભવેત્‌

કર્મેશે નીચરાશિસ્થે કર્મસ્થે પાપખેચરે।
કર્મભાત્કર્મગે પાપે કર્મવૈકલ્યમાદિશેત્‌

કર્મસ્થાનગતે ચન્દ્રે તદીશે તત્ત્રિકોણગે।
લગ્નેશે કેન્દ્રભાવસ્થે સત્કીર્તિસહિતો ભવેત્‌

લાભેશે કર્મભાવસ્થે કર્મેશે બલસંયુક્તે।
દેવેન્દ્રગુરુણા દૃષ્ટે સત્કીર્તિસહિતો ભવેત્‌

કર્મસ્થાનાધિપે ભાગ્યે લગ્નેશે કર્મસંયુતે।
લગ્નાત્‌ પઞ્ચમગે ચન્દ્રે ખ્યાતનામા નરો ભવેત્‌

ઇતિ કર્મફલં પ્રોક્તં સંક્ષેપેણ દ્વિજોત્તમ।
લગ્નકર્મેશસમ્બન્ધાદૂહ્યમન્યદપિ સ્વયમ્‌