બ્રહ્મવૈવર્ત પુરાણ · અધ્યાય 4.117

અથ સપ્તદશાધિકશતતમોઽધ્યાયઃ
નારાયણ ઉવાચ
ગણેશસ્તુ શિવસ્થાનં ગત્વા નત્વા મહેશ્વરમ્ ।
સર્વ વિજ્ઞાપયામાસ ક્રમેણ ચ પૃથક્પૃથક્

બાણાનિરુદ્ધયોર્યુદ્ધં સુભદ્રનિધનં તથા ।
સ્કન્દાનિરુદ્ધયોર્યુદ્ધમનિરુદ્ધસ્ય વિક્રમમ્

ગણેશવચનં શ્રુત્વા પ્રહસ્ય ભગવાન્ભવઃ ।
ઉવાચ શ્લક્ષ્ણયા વાચા સુગુપ્તં વેદસંમતમ્

મહાદેવ ઉવાચ
ગણેશ્વર મહાભાગ શ્રૂયતાં વચનં મમ ।
હિતં તથ્યં નીતિસારં પરિણામસુખાવહમ્

અસંખ્યવિશ્વસંઘં ચ સર્વ કૃષ્ણાત્મજં સુતમ્ ।
કૃષ્ણં જાનીહિ યત્કાર્યં કારણાનાં ચ કારણમ્

બ્રહ્માદિતૃણપર્યન્તં જગત્મર્વ ગણેશ્વર ।
નિબોધ સત્યં કૃષ્ણં ચ ભગવન્તં સનાતનમ્

ગોલોકે દ્વિભુજં શાન્તં રાધાકાન્તં મનોહરમ્ ।
શિશુરૂપં ગોપવેષં ગોપવેષં પરિપૂર્ણતમં પ્રભુમ્

ગોપીભિર્ગોપનિકરૈઃ સહિતં કામધેનુભિઃ ।
પુણ્યે વૃન્દાવને રમ્યે સુન્દરે રાસમણ્ડલે

ચરન્તં મુરલીહસ્તં બ્રહ્મેશશેષવન્દિતમ્ ।
શતશૃઙ્ગૈ ચ શૈલેશે વટમૂલે નિરાકુલે

ગોષ્ઠે ભાણ્ડીરનિકટે નિર્મલે વિરજાતટે ।
નવીનનીરદશ્યામં શોભિતં પીતવાસસા

યથા નવં ઘનૌઘં ચ સૌદામિન્થા વિરાજિતમ્ ।
આવિર્ભાવશ્ચ તેષાં વૈ ગોલોકે રાસમણ્ડલે

તાવન્તો ગોકુલે રમ્યે પુણ્યે વૃન્દાવને વને ।
સર્વે ચાંશકલાઃ પુંસઃકૃષ્ણસ્તુ ભગવાન્સ્વયમ્

પરિપૂર્ણતમઃ કામો બ્રહ્મશાપાત્સ્વવિસ્મૃતઃ ।
તસ્ય પુત્રોઽનિરુદ્ધશ્ચ મહાબલપરાક્રમઃ

મયા પ્રસ્થાપિતઃ સ્કન્દો મહાયુદ્ધે સુદારુણે ।
મૃતો બાણશ્ચ સંગ્રામે તેન સ્કન્દેન રક્ષિતઃ

સ્કન્દાનિરુદ્ધયોર્યુદ્ધે સમત્વં તુ ગણેશ્વર ।
અષ્ટૌ ચ ભૈરવાઃ સર્વે રુદ્રાશ્ચૈકાદશૈવ તે

અષ્ટૌ ચ વસવશ્ચૈતે દેવાઃ શક્રાદયસ્તથા ।
તથૈવ દ્વાદશાદિત્યાઃ સર્વે દૈત્યેશ્વરાસ્તથા

દેવાનામગ્રણીઃ સ્કન્દો બાણશ્ચ સગણસ્તથા ।
સર્વે તે ચાનિરુદ્ધં ચ સંગ્રામે જેતુમક્ષમાઃ

અનિરુદ્ધઃ સ્વયં બ્રહ્મા પ્રદ્યુમ્નઃ કામ એવ ચ ।
બલદેવઃ સ્વયં શેષઃ કૃષ્ણશ્ચ પ્રકૃતેઃ પરઃ

એતત્તે કથિતં સર્વં બાણં રક્ષ ગણેશ્વર ।
ભવાઞ્શુભસ્વરૂપશ્ચ વિઘ્નખણ્ડનકારકઃ

આરાદાયાસ્યતિ હરિર્ગૃહીત્વા ચ સુદર્શનમ્ ।
અવ્યર્થમસ્ત્રપ્રવરં સૂર્યકોટિસમપ્રભમ્

ઇતિ શ્રીબ્રહ્મઓ મહાઓ શ્રીકૃષ્ણજન્મખઓ ઉત્તઓ નારદનાઓ બાણયુદ્ધે
શિવલમ્બોદરસંઓ સપ્તદશાધિકશાતતમોઽધ્યાયઃ