બ્રહ્મવૈવર્ત પુરાણ · અધ્યાય 2.67

નારદ ઉવાચ॥
ભગવન્સર્વધર્મજ્ઞ સર્વજ્ઞાનવિશારદ ॥
બ્રહ્માણ્ડમોહનં નામ પ્રકૃતેઃ કવચં વદ

નારાયણ ઉવાચ ॥
શૃણુ વક્ષ્યામિ હે વત્સ કવચં ચ સુદુર્લભમ્ ॥
શ્રીકૃષ્ણેનૈવ કથિતં કૃપયા બ્રહ્મણે પુરા

બ્રહ્મણા કથિતં સર્વં ધર્માર્થં જાહ્નવીતટે ॥
ધર્મેણ દત્તં મહ્યં ચ કૃપયા પુષ્કરે પ્રભુઃ

ત્રિપુરારિશ્ચ યદ્ધૃત્વા જઘાન ત્રિપુરં પુરા ॥
મુમોચ ધાતા યદ્ધૃત્વા મધુકૈટભયોર્ભયમ્ ॥
જઘાન રક્તબીજં તં યત્કૃત્વા ભદ્રકાલિકા

યદ્ધૃત્વા તુ મહેન્દ્રશ્ચ સંપ્રાપ કમલાલયામ્ ॥
યદ્ધૃત્વા ચ મહાકાલશ્ચિરજીવી ચ ધાર્મિકઃ ॥

યદ્ધૃત્વા ચ મહાજ્ઞાની નન્દી સાનન્દપૂર્વકમ્ ॥
યદ્ધૃત્વા ચ મહાયોદ્ધા રામઃ શત્રુભયઙ્કરઃ

યદ્ધૃત્વા શિવતુલ્યશ્ચ દુર્વાસા જ્ઞાનિનાં વરઃ ॥
ૐ દુર્ગેતિ ચતુર્થ્યન્તં સ્વાહાન્તો મે શિરોઽવતુ

મન્ત્રઃ ષડક્ષરોઽયં ચ ભક્તાનાં કલ્પપાદપઃ ॥
વિચારો નાસ્તિ વેદેષુ ગ્રહણે ચ મનોર્મુને

મન્ત્રગ્રહણમાત્રેણ વિષ્ણુતુલ્યો ભવેન્નરઃ ॥
મમ વક્ત્રં સદા પાતુ ચોં દુર્ગાયૈ નમોઽન્તતઃ॥

ૐ દુર્ગે રક્ષયતિ ચ કણ્ઠં પાતુ સદા મમ ॥
ૐ હ્રીં શ્રીમિતિ મન્ત્રોઽયં સ્કન્ધં પાતુ નિરન્તરમ્

ૐ હ્રીં શ્રીં ક્લીમિતિ પૃષ્ઠં ચ પાતુ મે સર્વતઃ સદા ॥
હ્રીં મે વક્ષઃસ્થલં પાતુ હસ્તં શ્રીમિતિ સન્તતમ્

ૐ શ્રીં હ્રીં ક્લીં પાતુ સર્વાઙ્ગં સ્વપ્ને જાગરણે તથા ॥
પ્રાચં માં પ્રકૃતિઃ પાતુ પાતુ વહ્નૌ ચ ચણ્ડિકા

દક્ષિણે ભદ્રકાલી ચ નૈરૃત્યાં ચ મહેશ્વરી ॥
વારુણ્યાં પાતુ વારાહી વાયવ્યાં સર્વમઙ્ગલા

ઉત્તરે વૈષ્ણવી પાતુ તથૈશાન્યાં શિવપ્રિયા ॥
જલે સ્થલે ચાન્તરિક્ષે પાતુ માં જગદમ્બિકા

ઇતિ તે કથિતં વત્સ કવચં ચ સુદુર્લભમ્ ॥
યસ્મૈ કસ્મૈ ન દાતવ્યં પ્રવક્તવ્યં ન કસ્યચિત્

ગુરુમભ્યર્ચ્ય વિધિવદ્વસ્ત્રાલંકારચન્દનૈઃ ॥
કવચં ધારયેદ્યસ્તુ સોઽપિ વિષ્ણુર્ન સંશયઃ

ભ્રમણે સર્વતીર્થાનાં પૃથિવ્યાશ્ચ પ્રદક્ષિણે ॥
યત્ફલં લભતે લોકસ્તદેતદ્ધારણાન્મુને

પઞ્ચલક્ષજપેનૈવ સિદ્ધમેતદ્ભવેદ્ધ્રુવમ્ ॥
લોકે ચ સિદ્ધકવચં નાસ્ત્રં વિધ્યતિ સંકટે

ન તસ્ય મૃત્યુર્ભવતિ જલે વહ્નૌ વિશેદ્ધ્રુવમ્ ॥
જીવન્મુક્તો ભવેત્સોઽપિ સર્વસિદ્ધેશ્વરઃ સ્વયમ્

યદિ સ્યાત્સિદ્ધકવચો વિષ્ણુતુલ્યો ભવેદ્ધ્રુવમ્ ॥
કથિતં પ્રકૃતેઃ ખણ્ડં સુધાખણ્ડાત્પરં મુને

યા ચૈવ મૂલપ્રકૃતિર્યસ્યાઃ પુત્રો ગણેશ્વરઃ ॥
કૃત્વા કૃષ્ણવ્રતં સા ચ લેભે ગણપતિં સુતમ્

સ્વાંશેન કૃષ્ણો ભગવાન્બભૂવ ચ ગણેશ્વરઃ ॥
શ્રુત્વા ચ પ્રકૃતેઃ ખણ્ડં સુશ્રાવ્યં ચ સુધોપમમ્

ભોજયિત્વા ચ દધ્યન્નં તસ્મૈ દદ્યાચ્ચ કાઞ્ચનમ્ ॥
સવત્સાં સુરભિં રમ્યાં દદ્યાદ્વૈ ભક્તિપૂર્વકમ્

વાસોઽલંકારરત્નૈશ્ચ તોષયેદ્વાચકં મુને ॥
પુષ્પાલંકારવસનૈરુપહારગણૈસ્તથા

પુસ્તકં પૂજયેદેવં ભક્તિશ્રદ્ધાસમન્વિતઃ ॥
એવં કૃત્વા યઃ શૃણોતિ તસ્ય વિષ્ણુઃ પ્રસીદતિ

વર્દ્ધતે પુત્રપૌત્રાદિર્યશસ્વી તત્પ્રસાદતઃ ॥
લક્ષ્મીર્વસતિ તદ્ગેહે હ્યન્તે ગોલોકમાપ્નુયાત્ ॥
લભેત્કૃષ્ણસ્ય દાસ્યં સ ભક્તિં કૃષ્ણે સુનિશ્ચલામ્

ઇતિ શ્રીબ્રહ્મવૈવર્ત્તે મહાપુરાણે પ્રકૃતિખણ્ડે નારદનારાયણસંવાદે દુર્ગોપાખ્યાને બ્રહ્માણ્ડમોહનકવચં નામ સપ્તષષ્ટિતમોઽધ્યાયઃ

॥
॥ શ્રીકૃષ્ણાર્પણમસ્તુ ॥ ॥ ॥ ॥ ॥
॥ સમાપ્તશ્ચાયં શ્રીબ્રહ્મવૈવર્ત્તે મહાપુરાણ પ્રકૃતિખણ્ડો દ્વિતીયઃ ॥