બ્રહ્મસૂત્ર2 (ટીકા સહિત) · અધ્યાય 8

॥ ઇતિ પ્રથમસ્યાધ્યાયસ્ય સ્પષ્ટબ્રહ્મલિઙ્ગશ્રુતિસમન્વયાખ્યઃ પ્રથમઃ પાદઃ ॥
પ્રથમાધ્યાયે દ્વિતીયઃ પાદઃ ।
[અત્રાસ્પષ્ટબ્રહ્મલિઙ્ગયુક્તવાક્યાનામુપાસ્યબ્રહ્મવિષયાણાં વિચારઃ] ।
1 સર્વત્ર પ્રસિદ્ધ્યધિકરણમ્ । સૂ. 1-8
પ્રથમે પાદે ઽજન્માદ્યસ્ય યતઃઽ ઇત્યાકાશાદેઃ સમસ્તસ્ય જગતો જન્માદિકારણં બ્રહ્મેત્યુક્તમ્ ।
તસ્ય સમસ્તજગત્કારણસ્ય બ્રહ્મણો વ્યાપિત્વં, નિત્યત્વં, સર્વજ્ઞત્વં, સર્વશક્તિત્વં, સર્વાત્મત્વમિત્યેવઞ્જાતીયકા ધર્મા ઉક્તા એવ ભવન્તિ ।
અર્થાન્તરપ્રસિદ્ધાનાં ચ કેષાઞ્ચિચ્છબ્દાનાં બ્રહ્મવિષયત્વહેતુપ્રતિપાદનેન કાનિચિદ્વાક્યાનિ સ્પષ્ટબ્રહ્મલિઙ્ગાનિ સંદિહ્યમાનાનિ બ્રહ્મપરતયા નિર્ણીતીનિ ।
પુનરપ્યન્યાનિ વાક્યાન્યસ્પષ્ટબ્રહ્મલિઙ્ગાનિ સંદિહ્યન્તે- કિં પરં બ્રહ્મ પ્રતિપાદયન્ત્યાહોસ્વિદર્થાન્તરં કિઞ્ચિદસ્તિ ।
તન્નિર્ણયાય દ્વિતીયતૃતીયૌ પાદાવારભ્યેતે ।
પ્રથમાધ્યાયે દ્વિતીયઃ પાદઃ ।
શ્રીરામં સિદ્ધમત્તારં ગુહાશાયિનમાન્તરમ્ ।
અન્તર્યામિણમજ્ઞેયં વૈશ્વાનરમહં ભજે