બ્રહ્મસૂત્ર (અન્ય આવૃત્તિ) · અધ્યાય 1.2

સર્વત્ર પ્રસિદ્ધોપદેશાત્

વિવક્ષિતગુણોપપત્તેશ્ ચ

અનુપપત્તેસ્ તુ ન શારીરઃ

કર્મકર્તૃવ્યપદેશાચ્ ચ

શબ્દવિશેષાત્

સ્મૃતેશ્ ચ

અર્ભકૌસ્ત્વાત્ તદ્વ્યપદેશાચ્ ચ નેતિ ચેન્ ન નિચાય્યત્વાદ્ એવં વ્યોમવચ્ ચ

સંભોગપ્રાપ્તિર્ ઇતિ ચેન્ ન વૈશેષ્યાત્

અત્તા ચરાચરગ્રહણાત્

પ્રકરણાચ્ ચ

ગુહાં પ્રવિષ્ટાવ્ આત્માનૌ હિ તદ્દર્શનાત્

વિશેષણાચ્ ચ

અન્તર ઉપપત્તેઃ

સ્થાનાદિવ્યપદેશાચ્ ચ

સુખવિશિષ્ટાભિધાનાદ્ એવ ચ

શ્રુતોપનિષત્કગત્યભિધાનાચ્ ચ

અનવસ્થિતેર્ અસંભવાચ્ ચ નેતરઃ

અન્તર્યામ્યધિદૈવાધિલોકાદિષુ તદ્ધર્મવ્યપદેશાત્

ન ચ સ્માર્તમ્ અતદ્ધર્માભિલાપાત્

શરીરશ્ ચોભયે ઽપિ હિ ભેદેનૈનમ્ અધીયતે

અદૃશ્યત્વાદિગુણકો ધર્મોક્તેઃ

વિશેષણભેદવ્યપદેશાભ્યાં ચ નેતરૌ

રૂપોપન્યાસાચ્ ચ

વૈશ્વાનરઃ સાધારણશબ્દવિશેષાત્

સ્મર્યમાણમ્ અનુમાનં સ્યાદ્ ઇતિ

શબ્દાદિભ્યો ઽન્તઃપ્રતિષ્ઠાનાચ્ ચ નેતિ ચેન્ ન તથા દૃષ્ટ્યુપદેશાદ્ અસમ્ભવાત્ પુરુષમપિ ચૈનમ્ અધીયતે

અત એવ ન દેવતા ભૂતં ચ

સાક્ષાદ્ અપ્ય્ અવિરોધં જૈમિનિઃ

અભિવ્યક્તેર્ ઇત્ય્ આશ્મરથ્યઃ

અનુસ્મૃતેર્ બાદરિઃ

સંપત્તેર્ ઇતિ જૈમિનિસ્ તથા હિ દર્શયતિ

આમનન્તિ ચૈનમ્ અસ્મિન્