બ્રહ્માંડ પુરાણ · અધ્યાય 3.44

ઇતિ શ્રીબ્રહ્માણ્ડમહાપુરાણે ઉત્તરભાગે લલિતોપાખ્યાને ત્રિચત્વારિંશો ઽધ્યાયઃ
હયગ્રીવ ઉવાચ
પ્રવિશ્ય તુ જપસ્થાનમાનીય નિજમાસનમ્ ।
અભ્યુક્ષ્ય વિધિવન્મન્ત્રૈર્ગુરૂક્તક્રમયોગતઃ

સ્વાત્માનં દેવતામૂર્તિં ધ્યાયંસ્તત્રાવિશેષતઃ ।
પ્રાઙ્મુખો દૃઢમાબધ્ય પદ્માસનમનન્યધીઃ

ત્રિખણ્ડામનુબધ્નીયાદ્ગુર્વાદીનભિવન્દ્ય ચ ।
દ્વિરુક્તબાલબીજાનિ મધ્યાદ્યઙ્ગુલિષુ ક્રમાત્

તલયોરપિ વિન્યસ્ય કરશુદ્ધિપુરઃસરમ્ ।
અગ્નિપ્રાકારપર્યન્તં કુર્યાત્સ્વાસ્ત્રેણ મન્ત્રવિત્

પ્રતિલોમેન પાદાદ્યમનુલોમેન કાદિકમ્ ।
વ્યાપ કન્યાસમારોપ્ય વ્યાપયન્વાગ્ભવાદિભિઃ

વ્યક્તૈઃ કારમસૂક્ષ્મસ્થૂલશરીરાણિ કલ્પયેત્ ।
નાભૌ હૃદિ ભ્રુવોર્મધ્યે બાલાબીજાન્યથ ન્યસેત્

માતૃકાં મૂલપુટિતાં ન્યસેન્નાભ્યાદિષુ ક્રમાત્ ।
બાલાબીજાનિ તાન્યેવ દ્વિરાવૃત્ત્યાથ વિન્યસેત્

મધ્યાદિકરશાખાસુ તલયોરપિ નાન્યથા ।
નાભ્યાદાવથ વિન્યસ્ય ન્યસેદથ પદદ્વયે

જાનૂરુસ્ફિગ્ગુહ્યમૂલનાભિ હૃન્મૂર્ધસુ ક્રમાત્ ।
નવાસનાનિ બ્રહ્માણં વિષ્ણું રુદ્રં તથેશ્વરમ્

સદાશિવં ચ પૂષાણં તૂલિકાં ચ પ્રકાશકમ્ ।
વિદ્યાસનં ચ વિન્યસ્ય હૃદયે દર્શયેત્તતઃ

પદ્મત્રિખણ્ડયોન્યાખ્યાં મુદ્રામોષ્ઠપુટેન ચ ।
વાયુમાપૂર્ય હું હું હું ત્વિતિ પ્રાબીધ્ય કુણ્ડલીમ્

મન્ત્રશક્ત્યા સમુન્નીય દ્વાદશાન્તે શિવૈકતામ્ ।
ભાવયિત્વા પુનસ્તં ચ સ્વસ્થાને વિનિવેશ્ય ચ

વાગ્ભવાદીનિ બીજાનિ મૂલહૃદ્બાહુષુ ન્યસેત્ ।
સમસ્તમૂર્ધ્નિ દોર્મૂલમધ્યાગ્રેષુ યથાક્રમમ્

હસ્તૌ વિન્યસ્ય ચાઙ્ગેષુ હ્યઙ્ગુષ્ઠાદિતલાવધિ ।
હૃદયાદૌ ચ વિન્યસ્ય કુઙ્કુમં ન્યાસમાચરેત્

શુદ્ધા તૃતીયબીજેન પુટિતાં માતૃકાં પુનઃ ।
આદ્યબીજદ્વયં ન્યસ્ય હ્યન્ત્યબીજં ન્યસેદિતિ

પુનર્ભૂતલવિન્યાસમાચરેન્નાતિવિસ્તરમ્ ।
વર્ગાષ્ટકં ન્યસેન્મૂલે નાભૌ હૃદયકણ્ઠયોઃ

પ્રાગાધાયૈષુ શષસાન્મૂલહૃન્મૂર્દ્ધસુ ન્યસેત્ ।
કક્ષકટ્યંસવામાંસકટિહૃત્સુ ચ વિન્યસેત્

પ્રભૂતાધઃ ષડઙ્ગાનિ દાદિવર્ગૈસ્તુ વિન્યસેત્ ।
ઋષિસ્તુ શબ્દબ્રહ્મસ્યાચ્છન્દો ભૂતલિપિર્મતા

શ્રીમૂલપ્રકૃતિસ્ત્વસ્ય દેવતા કથિતા મનોઃ ।
અક્ષસ્રક્પુસ્તકે ચોર્ધ્વે પુષ્પસાયકકાર્મુકે

વરાભીતિકરાબ્જૈશ્ચ ધારયન્તીમનૂપમામ્ ।
રક્ષણાક્ષમયીં માનાં વહન્તી કણ્ઠદેશતઃ

હારકેયૂરકટકચ્છન્નવીરવિભૂષણામ્ ।
દિવ્યાઙ્ગરાગસંભિન્નમણિકુણ્ડલમણ્ડિતામ્

લિપિકલ્પદ્રુમસ્યાધો રૂપિપઙ્કજવાસિનીમ્ ।
સાક્ષાલ્લિપિમયીં ધ્યાયેદ્ભૈરવીં ભક્તવત્સલામ્

અનેકકોટિદૂતીભિઃ સમન્તાત્સમલઙ્કૃતામ્ ।
એવં ધ્યાત્વા ન્યસેદ્ભૂયો ભૂતલેપ્યક્ષરાન્ક્રમાત્

મૂલાદ્યાજ્ઞાવસાનેષુ વર્ગાષ્ટકમથો ન્યસેત્ ।
શષસાન્મૂર્ધ્નિ સંન્યસ્ય સ્વરાનેષ્વેવ વિન્યસેત્

હાદિરૂર્ધ્વાદિપઞ્ચાસ્યેષ્વગ્રે મૂલે ચ મધ્યમે ।
અઙ્ગુલીમૂલમણિબન્ધયોર્દેષ્ણોશ્ચ પાદયોઃ

જઠરે પાર્શ્વયોર્દક્ષવામયોર્નાભિપૃષ્ઠયોઃ ।
શષસાન્મૂલહૃન્મૂર્ધસ્વેતાન્વા લાદિકાન્ન્ય સેત્

હ્રસ્વાઃ પઞ્ચાથ સન્ધ્યર્ણાશ્ચત્વારો હયરા વલૌ ।
અકૌ ખગેનગશ્ચાદૌ ક્રમોયં શિષ્ટવર્ગકે

શષસા ઇતિ વિખ્યાતા દ્વિચત્વારિંશદક્ષરાઃ ।
આદ્યઃ પઞ્ચાક્ષરો વર્ગો દ્વિતીયશ્ચતુરક્ષરઃ

પઞ્ચાક્ષરી તુ ષડ્વર્ગી ત્રિવર્ણો નવમો મતઃ ।
બ્રહ્મા વિષ્ણુશ્ચ રુદ્રશ્ચ ધનેશેન્દ્રયમાઃ ક્રમાત્

વરુણશ્ચૈવ સોમશ્ચ શક્તિત્રયમિમે નવ ।
વર્ણાનામીશ્વરાઃ પ્રોક્તાઃ ક્રમો ભૂતલિપેરયમ્

એવં સૃષ્ટૌ પાઠો વિપરીતઃ સંહૃતાવમુન્યેવ ।
સ્થાનાનિ યોજનીયૌ વિસર્ગબિન્દૂ ચ વર્ણાન્તૌ

ધ્યાનપૂર્વં તતઃ પ્રાજ્ઞો રત્યાદિન્યાસમાચરેત્ ।
જપાકુસુમસંકાશાઃ કુઙ્કુમારુણવિગ્રહાઃ

કામવામાધિરૂઢાઙ્કા ધ્યેયાઃ શરધનુર્ધરાઃ ।
રતિપ્રીતિયુતઃ કામઃ કામિન્યાઃ કાન્તૈષ્યતે

કાન્તિમાન્મોહિનીયુક્તકામાઙ્ગઃ કલહપ્રિયામ્ ।
અન્વેતિ કામચારૈસ્તુ વિલાસિન્યા સમન્વિતઃ

કામઃ કલ્પલતા યુક્તઃ કામુકઃ શ્યામવર્ણયા ।
શુચિસ્મિતાન્વિતઃ કામો બન્ધકો વિસ્મૃતાયુતઃ

રમણો વિસ્મિતાક્ષ્યા ચ રામો ઽયં લેલિહાનયા ।
રમણ્યા રતિનાથોપિ દિગ્વસ્ત્રાઢ્યો રતિપ્રિયઃ

વામયા કુબ્જયા યુક્તો રતિનાથો ધરાયુતઃ ।
રમાકાન્તો રમોપાસ્યો રમમાણો નિશાચરઃ

કલ્યાણો મોહિનીનાથો નન્દકશ્ચોત્તમાન્વિતઃ ।
નન્દી સુરોત્તમાઢ્યો નન્દનો નન્દયિતા પુનઃ

સુલાવણ્યાન્વિતઃ પઞ્ચબાણો બાલનિધીશ્વરઃ ।
કલહપ્રિયયા યુક્તસ્તથા રતિસખઃ પુનઃ

એકાક્ષ્યા પુષ્પધન્વાપિ સુમુખેશો મહાધનુઃ ।
નીલી જડિલ્યો ભ્રમણઃ ક્રમશઃ પાલિનીપતિઃ

ભ્રમમાણઃ શિવાકાન્તો ભ્રમો ભ્રાન્તશ્ચ મુગ્ધયા ।
ભ્રામકો રમયા પ્રાપ્તો ભ્રામિતો ભૃઙ્ગ ઇષ્યતે

ભ્રાન્તાચારો લોચનયા દીર્ઘજિહ્વિકયા પુનઃ ।
ભ્રમાવહં સમન્વેતિ મોહનસ્તુ રતિપ્રિયામ્

મોહકસ્તુ પલાશાક્ષ્યા ગૃહિણ્યાં મોહ ઇષ્યતે ।
વિકટેશો મોહધરો વર્ધનોયં ધરાયુતઃ

મદનાથો ઽનૂપમસ્તુ મન્મથો મલયાન્વિતઃ ।
માદકોહ્લાદિનીયુક્તઃ સમિચ્છન્વિશ્વતોમુખી

નાયકો ભૃઙ્ગપૂર્વસ્તુ ગાયકો નન્દિનીયુતઃ ।
ગણકો ઽનામયા જ્ઞેયઃ કાલ્યા નર્તક ઇષ્યતે

ક્ષ્વેલ્લકઃ કાલકર્ણ્યઢ્યઃ કન્દર્પો મત્ત ઇષ્યતે ।
નર્તકઃ શ્યામલાકાન્તો વિલાસી ઝષયાન્વિતઃ

ઉન્મત્તામુપસંગમ્ય મોદતે કામવર્ધનઃ ।
ધ્યાનપૂર્વં તતઃ શ્રીકણ્ઠાદિવિન્યાસમાચરેત્

સિંદૂરકાઞ્ચનસમોભયભાગમર્ધનારીશ્વરં ગિરિસુતાહરભૂપચિહ્નમ્ ।
પાશદ્વયાક્ષવલયેષ્ટદહસ્તમેવ સ્મૃત્વા ન્યસેલ્લિપિપદેષુ સમીહિતાર્થમ્

શ્રીકણ્ઠાનન્તસૂક્ષ્મૌ ચ ત્રિમૂર્તિરમરેશ્વરઃ ।
ઉર્વીશોભારભૂતિશ્ચાતિથીશઃ સ્થાણુકો હરઃ

ચણ્ડીશો ભૌતિકઃ સદ્યોજાતશ્ચાનુગ્રહેશ્વરઃ ।
અક્રૂરશ્ચ મહાસેનઃ સ્યુરેતે વરમૂર્ત્તયઃ

તતઃ ક્રોધીશચણ્ડીશૌ પઞ્ચાન્તકશિવોત્તમૌ ।
તથૈકરુદ્રકૂર્મૈકનેત્રાઃ સચતુરાતનાઃ

અજેશઃ શર્વસોમેશૌ હરો લાગલિદારુકૌ ।
અર્ધનારીશ્વરશ્ચોમાકાન્તશ્ચાપાઢ્યદણ્ડિનૌ

અત્રિર્મીનશ્ચ મેષશ્ચ લોહિતશ્ચ શિખી તથા ।
ખડ્ગદણ્ડદ્વિદણ્ડૌ ચ સુમહાકાલવ્યા લિનૌ

ભુજઙ્ગેશઃ પિનાકી ચ ખડ્ગેશશ્ચ બકસ્તથા ।
શ્વેતો હ્યભ્રશ્ચ લકુલીશિવઃ સંવર્ત્તકસ્તથા

પૂર્ણોદરી ચ વિરજા તૃતીયા શાલ્મ તથા ।
લોલાક્ષી વર્તુલાક્ષી ચ દીર્ઘઙ્ઘોણા તથૈવ ચ

સુદીર્ઘમુખિગો મુખ્યૌ નવમી દીર્ઘજિહ્વિકા ।
કુઞ્જરી ચૌર્ધ્વકેશા ચ દ્વિમુખી વિકૃતાનના

સત્યલીલાકલાવિદ્યામુખ્યાઃ સ્યુઃ સ્વરશક્તયઃ ।
મહાકાલી સરસ્વત્યૌ સર્વસિદ્ધિસમન્વિતે

ગૌરી ત્રૈલોક્યવિદ્યા ચ તથા મન્ત્રાત્મશક્તિકા ।
લંબોદરી ભૂતમતા દ્રાવિણી નાગરી તથા

ખેચરી મઞ્જરી ચૈવ રૂપિણી વીરિણી તથા ।
કોટરા પૂતના ભદ્રા કાલી યોગિન્ય એવ ચ

શઙ્ખિનીગર્જિનીકાલરાત્રિકૂર્દિન્ય એવ ચ ।
કપર્દિની તથા વજ્રા જયા ચ સુમુખેશ્વરી

રેવતી માધવી ચૈવ વારુણી વાયવી તથા ।
રક્ષાવધારિણી ચાન્યા તથા ચ સહજાહ્વયા

લક્ષ્મીશ્ચ વ્યાપિનીમાયે સંખ્યાતા વર્ણશક્તયઃ ।
દ્વિરુક્તવાલાયા વર્ણૈ રઙ્ગં કૃત્વાથ કેવલૈઃ

ષોઢા ન્યાસં પ્રકુર્વીત દેવતાત્મત્વસિદ્ધયે ।
વિઘ્નેશાદીંસ્તુ તત્રાદૌ વિન્યસેદ્ધ્યાનપૂર્વકમ્

તરુણારુણસંકાશાન્ગજવક્ત્રાંસ્ત્રિલોચનાન્ ।
પાશાઙ્કુશવરાભીતિહસ્તાઞ્છક્તિસમન્વિતાન્

વિઘ્નેશો વિઘ્નરાજશ્ચ વિનાયકશિવોત્તમૌ ।
વિઘ્નકૃદ્વિઘ્નહન્તા ચ વિઘ્નરાઢ્ગણનાયકઃ

એકદન્તો દ્વિદન્તશ્ચ ગજવક્ત્રો નિરઞ્જનઃ ।
કપર્દવાન્દીર્ઘમુખઃ શઙ્કુકર્ણો વૃષધ્વજઃ

ગણનાથો ગજેન્દ્રાસ્યઃ શૂર્પકર્ણસ્ત્રિલોચનઃ ।
લમ્બોદરો મહાનાદશ્ચતુર્મૂર્તિઃ સદાશિવઃ

આમોદો દુર્મદશ્ચૈવ સુમુખશ્ચ પ્રમોદકઃ ।
એકપાદો દ્વિપાદશ્ચ શૂરો વીરશ્ચ ષણ્મુખઃ

વરદો નામ દેવશ્ચ વક્રતુણ્ડો દ્વિદન્તકઃ ।
સેનાનીર્ગ્રામણીર્મત્તો મત્તમૂષકવાહનઃ

જટી મુણ્ડી તથા ખડ્ગી વરેણ્યો વૃષકેતનઃ ।
ભઙ્યપ્રિયો ગણેશશ્ચ મેઘનાદો ગણેશ્વરઃ

એતે ગણેશા વર્ણાનામેકપઞ્ચાશતઃ ક્રમાત્ ।
શ્રીશ્ચ હ્રીશ્ચૈવ પુષ્ટિશ્ચ શાન્તિસ્તુષ્ટિઃ સરસ્વતી

રતિર્મેધા તથા કાન્તિઃ કામિની મોહિની તથા ।
તીવ્રા ચ જ્વાલિની નન્દા સુયશાઃ કામરૂપિણી

ઉગ્રા તેજોવતી સત્યા વિઘ્નેશાની સ્વરૂપિણી ।
કામાર્ત્તા મદજિહ્વા ચ વિકટા ઘૂર્ણિતાનના

ભૂતિર્ભૂમિર્દ્વિરમ્યા ચામારૂપા મકરધ્વજા ।
વિકર્ણભ્રુકુટી લજ્જા દીર્ઘઘોણા ધનુર્ધરી

તથૈવ યામિની રાત્રિશ્ચન્દ્રકાન્તા શશિપ્રભા ।
લોલાક્ષી ચપલા ઋજ્વી દુર્ભગા સુભગા શિવા

દુર્ગા ગુહપ્રિયા કાલી કાલજિહ્વા ચ શક્તયઃ ।
ગ્રહન્યાસં તતઃ કુર્યાદ્ધ્યાનપૂર્વં સમાહિતઃ

વરદાભયહસ્તાઢ્યાઞ્છક્ત્યાલિઙ્ગિતવિગ્રહાન્ ।
કુઙ્કુમક્ષીરરુધિરકુન્દકાઞ્ચનકંબુભિઃ

અમ્ભોદધૂમતિમિરૈઃ સૂર્યાદીન્સદૃશાન્સ્મરેત્ ।
હૃદયાધો રવિં ન્યસ્ય શીર્ષ્ણિ સોમં દૃશોઃ કુજમ્

હૃદિ શુક્રં ચ હૃન્મધ્યે બુધં કણ્ઠે બૃહસ્પતિમ્ ।
નાભૌ શનૈશ્ચરં વક્ત્રે રાહું કેતું પદદ્વયે

જ્વલત્કાલાનલપ્રખ્યા વરદાભયપાણયઃ ।
તારા ન્યસેત્તતો ધ્યાયન્સર્વાભરણભૂષિતાઃ

ભાલે નયનયોઃ કર્ણદ્વયે નાસાપુડદ્વયે ।
કણ્ઠે સ્કન્ધદ્વયે પશ્ચાત્કૂર્પયોર્મણિબન્ધયોઃ

સ્તનયોર્નાભિકટ્યૂરુજાનુજઙ્ઘાપદદ્વયે ।
યોગિનીન્યાસમાદધ્યા દ્વિશુદ્ધો હૃદયે તથા

નાભૌ સ્વાધિષ્ઠિતે મૂલે ભ્રૂમધ્યે મૂર્ધનિ ક્રમાત્ ।
પદ્મેન્દુકર્ણિકામધ્યે વર્ણશક્તીર્દલેષ્વથ

દલાગ્રેષુ તુ પદ્મસ્ય મૂર્ધ્નિ સર્વાશ્ચ વિન્યસેત્ ।
અમૃતા નન્દિનીન્દ્રાણી ત્વીશાની ચાત્યુમા તથા

ઊર્ધ્વકેશી ઋદ્વિદુષી ઌકારિકા તથૈવ ચ ।
એકપાદાત્મિકૈશ્વર્યકારિણી ચૌષધાત્મિકા

તતોંબિકાથો રક્ષાત્મિકેતિ ષોડશ શક્તયઃ ।
કાલિકા ખેચરી ગાયત્રી ઘણ્ટાધારિણી તથા

નાદાત્મિકા ચ ચામુણ્ટા છત્રિકા ચ જયા તથા ।
ઝઙ્કારિણી ચ સંજ્ઞા ચ ટઙ્કહસ્તા તતઃ પરમ્

ટઙ્કારિણી ચ વિજ્ઞેયાઃ શક્તયો દ્વાદશ ક્રમાત્ ।
ડઙ્કારી ટઙ્કારિણી ચ ણામિની તામસી તથા

થઙ્કારિણી દયા ધાત્રી નાદિની પાર્વતી તથા ।
ફટ્કારિણી ચ વિજ્ઞેયાઃ શક્તયો દ્વયપન્નગાઃ

વર્ધિની ચ તથા ભદ્રા મજ્જા ચૈવ યશસ્વિની ।
રમા ચ લામિની ચેતિ ષડેતાઃ શક્તયઃ ક્રમાત્

નારદા શ્રીસ્તથા ષણ્ઢાશશ્વત્યપિ ચ શક્તયઃ ।
ચતસ્રો ઽપિ તથૈવ દ્વે હાકિની ચ ક્ષમા તથા

તતઃ પાદે ચ લિઙ્ગે ચ કુક્ષૌ હૃદ્દોઃશિરસ્મુ ચ ।
દક્ષા દિવામપાદાન્તં રાશીન્મેષાદિકાન્ન્યસેત્

તતઃ પીઠાનિ પઞ્ચાશદેકં ચક્રં મનો ન્યસેત્ ।
વારાણસી કામરૂપં નેપાલં પૌણ્ડ્રવર્ધનમ્

વરસ્થિરં કાન્યકુબ્જં પૂર્ણશૈલં તથાર્બુદમ્ ।
આમ્રાતકેશ્વરૈકામ્રં ત્રિસ્રોતઃ કામકોષ્ઠકમ્

કૈલાસં ભૃગુનગરં કેદારં ચન્દ્રપુષ્કરમ્ ।
શ્રીપીઠં ચૈકવીરાં ચ જાલન્ધ્રં માલવં તથા

કુલાન્નં દેવિકોટં ચ ગોકર્ણં મારુતેશ્વરમ્ ।
અટ્ટહાસં ચ વિરજં રાજવેશ્મ મહાપથમ્

કોલાપુરકૈલાપુરકાલેશ્વરજયન્તિકાઃ ।
ઉજ્જ્યિન્યપિ ચિત્રા ચ ક્ષીરકં હસ્તિનાપુરમ્

ઉડીરાં ચ પ્રયાગં ચ ષષ્ટિમાયાપુરં તથા ।
ગૌરીશં સલયં ચૈવ શ્રીશૈલં મરુમેવ ચ

પુનર્ગિરિવરં પશ્ચાન્મહેન્દ્રં વામનં ગિરિમ્ ।
સ્યાદ્ધિરણ્યપુરં પશ્ચાન્મહાલક્ષ્મીપુરં તથા

પુરોદ્યાનં તથા છાયાક્ષેત્રમાહુર્મનીષિણઃ ।
લિપિક્રમસમાયુક્તાંલ્લિપિસ્થાનેષુ વિન્યસેત્

અન્યાન્યથીક્તસ્થાનેષુ સંયુક્તાંલ્લિપિસઙ્કમાત્ ।
ષોઢા ન્યાસો મયાખ્યાતઃ સાક્ષાદીશ્વરભાષિતઃ

એવં વિન્યસ્તદેહસ્તુ દેવતાવિગ્રહો ભવેત્ ।
તતઃ ષોઢા પુરઃ કૃત્વા શ્રીચક્રન્યાસમાચરેત્

અંશાદ્યાનન્દ્યમૂર્ત્યન્તં મન્ત્રૈસ્તુ વ્યાપકં ચરેત્ ।
ચક્રેશ્વરીં ચક્રસમર્પણમન્ત્રાન્હૃદિ ન્યસેત્

અન્યાન્યથોક્તસ્થાનેષુ ગણપત્યાદિકાન્ન્યસેત્ ।
દક્ષિણોરુસમં વામં સર્વાંશ્ચ ક્રમશો ન્યસેત્

ગણેશં ક્ષેત્રપાલં ચ યોગિનીં બટુકં તથા ।
આદાવિન્દ્રાદયો ન્યસ્યાઃ પદાઙ્ગુષ્ઠદ્વયાગ્રકે

જાનુપાર્શ્વંસમૂર્ધાસ્યપાર્શ્વજાનુષુ મૂર્ધનિ ।
મૂલાધારે ઽણિમાદીનાં સિદ્ધીનાં દશકં તતઃ

ન્યસ્તવ્યમંસદોઃ પૃષ્ઠવક્ષસ્સુ પ્રપદોઃ સ્ફિજિ ।
દોર્દેશપૃષ્ઠયોર્મૂર્ધપાદદ્વિતયયોઃ ક્રમાત્

અણિમા ચૈવ લઘિમા તૃતીયા મહિમા તથા ।
ઈશિત્વં ચ વશિત્વં ચ પ્રાકામ્યં પ્રાપ્તિરેવ ચ ।
ઇચ્છાસિદ્ધી રસસિદ્ધિર્મોક્ષસિદ્ધિરિતિ સ્મૃતાઃ

તતો વિપ્ર ન્યસેદ્ધીમાન્માતૃણામષ્ટકં ક્રમાત્ ।
પાદાઙ્ગુષ્ઠયુગે દક્ષપાર્શ્વે મૂર્દ્ધનિ વામતઃ

વામજનૌ દક્ષજાનૌ દક્ષવામાંસયોસ્તથા

બ્રાહ્મી માહેશ્વરી ચૈવ કૌમારી વૈષ્ણવી તથા ।
વારાહી ચ તથેન્દ્રાણી ચામુણ્ડા ચૈવ સપ્તમી

મહાલક્ષ્મીશ્ચ વિજ્ઞેયા માતરો વૈ ક્રમાદ્ બુધૈઃ ।
મુદ્રાદેવીર્ન્યસેદષ્ટાવેષ્વેવ દ્વે ચ તે પુનઃ

મૂર્દ્ધાર્ન્ધ્યોરપિ મુદ્રાસ્તુ સર્વસંક્ષોભિણી તથા ।
સર્વવિદ્રાવિણી પશ્ચાત્સર્વાર્થાકર્ષણી તથા

સર્વાદ્યા વશકરિણી સર્વાદ્યા પ્રિયકારિણી ।
મહાઙ્કુશી ચ સર્વાદ્યા સર્વાદ્યા ખેચરી તથા

ત્રિખણ્ડા સર્વબીજા ચ મૂદ્રા સર્વપ્રપીરિકા ।
યોનિમુદ્રેતિ વિજ્ઞેયાસ્તત્ર ચક્રેશ્વરીં ન્યસેત્

ત્રૈલોક્ય મોહનં ચક્રં સમર્પ્ય વ્યાપ્ય વર્ષ્મણિ ।
તતઃ કલાનાં નિત્યાનાં ક્રમાત્ષોડશકં ન્યસેત્

કામાકર્ષણરૂપા ચ શબ્દાકર્ષણરૂપિણી ।
અહઙ્કારાકર્ષિણી ચ શબ્દાકર્ષણરૂપિણી

સ્પર્શાકર્ષણરૂપા ચ રૂપાકર્ષણરૂપિણી ।
રસાકર્ષણરૂપા ચ ગન્ધાકર્ષણરૂપિણી

ચિત્તાકર્ષણરૂપા ચ ધૈર્યાકર્ષણરૂપિણી ।
સ્મૃત્યાકર્ષણરૂપા ચ હૃદાકર્ષણરૂપિણી

શ્રદ્ધાકર્ષણરૂપા ચ હ્યાત્માકર્ષણરૂપિણી ।
અમૃતાકર્ષિણી પ્રોક્તા શરીરાકર્ષણી તથા

સ્થાનાનિ દક્ષિણં શ્રોત્રં પૃષ્ઠમંસશ્ચ કૂર્પરઃ ।
દક્ષહસ્ત તલસ્યાથ પૃષ્ઠં તત્સ્ફિક્ચ જાનુની

તજ્જઙ્ઘાપ્રપદે વામપ્રપદાદિવિલોમતઃ ।
ચક્રેશીં ન્યસ્ય ચક્રં ચ સમર્ચ્ય વ્યાપ્ય વર્ષ્મણિ

ન્યસેદનઙ્ગકુસુમદેવ્યાદીનામથાષ્ટકમ્ ।
શઙ્ખજત્રૂરુજઙ્ઘાસુ વામે તુ પ્રતિલોમતઃ

અનઙ્ગકુસુમા પશ્ચાદ્દ્વિતીયાનઙ્ગ મેખલા ।
અનઙ્ગમદના પશ્ચાદનઙ્ગમદનાતુરા

અનઙ્ગરેખા તત્પશ્ચાદ્વેગાખ્યાનઙ્ગપૂર્વિકા ।
તતો ઽનઙ્ગાઙ્કુશા પશ્ચાદનઙ્ગાધારમાલિની

ચક્રેશીં ન્યસ્ય ચક્રં ચ સમર્પ્ય વ્યાપ્ય વર્ષ્મણિ ।
શક્તિદેવીર્ન્યસેત્સર્વસંક્ષોભિણ્યાદિકા અથ

લલાટગણ્ડયોરં સે પાદમૂલે ચ જાનુનિ ।
ઉપર્યધશ્ચ જઙ્ઘાયાં તથા વામે વિલોમતઃ

સર્વસંક્ષોભિણી શક્તિઃ સર્વવિદ્રાવિણી તથા ।
સર્વાદ્યાકર્ષણી શક્તિઃ સર્વપ્રહ્લાદિની તથા

સર્વસંમોહિની શક્તિઃ સર્વાદ્યા સ્તંભિની તથા ।
સર્વાદ્યા જૃંભિણી શક્તિઃ સર્વાદ્યા વશકારિણી

સર્વાદ્યા રઞ્જિની શક્તિઃ સર્વાદ્યોન્માદિની તથા ।
સર્વાર્થસાધિની શક્તિસ્સર્વાશાપૂરિણી તથા

સર્વમન્ત્રમયી શક્તિઃ સર્વદ્વન્દ્વક્ષયઙ્કરા ।
ચક્રેશીં ન્યસ્ય ચક્રં ચ સમર્પ્ય વ્યાપ્ય વર્ષ્મણિ

સર્વસિદ્ધિપ્રદાદીનાં દશકં ચાથ વિન્યસેત્ ।
દક્ષનાસાપુટે દન્તમૂલે દક્ષસ્તને તથા

કૂર્પરે મણિબન્ધે ચ ન્યસ્યેદ્વામે વિલોમતઃ ।
સર્વસિદ્ધિપ્રદા નિત્યં સર્વસંપત્પ્રદા તથા

સર્વપ્રિયઙ્કરા દેવી સર્વમઙ્ગલકારિણી ।
સર્વાઘમોચિની શક્તિઃ સર્વદુઃખવિમોચિની

સર્વ મૃત્યુપ્રશમિની સર્વવિઘ્નવિનાશિની ।
સર્વાઙ્ગસુન્દરી ચૈવ સર્વસૌભાગ્યદાયિની

ચક્રેશીં ન્યસ્ય ચક્રં ચ સમર્પ્ય વ્યાપ્ય વર્ષ્મણિ ।
સર્વજ્ઞાદ્યાન્ન્યસેદ્વક્ષસ્યપિ દન્તસ્થલેષ્વથ

સર્વજ્ઞા સર્વશક્તિશ્ચ સર્વજ્ઞાનપ્રદા તથા ।
સર્વજ્ઞાનમયી દેવી સર્વવ્યાધિવિનાશિની

સર્વાધારસ્વરૂપા ચ સર્વપાપહરા તથા ।
સર્વાનન્દમયી દેવી સર્વરક્ષાસ્વરૂપિણી ।
વિજ્ઞેયા દશમી ચૈવ સર્વેપ્સિતફલપ્રદા

ચક્રેશીં ન્યસ્ય ચક્રં ચ સમર્પ્ય વ્યાપ્ય વર્ષ્મણિ ।
પ્રાગ્વામાદ્યાશ્ચ વિન્યસ્ય પક્ષિણ્યાદ્યાસ્તતઃ સુધીઃ

દક્ષે તુ ચિબુકે કણ્ઠે સ્તને નાભૌ ચ પાર્શ્વયોઃ ।
વામા વિનોદિની વિદ્યા વશિતા કામિકી મતા

કામેશ્વરી પરા જ્ઞેયા મોહિની વિમલા તથા ।
અરુણા જયિની પશ્ચાત્તથા સર્વેશ્વરી મતા ।
કૌલિનીતિ સમુક્તાનિ તાસાં નામાનિ સૂરિભિઃ

ચક્રેશ્વરીં ન્યસેચ્ચક્રં સમર્પ્ય વ્યાપ્ય વર્ષ્મણિ ।
હૃદિ ત્રિકોણં સંભાવ્ય દિક્ષુ પ્રાગાદિતઃ ક્રમાત્

તદ્બહિર્વિન્ન્યસેદ્ધીમાનાયુધાનાં ચતુષ્ટયમ્ ।
ન્યસેદગ્ન્યાદિકોણેષુ મધ્યે પીઠચતુષ્ટયમ્

મધ્યવૃત્તંન્યસિત્વા ચ નિત્યાષોડશકં ન્યસેત્ ।
કામેશ્વરી તથા નિત્યા નિત્યા ચ ભગમાલિની

નિત્યક્લિન્ના તથા નિત્યા નિત્યા ભેરુણ્ડિની મતા ।
વહ્નિવાસિનિકા નિત્યા મહાવજ્રેશ્વરી તથા

નિત્યા ચ દૂતી નિત્યા ચ ત્વરિતા તુ તતઃ પરમ્ ।
કુલસુન્દરિકા નિત્યા કુલ્યા નિત્યા તતઃ પરમ્

નિત્યા નીલપતાકા ચ નિત્યા તુ વિજયા પરા ।
તતસ્તુ મઙ્ગલા ચૈવ નિત્યપૂર્વા પ્રચક્ષ્યતે

પ્રભામાલિનિકા નિત્યા ચિત્રા નિત્યા તથૈવ ચ ।
એતાસ્ત્રિકોણાન્તરેણ પાદતો હૃદિ વિન્યસેત્

નિત્યા પ્રમોદિની ચૈવ નિત્યા ત્રિપુરસુન્દરી ।
તન્મધ્યે વિન્યસેદ્દેવીમખણ્ડજગદાત્મિકામ્

ચક્રેશ્વરીં હૃદિ ન્યસ્ય કૃત્વા ચક્રં સમુદ્ધૃતમ્ ।
પ્રદર્શ્ય મુદ્રાં યોન્યાખ્યાં સર્વાનન્દમનું જપેત્

ઇત્યાત્મનસ્તુ ચક્રસ્ય ચક્રદેવી ભવિષ્યતિ