બ્રહ્મકૃતો રામસ્તવઃ · અધ્યાય 1

ર્
આત્માનં માનુષં મન્યે રામં દશરથાત્મજમ્ ।
યોઽહં યશ્ચ યતશ્ચાહં ભગવાંસ્તદ્બ્રવીતુ મે ॥૬।૧૨૦

ઇતિ બ્રુવાણં કાકુત્સ્થં બ્રહ્મા બ્રહ્મવિદાં વરઃ ।
અબ્રવીચ્છૃણુ મે વાક્યં સત્યં સત્યપરાક્રમ ॥૬।૧૨૦

ભવાન્નારાયણો દેવઃ શ્રીમાંશ્ચક્રાયુધઃ પ્રભુઃ ।
એકશૃઙ્ગો વરાહસ્ત્વં ભૂતભવ્યસપત્નજિત્ ॥૬।૧૨૦

અક્ષરં બ્રહ્મ સત્યં ચ મધ્યે ચાન્તે ચ રાઘવ ।
લોકાનાં ત્વં પરો ધર્મો વિષ્વક્સેનશ્ચતુર્ભુજઃ ॥૬।૧૨૦

શાર્ઙ્ગધન્વા હૃષીકેશઃ પુરુષઃ પુરુષોત્તમઃ ।
અજિતઃ ખડ્ગધૃગ્વિષ્ણુઃ કૃષ્ણશ્ચૈવ બૃહદ્બલઃ ॥૬।૧૨૦

સેનાનીર્ગ્રામણીશ્ચ ત્વં બુદ્ધિઃ સત્ત્વં ક્ષમા દમઃ ।
પ્રભવશ્ચાપ્યયશ્ચ ત્વમુપેન્દ્રો મધુસૂદનઃ ॥૬।૧૨૦

ઇન્દ્રકર્મા મહેન્દ્રસ્ત્વં પદ્મનાભો રણાન્તકૃત્ ।
શરણ્યં શરણં ચ ત્વામાહુર્દિવ્યા મહર્ષયઃ ॥૬।૧૨૦

સહસ્રશૃઙ્ગો વેદાત્મા શતશીર્ષો મહર્ષભઃ ।
ત્વં ત્રયાણાં હિ લોકાનામાદિકર્તા સ્વયંપ્રભુઃ ॥૬।૧૨૦

સિદ્ધાનામપિ સાધ્યાનામાશ્રયશ્ચાસિ પૂર્વજઃ ।
ત્વં યજ્ઞસ્ત્વં વષટ્કારસ્ત્વમોંકારઃ પરાત્પરઃ ॥૬।૧૨૦

પ્રભવં નિધનં ચાપિ નો વિદુઃ કો ભવાનિતિ ।
દૃશ્યસે સર્વભૂતેષુ ગોષુ ચ બ્રાહ્મણેષુ ચ ॥૬।૧૨૦

દિક્ષુ સર્વાસુ ગગને પર્વતેષુ નદીષુ ચ ।
સહસ્રચરણઃ શ્રીમાન્ શતશીર્ષઃ સહસ્રદૃક્ ॥૬।૧૨૦

ત્વં ધારયસિ ભૂતાનિ પૃથિવીં સર્વપર્વતાન્ ।
અન્તે પૃથિવ્યાઃ સલિલે દૃશ્યસે ત્વં મહોરગઃ ॥૬।૧૨૦

ત્રીઁલ્લોકાન્ ધારયન્ રામ દેવગન્ધર્વદાનવાન્ ।
અહં તે હૃદયં રામ જિહ્વા દેવી સરસ્વતી ॥૬।૧૨૦

દેવા રોમાણિ ગાત્રેષુ બ્રહ્મણા નિર્મિતાઃ પ્રભો ।
નિમેષસ્તે સ્મૃતા રાત્રિરુન્મેષો દિવસસ્તથા ॥૬।૧૨૦

સંસ્કારાસ્ત્વભવન્ વેદા નૈતદસ્તિ ત્વયા વિના ।
જગત્ સર્વં શરીરં તે સ્થૈર્યં તે વસુધાતલમ્ ॥૬।૧૨૦

અગ્નિઃ કોપઃ પ્રસાદસ્તે સોમઃ શ્રીવત્સલક્ષણઃ ।
ત્વયા લોકાસ્ત્રયઃ ક્રાન્તાઃ પુરા સ્વૈર્વિક્રમૈસ્ત્રિભિઃ ॥૬।૧૨૦

મહેન્દ્રશ્ચ કૃતો રાજા બલિં બદ્ધ્વા સુદારુણમ્ ।
સીતા લક્ષ્મીર્ભવાન્ વિષ્ણુર્દેવઃ કૃષ્ણઃ પ્રજાપતિઃ ॥૬।૧૨૦

વધાર્થં રાવણસ્યેહ પ્રવિષ્ટો માનુષીં તનુમ્ ।
તદિદં નસ્ત્વયા કાર્યં કૃતં ધર્મભૃતાં વર ॥૬।૧૨૦

નિહતો રાવણો રામ પ્રહૃષ્ટો દિવમાક્રમ ।
અમોઘં દેવ વીર્યં તે ન તે મોઘાઃ પરાક્રમાઃ ॥૬।૧૨૦

અમોઘં દર્શનં રામ અમોઘસ્તવ સંસ્તવઃ ।
અમોઘાસ્તે ભવિષ્યન્તિ ભક્તિમન્તો નરા ભુવિ ॥૬।૧૨૦

યે ત્વાં દેવં ધ્રુવં ભક્તાઃ પુરાણં પુરુષોત્તમમ્ ।
પ્રાપ્નુવન્તિ તથા કામાનિહ લોકે પરત્ર ચ ॥૬।૧૨૦

ઇમમાર્ષં સ્તવં દિવ્યમિતિહાસં પુરાતનમ્ ।
યે નરાઃ કીર્તયિષ્યન્તિ નાસ્તિ તેષાં પરાભવઃ ॥૬।૧૨૦