બોધ્યગીતા · અધ્યાય 1

અત્રાપ્યુદાહરન્તીમમિતિહાસં પુરાતનમ્।
ગીતં વિદેહરાજેન જનકેન પ્રશામ્યતા

અનન્તં બત મે વિત્તં યસ્ય મે નાસ્તિ કિં ચન।
મિથિલાયાં પ્રદીપ્તાયાં ન મે દહ્યતિ કિં ચન

અત્રૈવોદાહરન્તીમં બોધ્યસ્ય પદસઞ્ચયમ્।
નિર્વેદં પ્રતિ વિન્યસ્તં પ્રતિબોધ યુધિષ્ઠિર

બોધ્યં દાન્તમૃષિં રાજા નહુષઃ પર્યપૃચ્છત।
નિર્વેદાચ્છાન્તિમાપન્નં શાન્તં પ્રજ્ઞાન તર્પિતમ્

ઉપદેશં મહાપ્રાજ્ઞ શમસ્યોપદિશસ્વ મે।
કાં બુદ્ધિં સમનુધ્યાય શાન્તશ્ચરસિ નિર્વૃતઃ

[બોધ્ય]
ઉપદેશેન વર્તામિ નાનુશાસ્મીહ કં ચન।
લક્ષણં તસ્ય વક્ષ્યેઽહં તત્સ્વયં પ્રવિમૃશ્યતામ્

પિઙ્ગલા કુરરઃ સર્પઃ સારઙ્ગાન્વેષણં વને।
ઇષુકારઃ કુમારી ચ સ એતે ગુરવો મમ