બોધિપથપ્રદીપ · શ્લોક 1-20

નમો બોધિસત્ત્વાય મઞ્જુશ્રિયે કુમારભૂતાય ।
કાલત્રયાખિલજિનાંશ્ચ તદીયધર્માન્ સઙ્ઘાન્ મહાદરતયા પ્રણિપત્ય ચાપિ ।
બોધિપ્રભેણ કથિતો વિશદીકરોમિ શિષ્યોત્તમેન ખલુ બોધિપથપ્રદિપમ્

પુરુષાસ્ત્રિવિધા જ્ઞેયા ઉત્તમાધમમધ્માઃ ।
લિખ્યતે લક્ષણં તેષાં સ્ફુટં પ્રત્યેકભેદતઃ

ઉપાયેન તુ કેનાપિ કેવલં સંસૃતેઃ સુખમ્ ।
સ્વસ્યૈવાર્થે ય ઈહેત જ્ઞેયઃ સો પુરુષો ઽધમઃ

પાપકર્મનિવૃત્તાત્મા ભવસુખાત્ પરાઙ્મુખઃ ।
આત્મનિર્વાણમાત્રાર્થી યો નરો મધ્યમસ્તુ સઃ

સ્વસન્તાનગતૈર્દુઃખૈર્દુઃખસ્યાન્યસ્ય સર્વથા ।
સર્વસ્ય યઃ ક્ષયં કાઙ્ક્ષેદુત્તમઃ પુરુષસ્તુ સઃ

કાઙ્ક્ષન્તો હિ વરાં બોધિં સત્ત્વાનામુત્તમાસ્તથા ।
દર્શિતાન્ ગુરુભિસ્તેભ્યઃ સદુપાયાં પ્રચક્ષ્મહે

સમ્બુદ્ધચિત્રમૂર્ત્યાદિસ્તૂપસદ્ધર્મસમ્મુખઃ ।
પુષ્પૈધુપૈઃ પદાર્થૈશ્ચ યથાપ્રાપ્તૈઃ સુપૂજયેત્

સમન્તભદ્રચર્યોક્તા પૂજા સપ્તવિધાપિ ચ ।
બોધિસારસ્ય પર્યન્તમ્ અવૈવર્તિકચિત્તતઃ

સુશ્રદ્ધયા ત્રિરત્નેયઃ ભુમૌ સંસ્થાપ્ય જાનુની ।
ભૂત્વા કૃતાઞ્જલિશ્ચાપિ ત્રિશ્ચાદૌ શરણં વ્રજેત્

તતઃ સમસ્તસત્ત્વેષુ મૈત્રીચિત્ત પુરસ્કૃતઃ ।
દુર્ગતિત્રયાજન્માદિસઙ્ક્રાન્તિમરણાદિભિઃ

દૃષ્ટ્વાશેષં જગદ્દુખં દુઃખેન દુખિતાયાશ્ચ ।
દુઃખહેતોસ્તથા દુઃખાત્ જગતાં મુક્તિકાઙ્ક્ષયા

બોધિચિત્તં સમુત્પાદ્યમનાપાયિપ્રતિજ્ઞયા ।
એવં પ્રણિધિચિત્તાનામ્ ઉત્પાદેતુ ગુણાશ્ચ યે

તે ગણ્ડવ્યૂહસૂત્રેષુ મૈત્રેયેણ પ્રભાષિતાઃ ।
સૂત્રસ્ય તસ્ય પઠનાચ્છ્રવણાદ્ ગુરોર્વા
સમ્બોધિચિત્તગુણકાનિ નિરન્તકાનિ

વિજ્ઞાય તસ્ય ખલુ સંસ્થિતારર્ણાન ।
ચિત્તં તથા સમુદયેત મુહુર્મુહશ્ચ ।
વીરદત્તપરીપૃચ્છાસૂત્રે પુણ્યં પ્રદર્શિતમ્

યત્તચ્શ્લોકત્રયેણૈવ સમાસેનાત્રલિખ્યતે ।
બોધિચિત્તાદ્ધિ યત્પુણ્યં તચ્ચ રુપિ ભવેદ્યદિ

આકાશધાતું સમ્પૂર્ય ભુયશ્ચોત્તરિ તદ્ભવેત્ ।
ગઙ્ગાવાલિકસઙ્ખ્યાનિ બુદ્ધક્ષેત્રાણિ યો નરઃ

દદ્યાત્સદ્રત્ન પૂર્ણાનિ લોકનાથેભ્ય એવ હિ ।
યશ્ચૈકઃ પ્રાઞ્જલિર્ભૂત્વા ચિત્તં બોધાય નામયેત્

ઇયં વિશેષ્યતે પૂજા યસ્યાન્તો ઽપિ ન વિદ્યતે ।
ઉત્પાદ્યબોધિપ્રણિધાનચિત્તં નૈકપ્રયત્નૈઃ પરિવર્ધિતવ્યમ્

જન્માન્તરે ઽપિ સ્મરણાર્થમસ્ય શિક્ષા યથોક્તા પરિપાલનીયા ।
પ્રસ્થાનચિત્તે સ્વયમાતિરિક્તં સમ્યગ્ભવેન્ન પ્રણિધાનવૃદ્ધિઃ

સમ્બોધિસંવાર વિવૃદ્ધિકામઃ તસ્માદ્ ધ્રુવં ચૈનમવાપ્નુયાત ।
સપ્તધાપ્રાતિમોક્ષૈશ્ચ સદાન્યસંવરાન્વિતઃ