બોધસાર · અધ્યાય 4.4

નાકાશાત્પતતિ દ્રવ્યં જીવિકા સુખદા કથમ્ ।
[પ્. 42-]
કામવિડમ્બના
ચર્વયન્તિ મહામાંસં ગતે પ્રાણે પિશાચકાઃ ।
જીવત્પરસ્પરં માંસં સ્ત્રીપુંસાશ્ચતુરાનનાઃ

નૃદેહૈર્નિશિ નૃત્યન્તિ શ્મશાનેષુ પિશાચકાઃ ।
વિચિત્રૈરઙ્ગવિન્યાસૈર્ગૃહેષુ ગૃહમેધિનઃ

લિહતિ સ્પૃશતિ ભ્રાન્તો મુહુર્જિઘ્રતિ ખાદતિ ।
ગ્રામસિંહાનુરૂપેયં ગ્રામ્યધર્મવ્યવસ્થિતિઃ

કણ્ડૂયનેન યત્કણ્ડૂસુખં તત્કિં ભવેત્સુખમ્ ।
પશ્ચાદ્યત્ર મહાપીડા તથા વૈષયિકં સુખમ્

નાદાસક્તં મૃગં વ્યાધશ્છિનત્તિ નિશિતૈઃ શરૈઃ ।
રૂપાસક્તં નરં નારી રતિચ્છુરિકયાઽસકૃત્