બોધસાર · અધ્યાય 16.28.4.2

[પ્. 423-]
ન્યાયશાસ્ત્રનિર્ણયઃ ।
યદાઽઽત્મતત્ત્વે વિમલે વિશ્રાન્તિરચલા ભવેત્ ।
સ એવ ન્યાય ઇત્યુક્તઃ શેષં ત્વન્યાયલક્ષણમ્

અચિન્તનં પદાર્થાનાં ન્યાયં ન્યાયવિદો વિદુઃ ।
અન્યાયમાર્ગરસિકઃ સ કથં ન્યાયશાસ્ત્રવિત્

સ્વયં યત્તાર્કિકઃ પ્રાહ તર્કોઽનિષ્ટપ્રસઞ્જનમ્ ।
તત્તાર્કિકસ્ય તર્કેણ કથમિષ્ટં પ્રસજ્જ્યતે

ન તર્કિતં પરં બ્રહ્મ મેધયા તીક્ષ્ણતર્કયા ।
તદા કુતાર્કિકસ્યાસ્ય તર્કકર્કશતા વૃથા

ષોડશાપિ પદાર્થાસ્તે ત્વયા તાર્કિક તર્કિતાઃ ।
તર્કો નાવસ્થિતસ્તર્હિ તર્કાતીતે મનઃ કુરુ