ભામતિ · અધ્યાય 36

ભઙ્ક્ત્વા વાદ્યસુરેન્દ્રવૃન્દમખિલાવિદ્યોપધાનાતિગં યેનામ્નાયપયોનિધેર્નયપથા બ્રહ્મામૃતં પ્રાપ્યતે ।
સો ઽયં શાઙ્કરભાષ્યજાતવિષયો વાચસ્પતેઃ સાદરં સંદર્ભઃ પરિભાવ્યતાં સુમતયઃ સ્વાર્થેષુ કો મત્સરઃ

અજ્ઞાનસાગરં તીર્ત્વા બ્રહ્મતત્ત્વમભીપ્સતામ્ ।
નીતિનૌકર્ણધારેણ મયાપૂરિ મનોરથઃ

યન્ન્યાયકણિકાતત્ત્વસમીક્ષાતત્ત્વબિન્દુભિઃ ।
યન્ન્યાયસાંખ્યયોગાનાં વેદાન્તાનાં નિબન્ધનૈઃ

સમચૈષં મહત્પુણ્યં તત્ફલં પુષ્કલં મયા ।
સમર્પિતમથૈતેન પ્રીયતાં પરમેશ્વરઃ

નૃપાન્તરાણાં મનસાપ્યગમ્યાં ભ્રૂક્ષેપમાત્રેણ ચકાર કીર્તિમ્ ।
કાર્તસ્વરાસારસુપૂરિતાર્થસાર્થઃ સ્વયં શાસ્ત્રવિચક્ષણશ્ચ

નરેશ્વરા યચ્ચરિતાનુકારમિચ્છન્તિ કર્તું નચ પારયન્તિ ।
તસ્મિન્મહીપે મહનીયકીર્તૌ શ્રીમન્નૃગે ઽકારિ મયા નિબન્ધઃ