અવધૂતાષ્ટકમ્ · અધ્યાય 1

શ્રી પરમાત્મને નમઃ ॥
અથ પરમહંસ શિરોમણિ-અવધૂત-શ્રીસ્વામીશુકદેવસ્તુતિઃ
નિર્વાસનં નિરાકાઙ્ક્ષં સર્વદોષવિવર્જિતમ્ ।
નિરાલમ્બં નિરાતઙ્કં હ્યવધૂતં નમામ્યહમ્

નિર્મમં નિરહઙ્કારં સમલોષ્ટાશ્મકાઞ્ચનમ્ ।
સમદુઃખસુખં ધીરં હ્યવધૂતં નમામ્યહમ્

અવિનાશિનમાત્માનં હ્યેકં વિજ્ઞાય તત્વતઃ ।
વીતરાગભયક્રોધં હ્યવધૂતં નમામ્યહમ્

નાહં દેહો ન મે દેહો જીવો નાહમહં હિ ચિત્ ।
એવં વિજ્ઞાય સન્તુષ્ટમ્ હ્યવધૂતં નમામ્યહમ્

સમસ્તં કલ્પનામાત્રં હ્યાત્મા મુક્તઃ સનાતનઃ ।
ઇતિ વિજ્ઞાય સન્તુષ્ટં હ્યવધૂતં નમામ્યહમ્

જ્ઞાનાગ્નિદગ્ધકર્માણં કામસઙ્કલ્પવર્જિતમ્ ।
હેયોપાદેયહીનં તં હ્યવધૂતં નમામ્યહમ્

વ્યામોહમાત્રવિરતૌ સ્વરૂપાદાનમાત્રતઃ ।
વીતશોકં નિરાયાસં હ્યવધૂતં નમામ્યહમ્

આત્મા બ્રહ્મેતિ નિશ્ચિત્ય ભાવાભાવૌ ચ કલ્પિતૌ ।
ઉદાસીનં સુખાસીનં હ્યવધૂતં નમામ્યહમ્

સ્વભાવેનૈવ યો યોગી સુખં ભોગં ન વાઞ્છતિ ।
યદૃચ્છાલાભસન્તુષ્ટં હ્યવધૂતં નમામ્યહમ્

નૈવ નિન્દાપ્રશંસાભ્યાં યસ્ય વિક્રિયતે મનઃ ।
આત્મક્રીડં મહાત્માનં હ્યવધૂતં નમામ્યહમ્

નિત્યં જાગ્રદવસ્થાયાં સ્વપ્નવદ્યોઽવતિષ્ઠતે ।
નિશ્ચિન્તં ચિન્મયાત્માનં હ્યવધૂતં નમામ્યહમ્

દ્વેષ્યં નાસ્તિ પ્રિયં નાસ્તિ નાસ્તિ યસ્ય શુભાશુભમ્ ।
ભેદજ્ઞાનવિહીનં તં હ્યવધૂતં નમામ્યહમ્

જડં પશ્યતિ નો યસ્તુ જગત્ પશ્યતિ ચિન્મયમ્ ।
નિત્યયુક્તં ગુણાતીતં હ્યવધૂતં નમામ્યહમ્

યો હિ દર્શનમાત્રેણ પવતે ભુવનત્રયમ્ ।
પાવનં જઙ્ગમં તીર્થં હ્યવધૂતં નમામ્યહમ્

નિષ્કલં નિષ્ક્રિયં શાન્તં નિર્મલં પરમામૃતમ્ ।
અનન્તં જગદાધારં હ્યવધૂતં નમામ્યહમ્