અથર્વવેદ · અધ્યાય 7.62

ઊર્જં બિભ્રદ્વસુવનિઃ સુમેધા અઘોરેણ ચક્ષુષા મિત્રિયેણ ।
ગૃહાન્ ઐમિ સુમના વન્દમાનો રમધ્વં મા બિભીત મત્

ઇમે ગૃહા મયોભુવ ઊર્જસ્વન્તઃ પયસ્વન્તઃ ।
પૂર્ણા વામેન તિષ્ઠન્તસ્તે નો જાનન્ત્વાયતઃ

યેષામધ્યેતિ પ્રવસન્ યેષુ સૌમનસો બહુઃ ।
ગૃહાન્ ઉપ હ્વયામહે તે નો જાનન્ત્વાયતઃ

ઉપહૂતા ભૂરિધનાઃ સખાયઃ સ્વાદુસંમુદઃ ।
અક્ષુધ્યા અતૃષ્યા સ્ત ગૃહા માસ્મદ્બિભીતન

ઉપહૂતા ઇહ ગાવ ઉપહૂતા અજાવયઃ ।
અથો અન્નસ્ય કીલાલ ઉપહૂતો ગૃહેષુ

સૂનૃતાવન્તઃ સુભગા ઇરાવન્તો હસામુદાઃ ।
અતૃષ્યા અક્ષુધ્યા સ્ત ગૃહા માસ્મદ્બિભીતન

ઇહૈવ સ્ત માનુ ગાત વિશ્વા રૂપાણિ પુષ્યત ।
ઐષ્યામિ ભદ્રેણા સહ ભૂયાંસો ભવતા મયા