અથર્વવેદ · અધ્યાય 7.58

તિરશ્ચિરાજેરસિતાત્પૃદાકોઃ પરિ સંભૃતમ્ ।
તત્કઙ્કપર્વણો વિષમિયં વીરુદનીનશત્

ઇયં વીરુન્ મધુજાતા મધુશ્ચુન્ મધુલા મધૂઃ ।
સા વિહ્રુતસ્ય ભેષજ્યથો મશકજમ્ભની

યતો દષ્ટં યતો ધીતં તતસ્તે નિર્હ્વયામસિ ।
અર્ભસ્ય તૃપ્રદંશિનો મશકસ્યારસં વિષમ્

અયં યો વક્રો વિપરુર્વ્યઙ્ગો મુખાનિ વક્રા વૃજિના કૃણોષિ ।
તાનિ ત્વં બ્રહ્મણસ્પતે ઇષીકામિવ સં નમઃ

અરસસ્ય શર્કોટસ્ય નીચીનસ્યોપસર્પતઃ ।
વિષં હ્યસ્યાદિષ્યથો એનમજીજભમ્

ન તે બાહ્વોર્બલમસ્તિ ન શીર્ષે નોત મધ્યતઃ ।
અથ કિં પાપયાઽમુયા પુચ્છે બિભર્ષ્યર્ભકમ્

અદન્તિ ત્વા પિપીલિકા વિ વૃશ્ચન્તિ મયૂર્યઃ ।
સર્વે ભલ બ્રવાથ શાર્કોટમરસં વિષમ્

ય ઉભાભ્યાં પ્રહરસિ પુચ્છેન ચાસ્યેન ચ ।
આસ્યે ન તે વિષં કિમુ તે પુચ્છધાવસત્