અથર્વવેદ · અધ્યાય 7.55

અમુત્રભૂયાદધિ યદ્યમસ્ય બૃહસ્પતે અભિશસ્તેરમુઞ્ચઃ ।
પ્રત્યૌહતામશ્વિના મૃત્યુમસ્મદ્દેવાનામગ્ને ભિષજા શચીભિઃ

સં ક્રામતં મા જહીતં શરીરં પ્રાણાપાનૌ તે સયુજાવિહ સ્તામ્ ।
શતં જીવ શરદો વર્ધમાનોઽગ્નિષ્ટે ગોપા અધિપા વસિષ્ઠઃ

આયુર્યત્તે અતિહિતં પરાચૈરપાનઃ પ્રાણઃ પુનરા તાવિતામ્ ।
અગ્નિષ્ટદાહાર્નિરૃતેરુપસ્થાત્તદાત્મનિ પુનરા વેશયામિ તે

મેમં પ્રાણો હાસીન્ મો અપાનોઽવહાય પરા ગાત્।
સપ્તર્ષિભ્ય એનં પરિ દદામિ તે એનં સ્વસ્તિ જરસે વહન્તુ

પ્ર વિષતં પ્રાણાપાનાવનડ્વાહાવિવ વ્રજમ્ ।
અયં જરિમ્ણઃ શેવધિરરિષ્ટ ઇહ વર્ધતામ્

આ તે પ્રાણં સુવામસિ પરા યક્ષ્મં સુવામિ તે ।
આયુર્નો વિશ્વતો દધદયમગ્નિર્વરેણ્યઃ

ઉદ્વયં તમસસ્પરિ રોહન્તો નાકમુત્તમમ્ ।
દેવં દેવત્રા સૂર્યમગન્મ જ્યોતિરુત્તમમ્