અથર્વવેદ · અધ્યાય 7

સૂક્તમ્ ૧
સૂક્તમ્ ૨
સૂક્તમ્ ૩
સૂક્તમ્ ૪
સૂક્તમ્ ૫
સૂક્તમ્ ૬
સૂક્તમ્ ૭
સૂક્તમ્ ૮
સૂક્તમ્ ૯
સૂક્તમ્ ૧૦
સૂક્તમ્ ૧૧
સૂક્તમ્ ૧૨
સૂક્તમ્ ૧૩
સૂક્તમ્ ૧૪
સૂક્તમ્ ૧૫
સૂક્તમ્ ૧૬
સૂક્તમ્ ૧૭
સૂક્તમ્ ૧૮
સૂક્તમ્ ૧૯
સૂક્તમ્ ૨૦
સૂક્તમ્ ૨૧
સૂક્તમ્ ૨૨
સૂક્તમ્ ૨૩
સૂક્તમ્ ૨૪
સૂક્તમ્ ૨૫
સૂક્તમ્ ૨૬
સૂક્તમ્ ૨૭
સૂક્તમ્ ૨૮
સૂક્તમ્ ૨૯
સૂક્તમ્ ૩૦
સૂક્તમ્ ૩૧
સૂક્તમ્ ૩૨
સૂક્તમ્ ૩૩
સૂક્તમ્ ૩૪
સૂક્તમ્ ૩૫
સૂક્તમ્ ૩૬
સૂક્તમ્ ૩૭
સૂક્તમ્ ૩૮
સૂક્તમ્ ૩૯
સૂક્તમ્ ૪૦
સૂક્તમ્ ૪૧
સૂક્તમ્ ૪૨
સૂક્તમ્ ૪૩
સૂક્તમ્ ૪૪
સૂક્તમ્ ૪૫
સૂક્તમ્ ૪૬
સૂક્તમ્ ૪૭
સૂક્તમ્ ૪૮
સૂક્તમ્ ૪૯
સૂક્તમ્ ૫૦
સૂક્તમ્ ૫૧
સૂક્તમ્ ૫૨
સૂક્તમ્ ૫૩
સૂક્તમ્ ૫૪
સૂક્તમ્ ૫૫
સૂક્તમ્ ૫૬
સૂક્તમ્ ૫૭
સૂક્તમ્ ૫૮
સૂક્તમ્ ૫૯
સૂક્તમ્ ૬૦
સૂક્તમ્ ૬૧
સૂક્તમ્ ૬૨
સૂક્તમ્ ૬૩
સૂક્તમ્ ૬૪
સૂક્તમ્ ૬૫
સૂક્તમ્ ૬૬
સૂક્તમ્ ૬૭
સૂક્તમ્ ૬૮
સૂક્તમ્ ૬૯
સૂક્તમ્ ૭૦
સૂક્તમ્ ૭૧
સૂક્તમ્ ૭૨
સૂક્તમ્ ૭૩
સૂક્તમ્ ૭૪
સૂક્તમ્ ૭૫
સૂક્તમ્ ૭૬
સૂક્તમ્ ૭૭
સૂક્તમ્ ૭૮
સૂક્તમ્ ૭૯
સૂક્તમ્ ૮૦
સૂક્તમ્ ૮૧
સૂક્તમ્ ૮૨
સૂક્તમ્ ૮૩
સૂક્તમ્ ૮૪
સૂક્તમ્ ૮૫
સૂક્તમ્ ૮૬
સૂક્તમ્ ૮૭
સૂક્તમ્ ૮૮
સૂક્તમ્ ૮૯
સૂક્તમ્ ૯૦
સૂક્તમ્ ૯૧
સૂક્તમ્ ૯૨
સૂક્તમ્ ૯૩
સૂક્તમ્ ૯૪
સૂક્તમ્ ૯૫
સૂક્તમ્ ૯૬
સૂક્તમ્ ૯૭
સૂક્તમ્ ૯૮
સૂક્તમ્ ૯૯
સૂક્તમ્ ૧૦૦
સૂક્તમ્ ૧૦૧
સૂક્તમ્ ૧૦૨
સૂક્તમ્ ૧૦૩
સૂક્તમ્ ૧૦૪
સૂક્તમ્ ૧૦૫
સૂક્તમ્ ૧૦૬
સૂક્તમ્ ૧૦૭
સૂક્તમ્ ૧૦૮
સૂક્તમ્ ૧૦૯
સૂક્તમ્ ૧૧૦
સૂક્તમ્ ૧૧૧
સૂક્તમ્ ૧૧૨
સૂક્તમ્ ૧૧૩
સૂક્તમ્ ૧૧૪
સૂક્તમ્ ૧૧૫
સૂક્તમ્ ૧૧૬
સૂક્તમ્ ૧૧૭
સૂક્તમ્ ૧૧૮
સૂક્તમ્ ૧૧૯
સૂક્તમ્ ૧૨૦
સૂક્તમ્ ૧૨૧
સૂક્તમ્ ૧૨૨
સૂક્તમ્ ૧૨૩
7.1
ધીતી વા યે અનયન્ વાચો અગ્રં મનસા વા યેઽવદન્ન્ ઋતાનિ ।
તૃતીયેન બ્રહ્મણા વાવૃધાનાસ્તુરીયેણામન્વત નામ ધેનોઃ

સ વેદ પુત્રઃ પિતરં સ માતરં સ સૂનુર્ભુવત્સ ભુવત્પુનર્મઘઃ ।
સ દ્યામૌર્ણોદન્તરિક્ષં સ્વઃ સ ઇદં વિશ્વમભવત્સ આભરત્

7.2
અથર્વાણં પિતરં દેવબન્ધું માતુર્ગર્ભં પિતુરસું યુવાનમ્ ।
ય ઇમં યજ્ઞં મનસા ચિકેત પ્ર ણો વોચસ્તમિહેહ બ્રવઃ

7.3
અયા વિષ્ઠા જનયન્ કર્વરાણિ સ હિ ઘૃણિરુરુર્વરાય ગાતુઃ ।
સ પ્રત્યુદૈદ્ધરુણં મધ્વો અગ્રં સ્વયા તન્વા તન્વમૈરયત

7.4
એકયા ચ દશભિશ્ચ સુહુતે દ્વાભ્યામિષ્ટયે વિંશત્યા ચ ।
તિસૃભિશ્ચ વહસે ત્રિંશતા ચ વિયુગ્ભિર્વાય ઇહ તા વિ મુઞ્ચ

7.5
યજ્ઞેન યજ્ઞમયજન્ત દેવાસ્તાનિ ધર્માણિ પ્રથમાન્યાસન્ ।
તે હ નાકં મહિમાનઃ સચન્ત યત્ર પૂર્વે સાધ્યાઃ સન્તિ દેવાઃ

યજ્ઞો બભૂવ સ આ બભૂવ સ પ્ર જજ્ઞે સ ઉ વાવૃધે પુનઃ ।
સ દેવાનામધિપતિર્બભૂવ સો અસ્માસુ દ્રવિણમા દધાતુ

યદ્દેવા દેવાન્ હવિષાઽયજન્તામર્ત્યાન્ મનસા મર્ત્યેન ।
મદેમ તત્ર પરમે વ્યોમન્ પશ્યેમ તદુદિતૌ સૂર્યસ્ય

યત્પુરુષેણ હવિષા યજ્ઞં દેવા અતન્વત ।
અસ્તિ નુ તસ્માદોજીયો યદ્વિહવ્યેનેજિરે

મુગ્ધા દેવા ઉત શુનાઽયજન્તોત ગોરઙ્ગૈઃ પુરુધાઽયજન્ત ।
ય ઇમં યજ્ઞં મનસા ચિકેત પ્ર ણો વોચસ્તમિહેહ બ્રવઃ

7.6
અદિતિર્દ્યૌરદિતિરન્તરિક્ષમદિતિર્માતા સ પિતા સ પુત્રઃ ।
વિશ્વે દેવા અદિતિર્પઞ્ચ જના અદિતિર્જાતમદિતિર્જનિત્વમ્

મહીમૂ ષુ માતરં સુવ્રતાનામૃતસ્ય પત્નીમવસે હવામહે ।
તુવિક્ષત્રામજરન્તીમુરૂચીં સુશર્માણમદિતિં સુપ્રણીતિમ્

સુત્રામાણં પૃથિવીં દ્યામનેહસં સુશર્માણમદિતિં સુપ્રણીતિમ્ ।
દૈવીં નાવં સ્વરિત્રામનાગસો અસ્રવન્તીમા રુહેમા સ્વસ્તયે

વાજસ્ય નુ પ્રસવે માતરં મહીમદિતિં નામ વચસા કરામહે ।
યસ્યા ઉપસ્થ ઉર્વન્તરિક્ષં સા નઃ શર્મ ત્રિવરૂથં નિ યછાત્

7.7
દિતેઃ પુત્રાણામદિતેરકારિષમવ દેવાનાં બૃહતામનર્મણામ્ ।
તેષાં હિ ધામ ગભિષક્સમુદ્રિયં નૈનાન્ નમસા પરો અસ્તિ કશ્ચન

7.8
ભદ્રાદધિ શ્રેયઃ પ્રેહિ બૃહસ્પતિઃ પુરએતા તે અસ્તુ ।
અથેમમસ્યા વર આ પૃથિવ્યા આરેશત્રું કૃણુહિ સર્વવીરમ્

7.9
પ્રપથે પથામજનિષ્ટ પૂષા પ્રપથે દિવઃ પ્રપથે પૃથિવ્યાઃ ।
ઉભે અભિ પ્રિયતમે સધસ્થે આ ચ પરા ચ ચરતિ પ્રજાનન્

પૂષેમા આશા અનુ વેદ સર્વાઃ સો અસ્માઁ અભયતમેન નેષત્।
સ્વસ્તિદા આઘૃણિઃ સર્વવીરોઽપ્રયુચ્છન્ પુર એતુ પ્રજાનન્

પૂષન્ તવ વ્રતે વયં ન રિષ્યેમ કદા ચન ।
સ્તોતારસ્ત ઇહ સ્મસિ

પરિ પૂષા પરસ્તાદ્ધસ્તં દધાતુ દક્ષિણમ્ ।
પુનર્નો નષ્ટમાજતુ સં નષ્ટેન ગમેમહિ

7.10
યસ્તે સ્તનઃ શશયુર્યો મયોભૂર્યઃ સુમ્નયુઃ સુહવો યઃ સુદત્રઃ ।
યેન વિશ્વા પુષ્યસિ વાર્યાણિ સરસ્વતિ તમિહ ધાતવે કઃ

7.11
યસ્તે પૃથુ સ્તનયિત્નુર્ય ઋષ્વો દૈવઃ કેતુર્વિશ્વમાભૂષતીદમ્ ।
મા નો વધીર્વિદ્યુતા દેવ સસ્યં મોત વધી રશ્મિભિઃ સૂર્યસ્ય

7.12
સભા ચ મા સમિતિશ્ચાવતાં પ્રજાપતેર્દુહિતરૌ સંવિદાને ।
યેના સંગછા ઉપ મા સ શિક્ષાચ્ચારુ વદાનિ પિતરઃ સંગતેષુ

વિદ્મ તે સભે નામ નરિષ્ટા નામ વા અસિ ।
યે તે કે ચ સભાસદસ્તે મે સન્તુ સવાચસઃ

એષામહં સમાસીનાનાં વર્ચો વિજ્ઞાનમા દદે ।
અસ્યાઃ સર્વસ્યાઃ સંસદો મામિન્દ્ર ભગિનં કૃણુ

યદ્વો મનઃ પરાગતં યદ્બદ્ધમિહ વેહ વા ।
તદ્વ આ વર્તયામસિ મયિ વો રમતાં મનઃ

7.13
યથા સૂર્યો નક્ષત્રાણામુદ્યંસ્તેજાંસ્યાદદે ।
એવા સ્ત્રીણાં ચ પુંસાં ચ દ્વિષતાં વર્ચ આ દદે

યાવન્તો મા સપત્નાનામાયન્તં પ્રતિપશ્યથ ।
ઉદ્યન્ત્સૂર્ય ઇવ સુપ્તાનાં દ્વિષતાં વર્ચ આ દદે

7.14
અભિ ત્યં દેવં સવિતારમોણ્યોઃ કવિક્રતુમ્ ।
અર્ચામિ સત્યસવં રત્નધામભિ પ્રિયં મતિમ્

ઉર્ધ્વા યસ્યામતિર્ભા અદિદ્યુતત્સવીમનિ ।
હિરણ્યપાણિરમિમીત સુક્રતુઃ કૃપાત્સ્વઃ

સાવીર્હિ દેવ પ્રથમાય પિત્રે વર્ષ્માણમસ્મૈ વરિમાણમસ્મૈ ।
અથાસ્મભ્યં સવિતર્વાર્યાણિ દિવોદિવ આ સુવા ભૂરિ પશ્વઃ

દમૂના દેવઃ સવિતા વરેણ્યો દધદ્રત્નં પિતૃભ્ય આયૂંષિ ।
પિબાત્સોમં મમદદેનમિષ્ટે પરિજ્મા ચિત્ક્રમતે અસ્ય ધર્મણિ

7.15
તાં સવિતઃ સત્યસવાં સુચિત્રામાહં વૃણે સુમતિં વિશ્વવારામ્ ।
યામસ્ય કણ્વો અદુહત્પ્રપીનાં સહસ્રધારાં મહિષો ભગાય

7.16
બૃહસ્પતે સવિતર્વર્ધયૈનં જ્યોતયૈનં મહતે સૌભગાય ।
સંશિતં ચિત્સંતરં સં શિશાધિ વિશ્વ એનમનુ મદન્તુ દેવાઃ

7.17
ધાતા દધાતુ નો રયિમીશાનો જગતસ્પતિઃ ।
સ નઃ પૂર્ણેન યચ્છતુ

ધાતા દધાતુ દાશુષે પ્રાચીં જીવાતુમક્ષિતામ્ ।
વયં દેવસ્ય ધીમહિ સુમતિં વિશ્વરાધસઃ

ધાતા વિશ્વા વાર્યા દધાતુ પ્રજાકામાય દાશુષે દુરોણે ।
તસ્મૈ દેવા અમૃતં સં વ્યયન્તુ વિશ્વે દેવા અદિતિઃ સજોષાઃ

ધાતા રાતિઃ સવિતેદં જુષન્તાં પ્રજાપતિર્નિધિપતિર્નો અગ્નિઃ ।
ત્વષ્ટા વિષ્ણુઃ પ્રજયા સંરરાણો યજમાનાય દ્રવિણં દધાતુ

7.18
પ્ર નભસ્વ પૃથિવિ ભિન્દ્ધીદં દિવ્યં નભઃ ।
ઉદ્નો દિવ્યસ્ય નો ધાતરીશાનો વિ ષ્યા દૃતિમ્

ન ઘ્રંસ્તતાપ ન હિમો જઘાન પ્ર નભતાં પૃથિવી જીરદાનુઃ ।
આપશ્ચિદસ્મૈ ઘૃતમિત્ક્ષરન્તિ યત્ર સોમઃ સદમિત્તત્ર ભદ્રમ્

7.19
પ્રજાપતિર્જનયતિ પ્રજા ઇમા ધાતા દધાતુ સુમનસ્યમાનઃ ।
સંજાનાનાઃ સંમનસઃ સયોનયો મયિ પુષ્ટં પુષ્ટપતિર્દધાતુ

7.20
અન્વદ્ય નોઽનુમતિર્યજ્ઞં દેવેષુ મન્યતામ્ ।
અગ્નિશ્ચ હવ્યવાહનો ભવતાં દાશુષે મમ

અન્વિદનુમતે ત્વં મંસસે શં ચ નસ્કૃધિ ।
જુષસ્વ હવ્યમાહુતં પ્રજાં દેવિ રરાસ્વ નઃ

અનુ મન્યતામનુમન્યમાનઃ પ્રજાવન્તં રયિમક્ષીયમાણમ્ ।
તસ્ય વયં હેડસિ માપિ ભૂમ સુમૃડીકે અસ્ય સુમતૌ સ્યામ

યત્તે નામ સુહવં સુપ્રણીતેઽનુમતે અનુમતં સુદાનુ ।
તેના નો યજ્ઞં પિપૃહિ વિશ્વવારે રયિં નો ધેહિ સુભગે સુવીરમ્

એમં યજ્ઞમનુમતિર્જગામ સુક્ષેત્રતાયૈ સુવીરતાયૈ સુજાતમ્ ।
ભદ્રા હ્યસ્યાઃ પ્રમતિર્બભૂવ સેમં યજ્ઞમવતુ દેવગોપા

અનુમતિઃ સર્વમિદં બભૂવ યત્તિષ્ઠતિ ચરતિ યદુ ચ વિશ્વમેજતિ ।
તસ્યાસ્તે દેવિ સુમતૌ સ્યામાનુમતે અનુ હિ મંસસે નઃ

7.21
સમેત વિશ્વે વચસા પતિં દિવ એકો વિભૂરતિથિર્જનાનામ્ ।
સ પૂર્વ્યો નૂતનમાવિવાસત્તં વર્તનિરનુ વાવૃત એકમિત્પુરુ

7.22
અયં સહસ્રમા નો દૃશે કવીનાં મતિર્જ્યોતિર્વિધર્મણિ

બ્રધ્નઃ સમીચીરુષસઃ સમૈરયન્ ।
અરેપસઃ સચેતસઃ સ્વસરે મન્યુમત્તમાશ્ચિતે ગોઃ

7.23
દૌષ્વપ્ન્યં દૌર્જીવિત્યં રક્ષો અભ્વમરાય્યઃ ।
દુર્ણામ્નીઃ સર્વા દુર્વાચસ્તા અસ્મન્ નાશયામસિ

7.24
યન્ ન ઇન્દ્રો અખનદ્યદગ્નિર્વિશ્વે દેવા મરુતો યત્સ્વર્કાઃ ।
તદસ્મભ્યં સવિતા સત્યધર્મા પ્રજાપતિરનુમતિર્નિ યછાત્

7.25
યયોરોજસા સ્કભિતા રજાંસિ યૌ વીર્યૈર્વીરતમા શવિષ્ઠા ।
યૌ પત્યેતે અપ્રતીતૌ સહોભિર્વિષ્ણુમગન્ વરુણં પૂર્વહૂતિઃ

યસ્યેદં પ્રદિશિ યદ્વિરોચતે પ્ર ચાનતિ વિ ચ ચષ્ટે શચીભિઃ ।
પુરા દેવસ્ય ધર્મણા સહોભિર્વિષ્ણુમગન્ વરુણં પૂર્વહૂતિઃ

7.26
વિષ્ણોર્નુ કં પ્રા વોચં વીર્યાણિ યઃ પાર્થિવાનિ વિમમે રજાંસિ ।
યો અસ્કભાયદુત્તરં સધસ્થં વિચક્રમાણસ્ત્રેધોરુગાયઃ

પ્ર તદ્વિષ્ણુ સ્તવતે વીર્યાણિ મૃગો ન ભીમઃ કુચરો ગિરિષ્ઠાઃ ।
પરાવત આ જગમ્યાત્પરસ્યાઃ

યસ્યોરુષુ ત્રિષુ વિક્રમનેષ્વધિક્ષિયન્તિ ભુવનાનિ વિશ્વા ।
ઉરુ વિષ્ણો વિ ક્રમસ્વોરુ ક્ષયાય નસ્કૃધિ ।
ઘૃતં ઘૃતયોને પિબ પ્રપ્ર યજ્ઞપતિં તિર

ઇદં વિષ્ણુર્વિ ચક્રમે ત્રેધા નિ દધે પદા ।
સમૂઢમસ્ય પંસુરે

ત્રીણિ પદા વિ ચક્રમે વિષ્ણુર્ગોપા અદાભ્યઃ ।
ઇતો ધર્માણિ ધારયન્

વિષ્ણોઃ કર્માણિ પશ્યત યતો વ્રતાનિ પસ્પશે ।
ઇન્દ્રસ્ય યુજ્યઃ સખા

તદ્વિષ્ણોઃ પરમં પદં સદા પશ્યન્તિ સૂરયઃ ।
દિવીવ ચક્ષુરાતતમ્

દિવો વિષ્ણ ઉત પૃથિવ્યા મહો વિષ્ણ ઉરોરન્તરિક્ષાત્।
હસ્તૌ પૃણસ્વ બહુભિર્વસવ્યૈરાપ્રયચ્છ દક્ષિણાદોત સવ્યાત્

7.27
ઇડૈવાસ્મામનુ વસ્તાં વ્રતેન યસ્યાઃ પદે પુનતે દેવયન્તઃ ।
ઘૃતપદી શક્વરી સોમપૃષ્ઠોપ યજ્ઞમસ્થિત વૈશ્વદેવી

7.28
વેદઃ સ્વસ્તિર્દ્રુઘણઃ સ્વસ્તિઃ પરશુર્વેદિઃ પરશુર્નઃ સ્વસ્તિ ।
હવિષ્કૃતો યજ્ઞિયા યજ્ઞકામાસ્તે દેવાસો યજ્ઞમિમં જુષન્તામ્

7.29
અગ્નાવિષ્ણૂ મહિ તદ્વાં મહિત્વં પાથો ઘૃતસ્ય ગુહ્યસ્ય નામ ।
દમેદમે સપ્ત રત્ના દધાનૌ પ્રતિ વાં જિહ્વા ઘૃતમા ચરણ્યાત્

અગ્નાવિષ્ણૂ મહિ ધામ પ્રિયં વાં વીથો ઘૃતસ્ય ગુહ્યા જુષાણૌ ।
દમેદમે સુષ્ટુત્યા વાવૃધાનૌ પ્રતિ વાં જિહ્વા ઘૃતમુચ્ચરણ્યાત્

7.30
સ્વાક્તં મે દ્યાવાપૃથિવી સ્વાક્તં મિત્રો અકરયમ્ ।
સ્વાક્તં મે બ્રહ્મણસ્પતિઃ સ્વાક્તં સવિતા કરત્

7.31
ઇન્દ્રોતિભિર્બહુલાભિર્નો અદ્ય યાવચ્છ્રેષ્ઠાભિર્મઘવન્ છૂર જિન્વ ।
યો નો દ્વેષ્ટ્યધર સસ્પદીષ્ટ યમુ દ્વિષ્મસ્તમુ પ્રાણો જહાતુ

7.32
ઉપ પ્રિયં પનિપ્નતં યુવાનમાહુતીવૃધમ્ ।
અગન્મ બિભ્રતો નમો દીર્ઘમાયુઃ કૃણોતુ મે

7.33
સં મા સિઞ્ચન્તુ મરુતઃ સં પૂષા સં બૃહસ્પતિઃ ।
સં માયમગ્નિઃ સિઞ્ચતુ પ્રજયા ચ ધનેન ચ દીર્ઘમાયુઃ કૃણોતુ મે

7.34
અગ્ને જાતાન્ પ્ર ણુદા મે સપત્નાન્ પ્રત્યજાતાન્ જાતવેદો નુદસ્વ ।
અધસ્પદં કૃણુષ્વ યે પૃતન્યવોઽનાગસસ્તે વયમદિતયે સ્યામ

7.35
પ્રાન્યાન્ત્સપત્નાન્ત્સહસા સહસ્વ પ્રત્યજાતાન્ જાતવેદો નુદસ્વ ।
ઇદં રાષ્ટ્રં પિપૃહિ સૌભગાય વિશ્વ એનમનુ મદન્તુ દેવાઃ

ઇમા યાસ્તે શતં હિરાઃ સહસ્રં ધમનીરુત ।
તાસાં તે સર્વાસામહમશ્મના બિલમપ્યધામ્

પરં યોનેરવરં તે કૃણોમિ મા ત્વા પ્રજાભિ ભૂન્ મોત સૂતુઃ ।
અસ્વં ત્વાપ્રજસં કૃણોમ્યશ્માનં તે અપિધાનં કૃણોમિ

7.36
અક્ષ્યૌ નૌ મધુસંકાશે અનીકં નૌ સમઞ્જનમ્ ।
અન્તઃ કૃષ્ણુષ્વ માં હૃદિ મન ઇન્ નૌ સહાસતિ

7.37
અભિ ત્વા મનુજાતેન દધામિ મમ વાસસા ।
યાથાઽસો મમ કેવલો નાન્યાસાં કીર્તયાશ્ચન

7.38
ઇદં ખનામિ ભેષજં માંપશ્યમભિરોરુદમ્ ।
પરાયતો નિવર્તનમાયતઃ પ્રતિનન્દનમ્

યેના નિચક્ર આસુરીન્દ્રં દેવેભ્યસ્પરિ ।
તેના નિ કુર્વે ત્વામહં યથા તેઽસાનિ સુપ્રિયા

પ્રતીચી સોમમસિ પ્રતીચી ઉત સૂર્યમ્ ।
પ્રતીચી વિશ્વાન્ દેવાન્ તાં ત્વાછાવદામસિ

અહં વદામિ નેત્ત્વં સભાયામહ ત્વં વદ ।
મમેદસસ્ત્વં કેવલો નાન્યાસાં કીર્તયાશ્ચન

યદિ વાસિ તિરોજનં યદિ વા નદ્યસ્તિરઃઇ ।
ઇયં હ મહ્યં ત્વામોષધિર્બદ્ધ્વેવ ન્યાનયત્

7.39
દિવ્યં સુપર્ણં પયસં બૃહન્તમપાં ગર્ભં વૃષભમોષધીનામ્ ।
અભીપતો વૃષ્ટ્યા તર્પયન્તમા નો ગોષ્ઠે રયિષ્ઠાં સ્થાપયાતિ

7.40
યસ્ય વ્રતં પશવો યન્તિ સર્વે યસ્ય વ્રત ઉપતિષ્ઠન્ત આપઃ ।
યસ્ય વ્રતે પુષ્ટપતિર્નિવિષ્ટસ્તં સરસ્વન્તમવસે હવામહે

આ પ્રત્યઞ્ચં દાશુષે દાશ્વંસં સરસ્વન્તં પુષ્ટપતિં રયિષ્ઠામ્ ।
રાયસ્પોષં શ્રવસ્યું વસાના ઇહ સદનં રયીણામ્

7.41
અતિ ધન્વાન્યત્યપસ્તતર્દ શ્યેનો નૃચક્ષા અવસાનદર્શઃ ।
તરન્ વિશ્વાન્યવરા રજંસીન્દ્રેણ સખ્યા શિવ આ જગમ્યાત્

શ્યેનો નૃચક્ષા દિવ્યઃ સુપર્ણઃ સહસ્રપાચ્છતયોનિર્વયોધાઃ ।
સ નો નિ યછાદ્વસુ યત્પરાભૃતમસ્માકમસ્તુ પિતૃષુ સ્વધાવત્

7.42
સોમારુદ્રા વિ વૃહતં વિષૂચીમમીવા યા નો ગયમાવિવેશ ।
બાધેથાં દૂરં નિરૃતિં પરાચૈઃ કૃતં ચિદેનઃ પ્ર મુમુક્તમસ્મત્

સોમારુદ્રા યુવમેતાન્યસ્મદ્વિશ્વા તનૂષુ ભેષજાનિ ધત્તમ્ ।
અવ સ્યતં મુઞ્ચતં યન્ નો અસત્તનૂષુ બદ્ધં કૃતમેનો અસ્મત્

7.43
શિવાસ્ત એકા અશિવાસ્ત એકાઃ સર્વા બિભર્ષિ સુમનસ્યમાનઃ ।
તિસ્રો વાચો નિહિતા અન્તરસ્મિન્ તાસામેકા વિ પપાતાનુ ઘોષમ્

7.44
ઉભા જિગ્યથુર્ન પરા જયેથે ન પરા જિગ્યે કતરશ્ચનૈનયોઃ ।
ઇન્દ્રશ્ચ વિષ્ણો યદપસ્પૃધેથાં ત્રેધા સહસ્રં વિ તદૈરયેથામ્

7.45
જનાદ્વિશ્વજનીનાત્સિન્ધુતસ્પર્યાભૃતમ્ ।
દૂરાત્ત્વા મન્ય ઉદ્ભૃતમીર્ષ્યાયા નામ ભેષજમ્

અગ્નેરિવાસ્ય દહતો દાવસ્ય દહતઃ પૃથક્।
એતામેતસ્યેર્ષ્યામુદ્રાગ્નિમિવ શમય

7.46
સિનીવાલિ પૃથુષ્ટુકે યા દેવાનામસિ સ્વસા ।
જુષસ્વ હવ્યમાહુતં પ્રજાં દેવિ દિદિડ્ઢિ નઃ

યા સુબાહુઃ સ્વઙ્ગુરિઃ સુષૂમા બહુસૂવરી ।
તસ્યૈ વિશ્પત્ન્યૈ હવિઃ સિનીવાલ્યૈ જુહોતન

યા વિશ્પત્નીન્દ્રમસિ પ્રતીચી સહસ્રસ્તુકાભિયન્તી દેવી ।
વિષ્ણોઃ પત્નિ તુભ્યં રાતા હવીંષિ પતિં દેવિ રાધસે ચોદયસ્વ

7.47
કુહૂં દેવીં સુકૃતં વિદ્મનાપસમસ્મિન્ યજ્ઞે સુહવા જોહવીમિ ।
સા નો રયિં વિશ્વવારં નિ યછાદ્દદાતુ વીરં શતદાયમુક્થ્યમ્

કુહૂર્દેવાનામમૃતસ્ય પત્ની હવ્યા નો અસ્ય હવિષો જુષેત ।
શૃણોતુ યજ્ઞમુશતી નો અદ્ય રાયસ્પોષં ચિકિતુષી દધાતુ

7.48
રાકામહં સુહવા સુષ્ટુતી હુવે શૃણોતુ નઃ સુભગા બોધતુ ત્મના ।
સીવ્યત્વપઃ સૂચ્યાછિદ્યમાનયા દદાતુ વીરં શતદાયમુક્થ્યમ્

યાસ્તે રાકે સુમતયઃ સુપેશસો યાભિર્દદાસિ દાશુષે વસૂનિ ।
તાભિર્નો અદ્ય સુમના ઉપાગહિ સહસ્રાપોષં સુભગે રરાણા

7.49
દેવાનાં પત્નીરુશતીરવન્તુ નઃ પ્રાવન્તુ નસ્તુજયે વાજસાતયે ।
યાઃ પાર્થિવાસો યા અપામપિ વ્રતે તા નો દેવીઃ સુહવાઃ શર્મ યચ્છન્તુ

ઉત ગ્ના વ્યન્તુ દેવપત્નીરિન્દ્રાણ્યગ્નાય્યશ્વિની રાટ્।
આ રોદસી વરુનાની શૃણોતુ વ્યન્તુ દેવીર્ય ઋતુર્જનીનામ્

7.50
યથા વૃક્ષમશનિર્વિશ્વાહા હન્ત્યપ્રતિ ।
એવાહમદ્ય કિતવાન્ અક્ષૈર્બધ્યાસમપ્રતિ

તુરાણામતુરાણાં વિશામવર્જુષીણામ્ ।
સમૈતુ વિશ્વતો ભગો અન્તર્હસ્તં કૃતં મમ

ઈડે અગ્નિં સ્વાવસું નમોભિરિહ પ્રસક્તો વિ ચયત્કૃતં નઃ ।
રથૈરિવ પ્ર ભરે વાજયદ્ભિઃ પ્રદક્ષિણં મરુતાં સ્તોમમૃધ્યામ્

વયં જયેમ ત્વયા યુજા વૃતમસ્માકમંશમુદવ ભરેભરે ।
અસ્મભ્યમિન્દ્ર વરીયઃ સુગં કૃધિ પ્ર શત્રૂણાં મઘવન્ વૃષ્ણ્યા રુજ

અજૈષં ત્વા સંલિખિતમજૈષમુત સંરુધમ્ ।
અવિં વૃકો યથા મથદેવા મથ્નામિ તે કૃતમ્

ઉત પ્રહામતિદીવા જયતિ કૃતમિવ શ્વઘ્ની વિ ચિનોતિ કાલે ।
યો દેવકામો ન ધનં રુણદ્ધિ સમિત્તં રાયઃ સૃજતિ સ્વધાભિઃ

ગોભિષ્ટરેમામતિં દુરેવાં યવેન વા ક્ષુધં પુરુહૂત વિશ્વે ।
વયં રાજસુ પ્રથમા ધનાન્યરિષ્ટાસો વૃજનીભિર્જયેમ

કૃતં મે દક્ષિણે હસ્તે જયો મે સવ્ય આહિતઃ ।
ગોજિદ્ભૂયાસમશ્વજિદ્ધનંજયો હિરણ્યજિત્

અક્ષાઃ ફલવતીં દ્યુવં દત્ત ગાં ક્ષીરિણીમિવ ।
સં મા કૃતસ્ય ધારયા ધનુઃ સ્નાવ્નેવ નહ્યત

7.51
બૃહસ્પતિર્નઃ પરિ પાતુ પશ્ચાદુતોત્તરસ્માદધરાદઘયોઃ ।
ઇન્દ્રઃ પુરસ્તાદુત મધ્યતો નઃ સખા સખિભ્યો વરીયઃ કૃણોતુ

7.52
સંજ્ઞાનં નઃ સ્વેભિઃ સંજ્ઞાનમરણેભિઃ ।
સંજ્ઞાનમશ્વિના યુવમિહાસ્માસુ નિ યચ્છતમ્

સં જાનામહૈ મનસા સં ચિકિત્વા મા યુષ્મહિ મનસા દૈવ્યેન ।
મા ઘોષા ઉત્સ્થુર્બહુલે વિનિર્હતે મેષુઃ પપ્તદિન્દ્રસ્યાહન્યાગતે

7.53
અમુત્રભૂયાદધિ યદ્યમસ્ય બૃહસ્પતે અભિશસ્તેરમુઞ્ચઃ ।
પ્રત્યૌહતામશ્વિના મૃત્યુમસ્મદ્દેવાનામગ્ને ભિષજા શચીભિઃ

સં ક્રામતં મા જહીતં શરીરં પ્રાણાપાનૌ તે સયુજાવિહ સ્તામ્ ।
શતં જીવ શરદો વર્ધમાનોઽગ્નિષ્ટે ગોપા અધિપા વસિષ્ઠઃ

આયુર્યત્તે અતિહિતં પરાચૈરપાનઃ પ્રાણઃ પુનરા તાવિતામ્ ।
અગ્નિષ્ટદાહાર્નિરૃતેરુપસ્થાત્તદાત્મનિ પુનરા વેશયામિ તે

મેમં પ્રાણો હાસીન્ મો અપાનોઽવહાય પરા ગાત્।
સપ્તર્ષિભ્ય એનં પરિ દદામિ તે એનં સ્વસ્તિ જરસે વહન્તુ

પ્ર વિષતં પ્રાણાપાનાવનડ્વાહાવિવ વ્રજમ્ ।
અયં જરિમ્નઃ શેવધિરરિષ્ટ ઇહ વર્ધતામ્

આ તે પ્રાણં સુવામસિ પરા યક્ષ્મં સુવામિ તે ।
આયુર્નો વિશ્વતો દધદયમગ્નિર્વરેણ્યઃ

ઉદ્વયં તમસસ્પરિ રોહન્તો નાકમુત્તમમ્ ।
દેવં દેવત્રા સૂર્યમગન્મ જ્યોતિરુત્તમમ્

7.54
ઋચં સામ યજામહે યાભ્યાં કર્માણિ કુર્વતે ।
એતે સદસિ રાજતો યજ્ઞં દેવેષુ યચ્છતઃ

ઋચં સામ યદપ્રાક્ષં હવિરોજો યજુર્બલમ્ ।
એષ મા તસ્માન્ મા હિંસીદ્વેદઃ પૃષ્ટઃ શચીપતે

7.55
યે તે પન્થાનોઽવ દિવો યેભિર્વિશ્વમૈરયઃ ।
તેભિઃ સુમ્નયા ધેહિ નો વસો

7.56
તિરશ્ચિરાજેરસિતાત્પૃદાકોઃ પરિ સંભૃતમ્ ।
તત્કઙ્કપર્વણો વિષમિયં વીરુદનીનશત્

ઇયં વીરુન્ મધુજાતા મધુશ્ચુન્ મધુલા મધૂઃ ।
સા વિહ્રુતસ્ય ભેષજ્યથો મશકજમ્ભની

યતો દષ્ટં યતો ધીતં તતસ્તે નિર્હ્વયામસિ ।
અર્ભસ્ય તૃપ્રદંશિનો મશકસ્યારસં વિષમ્

અયં યો વક્રો વિપરુર્વ્યઙ્ગો મુખાનિ વક્રા વૃજિના કૃણોષિ ।
તાનિ ત્વં બ્રહ્મણસ્પતે ઇષીકામિવ સં નમઃ

અરસસ્ય શર્કોટસ્ય નીચીનસ્યોપસર્પતઃ ।
વિષં હ્યસ્યાદિષ્યથો એનમજીજભમ્

ન તે બાહ્વોર્બલમસ્તિ ન શીર્ષે નોત મધ્યતઃ ।
અથ કિં પાપયાઽમુયા પુછે બિભર્ષ્યર્ભકમ્

અદન્તિ ત્વા પિપીલિકા વિ વૃશ્ચન્તિ મયૂર્યઃ ।
સર્વે ભલ બ્રવાથ શાર્કોટમરસં વિષમ્

ય ઉભાભ્યાં પ્રહરસિ પુછેન ચાસ્યેન ચ ।
આસ્યે ન તે વિષં કિમુ તે પુચ્છધાવસત્

7.57
યદાશસા વદતો મે વિચુક્ષુભે યદ્યાચમાનસ્ય ચરતો જનામનુ ।
યદાત્મનિ તન્વો મે વિરિષ્ટં સરસ્વતી તદા પૃણદ્ઘૃતેન

સપ્ત ક્ષરન્તિ સિશવે મરુત્વતે પિત્રે પુત્રાસો અપ્યવીવૃતન્ન્ ઋતાનિ ।
ઉભે ઇદસ્યોભે અસ્ય રાજત ઉભે યતેતે ઉભે અસ્ય પુષ્યતઃ

7.58
ઇન્દ્રાવરુણા સુતપાવિમં સુતં સોમં પિબતં મદ્યં ધૃતવ્રતૌ ।
યુવો રથો અધ્વરો દેવવીતયે પ્રતિ સ્વસરમુપ યાતુ પીતયે

ઇન્દ્રાવરુણા મધુમત્તમસ્ય વૃષ્ણઃ સોમસ્ય વૃષણા વૃષેથામ્ ।
ઇદં વામન્ધઃ પરિષિક્તમાસદ્યાસ્મિન્ બર્હિષિ માદયેથામ્

7.59
યો નઃ શપાદશપતઃ શપતો યશ્ચ નઃ શપાત્।
વૃક્ષ ઇવ વિદ્યુતા હત આ મૂલાદનુ શુષ્યતુ

7.60
ઊર્જં બિભ્રદ્વસુવનિઃ સુમેધા અઘોરેણ ચક્ષુષા મિત્રિયેણ ।
ગૃહાન્ ઐમિ સુમના વન્દમાનો રમધ્વં મા બિભીત મત્

ઇમે ગૃહા મયોભુવ ઊર્જસ્વન્તઃ પયસ્વન્તઃ ।
પૂર્ણા વામેન તિષ્ઠન્તસ્તે નો જાનન્ત્વાયતઃ

યેષામધ્યેતિ પ્રવસન્ યેષુ સૌમનસો બહુઃ ।
ગૃહાન્ ઉપ હ્વયામહે તે નો જાનન્ત્વાયતઃ

ઉપહૂતા ભૂરિધનાઃ સખાયઃ સ્વાદુસંમુદઃ ।
અક્ષુધ્યા અતૃષ્યા સ્ત ગૃહા માસ્મદ્બિભીતન

ઉપહૂતા ઇહ ગાવ ઉપહૂતા અજાવયઃ ।
અથો અન્નસ્ય કીલાલ ઉપહૂતો ગૃહેષુ

સૂનૃતાવન્તઃ સુભગા ઇરાવન્તો હસામુદાઃ ।
અતૃષ્યા અક્ષુધ્યા સ્ત ગૃહા માસ્મદ્બિભીતન

ઇહૈવ સ્ત માનુ ગાત વિશ્વા રૂપાણિ પુષ્યત ।
ઐષ્યામિ ભદ્રેણા સહ ભૂયાંસો ભવતા મયા

7.61
યદગ્ને તપસા તપ ઉપતપ્યામહે તપઃ ।
પ્રિયાઃ શ્રુતસ્ય ભૂયાસ્માયુષ્મન્તઃ સુમેધસઃ

અગ્ને તપસ્તપ્યામહ ઉપ તપ્યામહે તપઃ ।
શ્રુતાનિ શૃણ્વન્તઃ વયમાયુષ્મન્તઃ સુમેધસઃ

7.62
અયમગ્નિઃ સત્પતિર્વૃદ્ધવૃષ્ણો રથીવ પત્તીન્ અજયત્પુરોહિતઃ ।
નાભા પૃથિવ્યાં નિહિતો દવિદ્યુતદધસ્પદં કૃણુતાં યે પૃતન્યવઃ

7.63
પૃતનાજિતં સહમાનમગ્નિમુક્થ્યૈર્હવામહે પરમાત્સધસ્થાત્।
સ નઃ પર્ષદતિ દુર્ગાણિ વિશ્વા ક્ષામદ્દેવોઽતિ દુરિતાન્યગ્નિઃ

7.64
ઇદં યત્કૃષ્ણઃ શકુનિરભિનિષ્પતન્ન્ અપીપતત્।
આપો મા તસ્માત્સર્વસ્માદ્દુરિતાત્પાન્ત્વંહસઃ

ઇદં યત્કૃષ્ણઃ શકુનિરવામૃક્ષન્ નિરૃતે તે મુખેન ।
અગ્નિર્મા તસ્માદેનસો ગાર્હપત્યઃ પ્ર મુઞ્ચતુ

7.65
પ્રતીચીનફલો હિ ત્વમપામાર્ગ રુરોહિથ ।
સર્વાન્ મચ્છપથામધિ વરીયો યવયા ઇતઃ

યદ્દુષ્કૃતં યચ્છમલં યદ્વા ચેરિમ પાપયા ।
ત્વયા તદ્વિશ્વતોમુખાપામાર્ગાપ મૃજ્મહે

શ્યાવદતા કુનખિના બણ્ડેન યત્સહાસિમ ।
અપામાર્ગ ત્વયા વયં સર્વં તદપ મૃજ્મહે

7.66
યદ્યન્તરિક્ષે યદિ વાત આસ યદિ વૃક્ષેષુ યદિ વોલપેષુ ।
યદશ્રવન્ પશવ ઉદ્યમાનં તદ્બ્રાહ્મણં પુનરસ્માન્ ઉપૈતુ

7.67
પુનર્મૈત્વિન્દ્રિયં પુનરાત્મા દ્રવિણં બ્રાહ્મણં ચ ।
પુનરગ્નયો ધિષ્ણ્યા યથાસ્થામ કલ્પયન્તામિહૈવ

7.68
સરસ્વતિ વ્રતેષુ તે દિવ્યેષુ દેવિ ધામસુ ।
જુષસ્વ હવ્યમાહુતં પ્રજાં દેવિ રરાસ્વ નઃ

ઇદં તે હવ્યં ઘૃતવત્સરસ્વતીદં પિતૄણાં હવિરાસ્યં યત્।
ઇમાનિ ત ઉદિતા શમ્તમાનિ તેભિર્વયં મધુમન્તઃ સ્યામ

શિવા નઃ શંતમા ભવ સુમૃડીકા સરસ્વતિ ।
મા તે યુયોમ સંદૃશઃ

7.69
શં નો વાતો વાતુ શં નસ્તપતુ સૂર્યઃ ।
અહાનિ શં ભવન્તુ નઃ શં રાત્રી પ્રતિ ધીયતામ્ ।
શમુષા નો વ્યુચ્છતુ

7.70
યત્કિં ચાસૌ મનસા યચ્ચ વાચા યજ્ઞૈર્જુહોતિ હવિષા યજુષા ।
તન્ મૃત્યુના નિરૃતિઃ સંવિદાના પુરા સત્યાદાહુતિં હન્ત્વસ્ય

યાતુધાના નિરૃતિરાદુ રક્ષસ્તે અસ્ય ઘ્નન્ત્વનૃતેન સત્યમ્ ।
ઇન્દ્રેષિતા દેવા આજમસ્ય મથ્નન્તુ મા તત્સં પાદિ યદસૌ જુહોતિ

અજિરાધિરાજૌ શ્યેનૌ સંપાતિનાવિવ ।
આજ્યં પૃતન્યતો હતાં યો નઃ કશ્ચાભ્યઘાયતિ

અપાઞ્ચૌ ત ઉભૌ બાહૂ અપિ નહ્યામ્યાસ્યમ્ ।
અગ્નેર્દેવસ્ય મન્યુના તેન તેઽવધિષં હવિઃ

અપિ નહ્યામિ તે બાહૂ અપિ નહ્યામ્યાસ્યમ્ ।
અગ્નેર્ઘોરસ્ય મન્યુના તેનઽવધિષં હવિઃ

7.71
પરિ ત્વાગ્ને પુરં વયં વિપ્રં સહસ્ય ધીમહિ ।
ધૃષદ્વર્ણં દિવેદિવે હન્તારં ભઙ્ગુરાવતઃ

7.72
ઉત્તિષ્ઠતાવ પશ્યતેન્દ્રસ્ય ભાગમૃત્વિયમ્ ।
યદિ શ્રાતં જુહોતન યદ્યશ્રાતં મમત્તન

શ્રાતં હવિરો ષ્વિન્દ્ર પ્ર યાહિ જગામ સૂરો અધ્વનો વિ મધ્યમ્ ।
પરિ ત્વાસતે નિધિભિઃ સખાયઃ કુલપા ન વ્રાજપતિં ચરન્તમ્

શ્રાતં મન્ય ઊધનિ શ્રાતમગ્નૌ સુશૃતં મન્યે તદૃતં નવીયઃ ।
માધ્યન્દિનસ્ય સવનસ્ય દધ્નઃ પિબેન્દ્ર વજ્રિન્ પુરુકૃજ્જુષાણઃ

7.73
સમિદ્ધો અગ્નિર્વૃષણા રથી દિવસ્તપ્તો ઘર્મો દુહ્યતે વામિષે મધુ ।
વયં હિ વાં પુરુદમાસો અશ્વિના હવામહે સધમાદેષુ કારવઃ

સમિદ્ધો અગ્નિરશ્વિના તપ્તો વાં ઘર્મ આ ગતમ્ ।
દુહ્યન્તે નૂનં વૃષણેહ ધેનવો દસ્રા મદન્તિ વેધસઃ

ઇવાહાકૃતઃ શુચિર્દેવેષુ યજ્ઞો યો અશ્વિનોશ્ચમસો દેવપાનઃ ।
તમુ વિશ્વે અમૃતાસો જુષાણા ગન્ધર્વસ્ય પ્રત્યાસ્ના રિહન્તિ

યદુસ્રિયાસ્વાહુતં ઘૃતં પયોઽયં સ વામશ્વિના ભાગ આ ગતમ્ ।
માધ્વી ધર્તારા વિદથસ્ય સત્પતી તપ્તં ઘર્મં પિબતં દિવઃ

તપ્તો વાં ઘર્મો નક્ષતુ સ્વહોતા પ્ર વામધ્વર્યુશ્ચરતુ પયસ્વાન્ ।
મધોર્દુગ્ધસ્યાશ્વિના તનાયા વીતં પાતં પયસ ઉસ્રિયાયાઃ

ઉપ દ્રવ પયસા ગોધુગોષમા ઘર્મે સિઞ્ચ પય ઉસ્રિયાયાઃ ।
વિ નાકમખ્યત્સવિતા વરેણ્યોઽનુપ્રયાણમુષસો વિ રાજતિ

ઉપ હ્વયે સુદુઘાં ધેનુમેતાં સુહસ્તો ગોધુગુત દોહદેનામ્ ।
શ્રેષ્ઠં સવં સવિતા સાવિષન્ નોઽભીદ્ધો ઘર્મસ્તદુ ષુ પ્ર વોચત્

હિઙ્કૃણ્વતી વસુપત્ની વસૂનાં વત્સમિચ્છન્તી મનસા ન્યાગન્ ।
દુહામશ્વિભ્યાં પયો અઘ્ન્યેયં સા વર્ધતાં મહતે સૌભગાય

જુષ્ટો દમૂના અતિથિર્દુરોણ ઇમં નો યજ્ઞમુપ યાહિ વિદ્વાન્ ।
વિશ્વા અગ્ને અભિયુજો વિહત્ય શત્રૂયતામા ભરા ભોજનાનિ

અગ્ને શર્ધ મહતે સૌભગાય તવ દ્યુમ્નાન્યુત્તમાનિ સન્તુ ।
સં જાસ્પત્યં સુયમમા કૃણુષ્વ શત્રૂયતામભિ તિષ્ઠા મહાંસિ

સૂયવસાદ્ભગવતી હિ ભૂયા અધા વયં ભગવન્તઃ સ્યામ ।
અદ્ધિ તૃણમઘ્ન્યે વિશ્વદાનીં પિબ શુદ્ધમુદકમાચરન્તી

7.74
અપચિતાં લોહિનીનાં કૃષ્ણા માતેતિ શુશ્રુમ ।
મુનેર્દેવસ્ય મૂલેન સર્વા વિધ્યામિ તા અહમ્

વિધ્યામ્યાસાં પ્રથમાં વિધ્યામિ ઉત મધ્યમામ્ ।
ઇદં જઘન્યામાસામા છિનદ્મિ સ્તુકામિવ

ત્વાષ્ટ્રેણાહં વચસા વિ ત ઈર્ષ્યામમીમદમ્ ।
અથો યો મન્યુષ્ટે પતે તમુ તે શમયામસિ

વ્રતેન ત્વં વ્રતપતે સમક્તો વિશ્વાહા સુમના દીદિહીહ ।
તં ત્વા વયં જાતવેદઃ સમિદ્ધં પ્રજાવન્ત ઉપ સદેમ સર્વે

7.75
પ્રજાવતીઃ સૂયવસે રુશન્તીઃ શુદ્ધા અપઃ સુપ્રપાણે પિબન્તીઃ ।
મા વ સ્તેન ઈશત માઘશંસઃ પરિ વો રુદ્રસ્ય હેતિર્વૃણક્તુ

પદજ્ઞા સ્થ રમતયઃ સંહિતા વિશ્વનામ્નીઃ ।
ઉપ મા દેવીર્દેવેભિરેત ।
ઇમં ગોષ્ઠમિદં સદો ઘૃતેનાસ્માન્ત્સમુક્ષત

7.76
આ સુસ્રસઃ સુસ્રસો અસતીભ્યો અસત્તરાઃ ।
સેહોરરસતરા હવણાદ્વિક્લેદીયસીઃ

યા ગ્રૈવ્યા અપચિતોઽથો યા ઉપપક્ષ્યાઃ ।
વિજામ્નિ યા અપચિતઃ સ્વયંસ્રસઃ

યઃ કીકસાઃ પ્રશૃણાતિ તલીદ્યમવતિષ્ઠતિ ।
નિર્હાસ્તં સર્વં જાયાન્યં યઃ કશ્ચ કકુદિ શ્રિતઃ

પક્ષી જાયાન્યઃ પતતિ સ આ વિશતિ પૂરુષમ્ ।
તદક્ષિતસ્ય ભેષજમુભયોઃ સુક્ષતસ્ય ચ

વિદ્મ વૈ તે જાયાન્ય જાનં યતો જાયાન્ય જાયસે ।
કથં હ તત્ર ત્વં હનો યસ્ય કૃણ્મો હવિર્ગૃહે

ધૃષત્પિબ કલશે સોમમિન્દ્ર વૃત્રહા શૂર સમરે વસૂનામ્ ।
માધ્યન્દિને સવન આ વૃષસ્વ રયિષ્ઠાનો રયિમસ્માસુ ધેહિ

7.77
સાંતપના ઇદં હવિર્મરુતસ્તજ્જુજુષ્ટન ।
અસ્માકોતી રિશાદસઃ

યો નો મર્તો મરુતો દુર્હૃણાયુસ્તિરશ્ચિત્તાનિ વસવો જિઘાંસતિ ।
દ્રુહઃ પાશાન્ પ્રતિ મુઞ્ચતાં સસ્તપિષ્ઠેન તપસા હન્તના તમ્

સમ્વત્સરીણા મરુતઃ સ્વર્કા ઉરુક્ષયાઃ સગણા માનુષાસઃ ।
તે અસ્મત્પાશાન્ પ્ર મુઞ્ચન્ત્વેનસસ્સાંતપના મત્સરા માદયિષ્ણવઃ

7.78
વિ તે મુઞ્ચામિ રશનાં વિ યોક્ત્રં વિ નિયોજનમ્ ।
ઇહૈવ ત્વમજસ્ર એધ્યગ્ને

અસ્મૈ ક્ષત્રાણિ ધારયન્તમગ્ને યુનજ્મિ ત્વા બ્રહ્મણા દૈવ્યેન ।
દીદિહ્યસ્મભ્યં દ્રવિણેહ ભદ્રં પ્રેમં વોચો હવિર્દાં દેવતાસુ

7.79
યત્તે દેવા અકૃણ્વન્ ભાગધેયમમાવાસ્યે સંવસન્તો મહિત્વા ।
તેના નો યજ્ઞં પિપૃહિ વિશ્વવારે રયિં નો ધેહિ સુભગે સુવીરમ્

અહમેવાસ્મ્યમાવાસ્યા મામા વસન્તિ સુકૃતો મયીમે ।
મયિ દેવા ઉભયે સાદ્યાશ્ચેન્દ્રજ્યેષ્ઠાઃ સમગચ્છન્ત સર્વે

આગન્ રાત્રી સઙ્ગમની વસૂનામૂર્જં પુષ્ટં વસ્વાવેશયન્તી ।
અમાવાસ્યાયૈ હવિષ વિધેમોર્જં દુહાના પયસા ન આગન્

અમાવાસ્યે ન ત્વદેતાન્યન્યો વિશ્વા રૂપાણિ પરિભૂર્જજાન ।
યત્કામાસ્તે જુહુમસ્તન્ નો અસ્તુ વયં સ્યામ પતયો રયિણામ્

7.80
પૂર્ણા પશ્ચાદુત પૂર્ણા પુરસ્તાદુન્મધ્યતઃ પૌર્ણમાસી જિગાય ।
તસ્યાં દેવૈઃ સંવસન્તો મહિત્વા નાકસ્ય પૃષ્ઠે સમિષા મદેમ

વૃષભં વાજિનં વયં પૌર્ણમાસં યજામહે ।
સ નો દદાત્વક્ષિતાં રયિમનુપદસ્વતીમ્

પ્રજાપતે ન ત્વદેતાન્યન્યો વિશ્વા રૂપાણિ પરિભૂર્જજાન ।
યત્કામાસ્તે જુહુમસ્તન્ નો અસ્તુ વયં સ્યામ પતયો રયીણામ્

પૌર્ણમાસી પ્રથમા યજ્ઞિયાસીદહ્નાં રાત્રીણામતિશર્વરેષુ ।
યે ત્વાં યજ્ઞૈર્યજ્ઞિયે અર્ધયન્ત્યમી તે નાકે સુકૃતઃ પ્રવિષ્ટાઃ

7.81
પૂર્વાપરં ચરતો મયયૈતૌ શિશૂ ક્રીડન્તૌ પરિ યાતોઽર્ણવમ્ ।
વિશ્વાન્યો ભુવના વિચષ્ટ ઋતૂંરન્યો વિદધજ્જાયસે નવઃ

નવોનવો ભવસિ જાયમાનોઽહ્નાં કેતુરુષસામેષ્યગ્રમ્ ।
ભાગં દેવેભ્યો વિ દધાસ્યાયન્ પ્ર ચન્દ્રમસ્તિરસે ધીર્ઘમાયુઃ

સોમસ્યામ્શો યુધાં પતેઽનૂનો નામ વા અસિ ।
અનૂનં દર્શ મા કૃધિ પ્રજયા ચ ધનેન ચ

દર્શોઽસિ દર્શતોઽસિ સમગ્રોઽસિ સમન્તઃ ।
સમગ્રઃ સમન્તો ભૂયાસં ગોભિરશ્વૈઃ પ્રજયા પશુભિર્ગૃહૈર્ધનેન

યોઽસ્માન્ દ્વેષ્ટિ યં વયં દ્વિષ્મસ્તસ્ય ત્વં પ્રાણેના પ્યાયસ્વ ।
આ વયં પ્યાસિષીમહિ ગોભિરશ્વૈઃ પ્રજયા પશુભિર્ગૃહૈર્ધનેન

યં દેવા અંશુમાપ્યાયયન્તિ યમક્ષિતમક્ષિતા ભક્ષયન્તિ ।
તેનાસ્માન્ ઇન્દ્રો વરુણો બૃહસ્પતિરા પ્યાયયન્તુ ભુવનસ્ય ગોપાઃ

7.82
અભ્યર્ચત સુષ્ટુતિં ગવ્યમાજિમસ્માસુ ભદ્રા દ્રવિણાનિ ધત્ત ।
ઇમં યજ્ઞં નયત દેવતા નો ઘૃતસ્ય ધારા મધુમત્પવન્તામ્

મય્યગ્રે અગ્નિં ગૃહ્ણામિ સહ ક્ષત્રેણ વર્ચસા બલેન ।
મયિ પ્રજાં મય્યાયુર્દધામિ સ્વાહા મય્યગ્નિમ્

ઇહૈવાગ્ને અધ્ય્ધારયા રયિં મા ત્વા નિ ક્રન્ પૂર્વચિત્તા નિકારિણઃ ।
ક્ષત્રેણાગ્ને સુયમમસ્તુ તુભ્યમુપસત્તા વર્ધતાં તે અનિષ્ટૃતઃ

અન્વગ્નિરુષસામગ્રમખ્યદન્વહાનિ પ્રથમો જાતવેદાઃ ।
અનુ સૂર્ય ઉષસો અનુ રશ્મીન્ અનુ દ્યાવાપૃથિવી આ વિવેશ

પ્રત્યગ્નિરુષસામગ્રમખ્યત્પ્રતિ અહાનિ પ્રથમો જાતવેદાઃ ।
પ્રતિ સૂર્યસ્ય પુરુધા ચ રશ્મીન્ પ્રતિ દ્યાવાપૃથિવી આ તતાન

ઘૃતં તે અગ્ને દિવ્યે સધસ્થે ઘૃતેન ત્વાં મનુરદ્યા સમિન્ધે ।
ઘૃતં તે દેવીર્નપ્ત્ય આ વહન્તુ ઘૃતં તુભ્યં દુહ્રતાં ગાવો અગ્ને

7.83
અપ્સુ તે રાજન્ વરુણ ગૃહો હિરણ્યયો મિતઃ ।
તતો ધૃતવ્રતો રાજા સર્વા ધામાનિ મુઞ્ચતુ

દામ્નોદામ્નો રાજન્ન્ ઇતો વરુણ મુઞ્ચ નઃ ।
યદાપો અઘ્ન્યા ઇતિ વરુણેતિ યદૂચિમ તતો વરુણ મુઞ્ચ નઃ

ઉદુત્તમં વરુણ પાશમસ્મદવાધમં વિ મધ્યમં શ્રથાય ।
અધા વયમાદિત્ય વ્રતે તવાનાગસો અદિતયે સ્યામ

પ્રાસ્મત્પાશાન્ વરુણ મુઞ્ચ સર્વાન્ ય ઉત્તમા અધમા વારુણા યે ।
દુષ્વપ્ન્યં દુરિતં નિ ષ્વાસ્મદથ ગછેમ સુકૃતસ્ય લોકમ્

7.84
અનાધૃષ્યો જાતવેદા અમર્ત્યો વિરાડગ્ને ક્ષત્રભૃદ્દીદિહીહ ।
વિશ્વા અમીવાઃ પ્રમુઞ્ચન્ માનુષીભિઃ શિવાભિરદ્ય પરિ પાહિ નો ગયમ્

ઇન્દ્ર ક્ષત્રમભિ વામમોજોઽજાયથા વૃષભ ચર્ષણીનામ્ ।
અપાનુદો જનમમિત્રયન્તમુરું દેવેભ્યો અકૃણોરુ લોકમ્

મૃગો ન ભીમઃ કુચરો ગિરિષ્ઠાઃ પરાવત આ જગમ્યાત્પરસ્યાઃ ।
સૃકં સંશાય પવિમિન્દ્ર તિગ્મં વિ શત્રૂન્ તાઢિ વિ મૃધો નુદસ્વ

7.85
ત્યમૂ ષુ વાજિનં દેવજૂતં સહોવાનં તરુતારં રથાનામ્ ।
અરિષ્ટનેમિં પૃતનાજિમાશું સ્વસ્તયે તાર્ક્ષ્યમિહા હુવેમ

7.86
ત્રાતારમિન્દ્રમવિતારમિન્દ્રં હવેહવે સુહવં શૂરમિન્દ્રમ્ ।
હુવે નુ શક્રં પુરુહૂતમિન્દ્રં સ્વસ્તિ ન ઇન્દ્રો મઘવાન્ કૃણોતુ

7.87
યો અગ્નૌ રુદ્રો યો અપ્સ્વન્તર્ય ઓષધીર્વીરુધ આવિવેશ ।
ય ઇમાવિશ્વા ભુવનાનિ ચાકૢપે તસ્મૈ રુદ્રાય નમો અસ્ત્વગ્નયે

7.88
અપેહ્યરિરસ્યરિર્વા અસિ વિષે વિષમપૃક્થા વિષમિદ્વા અપૃક્થાઃ ।
અહિમેવાભ્યપેહિ તં જહિ

7.89
અપો દિવ્યા અચાયિષં રસેન સમપૃક્ષ્મહિ ।
પયસ્વાન્ અગ્ન આગમં તં મા સં સૃજ વર્ચસા

સં માગ્ને વર્ચસા સૃજ સં પ્રજયા સમાયુષા ।
વિદ્યુર્મે અસ્ય દેવા ઇન્દ્રો વિદ્યાત્સહ ઋષિભિઃ

ઇદમાપઃ પ્ર વહતાવદ્યં ચ મલં ચ યત્।
યચ્ચાભિદુદ્રોહાનૃતં યચ્ચ શેપે અભીરુણમ્

એધોઽસ્યેધિષીય સમિદસિ સમેધિષીય ।
તેજોઽસિ તેજો મયિ ધેહિ

7.90
અપિ વૃશ્ચ પુરાણવદ્વ્રતતેરિવ ગુષ્પિતમ્ ।
ઓજો દાસસ્ય દમ્ભય

વયં તદસ્ય સમ્ભૃતં વસ્વિન્દ્રેન વિ ભજામહૈ ।
મ્લાપયામિ ભ્રજઃ શિભ્રં વરુણસ્ય વ્રતેન તે

યથા શેપો અપાયાતૈ સ્ત્રીષુ ચાસદનાવયાઃ ।
અવસ્થસ્ય ક્નદીવતઃ શાઙ્કુરસ્ય નિતોદિનઃ ।
યદાતતમવ તત્તનુ યદુત્તતં નિ તત્તનુ

7.91
ઇન્દ્રઃ સુત્રામા સ્વવામવોભિઃ સુમૃડીકો ભવતુ વિશ્વવેદાઃ ।
બાધતાં દ્વેષો અભયં નઃ કૃણોતુ સુવીર્યસ્ય પતયઃ સ્યામ

7.92
સ સુત્રામા સ્વવામિન્દ્રો અસ્મદારાચ્ચિદ્દ્વેષઃ સનુતર્યુયોતુ ।
તસ્ય વયં સુમતૌ યજ્ઞિયસ્યાપિ ભદ્રે સૌમનસે સ્યામ

7.93
ઇન્દ્રેણ મન્યુના વયમભિ ષ્યામ પૃતન્યતઃ ।
ઘ્નન્તો વૃત્રાણ્યપ્રતિ

7.94
ધ્રુવં ધ્રુવેણ હવિષાવ સોમં નયામસિ ।
યથા ન ઇન્દ્રઃ કેવલીર્વિશઃ સંમનસસ્કરત્

7.95
ઉદસ્ય શ્યાવૌ વિથુરૌ ગૃધ્રૌ દ્યામિવ પેતતુઃ ।
ઉચ્છોચનપ્રશોચનવસ્યોચ્છોચનૌ હૃદઃ

અહમેનાવુદતિષ્ઠિપં ગાવૌ શ્રાન્તસદાવિવ ।
કુર્કુરાવિવ કૂજન્તાવુદવન્તૌ વૃકાવિવ

આતોદિનૌ નિતોદિનાવથો સંતોદિનાવુત ।
અપિ નહ્યામ્યસ્ય મેઢ્રં ય ઇતઃ સ્ત્રી પુમાન્ જભાર

7.96
અસદન્ ગાવઃ સદનેઽપપ્તદ્વસતિં વયઃ ।
આસ્થાને પર્વતા અસ્થુઃ સ્થામ્નિ વૃક્કાવતિષ્ઠિપમ્

7.97
યદદ્ય ત્વા પ્રયતિ યજ્ઞે અસ્મિન્ હોતશ્ચિકિત્વન્ન્ અવૃણીમહીહ ।
ધ્રુવમયો ધ્રુવમુતા શવિષ્ઠૈપ્રવિદ્વાન્ યજ્ઞમુપ યાહિ સોમમ્

સમિન્દ્ર નો મનસા નેષ ગોભિઃ સં સૂરિભિર્હરિવન્ત્સં સ્વસ્ત્યા ।
સં બ્રહ્મણા દેવહિતં યદસ્તિ સં દેવાનાં સુમતૌ યજ્ઞિયાનામ્

યાન્ આવહ ઉશતો દેવ દેવાંસ્તાન્ પ્રેરય સ્વે અગ્ને સધસ્થે ।
જક્ષિવાંસઃ પપિવાંસો મધૂન્યસ્મૈ ધત્ત વસવો વસૂનિ

સુગા વો દેવાઃ સદના અકર્મ ય આજગ્મ સવને મા જુષાણાઃ ।
વહમાના ભરમાણાઃ સ્વા વસૂનિ વસું ઘર્મં દિવમા રોહતાનુ

યજ્ઞ યજ્ઞં ગચ્છ યજ્ઞપતિં ગચ્છ ।
સ્વાં યોનિં ગચ્છ સ્વાહા

એષ તે યજ્ઞો યજ્ઞપતે સહસૂક્તવાકઃ ।
સુવીર્યઃ સ્વાહા

વષડ્ધુતેભ્યો વષડહુતેભ્યઃ ।
દેવા ગાતુવિદો ગાતું વિત્ત્વા ગાતુમિત

મનસસ્પત ઇમં નો દિવિ દેવેષુ યજ્ઞમ્ ।
સ્વાહા દિવિ સ્વાહા પૃથિવ્યાં સ્વાહાન્તરિક્ષે સ્વાહા વાતે ધાં સ્વાહા

7.98
સં બર્હિરક્તં હવિષા ઘૃતેન સમિન્દ્રેણ વસુના સં મરુદ્ભિઃ ।
સં દેવૈર્વિશ્વદેવેભિરક્તમિન્દ્રં ગચ્છતુ હવિઃ સ્વાહા

7.99
પરિ સ્તૃણીહિ પરિ ધેહિ વેદિં મા જામિં મોષીરમુયા શયાનામ્ ।
હોતૃષદનં હરિતં હિરણ્યયં નિષ્કા એતે યજમાનસ્ય લોકે

7.100
પર્યાવર્તે દુષ્વપ્ન્યાત્પાપાત્સ્વપ્ન્યાદભૂત્યાઃ ।
બ્રહ્માહમન્તરં કૃણ્વે પરા સ્વપ્નમુખાઃ શુચઃ

7.101
યત્સ્વપ્ને અન્નમશ્નામિ ન પ્રાતરધિગમ્યતે ।
સર્વં તદસ્તુ મે શિવં નહિ તદ્દૃષ્યતે દિવા

7.102
નમસ્કૃત્ય દ્યાવાપૃથિવીભ્યામન્તરિક્ષાય મૃત્યવે ।
મેક્ષામ્યૂર્ધ્વસ્તિષ્ઠન્ મા મા હિંસિષુરીશ્વરાઃ

7.103
કો અસ્યા નો દ્રુહોઽવદ્યવત્યા ઉન્ નેષ્યતિ ક્ષત્રિયો વસ્ય ઇચ્છન્ ।
કો યજ્ઞકામઃ ક ઉ પૂર્તિકામઃ કો દેવેષુ વનુતે દીર્ઘમાયુઃ

7.104
કઃ પૃશ્નિં ધેનું વરુણેન દત્તામથર્વને સુદુઘાં નિત્યવત્સામ્ ।
બૃહસ્પતિના સખ્યં જુષણો યથાવશં તન્વઃ કલ્પયાતિ

7.105
અપક્રામન્ પૌરુષેયાદ્વૃણાનો દૈવ્યં વચઃ ।
પ્રણીતીરભ્યાવર્તસ્વ વિશ્વેભિઃ સખિભિઃ સહ

7.106
યદસ્મૃતિ ચકૃમ કિં ચિદગ્ન ઉપારિમ ચરણે જાતવેદઃ ।
તતઃ પાહિ ત્વં નઃ પ્રચેતઃ શુભે સખિભ્યો અમૃતત્વમસ્તુ નઃ

7.107
અવ દિવસ્તારયન્તિ સપ્ત સૂર્યસ્ય રશ્મયઃ ।
આપઃ સમુદ્રિયા ધારાસ્તાસ્શલ્યમસિસ્રસન્

7.108
યો ન સ્તાયદ્દિપ્સતિ યો ન આવિઃ સ્વો વિદ્વાન્ અરણો વા નો અગ્ને ।
પ્રતીચ્યેત્વરણી દત્વતી તાન્ મૈષામગ્ને વાસ્તુ ભૂન્ મો અપત્યમ્

યો નઃ સુપ્તાન્ જાગ્રતો વાભિદાસાત્તિષ્ઠતો વા ચરતો જાતવેદઃ ।
વૈનરેણ સયુજા સજોષાસ્તાન્ પ્રતીચો નિર્દહ જાતવેદઃ

7.109
ઇદમુગ્રાય બભ્રવે નમો યો અક્ષેષુ તનૂવશી ।
ઘૃતેન કલિં શિક્ષામિ સ નો મૃડાતીદૃશે

ઘૃતમપ્સરાભ્યો વહ ત્વમગ્ને પાંસૂન્ અક્ષેભ્યઃ સિકતા અપશ્ચ ।
યથાભાગં હવ્યદાતિં જુષાણા મદન્તિ દેવા ઉભયાનિ હવ્યા

અપ્સરસઃ સધમાદં મદન્તિ હવિર્ધાનમન્તરા સૂર્યં ચ ।
તા મે હસ્તૌ સં સૃજન્તુ ઘૃતેન સપત્નં મે કિતવં રન્ધયન્તુ

આદિનવં પ્રતિદીવ્ને ઘૃતેનાસ્મામભિ ક્ષર ।
વૃક્ષમિવાશન્યા જહિ યો અસ્માન્ પ્રતિદીવ્યતિ

યો નો દ્યુવે ધનમિદં ચકાર યો અક્ષાણાં ગ્લહનં શેષણં ચ ।
સ નો દેવો હવિરિદં જુષાણો ગન્ધર્વેભિઃ સધમાદં મદેમ

સંવસવ ઇતિ વો નામધેયમુગ્રંપશ્યા રાષ્ટ્રભૃતો હ્યક્ષાઃ ।
તેભ્યો વ ઇન્દવો હવિષા વિધેમ વયં સ્યામ પતયો રયીણામ્

દેવાન્ યન્ નાથિતો હુવે બ્રહ્મચર્યં યદૂષિમ ।
અક્ષાન્ યદ્બભ્રૂન્ આલભે તે નો મૃડન્ત્વીદૃશે

7.110
અગ્ન ઇન્દ્રશ્ચ દાશુષે હતો વૃત્રાણ્યપ્રતિ ।
ઉભા હિ વૃત્રહન્તમા

યાભ્યામજયન્ત્સ્વરગ્ર એવ યાવાતસ્થતુર્ભુવનાનિ વિશ્વા ।
પ્ર ચર્ષણીવૃષણા વજ્રબાહૂ અગ્નિમિન્દ્રં વૃત્રહણા હુવેઽહમ્

ઉપ ત્વા દેવો અગ્રમીચ્ચમસેન બૃહસ્પતિઃ ।
ઇન્દ્ર ગીર્ભિર્ન આ વિશ યજમાનાય સુન્વતે

7.111
ઇન્દ્રસ્ય કુક્ષિરસિ સોમધાન આત્મા દેવાનામુત માનુષાણામ્ ।
ઇહ પ્રજા જનય યાસ્ત આસુ યા અન્યત્રેહ તાસ્તે રમન્તામ્

7.112
શુમ્ભની દ્યાવાપૃથિવી અન્તિસુમ્ને મહિવ્રતે ।
આપઃ સપ્ત સુસ્રુવુર્દેવીસ્તા નો મુઞ્ચન્ત્વંહસઃ

મુઞ્ચન્તુ મા શપથ્યાદથો વરુણ્યાદુત ।
અથો યમસ્ય પડ્વીશાદ્વિશ્વસ્માદ્દેવકિલ્બિષાત્

7.113
તૃષ્ટિકે તૃષ્ટવન્દન ઉદમૂં છિન્ધિ તૃષ્ટિકે ।
યથા કૃતદ્વિષ્ટાસોઽમુષ્મૈ શેપ્યાવતે

તૃષ્ટાસિ તૃષ્ટિકા વિષા વિષાતક્યસિ ।
પરિવૃક્તા યથાસસ્યૃષભસ્ય વશેવ

7.114
આ તે દદે વક્ષણાભ્ય આ તેઽહં હૃદયાદ્દદે ।
આ તે મુખસ્ય સઙ્કાશાત્સર્વં તે વર્ચ આ દદે

પ્રેતો યન્તુ વ્યાધ્યઃ પ્રાનુધ્યાઃ પ્રો અશસ્તયઃ ।
અગ્ની રક્ષસ્વિનીર્હન્તુ સોમો હન્તુ દુરસ્યતીઃ

7.115
પ્ર પતેતઃ પાપિ લક્ષ્મિ નશ્યેતઃ પ્રામુતઃ પત ।
અયસ્મયેનાઙ્કેન દ્વિષતે ત્વા સજામસિ

યા મા લક્ષ્મીઃ પતયાલૂરજુષ્ટાભિચસ્કન્દ વન્દનેવ વૃક્ષમ્ ।
અન્યત્રાસ્મત્સવિતસ્તામિતો ધા હિરણ્યહસ્તો વસુ નો રરાણઃ

એકશતં લક્ષ્મ્યો મર્ત્યસ્ય સાકં તન્વા જનુષોઽધિ જાતાઃ ।
તાસાં પાપિષ્ઠા નિરિતઃ પ્ર હિણ્મઃ શિવા અસ્મભ્યં જાતવેદો નિયચ્છ

એતા એના વ્યાકરં ખિલે ગા વિષ્ઠિતા ઇવ ।
રમન્તાં પુણ્યા લક્ષ્મીર્યાઃ પાપીસ્તા અનીનશમ્

7.116
નમો રૂરાય ચ્યવનાય નોદનાય ધૃષ્ણવે ।
નમઃ શીતાય પૂર્વકામકૃત્વને

યો અન્યેદ્યુરુભયદ્યુરભ્યેતીમં મણ્ડૂકમ્ ।
અભ્યેત્વવ્રતઃ

7.117
આ મન્દ્રૈરિન્દ્ર હરિભિર્યાહિ મયૂરરોમભિઃ ।
મા ત્વા કે ચિદ્વિ યમન્ વિં ન પાશિનોઽતિ ધન્વેવ તામિહિ

7.118
મર્માણિ તે વર્મણા છાદયામિ સોમસ્ત્વા રાજામૃતેનાનુ વસ્તામ્ ।
ઉરોર્વરીયો વરુણસ્તે કૃણોતુ જયન્તં ત્વાનુ દેવા મદન્તુ