અથર્વવેદ · અધ્યાય 6.139

ન્યસ્તિકા રુરોહિથ સુભગંકરણી મમ ।
શતં તવ પ્રતાનાસ્ત્રયસ્ત્રિંશન્ નિતાનાઃ ॥
તયા સહસ્રપર્ણ્યા હૃદયં શોષયામિ તે

શુષ્યતુ મયિ તે હૃદયમથો શુષ્યત્વાસ્યમ્ ।
અથો નિ શુષ્ય માં કામેનાથો શુષ્કાસ્યા ચર

સંવનની સમુષ્પલા બભ્રુ કલ્યાણિ સં નુદ ।
અમૂં ચ માં ચ સં નુદ સમાનં હૃદયં કૃધિ

યથોદકમપપુષોઽપશુષ્યત્યાસ્યમ્ ।
એવા નિ શુષ્ય માં કામેનાથો શુષ્કાસ્યા ચર

યથા નકુલો વિછિદ્ય સંદધાત્યહિં પુનઃ ।
એવા કામસ્ય વિછિન્નં સં ધેહિ વીર્યાવતિ