અથર્વવેદ · અધ્યાય 4.36

તાન્ત્સત્યૌજાઃ પ્ર દહત્વગ્નિર્વૈશ્વાનરો વૃષા ।
યો નો દુરસ્યાદ્દિપ્સાચ્ચાથો યો નો અરાતિયાત્

યો નો દિપ્સાદદિપ્સતો દિપ્સતો યશ્ચ દિપ્સતિ ।
વૈશ્વાનરસ્ય દંષ્ટ્રયોરગ્નેરપિ દધામિ તમ્

ય આગરે મૃગયન્તે પ્રતિક્રોશેઽમાવાસ્યે ।
ક્રવ્યાદો અન્યાન્ દિપ્સતઃ સર્વાંસ્તાન્ત્સહસા સહે

સહે પિશાચાન્ત્સહસૈષાં દ્રવિણં દદે ।
સર્વાન્ દુરસ્યતો હન્મિ સં મ આકૂતિરૃધ્યતામ્

યે દેવાસ્તેન હાસન્તે સૂર્યેણ મિમતે જવમ્ ।
નદીષુ પર્વતેષુ યે સં તૈઃ પશુભિર્વિદે

તપનો અસ્મિ પિશાચાનાં વ્યાઘ્રો ગોમતામિવ ।
શ્વાનઃ સિંહમિવ દૃષ્ટ્વા તે ન વિન્દન્તે ન્યઞ્ચનમ્

ન પિશાચૈઃ સં શક્નોમિ ન સ્તેનૈઃ ન વનર્ગુભિઃ ।
પિશાચાસ્તસ્માન્ નશ્યન્તિ યમહં ગ્રામમાવિશે

યં ગ્રામમાવિશત ઇદમુગ્રં સહો મમ ।
પિશાચાસ્તસ્માન્ નશ્યન્તિ ન પાપમુપ જાનતે

યે મા ક્રોધયન્તિ લપિતા હસ્તિનં મશકા ઇવ ।
તાન્ અહં મન્યે દુર્હિતાન્ જને અલ્પશયૂન્ ઇવ

અભિ તં નિરૃતિર્ધત્તામશ્વમિવ અશ્વાભિધાન્યા ।
મલ્વો યો મહ્યં ક્રુધ્યતિ સ ઉ પાશાન્ ન મુચ્યતે