અથર્વવેદ · અધ્યાય 4.31

4.31
ત્વયા મન્યો સરથમારુજન્તો હર્ષમાણા હૃષિતાસો મરુત્વન્ ।
તિગ્મેષવ આયુધા સંશિશાના ઉપ પ્ર યન્તુ નરો અગ્નિરૂપાઃ

અગ્નિરિવ મન્યો ત્વિષિતઃ સહસ્વ સેનાનીર્નઃ સહુરે હૂત એધિ ।
હત્વાય શત્રૂન્ વિ ભજસ્વ વેદ ઓજો મિમાનો વિ મૃધો નુદસ્વ

સહસ્વ મન્યો અભિમાતિમસ્મૈ રુજન્ મૃણન્ પ્રમૃણન્ પ્રેહિ શત્રૂન્ ।
ઉગ્રં તે પાજો નન્વા રુરુધ્રે વશી વશં નયાસા એકજ ત્વમ્

એકો બહૂનામસિ મન્ય ઈડિતા વિશંવિશં યુદ્ધાય સં શિશાધિ ।
અકૃત્તરુક્ત્વયા યુજા વયં દ્યુમન્તં ઘોષં વિજયાય કૃણ્મસિ

વિજેષકૃદિન્દ્ર ઇવાનવબ્રવોઽસ્માકં મન્યો અધિપા ભવેહ ।
પ્રિયં તે નામ સહુરે ગૃણીમસિ વિદ્મા તમુત્સં યત આબભૂથ

આભૂત્યા સહજા વજ્ર સાયક સહો બિભર્ષિ સહભૂત ઉત્તરમ્ ।
ક્રત્વા નો મન્યો સહ મેદ્યેધિ મહાધનસ્ય પુરુહૂત સંસૃજિ

સંસૃષ્ટં ધનમુભયં સમાકૃતમસ્મભ્યં ધત્તાં વરુણશ્ચ મન્યુઃ ।
ભિયો દધાના હૃદયેષુ શત્રવઃ પરાજિતાસો અપ નિ લયન્તામ્