અથર્વવેદ · અધ્યાય 4.18

સમં જ્યોતિઃ સૂર્યેણાહ્ના રાત્રી સમાવતી ।
કૃણોમિ સત્યમૂતયેઽરસાઃ સન્તુ કૃત્વરીઃ

યો દેવાઃ કૃત્યાં કૃત્વા હરાદવિદુષો ગૃહમ્ ।
વત્સો ધારુરિવ માતરં તં પ્રત્યગુપ પદ્યતામ્

અમા કૃત્વા પાપ્માનં યસ્તેનાન્યં જિઘાંસતિ ।
અશ્માનસ્તસ્યાં દગ્ધાયાં બહુલાઃ ફટ્કરિક્રતિ

સહસ્રધામન્ વિશિખાન્ વિગ્રીવાં છાયયા ત્વમ્ ।
પ્રતિ સ્મ ચક્રુષે કૃત્યાં પ્રિયાં પ્રિયાવતે હર

અનયાહમોષધ્યા સર્વાઃ કૃત્યા અદૂદુષમ્ ।
યાં ક્ષેત્રે ચક્રુર્યાં ગોષુ યાં વા તે પુરુષેષુ

યશ્ચકાર ન શશાક કર્તું શશ્રે પાદમઙ્ગુરિમ્ ।
ચકાર ભદ્રમસ્મભ્યમાત્મને તપનં તુ સઃ

અપામાર્ગોઽપ માર્ષ્ટુ ક્ષેત્રિયં શપથશ્ચ યઃ ।
અપાહ યાતુધાનીરપ સર્વા અરાય્યઃ

અપમૃજ્ય યાતુધાનાન્ અપ સર્વા અરાય્યઃ ।
અપામાર્ગ ત્વયા વયં સર્વં તદપ મૃજ્મહે