અથર્વવેદ · અધ્યાય 3.30

સહૃદયં સાંમનસ્યમવિદ્વેષં કૃણોમિ વઃ ।
અન્યો અન્યમભિ હર્યત વત્સં જાતમિવાઘ્ન્યા

અનુવ્રતઃ પિતુઃ પુત્રો માત્રા ભવતુ સંમનાઃ ।
જાયા પત્યે મધુમતીં વાચં વદતુ શન્તિવામ્

મા ભ્રાતા ભ્રાતરં દ્વિક્ષન્ મા સ્વસારમુત સ્વસા ।
સમ્યઞ્ચઃ સવ્રતા ભૂત્વા વાચં વદત ભદ્રયા

યેન દેવા ન વિયન્તિ નો ચ વિદ્વિષતે મિથઃ ।
તત્કૃણ્મો બ્રહ્મ વો ગૃહે સંજ્ઞાનં પુરુષેભ્યઃ

જ્યાયસ્વન્તશ્ચિત્તિનો મા વિ યૌષ્ટ સંરાધયન્તઃ સધુરાશ્ચરન્તઃ ।
અન્યો અન્યસ્મૈ વલ્ગુ વદન્ત એત સધ્રીચીનાન્ વઃ સંમનસસ્ક્ર્ણોમિ

સમાની પ્રપા સહ વોઽન્નભાગઃ સમાને યોક્ત્રે સહ વો યુનજ્મિ ।
સમ્યઞ્ચોઽગ્નિં સપર્યતારા નાભિમિવાભિતઃ

સધ્રીચીનાન્ વઃ સંમનસસ્કૃણોમ્યેકશ્નુષ્ટીન્ત્સંવનનેન સર્વાન્ ।
દેવા ઇવામૃતં રક્ષમાણાઃ સાયંપ્રાતઃ સૌમનસો વો અસ્તુ