અથર્વવેદ · અધ્યાય 3.29

યદ્રાજાનો વિભજન્ત ઇષ્ટાપૂર્તસ્ય ષોડશં યમસ્યામી સભાસદઃ ।
અવિસ્તસ્માત્પ્ર મુઞ્ચતિ દત્તઃ શિતિપાત્સ્વધા

સર્વાન્ કામાન્ પૂરયત્યાભવન્ પ્રભવન્ ભવન્ ।
આકૂતિપ્રોઽવિર્દત્તઃ શિતિપાન્ન્ નોપ દસ્યતિ

યો દદાતિ શિતિપાદમવિં લોકેન સંમિતમ્ ।
સ નાકમભ્યારોહતિ યત્ર શુલ્કો ન ક્રિયતે અબલેન બલીયસે

પઞ્ચાપૂપં શિતિપાદમવિં લોકેન સંમિતમ્ ।
પ્રદાતોપ જીવતિ પિતૄણાં લોકેઽક્ષિતમ્

પઞ્ચાપૂપં શિતિપાદમવિં લોકેન સંમિતમ્ ।
પ્રદાતોપ જીવતિ સૂર્યામાસયોરક્ષિતમ્

ઇરેવ નોપ દસ્યતિ સમુદ્ર ઇવ પયો મહત્।
દેવૌ સવાસિનાવિવ શિતિપાન્ નોપ દસ્યતિ

ક ઇદં કસ્મા અદાત્કામઃ કામાયાદાત્।
કામો દાતા કામઃ પ્રતિગ્રહીતા કામઃ સમુદ્રમા વિવેશ ।
કામેન ત્વા પ્રતિ ગૃહ્ણામિ કામૈતત્તે

ભૂમિષ્ટ્વા પ્રતિ ગૃહ્ણાત્વન્તરિક્ષમિદં મહત્।
માહં પ્રાણેન માત્મના મા પ્રજયા પ્રતિગૃહ્ય વિ રાધિષિ