અથર્વવેદ · અધ્યાય 3.20

અયં તે યોનિરૃત્વિયો યતો જાતો અરોચથાઃ ।
તં જાનન્ન્ અગ્ન આ રોહાધા નો વર્ધય રયિમ્

અગ્ને અચ્છા વદેહ નઃ પ્રત્યઙ્નઃ સુમના ભવ ।
પ્ર ણો યચ્છ વિશાં પતે ધનદા અસિ નસ્ત્વમ્

પ્ર ણો યચ્છત્વર્યમા પ્ર ભગઃ પ્ર બૃહસ્પતિઃ ।
પ્ર દેવીઃ પ્રોત સૂનૃતા રયિં દેવી દધાતુ મે

સોમં રાજાનમવસેઽગ્નિં ગીર્ભિર્હવામહે ।
આદિત્યં વિષ્ણું સૂર્યં બ્રહ્માણં ચ બૃહસ્પતિમ્

ત્વં નો અગ્ને અગ્નિભિર્બ્રહ્મ યજ્ઞં વર્ધય ।
ત્વં નો દેવ દાતવે રયિં દાનાય ચોદય

ઇન્દ્રવાયૂ ઉભાવિહ સુહવેહ હવામહે ।
યથા નઃ સર્વ ઇજ્જનઃ સંગત્યાં સુમના અસદ્દાનકામશ્ચ નો ભુવત્

અર્યમણં બૃહસ્પતિમિન્દ્રં દાનાય ચોદય ।
વાતં વિષ્ણું સરસ્વતીં સવિતારં ચ વાજિનમ્

વાજસ્ય નુ પ્રસવે સં બભૂવિમેમા ચ વિશ્વા ભુવનાનિ અન્તઃ ।
ઉતાદિત્સન્તં દાપયતુ પ્રજાનન્ રયિં ચ નઃ સર્વવીરં નિ યચ્છ

દુહ્રાં મે પઞ્ચ પ્રદિશો દુહ્રામુર્વીર્યથાબલમ્ ।
પ્રાપેયં સર્વા આકૂતીર્મનસા હૃદયેન ચ

ગોસનિં વાચમુદેયં વર્ચસા માભ્યુદિહિ ।
આ રુન્ધાં સર્વતો વાયુસ્ત્વષ્ટા પોષં દધાતુ મે