અથર્વવેદ · અધ્યાય 3.2

અગ્નિર્નો દૂતઃ પ્રત્યેતુ વિદ્વાન્ પ્રતિદહન્ન્ અભિશસ્તિમરાતિમ્ ।
સ ચિત્તાનિ મોહયતુ પરેષાં નિર્હસ્તાંશ્ચ કૃણવજ્જાતવેદાઃ

અયમગ્નિરમૂમુહદ્યાનિ ચિત્તાનિ વો હૃદિ ।
વિ વો ધમત્વોકસઃ પ્ર વો ધમતુ સર્વતઃ

ઇન્દ્ર ચિત્તાનિ મોહયન્ન્ અર્વાઙાકૂત્યા ચર ।
અગ્નેર્વાતસ્ય ધ્રાજ્યા તાન્ વિષૂચો વિ નાશય

વ્યાકૂતય એષામિતાથો ચિત્તાનિ મુહ્યત ।
અથો યદદ્યૈષાં હૃદિ તદેષાં પરિ નિર્જહિ

અમીષાં ચિત્તાનિ પ્રતિમોહયન્તી ગૃહાણાઙ્ગાન્યપ્વે પરેહિ ।
અભિ પ્રેહિ નિર્દહ હૃત્સુ શોકૈર્ગ્રાહ્યામિત્રાંસ્તમસા વિધ્ય શત્રૂન્

અસૌ યા સેના મરુતઃ પરેષામસ્માન્ ઐત્યભ્યોજસા સ્પર્ધમાના ।
તાં વિધ્યત તમસાપવ્રતેન યથૈષામન્યો અન્યં ન જાનાત્