ગ્રંથ પાઠ
અથર્વવેદ · અધ્યાય 3.18
3.18.1
ઇમાં ખનામ્યોષધિં વીરુધાં બલવત્તમામ્ ।
યયા સપત્નીં બાધતે યયા સંવિન્દતે પતિમ્
3.18.2
ઉત્તાનપર્ણે સુભગે દેવજૂતે સહસ્વતિ ।
સપત્નીં મે પરા ણુદ પતિં મે કેવલં કૃધિ
3.18.3
નહિ તે નામ જગ્રાહ નો અસ્મિન્ રમસે પતૌ ।
પરામેવ પરાવતં સપત્નીં ગમયામસિ
3.18.4
ઉત્તરાહમુત્તર ઉત્તરેદુત્તરાભ્યઃ ।
અધઃ સપત્ની યા મમાધરા સાધરાભ્યઃ
3.18.5
અહમસ્મિ સહમાનાથો ત્વમસિ સાસહિઃ ।
ઉભે સહસ્વતી ભૂત્વા સપત્નીં મે સહાવહૈ
3.18.6
અભિ તેઽધાં સહમાનામુપ તેઽધાં સહીયસીમ્ ।
મામનુ પ્ર તે મનો વત્સં ગૌરિવ ધાવતુ પથા વારિવ ધાવતુ
મૂળ પાઠ: atharvavedaḥ · Sanskrit Wikisource contributors · Sanskrit Wikisource · CC BY-SA 4.0