અથર્વવેદ · અધ્યાય 3.14

સં વો ગોષ્ઠેન સુષદા સં રય્યા સં સુભૂત્યા ।
અહર્જાતસ્ય યન્ નામ તેના વઃ સં સૃજામસિ

સં વઃ સૃજત્વર્યમા સં પૂષા સં બૃહસ્પતિઃ ।
સમિન્દ્રો યો ધનંજયો મયિ પુષ્યત યદ્વસુ

સંજગ્માના અબિભ્યુષીરસ્મિન્ ગોષ્ઠે કરીષિણીઃ ।
બિભ્રતીઃ સોમ્યં મધ્વનમીવા ઉપેતન

ઇહૈવ ગાવ એતનેહો શકેવ પુષ્યત ।
ઇહૈવોત પ્ર જાયધ્વં મયિ સંજ્ઞાનમસ્તુ વઃ

શિવો વો ગોષ્ઠો ભવતુ શારિશાકેવ પુષ્યત ।
ઇહૈવોત પ્ર જાયધ્વં મયા વઃ સં સૃજામસિ

મયા ગાવો ગોપતિના સચધ્વમયં વો ગોષ્ઠ ઇહ પોષયિષ્ણુઃ ।
રાયસ્પોષેણ બહુલા ભવન્તીર્જીવા જીવન્તીરુપ વઃ સદેમ