અથર્વવેદ · અધ્યાય 3.11

મુઞ્ચામિ ત્વા હવિષા જીવનાય કમજ્ઞાતયક્ષ્માદુત રાજયક્ષ્માત્।
ગ્રાહિર્જગ્રાહ યદ્યેતદેનં તસ્યા ઇન્દ્રાગ્ની પ્ર મુમુક્તમેનમ્

યદિ ક્ષિતાયુર્યદિ વા પરેતો યદિ મૃત્યોરન્તિકમેવ ।
તમા હરામિ નિરૃતેરુપસ્થાદસ્પાર્શમેનં શતશારદાય

સહસ્રાક્ષેણ શતવીર્યેણ શતાયુષા હવિષાહાર્ષમેનમ્ ।
ઇન્દ્રો યથૈનં શરદો નયાત્યતિ વિશ્વસ્ય દુરિતસ્ય પારમ્

શતં જીવ શરદો વર્ધમાનઃ શતં હેમન્તાન્ છતમુ વસન્તાન્ ।
શતં તે ઇન્દ્રો અગ્નિઃ સવિતા બૃહસ્પતિઃ શતાયુષા હવિષાહાર્ષમેનમ્

પ્ર વિશતં પ્રાણાપાનાવનડ્વાહાવિવ વ્રજમ્ ।
વ્યન્યે યન્તુ મૃત્યવો યાન્ આહુરિતરાન્ છતમ્

ઇહૈવ સ્તં પ્રાણાપાનૌ માપ ગાતમિતો યુવમ્ ।
શરીરમસ્યાઙ્ગાનિ જરસે વહતં પુનઃ

જરાયૈ ત્વા પરિ દદામિ જરાયૈ નિ ધુવામિ ત્વા ।
જરા ત્વા ભદ્રા નેષ્ટ વ્યન્યે યન્તુ મૃત્યવો યાન્ આહુરિતરાન્ છતમ્

અભિ ત્વા જરિમાહિત ગામુક્ષણમિવ રજ્જ્વા ।
યસ્ત્વા મૃત્યુરભ્યધત્ત જાયમાનં સુપાશયા ।
તં તે સત્યસ્ય હસ્તાભ્યામુદમુઞ્ચદ્બૃહસ્પતિઃ