અથર્વવેદ · અધ્યાય 20.48

અભિ ત્વા વર્ચસા ગિરઃ સિઞ્ચન્ત્યા ચરણ્યુવઃ ।
અભિ વત્સં ન ધેનવઃ

તા અર્ષન્તિ શુભ્રિયઃ પૃઞ્ચતીર્વર્ચસા પયઃ ।
જાતં જનિર્યથા હૃદા

વજ્રાપવસાધ્યઃ કીર્તિર્મ્રિયમાણમાવહન્ ।
મહ્યમાયુર્ઘૃતં પયઃ

આયં ગૌઃ પૃશ્નિરક્રમીદસદન્ માતરં પુરઃ ।
પિતરં ચ પ્રયન્ત્સ્વઃ

અન્તશ્ચરતિ રોચના અસ્ય પ્રાણાદપાનતઃ ।
વ્યખ્યન્ મહિષઃ સ્વઃ

ત્રિંશદ્ધામા વિ રાજતિ વાક્પતઙ્ગો અશિશ્રિયત્।
પ્રતિ વસ્તોરહર્દ્યુભિઃ