અથર્વવેદ · અધ્યાય 20.139

આ નૂનમશ્વિના યુવં વત્સસ્ય ગન્તમવસે ।
પ્રાસ્મૈ યચ્છતમવૃકં પૃથુ છર્દિર્યુયુતં યા અરાતયઃ

યદન્તરિક્ષે યદ્દિવિ યત્પઞ્ચ માનુષામનુ ।
નૃમ્નં તદ્ધત્તમશ્વિના

યે વાં દંસાંસ્યશ્વિના વિપ્રાસઃ પરિમામૃશુઃ ।
એવેત્કાણ્વસ્ય બોધતમ્

અયં વાં ઘર્મો અશ્વિના સ્તોમેન પરિ ષિચ્યતે ।
અયં સોમો મધુમાન્ વાજિનીવસૂ યેન વૃત્રં ચિકેતથઃ

યદપ્સુ યદ્વનસ્પતૌ યદોષધીષુ પુરુદંસસા કૃતમ્ ।
તેન માવિષ્ટમશ્વિના