અથર્વવેદ · અધ્યાય 20.124

કયા નશ્ચિત્ર આ ભુવદૂતી સદાવૃધઃ સખા ।
કયા શચિષ્ઠયા વૃતા

કસ્ત્વા સત્યો મદાનાં મંહિષ્ઠો મત્સદન્ધસઃ ।
દૃલ્હા ચિદારુજે વસુ

અભી ષુ નઃ સખીનામવિતા જરિતૄણામ્ ।
શતં ભવાસ્યૂતિભિઃ

ઇમા નુ કં ભુવના સીષધામેન્દ્રશ્ચ વિશ્વે ચ દેવાઃ ।
યજ્ઞં ચ નસ્તન્વં ચ પ્રજાં ચાદિત્યૈરિન્દ્રઃ સહ ચીકૢપાતિ

આદિત્યૈરિન્દ્રઃ સગણો મરુદ્ભિરસ્માકં ભૂત્વવિતા તનૂનામ્ ।
હત્વાય દેવા અસુરાન્ યદાયન્ દેવા દેવત્વમભિરક્ષમાણાઃ

પ્રત્યઞ્ચમર્કમનયં છચીભિરાદિત્સ્વધામિષિરાં પર્યપશ્યન્ ।
અયા વાજં દેવહિતં સનેમ મદેમ શતહિમાઃ સુવીરાઃ