અથર્વવેદ · અધ્યાય 20

સૂક્તમ્ ૧
સૂક્તમ્ ૨
સૂક્તમ્ ૩
સૂક્તમ્ ૪
સૂક્તમ્ ૫
સૂક્તમ્ ૬
સૂક્તમ્ ૭
સૂક્તમ્ ૮
સૂક્તમ્ ૯
સૂક્તમ્ ૧૦
સૂક્તમ્ ૧૧
સૂક્તમ્ ૧૨
સૂક્તમ્ ૧૩
સૂક્તમ્ ૧૪
સૂક્તમ્ ૧૫
સૂક્તમ્ ૧૬
સૂક્તમ્ ૧૭
સૂક્તમ્ ૧૮
સૂક્તમ્ ૧૯
સૂક્તમ્ ૨૦
સૂક્તમ્ ૨૧
સૂક્તમ્ ૨૨
સૂક્તમ્ ૨૩
સૂક્તમ્ ૨૪
સૂક્તમ્ ૨૫
સૂક્તમ્ ૨૬
સૂક્તમ્ ૨૭
સૂક્તમ્ ૨૮
સૂક્તમ્ ૨૯
સૂક્તમ્ ૩૦
સૂક્તમ્ ૩૧
સૂક્તમ્ ૩૨
સૂક્તમ્ ૩૩
સૂક્તમ્ ૩૪
સૂક્તમ્ ૩૫
સૂક્તમ્ ૩૬
સૂક્તમ્ ૩૭
સૂક્તમ્ ૩૮
સૂક્તમ્ ૩૯
સૂક્તમ્ ૪૦
સૂક્તમ્ ૪૧
સૂક્તમ્ ૪૨
સૂક્તમ્ ૪૩
સૂક્તમ્ ૪૪
સૂક્તમ્ ૪૫
સૂક્તમ્ ૪૬
સૂક્તમ્ ૪૭
સૂક્તમ્ ૪૮
સૂક્તમ્ ૪૯
સૂક્તમ્ ૫૦
સૂક્તમ્ ૫૧
સૂક્તમ્ ૫૨
સૂક્તમ્ ૫૩
સૂક્તમ્ ૫૪
સૂક્તમ્ ૫૫
સૂક્તમ્ ૫૬
સૂક્તમ્ ૫૭
સૂક્તમ્ ૫૮
સૂક્તમ્ ૫૯
સૂક્તમ્ ૬૦
સૂક્તમ્ ૬૧
સૂક્તમ્ ૬૨
સૂક્તમ્ ૬૩
સૂક્તમ્ ૬૪
સૂક્તમ્ ૬૫
સૂક્તમ્ ૬૬
સૂક્તમ્ ૬૭
સૂક્તમ્ ૬૮
સૂક્તમ્ ૬૯
સૂક્તમ્ ૭૦
સૂક્તમ્ ૭૧
સૂક્તમ્ ૭૨
સૂક્તમ્ ૭૩
સૂક્તમ્ ૭૪
સૂક્તમ્ ૭૫
સૂક્તમ્ ૭૬
સૂક્તમ્ ૭૭
સૂક્તમ્ ૭૮
સૂક્તમ્ ૭૯
સૂક્તમ્ ૮૦
સૂક્તમ્ ૮૧
સૂક્તમ્ ૮૨
સૂક્તમ્ ૮૩
સૂક્તમ્ ૮૪
સૂક્તમ્ ૮૫
સૂક્તમ્ ૮૬
સૂક્તમ્ ૮૭
સૂક્તમ્ ૮૮
સૂક્તમ્ ૮૯
સૂક્તમ્ ૯૦
સૂક્તમ્ ૯૧
સૂક્તમ્ ૯૨
સૂક્તમ્ ૯૩
સૂક્તમ્ ૯૪
સૂક્તમ્ ૯૫
સૂક્તમ્ ૯૬
સૂક્તમ્ ૯૭
સૂક્તમ્ ૯૮
સૂક્તમ્ ૯૯
સૂક્તમ્ ૧૦૦
સૂક્તમ્ ૧૦૧
સૂક્તમ્ ૧૦૨
સૂક્તમ્ ૧૦૩
સૂક્તમ્ ૧૦૪
સૂક્તમ્ ૧૦૫
સૂક્તમ્ ૧૦૬
સૂક્તમ્ ૧૦૭
સૂક્તમ્ ૧૦૮
સૂક્તમ્ ૧૦૯
સૂક્તમ્ ૧૧૦
સૂક્તમ્ ૧૧૧
સૂક્તમ્ ૧૧૨
સૂક્તમ્ ૧૧૩
સૂક્તમ્ ૧૧૪
સૂક્તમ્ ૧૧૫
સૂક્તમ્ ૧૧૬
સૂક્તમ્ ૧૧૭
સૂક્તમ્ ૧૧૮
સૂક્તમ્ ૧૧૯
સૂક્તમ્ ૧૨૦
સૂક્તમ્ ૧૨૧
સૂક્તમ્ ૧૨૨
સૂક્તમ્ ૧૨૩
સૂક્તમ્ ૧૨૪
સૂક્તમ્ ૧૨૫
સૂક્તમ્ ૧૨૬
સૂક્તમ્ ૧૨૭
સૂક્તમ્ ૧૨૮
સૂક્તમ્ ૧૨૯
સૂક્તમ્ ૧૩૦
સૂક્તમ્ ૧૩૧
સૂક્તમ્ ૧૩૨
સૂક્તમ્ ૧૩૩
સૂક્તમ્ ૧૩૪
સૂક્તમ્ ૧૩૫
સૂક્તમ્ ૧૩૬
સૂક્તમ્ ૧૩૭
સૂક્તમ્ ૧૩૮
સૂક્તમ્ ૧૩૯
સૂક્તમ્ ૧૪૦
સૂક્તમ્ ૧૪૧
સૂક્તમ્ ૧૪૨
સૂક્તમ્ ૧૪૩
20.1
ઇન્દ્ર ત્વા વૃષભં વયં સુતે સોમે હવામહે ।
સ પાહિ મધ્વો અન્ધસઃ

મરુતો યસ્ય હિ ક્ષયે પાથા દિવો વિમહસઃ ।
સ સુગોપાતમો જનઃ

ઉક્ષાન્નાય વશાન્નાય સોમપૃષ્ઠાય વેધસે ।
સ્તોમૈર્વિધેમાગ્નયે

20.2
મરુતઃ પોત્રાત્સુષ્ટુભઃ સ્વર્કાદૃતુના સોમં પિબન્તુ

અગ્નિરાગ્નીધ્રાત્સુષ્ટુભઃ સ્વર્કાદૃતુના સોમં પિબતુ

ઇન્દ્રો બ્રહ્મા બ્રાહ્મણાત્સુષ્ટુભઃ સ્વર્કાદૃતુના સોમં પિબતુ

દેવો દ્રવિણોદાઃ પોત્રાત્સુષ્ટુભઃ સ્વર્કાદૃતુના સોમં પિબતુ

20.3
આ યાહિ સુષુમા હિ ત ઇન્દ્ર સોમં પિબા ઇમમ્ ।
એદં બર્હિઃ સદો મમ

આ ત્વા બ્રહ્મયુજા હરી વહતામિન્દ્ર કેશિના ।
ઉપ બ્રહ્માણિ નઃ શૃણુ

બ્રહ્માણસ્ત્વા વયં યુજા સોમપામિન્દ્ર સોમિનઃ ।
સુતાવન્તો હવામહે

20.4
આ નો યાહિ સુતાવતોઽસ્માકં સુષ્ટુતીરુપ ।
પિબા સુ શિપ્રિન્ન્ અન્ધસઃ

આ તે સિઞ્ચામિ કુક્ષ્યોરનુ ગાત્રા વિ ધાવતુ ।
ગૃભાય જિહ્વયા મધુ

સ્વાદુષ્ટે અસ્તુ સંસુદે મધુમાન્ તન્વે તવ ।
સોમઃ શમસ્તુ તે હૃદે

20.5
અયમુ ત્વા વિચર્ષણે જનીરિવાભિ સંવૃતઃ ।
પ્ર સોમ ઇન્દ્ર સર્પતુ

તુવિગ્રીવો વપોદરઃ સુબાહુરન્ધસો સદે ।
ઇન્દ્રો વૃત્રાણિ જિઘ્નતે

ઇન્દ્ર પ્રેહિ પુરસ્ત્વં વિશ્વસ્યેશાન ઓજસા ।
વૃત્રાણિ વૃત્રહં જહિ

દીર્ઘસ્તે અસ્ત્વઙ્કુશો યેના વસુ પ્રયચ્છસિ ।
યજમાનાય સુન્વતે

અયં ત ઇન્દ્ર સોમો નિપૂતો અધિ બર્હિષિ ।
એહીમસ્ય દ્રવા પિબ

શાચિગો શાચિપૂજનાયં રણાય તે સુતઃ ।
આખણ્ડલ પ્ર હૂયસે

યસ્તે શૃઙ્ગવૃષો નપાત્પ્રણપાત્કુણ્ડપાય્યઃ ।
ન્યસ્મિન્ દધ્ર આ મનઃ

20.6
ઇન્દ્ર ત્વા વૃષભં વયં સુતે સોમે હવામહે ।
સ પાહિ મધ્વો અન્ધસઃ

ઇન્દ્ર ક્રતુવિદં સુતં સોમં હર્ય પુરુષ્ટુત ।
પિબા વૃષસ્વ તાતૃપિમ્

ઇન્દ્ર પ્ર ણો ધિતાવાનં યજ્ઞં વિશ્વેભિર્દેવેભિર્।
તિર સ્તવાન વિશ્પતે

ઇન્દ્ર સોમાઃ સુતા ઇમે તવ પ્ર યન્તિ સત્પતે ।
ક્ષયં ચન્દ્રાસ ઇન્દવઃ

દધિષ્વા જઠરે સુતં સોમમિન્દ્ર વરેણ્યમ્ ।
તવ દ્યુક્ષાસ ઇન્દવઃ

ગિર્વણઃ પાહિ નઃ સુતં મધોર્ધારાભિરજ્યસે ।
ઇન્દ્ર ત્વાદાતમિદ્યશઃ

અભિ દ્યુમ્નાનિ વનિન ઇન્દ્રં સચન્તે અક્ષિતા ।
પીત્વી સોમસ્ય વાવૃધે

અર્વાવતો ન આ ગહિ પરાવતશ્ચ વૃત્રહન્ ।
ઇમા જુષસ્વ નો ગિરઃ

યદન્તરા પરાવતમર્વાવતં ચ હૂયસે ।
ઇન્દ્રેહ તત આ ગહિ

20.7
ઉદ્ઘેદભિ શ્રુતામઘં વૃષભં નર્યાપસમ્ ।
અસ્તારમેષિ સૂર્ય

નવ યો નવતિં પુરો બિભેદ બાહ્વોજસા ।
અહિં ચ વૃત્રહાવધીત્

સ ન ઇન્દ્રઃ શિવઃ સખાશ્વાવદ્ગોમદ્યવમત્।
ઉરુધારેવ દોહતે

ઇન્દ્ર ક્રતુવિદં સુતં સોમં હર્ય પુરુષ્ટુત ।
પિબા વૃષસ્વ તાતૃપિમ્

20.8
એવા પાહિ પ્રત્નથા મન્દતુ ત્વા શ્રુધિ બ્રહ્મ વાવૃધસ્વોત ગીર્ભિઃ ।
આવિઃ સૂર્યં કૃણુહિ પીપિહીષો જહિ શત્રૂંરભિ ગા ઇન્દ્ર તૃન્ધિ

અર્વાઙેહિ સોમકામં ત્વાહુરયં સુતસ્તસ્ય પિબા મદાય ।
ઉરુવ્યચા જઠર આ વૃષસ્વ પિતેવ નઃ શૃણુહિ હૂયમાનઃ

આપૂર્ણો અસ્ય કલશઃ સ્વાહા સેક્તેવ કોશં સિષિચે પિબધ્યૈ ।
સમુ પ્રિયા આવવૃત્રન્ મદાય પ્રદક્ષિણિદભિ સોમાસ ઇન્દ્રમ્

20.9
તં વો દસ્મમૃતીષહં વસોર્મન્દાનમન્ધસઃ ।
અભિ વત્સં ન સ્વસરેષુ ધેનવ ઇન્દ્રં ગીર્ભિર્નવામહે

દ્યુક્ષં સુદાનું તવિષીભિરાવૃતં ગિરિં ન પુરુભોજસમ્ ।
ક્ષુમન્તં વાજં શતિનં સહસ્રિણં મક્ષૂ ગોમન્તમીમહે

તત્ત્વા યામિ સુવીર્યં તદ્બ્રહ્મ પૂર્વચિત્તયે ।
યેના યતિભ્યો ભૃગવે ધને હિતે યેન પ્રસ્કણ્વમાવિથ

યેના સમુદ્રમસૃજો મહીરપસ્તદિન્દ્ર વૃષ્ણિ તે શવઃ ।
સદ્યઃ સો અસ્ય મહિમા ન સંનશે યં ક્ષોણીરનુચક્રદે

20.10
ઉદુ તે મધુમત્તમા ગિર સ્તોમાસ ઈરતે ।
સત્રાજિતો ધનસા અક્ષિતોતયો વાજયન્તો રથા ઇવ

કણ્વા ઇવ ભૃગવઃ સૂર્યા ઇવ વિશ્વમિદ્ધીતમાનશુઃ ।
ઇન્દ્રં સ્તોમેભિર્મહયન્ત આયવઃ પ્રિયમેધાસો અસ્વરન્

20.11
ઇન્દ્રઃ પૂર્ભિદાતિરદ્દાસમર્કૈર્વિદદ્વસુર્દયમાનો વિ શત્રૂન્ ।
બ્રહ્મજૂતસ્તન્વા વાવૃધાનો ભૂરિદાત્ર આપૃણદ્રોદસી ઉભે

મખસ્ય તે તવિષસ્ય પ્ર જૂતિમિયર્મિ વાચમમૃતાય ભૂષન્ ।
ઇન્દ્ર ક્ષિતીનામસિ માનુષીણાં વિશાં દૈવીનામુત પૂર્વયાવા

ઇન્દ્રો વૃત્રમવૃણોચ્છર્ધનીતિઃ પ્ર માયિનામમિનાદ્વર્પણીતિઃ ।
અહન્ વ્યંસમુશધગ્વનેષ્વાવિર્ધેના અકૃણોદ્રામ્યાણામ્

ઇન્દ્રઃ સ્વર્ષા જનયન્ન્ અહાનિ જિગાયોશિગ્ભિઃ પૃતના અભિષ્ટિઃ ।
પ્રારોચયન્ મનવે કેતુમહ્નામવિન્દજ્જ્યોતિર્બૃહતે રણાય

ઇન્દ્રસ્તુજો બર્હણા આ વિવેશ નૃવદ્દધાનો નર્યા પુરૂણિ ।
અચેતયદ્ધિય ઇમા જરિત્રે પ્રેમં વર્ણમતિરચ્છુક્રમાસામ્

મહો મહાનિ પનયન્ત્યસ્યેન્દ્રસ્ય કર્મ સુકૃતા પુરૂણિ ।
વૃજનેન વૃજિનાન્ત્સં પિપેષ માયાભિર્દસ્યૂંરભિભૂત્યોજાઃ

યુધેન્દ્રો મહ્ના વરિવશ્ચકાર દેવેભ્યઃ સત્પતિશ્ચર્ષણિપ્રાઃ ।
વિવસ્વતઃ સદને અસ્ય તાનિ વિપ્રા ઉક્થેભિઃ કવયો ગૃણન્તિ

સત્રાસાહં વરેણ્યં સહોદાં સસવાંસં સ્વરપશ્ચ દેવીઃ ।
સસાન યઃ પૃથિવીં દ્યામુતેમામિન્દ્રં મદન્ત્યનુ ધીરણાસઃ

સસાનાત્યામુત સૂર્યં સસાનેન્દ્રઃ સસાન પુરુભોજસં ગામ્ ।
હિરણ્યયમુત ભોગં સસાન હત્વી દસ્યૂન્ પ્રાર્યં વર્ણમાવત્

ઇન્દ્ર ઓષધીરસનોદહાનિ વનસ્પતીંરસનોદન્તરિક્ષમ્ ।
બિભેદ બલં નુનુદે વિવાચોઽથાભવદ્દમિતાભિક્રતૂનામ્

શુનં હુવેમ મઘવાનમિન્દ્રમસ્મિન્ ભરે નૃતમં વાજસાતૌ ।
શૃણ્વન્તમુગ્રમૂતયે સમત્સુ ઘ્નન્તં વૃત્રાણિ સંજિતં ધનાનામ્

20.12
ઉદુ બ્રહ્માણ્યૈરત શ્રવસ્યેન્દ્રં સમર્યે મહયા વસિષ્ઠ ।
આ યો વિશ્વાનિ શવસા તતાનોપશ્રોતા મ ઈવતો વચાંસિ

અયામિ ઘોષ ઇન્દ્ર દેવજામિરિરજ્યન્ત યચ્છુરુધો વિવાચિ ।
નહિ સ્વમાયુશ્ચિકિતે જનેષુ તાનીદંહાંસ્યતિ પર્ષ્યસ્માન્

યુજે રથં ગવેષણં હરિભ્યામુપ બ્રહ્માણિ જુજુષાણમસ્થુઃ ।
વિ બાધિષ્ટ સ્ય રોદસી મહિત્વેન્દ્રો વૃત્રાણ્યપ્રતી જઘન્વાન્

આપશ્ચિત્પિપ્યુ સ્તર્યો ન ગાવો નક્ષન્ન્ ઋતં જરિતારસ્ત ઇન્દ્ર ।
યાહિ વાયુર્ન નિયુતો નો અછા ત્વં હિ ધીભિર્દયસે વિ વાજાન્

તે ત્વા મદા ઇન્દ્ર માદયન્તુ શુષ્મિણં તુવિરાધસં જરિત્રે ।
એકો દેવત્રા દયસે હિ મર્તાન્ અસ્મિન્ છૂર સવને માદયસ્વ

એવેદિન્દ્રં વૃષણં વજ્રબાહું વસિષ્ઠાસો અભ્યર્ચન્ત્યર્કૈઃ ।
સ ન સ્તુતો વીરવદ્ધાતુ ગોમદ્યૂયં પાત સ્વસ્તિભિઃ સદા નઃ

ઋજીષી વજ્રી વૃષભસ્તુરાષાટ્છુષ્મી રાજા વૃત્રહા સોમપાવા ।
યુક્ત્વા હરિભ્યામુપ યાસદર્વાઙ્માધ્યંદિને સવને મત્સદિન્દ્રઃ

20.13
ઇન્દ્રશ્ચ સોમં પિબતં બૃહસ્પતેઽસ્મિન્ યજ્ઞે મન્દસાના વૃષણ્વસૂ ।
આ વાં વિશન્ત્વિન્દવઃ સ્વાભુવોઽસ્મે રયિં સર્વવીરં નિ યચ્છતમ્

આ વો વહન્તુ સપ્તયો રઘુષ્યદો રઘુપત્વાનઃ પ્ર જિગાત બાહુભિઃ ।
સીદતા બર્હિરુરુ વઃ સદસ્કૃતં માદયધ્વં મરુતો મધ્વો અન્ધસઃ

ઇમં સ્તોમમર્હતે જાતવેદસે રથમિવ સં મહેમા મનીષયા ।
ભદ્રા હિ નઃ પ્રમતિરસ્ય સંસદ્યગ્ને સખ્યે મા રિષામા વયં તવ

ઐભિરગ્ને સરથં યાહ્યર્વાઙ્નાનારથં વા વિભવો હ્યશ્વાઃ ।
પત્નીવતસ્ત્રિંશતં ત્રીંશ્ચ દેવાન્ અનુષ્વધમા વહ માદયસ્વ

20.14
વયમુ ત્વામપૂર્વ્ય સ્થૂરં ન કચ્ચિદ્ભરન્તોઽવસ્યવઃ ।
વાજે ચિત્રં હવામહે

ઉપ ત્વા કર્મન્ન્ ઊતયે સ નો યુવોગ્રશ્ચક્રામ યો ધૃષત્।
ત્વામિદ્ધ્યવિતારં વવૃમહે સખાય ઇન્દ્ર સાનસિમ્

યો ન ઇદમિદં પુરા પ્ર વસ્ય આનિનાય તમુ વ સ્તુષે ।
સખાય ઇન્દ્રમૂતયે

હર્યશ્વં સત્પતિં ચર્ષણીસહં સ હિ ષ્મા યો અમન્દત ।
આ તુ નઃ સ વયતિ ગવ્યમશ્વ્યં સ્તોતૃભ્યો મઘવા શતમ્

20.15
પ્ર મંહિષ્ઠાય બૃહતે બૃહદ્રયે સત્યશુષ્માય તવસે મતિં ભરે ।
અપામિવ પ્રવણે યસ્ય દુર્ધરં રાધો વિશ્વાયુ શવસે અપાવૃતમ્

અધ તે વિશ્વમનુ હાસદિષ્ટય આપો નિમ્નેવ સવના હવિષ્મતઃ ।
યત્પર્વતે ન સમશીત હર્યત ઇન્દ્રસ્ય વજ્રઃ શ્નથિતા હિરણ્યયઃ

અસ્મૈ ભીમાય નમસા સમધ્વર ઉષો ન શુભ્ર આ ભરા પનીયસે ।
યસ્ય ધામ શ્રવસે નામેન્દ્રિયં જ્યોતિરકારિ હરિતો નાયસે

ઇમે ત ઇન્દ્ર તે વયં પુરુષ્ટુત યે ત્વારભ્ય ચરામસિ પ્રભૂવસો ।
નહિ ત્વદન્યો ગિર્વણો ગિરઃ સધત્ક્ષોણીરિવ પ્રતિ નો હર્ય તદ્વચઃ

ભૂરિ ત ઇન્દ્ર વીર્યં તવ સ્મસ્યસ્ય સ્તોતુર્મઘવન્ કામમા પૃણ ।
અનુ તે દ્યૌર્બૃહતી વીર્યં મમ ઇયં ચ તે પૃથિવી નેમ ઓજસે

ત્વં તમિન્દ્ર પર્વતં મહામુરું વજ્રેણ વજ્રિન્ પર્વશશ્ચકર્તિથ ।
અવાસૃજો નિવૃતાઃ સર્તવા અપઃ સત્રા વિશ્વં દધિષે કેવલં સહઃ

20.16
ઉદપ્રુતો ન વયો રક્ષમાણા વાવદતો અભ્રિયસ્યેવ ઘોષાઃ ।
ગિરિભ્રજો નોર્મયો મદન્તો બૃહસ્પતિમભ્યર્કા અનાવન્

સં ગોભિરઙ્ગિરસો નક્ષમાણો ભગ ઇવેદર્યમણં નિનાય ।
જને મિત્રો ન દમ્પતી અનક્તિ બૃહસ્પતે વાજયાશૂંરિવાજૌ

સાધ્વર્યા અતિથિનીરિષિરા સ્પાર્હાઃ સુવર્ણા અનવદ્યરૂપાઃ ।
બૃહસ્પતિઃ પર્વતેભ્યો વિતૂર્યા નિર્ગા ઊપે યવમિવ સ્થિવિભ્યઃ

આપ્રુષાયન્ મધુના ઋતસ્ય યોનિમવક્ષિપન્ન્ અર્ક ઉલ્કામિવ દ્યોઃ ।
બૃહસ્પતિરુદ્ધરન્ન્ અશ્મનો ગા ભૂમ્યા ઉદ્નેવ વિ ત્વચં બિભેદ

અપ જ્યોતિષા તમો અન્તરિક્ષદુદ્નઃ શીપાલમિવ વાત આજત્।
બૃહસ્પતિરનુમૃશ્યા વલસ્યાભ્રમિવ વાત આ ચક્ર આ ગાઃ

યદા વલસ્ય પીયતો જસું ભેદ્બૃહસ્પતિરગ્નિતપોભિરર્કૈઃ ।
દદ્ભિર્ન જિહ્વા પરિવિષ્ટમાદદાવિર્નિધીંરકૃણોદુસ્રિયાણામ્

બૃહસ્પતિરમત હિ ત્યદાસાં નામ સ્વરીણાં સદને ગુહા યત્।
આણ્ડેવ ભિત્વા શકુનસ્ય ગર્ભમુદુસ્રિયાઃ પર્વતસ્ય ત્મનાજત્

અશ્નાપિનદ્ધં મધુ પર્યપશ્યન્ મત્સ્યં ન દીન ઉદનિ ક્ષિયન્તમ્ ।
નિષ્ટજ્જભાર ચમસં ન વૃક્ષાદ્બૃહસ્પતિર્વિરવેણા વિકૃત્ય

સોષામવિન્દત્સ સ્વઃ સો અગ્નિં સો અર્કેણ વિ બબાધે તમાંસિ ।
બૃહસ્પતિર્ગોવપુષો વલસ્ય નિર્મજ્જાનં ન પર્વણો જભાર

હિમેવ પર્ણા મુષિતા વનાનિ બૃહસ્પતિનાકૃપયદ્વલો ગાઃ ।
અનાનુકૃત્યમપુનશ્ચકાર યાત્સૂર્યામાસા મિથ ઉચ્ચરાતઃ

અભિ શ્યાવં ન કૃશનેભિરશ્વં નક્ષત્રેભિઃ પિતરો દ્યામપિંશન્ ।
રાત્ર્યાં તમો અદધુર્જ્યોતિરહન્ બૃહસ્પતિર્ભિનદદ્રિં વિદદ્ગાઃ

ઇદમકર્મ નમો અભ્રિયાય યઃ પૂર્વીરન્વાનોનવીતિ ।
બૃહસ્પતિઃ સ હિ ગોભિઃ સો અશ્વૈઃ સ વીરેભિઃ સ નૃભિર્નો વયો ધાત્

20.17
અચ્છા મ ઇન્દ્રં મતયઃ સ્વર્વિદઃ સધ્રીચીર્વિશ્વા ઉશતીરનૂષત ।
પરિ ષ્વજન્તે જનયો યથા પતિં મર્યં ન શુન્ધ્યું મઘવાનમૂતયે

ન ઘા ત્વદ્રિગપ વેતિ મે મનસ્ત્વે ઇત્કામં પુરુહૂત શિશ્રય ।
રાજેવ દસ્મ નિ ષદોઽધિ બર્હિષ્યસ્મિન્ત્સુ સોમેઽવપાનમસ્તુ તે

વિષૂવૃદિન્દ્રો અમુતેરુત ક્ષુધઃ સ ઇદ્રાયો મઘવા વસ્વ ઈશતે ।
તસ્યેદિમે પ્રવણે સપ્ત સિન્ધવો વયો વર્ધન્તિ વૃષભસ્ય શુષ્મિણઃ

વયો ન વૃક્ષં સુપલાશમાસદન્ત્સોમાસ ઇન્દ્રં મન્દિનશ્ચમૂષદઃ ।
પ્રૈષામનીકં શવસા દવિદ્યુતદ્વિદત્સ્વર્મનવે જ્યોતિરાર્યમ્

કૃતં ન શ્વઘ્ની વિ ચિનોતિ દેવને સંવર્ગં યન્ મઘવા સૂર્યં જયત્।
ન તત્તે અન્યો અનુ વીર્યં શકન્ ન પુરાણો મઘવન્ નોત નૂતનઃ

વિશંવિશં મઘવા પર્યશાયત જનાનાં ધેના અવચાકશદ્વૃષા ।
યસ્યાહ શક્રઃ સવનેષુ રણ્યતિ સ તીવ્રૈઃ સોમૈઃ સહતે પૃતન્યતઃ

આપો ન સિન્ધુમભિ યત્સમક્ષરન્ત્સોમાસ ઇન્દ્રં કુલ્યા ઇવ હ્રદમ્ ।
વર્ધન્તિ વિપ્રા મહો અસ્ય સાદને યવં ન વૃષ્ટિર્દિવ્યેન દાનુના

વૃષા ન ક્રુદ્ધઃ પતયદ્રજઃસ્વા યો અર્યપત્નીરકૃણોદિમા અપઃ ।
સ સુન્વતે મઘવા જીરદાનવેઽવિન્દજ્જ્યોતિર્મનવે હવિષ્મતે

ઉજ્જાયતાં પરશુ જ્યોતિષા સહ ભૂયા ઋતસ્ય સુદુઘા પુરાણવત્।
વિ રોચતામરુષો ભાનુના શુચિઃ સ્વર્ન શુક્રં શુશુચીત સત્પતિઃ

ગોભિષ્ટરેમામતિં દુરેવાં યવેન ક્ષુધં પુરુહૂત વિશ્વામ્ ।
વયં રાજભિઃ પ્રથમા ધનાન્યસ્માકેન વૃજનેના જયેમ

બૃહસ્પતિર્નઃ પરિ પાતુ પશ્ચાદુતોત્તરસ્માદધરાદઘાયોઃ ।
ઇન્દ્રઃ પુરસ્તાદુત મધ્યતો નઃ સખા સખિભ્યઃ વરિવઃ કૃણોતુ

બૃહસ્પતે યુવમિન્દ્રશ્ચ વસ્વો દિવ્યસ્યેશાથે ઉત પાર્થિવસ્ય ।
ધત્તં રયિં સ્તુવતે કીરયે ચિદ્યૂયં પાત સ્વસ્તિભિઃ સદા નઃ

20.18
વયમુ ત્વા તદિતર્થા ઇન્દ્ર ત્વાયન્તઃ સખાયઃ ।
કણ્વા ઉક્થેભિર્જરન્તે

ન ઘેમન્યદા પપન વજ્રિન્ન્ અપસો નવિષ્ટૌ ।
તવેદુ સ્તોમં ચિકેત

ઇચ્છન્તિ દેવાઃ સુન્વન્તં ન સ્વપ્નાય સ્પૃહયન્તિ ।
યન્તિ પ્રમાદમતન્દ્રાઃ

વયમિન્દ્ર ત્વાયવોઽભિ પ્ર ણોનુમો વૃષન્ ।
વિદ્ધિ ત્વસ્ય નો વસો

મા નો નિદે ચ વક્તવેઽર્યો રન્ધીરરાવ્ને ।
ત્વે અપિ ક્રતુર્મમ

ત્વં વર્માસિ સપ્રથઃ પુરોયોધશ્ચ વૃત્રહન્ ।
ત્વયા પ્રતિ બ્રુવે યુજા

20.19
વાર્ત્રહત્યાય શવસે પૃતનાષાહ્યાય ચ ।
ઇન્દ્ર ત્વા વર્તયામસિ

અર્વાચીનં સુ તે મન ઉત ચક્ષુઃ શતક્રતો ।
ઇન્દ્ર કૃણ્વન્તુ વાઘતઃ

નામાનિ તે શતક્રતો વિશ્વાભિર્ગીર્ભિરીમહે ।
ઇન્દ્રાભિમાતિષાહ્યે

પુરુષ્ટુતસ્ય ધામભિઃ શતેન મહયામસિ ।
ઇન્દ્રસ્ય ચર્ષણીધૃતઃ

ઇન્દ્રં વૃત્રાય હન્તવે પુરુહૂતમુપ બ્રુવે ।
ભરેષુ વાજસાતયે

વાજેષુ સાસહિર્ભવ ત્વામીમહે શતક્રતો ।
ઇન્દ્ર વૃત્રાય હન્તવે

દ્યુમ્નેષુ પૃતનાજ્યે પૃત્સુતૂર્ષુ શ્રવઃસુ ચ ।
ઇન્દ્ર સાક્ષ્વાભિમાતિષુ

20.20
શુષ્મિન્તમં ન ઊતયે દ્યુમ્નિનં પાહિ જાગૃવિમ્ ।
ઇન્દ્ર સોમં શતક્રતો

ઇન્દ્રિયાણિ શતક્રતો યા તે જનેષુ પઞ્ચસુ ।
ઇન્દ્ર તાનિ ત આ વૃણે

અગન્ન્ ઇન્દ્ર શ્રવો બૃહદ્દ્યુમ્નં દધિષ્વ દુષ્ટરમ્ ।
ઉત્તે શુષ્મં તિરામસિ

અર્વાવતો ન આ ગહ્યથો શક્ર પરાવતઃ ।
ઉ લોકો યસ્તે અદ્રિવ ઇન્દ્રેહ તત આ ગહિ

ઇન્દ્રો અઙ્ગં મહદ્ભયમભિ ષદપ ચુચ્યવત્।
સ હિ સ્થિરો વિચર્ષણિઃ

ઇન્દ્રશ્ચ મૃલયાતિ નો ન નઃ પશ્ચાદઘં નશત્।
ભદ્રં ભવાતિ નઃ પુરઃ

ઇન્દ્ર આશાભ્યસ્પરિ સર્વાભ્યો અભયં કરત્।
જેતા શત્રૂન્ વિચર્ષણિઃ

20.21
ન્યૂ ષુ વાચં પ્ર મહે ભરામહે ગિર ઇન્દ્રાય સદને વિવસ્વતઃ ।
નૂ ચિદ્ધિ રત્નં સસતામિવાવિદન્ ન દુષ્ટુતિર્દ્રવિણોદેષુ શસ્યતે

દુરો અશ્વસ્ય દુર ઇન્દ્ર ગોરસિ દુરો યવસ્ય વસુન ઇનસ્પતિઃ ।
શિક્ષાનરઃ પ્રદિવો અકામકર્શનઃ સખા સખિભ્યસ્તમિદં ગૃણીમસિ

શચીવ ઇન્દ્ર પુરુકૃદ્દ્યુમત્તમ તવેદિદમભિતશ્ચેકિતે વસુ ।
અતઃ સંગૃભ્યાભિભૂત આ ભર મા ત્વાયતો જરિતુઃ કામમૂનયીઃ

એભિર્દ્યુભિર્સુમના એભિરિન્દુભિર્નિરુન્ધાનો અમતિં ગોભિરશ્વિના ।
ઇન્દ્રેણ દસ્યું દરયન્ત ઇન્દુભિર્યુતદ્વેષસઃ સમિષા રભેમહિ

સમિન્દ્ર રાયા સમિષા રભેમહિ સં વાજેભિઃ પુરુશ્ચન્દ્રૈરભિદ્યુભિઃ ।
સં દેવ્યા પ્રમત્યા વીરશુષ્મયા ગોઅગ્રયાશ્વાવત્યા રભેમહિ

તે ત્વા મદા અમદન્ તાનિ વૃષ્ણ્યા તે સોમાસો વૃત્રહત્યેષુ સત્પતે ।
યત્કારવે દશ વૃત્રાણ્યપ્રતિ બર્હિષ્મતે નિ સહસ્રાણિ બર્હયઃ

યુધા યુધમુપ ઘેદેષિ ધૃષ્ણુયા પુરા પુરં સમિદં હંસ્યોજસા ।
નમ્યા યદિન્દ્ર સખ્યા પરાવતિ નિબર્હયો નમુચિં નામ માયિનમ્

ત્વં કરઞ્જમુત પર્ણયં વધીસ્તેજિષ્ઠયાતિથિગ્વસ્ય વર્તની ।
ત્વં શતા વઙ્ગૃદસ્યાભિનત્પુરોઽનાનુદઃ પરિષૂતા ઋજિશ્વના

ત્વમેતાં જનરાજ્ઞો દ્વિર્દશાબન્ધુના સુશ્રવસોપજગ્મુષઃ ।
ષષ્ટિં સહસ્રા નવતિં નવ શ્રુતો નિ ચક્રેણ રથ્યા દુષ્પદાવૃણક્

ત્વમાવિથ સુશ્રવસં તવોતિભિસ્તવ ત્રામભિરિન્દ્ર તૂર્વયાણમ્ ।
ત્વમસ્મૈ કુત્સમતિથિગ્વમાયું મહે રાજ્ઞે યૂને અરન્ધનાયઃ

ય ઉદૃચીન્દ્ર દેવગોપાઃ સખાયસ્તે શિવતમા અસામ ।
ત્વાં સ્તોષામ ત્વયા સુવીરા દ્રાઘીય આયુઃ પ્રતરં દધાનાઃ

20.22
અભિ ત્વા વૃષભા સુતે સુતં સૃજામિ પીતયે ।
તૃમ્પા વ્યશ્નુહી મદમ્

મા ત્વા મૂરા અવિષ્યવો મોપહસ્વાન આ દભન્ ।
માકીં બ્રહ્મદ્વિષો વનઃ

ઇહ ત્વા ગોપરીણસા મહે મન્દન્તુ રાધસે ।
સરો ગૌરો યથા પિબ

અભિ પ્ર ગોપતિં ગિરેન્દ્રમર્ચ યથા વિદે ।
સૂનું સત્યસ્ય સત્પતિમ્

આ હરયઃ સસૃજ્રિરેઽરુષીરધિ બર્હિષિ ।
યત્રાભિ સંનવામહે

ઇન્દ્રાય ગાવ આશિરં દુદુહ્રે વજ્રિણે મધુ ।
યત્સીમુપહ્વરે વિદત્

20.23
આ તૂ ન ઇન્દ્ર મદ્ર્યગ્ઘુવાનઃ સોમપીતયે ।
હરિભ્યાં યાહ્યદ્રિવઃ

સત્તો હોતા ન ઋત્વિયસ્તિસ્તિરે બર્હિરાનુષક્।
અયુજ્રન્ પ્રાતરદ્રયઃ

ઇમા બ્રહ્મ બ્રહ્મવાહઃ ક્રિયન્ત આ બર્હિઃ સીદ ।
વીહિ શૂર પુરોલાશમ્

રારન્ધિ સવનેષુ ણ એષુ સ્તોમેષુ વૃત્રહન્ ।
ઉક્થેષ્વિન્દ્ર ગિર્વણઃ

મતયઃ સોમપામુરું રિહન્તિ શવસસ્પતિમ્ ।
ઇન્દ્રં વત્સં ન માતરઃ

સ મન્દસ્વા હ્યન્ધસો રાધસે તન્વા મહે ।
ન સ્તોતારં નિદે કરઃ

વયમિન્દ્ર ત્વાયવો હવિષ્મન્તો જરામહે ।
ઉત ત્વમસ્મયુર્વસો

મારે અસ્મદ્વિ મુમુચો હરિપ્રિયાર્વાઙ્યાહિ ।
ઇન્દ્ર સ્વધાવો મત્સ્વેહ

અર્વાઞ્ચં ત્વા સુખે રથે વહતામિન્દ્ર કેશિના ।
ઘૃતસ્નૂ બર્હિરાસદે

20.24
ઉપ નઃ સુતમા ગહિ સોમમિન્દ્ર ગવાશિરમ્ ।
હરિભ્યાં યસ્તે અસ્મયુઃ

તમિન્દ્ર મદમા ગહિ બર્હિષ્ઠાં ગ્રાવભિઃ સુતમ્ ।
કુવિન્ ન્વસ્ય તૃપ્ણવઃ

ઇન્દ્રમિત્થા ગિરો મમાછાગુરિષિતા ઇતઃ ।
આવૃતે સોમપીતયે

ઇન્દ્રં સોમસ્ય પીતયે સ્તોમૈરિહ હવામહે ।
ઉક્થેભિઃ કુવિદાગમત્

ઇન્દ્ર સોમાઃ સુતા ઇમે તાન્ દધિષ્વ શતક્રતો ।
જઠરે વાજિનીવસો

વિદ્મા હિ ત્વા ધનંજયં વાજેષુ દધૃષં કવે ।
અધા તે સુમ્નમીમહે

ઇમમિન્દ્ર ગવાશિરં યવાશિરં ચ નઃ પિબ ।
આગત્યા વૃષભિઃ સુતમ્

તુભ્યેદિન્દ્ર સ્વ ઓક્યે સોમં ચોદામિ પીતયે ।
એષ રારન્તુ તે હૃદિ

ત્વાં સુતસ્ય પીતયે પ્રત્નમિન્દ્ર હવામહે ।
કુશિકાસો અવસ્યવઃ

20.25
અશ્વાવતિ પ્રથમો ગોષુ ગચ્છતિ સુપ્રાવીરિન્દ્ર મર્ત્યસ્તવોતિભિઃ ।
તમિત્પૃણક્ષિ વસુના ભવીયસા સિન્ધુમાપો યથાભિતો વિચેતસઃ

આપો ન દેવીરુપ યન્તિ હોત્રિયમવઃ પશ્યન્તિ વિતતં યથા રજઃ ।
પ્રાચૈર્દેવાસઃ પ્ર ણયન્તિ દેવયું બ્રહ્મપ્રિયં જોષયન્તે વરા ઇવ

અધિ દ્વયોરદધા ઉક્થ્યં વચો યતસ્રુચા મિથુના યા સપર્યતઃ ।
અસંયત્તો વ્રતે તે ક્ષેતિ પુષ્યતિ ભદ્રા શક્તિર્યજમાનાય સુન્વતે

આદઙ્ગિરાઃ પ્રથમં દધિરે વય ઇદ્ધાગ્નયઃ શમ્યા યે સુકૃત્યયા ।
સર્વં પણેઃ સમવિન્દન્ત ભોજનમશ્વાવન્તં ગોમન્તમા પશું નરઃ

યજ્ઞૈરથર્વા પ્રથમઃ પથસ્તતે તતઃ સૂર્યો વ્રતપા વેન આજનિ ।
આ ગા આજદુશના કાવ્યઃ સચા યમસ્ય જાતમમૃતં યજામહે

બર્હિર્વા યત્સ્વપત્યાય વૃજ્યતેઽર્કો વા શ્લોકમાઘોષતે દિવિ ।
ગ્રાવા યત્ર વદતિ કરુરુક્થ્યસ્તસ્યેદિન્દ્રો અભિપિત્વેષુ રણ્યતિ

પ્રોગ્રાં પીતિં વૃષ્ણ ઇયર્મિ સત્યાં પ્રયૈ સુતસ્ય હર્યશ્વ તુભ્યમ્ ।
ઇન્દ્ર ધેનાભિરિહ માદયસ્વ ધીભિર્વિશ્વાભિઃ શચ્યા ગૃણાનઃ

20.26
યોગેયોગે તવસ્તરં વાજેવાજે હવામહે ।
સખાય ઇન્દ્રમૂતયે

આ ઘા ગમદ્યદિ શ્રવત્સહસ્રિણીભિરૂતિભિઃ ।
વાજેભિરુપ નો હવમ્

અનુ પ્રત્નસ્યૌકસો હુવે તુવિપ્રતિં નરમ્ ।
યં તે પૂર્વં પિતા હુવે

યુઞ્જન્તિ બ્રધ્નમરુષં ચરન્તં પરિ તસ્થુષઃ ।
રોચન્તે રોચના દિવિ

યુઞ્જન્તિ અસ્ય કામ્યા હરી વિપક્ષસા રથે ।
શોણા ધૃષ્ણૂ નૃવાહસા

કેતું કૃણ્વન્ન્ અકેતવે પેશો મર્યા અપેશસે ।
સમુષદ્ભિરજાયથાઃ

20.27
યદિન્દ્રાહં યથા ત્વમીશીય વસ્વ એક ઇત્।
સ્તોતા મે ગોષખા સ્યાત્

શિક્ષેયમસ્મૈ દિત્સેયં શચીપતે મનીષિણે ।
યદહં ગોપતિઃ સ્યામ્

ધેનુષ્ટ ઇન્દ્ર સૂનૃતા યજમાનાય સુન્વતે ।
ગામશ્વં પિપ્યુષી દુહે

ન તે વર્તાસ્તિ રાધસ ઇન્દ્ર દેવો ન મર્ત્યઃ ।
યદ્દિત્સસિ સ્તુતો મઘમ્

યજ્ઞ ઇન્દ્રમવર્ધયદ્યદ્ભૂમિં વ્યવર્તયત્।
ચક્રાણ ઓપશં દિવિ

વાવૃધાનસ્ય તે વયં વિશ્વા ધનાનિ જિગ્યુષઃ ।
ઊતિમિન્દ્રા વૃણીમહે

20.28
વ્યન્તરિક્ષમતિરન્ મદે સોમસ્ય રોચના ।
ઇન્દ્રો યદભિનદ્વલમ્

ઉદ્ગા આજદઙ્ગિરોભ્ય આવિષ્ક્ર્ણ્વન્ ગુહા સતીઃ ।
અર્વાઞ્ચં નુનુદે વલમ્

ઇન્દ્રેણ રોચના દિવો દૃલ્હાનિ દૃંહિતાનિ ચ ।
સ્થિરાણિ ન પરાણુદે

અપામૂર્મિર્મદન્ન્ ઇવ સ્તોમ ઇન્દ્રાજિરાયતે ।
વિ તે મદા અરાજિષુઃ

20.29
ત્વં હિ સ્તોમવર્ધન ઇન્દ્રાસ્યુક્થવર્ધનઃ ।
સ્તોતૄણામુત ભદ્રકૃત્

ઇન્દ્રમિત્કેશિના હરી સોમપેયાય વક્ષતઃ ।
ઉપ યજ્ઞં સુરાધસમ્

અપાં ફેનેન નમુચેઃ શિર ઇન્દ્રોદવર્તયઃ ।
વિશ્વા યદજય સ્પૃધઃ

માયાભિરુત્સિસૃપ્સત ઇન્દ્ર દ્યામારુરુક્ષતઃ ।
અવ દસ્યૂંરધૂનુથાઃ

અસુન્વામિન્દ્ર સંસદં વિષૂચીં વ્યનાશયઃ ।
સોમપા ઉત્તરો ભવન્

20.30
પ્ર તે મહે વિદથે શંસિષં હરી પ્ર તે વન્વે વનુષો હર્યતં મદમ્ ।
ઘૃતં ન યો હરિભિશ્ચારુ સેચત આ ત્વા વિશન્તુ હરિવર્પસં ગિરઃ

હરિં હિ યોનિમભિ યે સમસ્વરન્ હિન્વન્તો હરી દિવ્યં યથા સદઃ ।
આ યં પૃણન્તિ હરિભિર્ન ધેનવ ઇન્દ્રાય શૂશં હરિવન્તમર્ચત

સો અસ્ય વજ્રો હરિતો ય આયસો હરિર્નિકામો હરિરા ગભસ્ત્યોઃ ।
દ્યુમ્ની સુશિપ્રો હરિમન્યુસાયક ઇન્દ્રે નિ રૂપા હરિતા મિમિક્ષિરે

દિવિ ન કેતુરધિ ધાયિ હર્યતો વિવ્યચદ્વજ્રો હરિતો ન રંહ્યા ।
તુદદહિં હરિશિપ્રો ય આયસઃ સહસ્રશોકા અભવદ્ધરિમ્ભરઃ

ત્વંત્વમહર્યથા ઉપસ્તુતઃ પૂર્વેભિરિન્દ્ર હરિકેશ યજ્વભિઃ ।
ત્વં હર્યસિ તવ વિશ્વમુક્થ્યમસામિ રાધો હરિજાત હર્યતમ્

20.31
તા વજ્રિણં મન્દિનં સ્તોમ્યં મદ ઇન્દ્રં રથે વહતો હર્યતા હરી ।
પુરૂણ્યસ્મૈ સવનાનિ હર્યત ઇન્દ્રાય સોમા હરયો દધન્વિરે

અરં કામાય હરયો દધન્વિરે સ્થિરાય હિન્વન્ હરયો હરી તુરા ।
અર્વદ્ભિર્યો હરિભિર્જોષમીયતે સો અસ્ય કામં હરિવન્તમાનશે

હરિશ્મશારુર્હરિકેશ આયસસ્તુરસ્પેયે યો હરિપા અવર્ધત ।
અર્વદ્ભિર્યો હરિભિર્વાજિનીવસુરતિ વિશ્વા દુરિતા પારિષદ્ધરી

શ્રુવેવ યસ્ય હરિણી વિપેતતુઃ શિપ્રે વાજાય હરિણી દવિધ્વતઃ ।
પ્ર યત્કૃતે ચમસે મર્મૃજદ્ધરી પીત્વા મદસ્ય હર્યતસ્યાન્ધસઃ

ઉત સ્મ સદ્ન હર્યતસ્ય પસ્ત્યોરત્યો ન વાજં હરિવામચિક્રદત્।
મહી ચિદ્ધિ ધિષણાહર્યદોજસા બૃહદ્વયો દધિષે હર્યતસ્ચિદા

20.32
આ રોદસી હર્યમાણો મહિત્વા નવ્યંનવ્યં હર્યસિ મન્મ નુ પ્રિયમ્ ।
પ્ર પસ્ત્યમસુર હર્યતં ગોરાવિષ્કૃધિ હરયે સૂર્યાય

આ ત્વા હર્યન્તં પ્રયુજો જનાનાં રથે વહન્તુ હરિશિપ્રમિન્દ્ર ।
પિબા યથા પ્રતિભૃતસ્ય મધ્વો હર્યન્ યજ્ઞં સધમાદે દશોણિમ્

અપાઃ પૂર્વેષાં હરિવઃ સુતાનામથો ઇદં સવનં કેવલં તે ।
મમદ્ધિ સોમં મધુમન્તમિન્દ્ર સત્રા વૃષં જથર આ વૃષસ્વ

20.33
અપ્સુ ધૂતસ્ય હરિવઃ પિબેહ નૃભિઃ સુતસ્ય જઠરં પૃણસ્વ ।
મિમિક્ષુર્યમદ્રય ઇન્દ્ર તુભ્યં તેભિર્વર્ધસ્વ મદમુક્થવાહઃ

પ્રોગ્રાં પીતિં વૃષ્ણ ઇયર્મિ સત્યાં પ્રયૈ સુતસ્ય હર્યશ્વ તુભ્યમ્ ।
ઇન્દ્ર ધેનાભિરિહ માદયસ્વ ધીભિર્વિશ્વાભિઃ શચ્યા ગૃણાનઃ

ઊતી શચીવસ્તવ વીર્યેણ વયો દધાના ઉશિજ ઋતજ્ઞાઃ ।
પ્રજાવદિન્દ્ર મંસો દુરોણે તસ્થુર્ગૃણન્તઃ સધમાદ્યાસઃ

20.34
યો જાત એવ પ્રથમો મનસ્વાન્ દેવો દેવાન્ ક્રતુના પર્યમૂષત્।
યસ્ય શુષ્માદ્રોદસી અભ્યસેતાં નૃમ્ણસ્ય મહ્ના સ જનાસ ઇન્દ્રઃ

યઃ પૃથિવીં વ્યથમાનામદૃંહદ્યઃ પર્વતાન્ પ્રકુપિતામરમ્ણાત્।
યો અન્તરિક્ષં વિમમે વરીયો યો દ્યામસ્તભ્નાત્સ જનાસ ઇન્દ્રઃ

યો હત્વાહિમરિણાત્સપ્ત સિન્ધૂન્ યો ગા ઉદાજદપધા વલસ્ય ।
યો અશ્મનોરન્તરગ્નિં જજાન સંવૃક્સમત્સુ સ જનાસ ઇન્દ્રઃ

યેનેમા વિશ્વા ચ્યવના કૃતાનિ યો દાસં વર્ણમધરં ગુહાકઃ ।
શ્વઘ્નીવ યો જિગીવાં લક્ષમાદદર્યઃ પુષ્ટાનિ સ જનાસ ઇન્દ્રઃ

યં સ્મા પૃચ્છન્તિ કુહ સેતિ ઘોરમુતેમાહુર્નૈષો અસ્તીત્યેનમ્ ।
સો અર્યઃ પુષ્ટીર્વિજ ઇવા મિનાતિ શ્રદસ્મૈ ધત્ત સ જનાસ ઇન્દ્રઃ

યો રધ્રસ્ય ચોદિતા યઃ કૃશસ્ય યો બ્રહ્મણો નાધમાનસ્ય કીરેઃ ।
યુક્તગ્રાવ્ણો યોઽવિતા સુશિપ્રઃ સુતસોમસ્ય સ જનાસ ઇન્દ્રઃ

યસ્યાશ્વાસઃ પ્રદિશિ યસ્ય ગાવો યસ્ય ગ્રામા યસ્ય વિશ્વે રથાસઃ ।
યઃ સૂર્યં ય ઉષસં જજાન યો અપાં નેતા સ જનાસ ઇન્દ્રઃ

યં ક્રન્દસી સંયતી વિહ્વયેતે પરેઽવરે ઉભયા અમિત્રાઃ ।
સમાનં ચિદ્રથમાતસ્થિવાંસા નાના હવેતે સ જનાસ ઇન્દ્રઃ

યસ્માન્ ન ઋતે વિજયન્તે જનાસો યં યુધ્યમાના અવસે હવન્તે ।
યો વિશ્વસ્ય પ્રતિમાનં બભૂવ યો અચ્યુતચ્યુત્સ જનાસ ઇન્દ્રઃ

યઃ શસ્વતો મહ્યેનો દધાનાન્ અમન્યમાનાં છર્વા જઘાન ।
યઃ શર્ધતે નાનુદદાતિ શૃધ્યાં યો દસ્યોર્હન્તા સ જનાસ ઇન્દ્રઃ

યઃ શમ્ભરં પર્વતેષુ ક્ષિયન્તં ચત્વારિંશ્યાં શરદ્યન્વવિન્દત્।
ઓજાયમાનં યો અહિં જઘાન દાનું શયાનં સ જનાસ ઇન્દ્રઃ

યઃ શમ્ભરં પર્યતરત્કસીભિર્યોઽચારુકાસ્નાપિબત્સુતસ્ય ।
અન્તર્ગિરૌ યજમાનં બહું જનં યસ્મિન્ન્ આમૂર્છત્સ જનાસ ઇન્દ્રઃ

યઃ સપ્તરશ્મિર્વૃષભસ્તુવિષ્માન્ અવાસૃજત્સર્તવે સપ્ત સિન્ધૂન્ ।
યો રૌહિણમસ્ફુરદ્વજ્રબાહુર્દ્યામારોહન્તં સ જનાસ ઇન્દ્રઃ

દ્યાવા ચિદસ્મૈ પૃથિવી મમેતે શુષ્માચ્ચિદસ્ય પર્વતા ભયન્તે ।
યઃ સોમપા નિચિતો વજ્રબાહુર્યો વજ્રહસ્તઃ સ જનાસ ઇન્દ્રઃ

યઃ સુન્વન્તમવતિ યઃ પચન્તં યઃ શંસન્તં યઃ શશમાનમૂતી ।
યસ્ય બ્રહ્મ વર્ધનં યસ્ય સોમો યસ્યેદં રાધઃ સ જનાસ ઇન્દ્રઃ

જાતો વ્યખ્યત્પિત્રોરુપસ્થે ભુવો ન વેદ જનિતુઃ પરસ્ય ।
સ્તવિષ્યમાણો નો યો અસ્મદ્વ્રતા દેવાનાં સ જનાસ ઇન્દ્રઃ

યઃ સોમકામો હર્યશ્વઃ સૂરિર્યસ્માદ્રેજન્તે ભુવનાનિ વિશ્વા ।
યો જઘાન શમ્બરં યશ્ચ શુષ્ણં ય એકવીરઃ સ જનાસ ઇન્દ્રઃ

યઃ સુન્વતે પચતે દુધ્ર આ ચિદ્વાજં દર્દર્ષિ સ કિલાસિ સત્યઃ ।
વયં ત ઇન્દ્ર વિશ્વહ પ્રિયાસઃ સુવીરાસો વિદથમા વદેમ

20.35
અસ્મા ઇદુ પ્ર તવસે તુરાય પ્રયો ન હર્મિ સ્તોમં માહિનાય ।
ઋચીષમાયાધ્રિગવ ઓહમિન્દ્રાય બ્રહ્માણિ રાતતમા

અસ્મા ઇદુ પ્રય ઇવ પ્ર યંસિ ભરામ્યાન્ગૂષં બાધે સુવૃક્તિ ।
ઇન્દ્રાય હૃદા મનસા મનીષા પ્રત્નાય પત્યે ધિયો મર્જયન્ત

અસ્મા ઇદુ ત્યમુપમં સ્વર્ષાં ભરામ્યાઙ્ગૂષમાસ્યેન ।
મંહિષ્ઠમછોક્તિભિર્મતીનાં સુવૃક્તિભિઃ સૂરિં વાવૃધધ્યૈ

અસ્મા ઇદુ સ્તોમં સં હિનોમિ રથં ન તષ્ટેવ તત્સિનાય ।
ગિરશ્ચ ગિર્વાહસે સુવૃક્તીન્દ્રાય વિશ્વમિન્વં મેધિરાય

અસ્મા ઇદુ સપ્તિમિવ શ્રવસ્યેન્દ્રાયાર્કં જુહ્વા સમઞ્જે ।
વીરં દાનૌકસં વન્દધ્યૈ પુરાં ગૂર્તશ્રવસં દર્માણમ્

અસ્મા ઇદુ ત્વષ્ટા તક્ષદ્વજ્રં સ્વપસ્તમં સ્વર્યં રણાય ।
વૃત્રસ્ય ચિદ્વિદદ્યેન મર્મ તુજન્ન્ ઈશાનસ્તુજતા કિયેધાઃ

અસ્યેદુ માતુઃ સવનેષુ સદ્યો મહઃ પિતું પપિવાં ચાર્વન્ના ।
મુષાયદ્વિષ્ણુઃ પચતં સહીયાન્ વિધ્યદ્વરાહં તિરો અદ્રિમસ્તા

અસ્મા ઇદુ ગ્નાશ્ચિદ્દેવપત્નીરિન્દ્રાયાર્કમહિહત્ય ઊવુઃ ।
પરિ દ્યાવાપૃથિવી જભ્ર ઉર્વી નાસ્ય તે મહિમાનં પરિ ષ્ટઃ

અસ્યેદેવ પ્ર રિરિચે મહિત્વં દિવસ્પૃથિવ્યાઃ પર્યન્તરિક્ષાત્।
સ્વરાલિન્દ્રો દમ આ વિશ્વગૂર્તઃ સ્વરિરમત્રો વવક્ષે રણાય

અસ્યેદેવ શવસા શુશન્તં વિ વૃશ્ચદ્વજ્રેણ વૃત્રમિન્દ્રઃ ।
ગા ન વ્રાણા અવનીરમુઞ્ચદભિ શ્રવો દાવને સચેતાઃ

અસ્યેદુ ત્વેષસા રન્ત સિન્ધવઃ પરિ યદ્વજ્રેણ સીમયચ્છત્।
ઈશાનકૃદ્દાશુષે દશસ્યન્ તુર્વીતયે ગાધં તુર્વણિઃ કઃ

અસ્મા ઇદુ પ્ર ભરા તૂતુજાનો વૃત્રાય વજ્રમીશાનઃ કિયેધાઃ ।
ગોર્ન પર્વ વિ રદા તિરશ્ચેષ્યન્ન્ અર્ણાંસ્યપાં ચરધ્યૈ

અસ્યેદુ પ્ર બ્રૂહિ પૂર્વ્યાણિ તુરસ્ય કર્માણિ નવ્ય ઉક્થૈઃ ।
યુધે યદિષ્ણાન આયુધાન્યૃઘાયમાણો નિરિણાતિ શત્રૂન્

અસ્યેદુ ભિયા ગિરયશ્ચ દૃલ્હા દ્યાવા ચ ભૂમા જનુષસ્તુજેતે ।
ઉપો વેનસ્ય જોગુવાન ઓણિં સદ્યો ભુવદ્વીર્યાય નોધાઃ

અસ્મા ઇદુ ત્યદનુ દાય્યેષામેકો યદ્વવ્ને ભૂરેરીશાનઃ ।
પ્રૈતશં સૂર્યે પસ્પૃધાનં સૌવશ્વ્યે સુષ્વિમાવદિન્દ્રઃ

એવા તે હારિયોજના સુવૃક્તીન્દ્ર બ્રહ્માણિ ગોતમાસો અક્રન્ ।
ઐષુ વિશ્વપેશસં ધિયં ધાઃ પ્રાતર્મક્ષૂ ધિયાવસુર્જગમ્યાત્

20.36
ય એક ઇદ્ધવ્યશ્ચર્ષણીનામિન્દ્રં તં ગીર્ભિરભ્યર્ચ આભિઃ ।
યઃ પત્યતે વૃષભો વૃષ્ણ્યાવાન્ત્સત્યઃ સત્વા પુરુમાયઃ સહસ્વાન્

તમુ નઃ પૂર્વે પિતરો નવગ્વાઃ સપ્ત વિપ્રાસો અભિ વાજયન્તઃ ।
નક્ષદ્દાભં તતુરિં પર્વતેષ્ઠામદ્રોઘવાચં મતિભિઃ શવિષ્ઠમ્

તમીમહે ઇન્દ્રમસ્ય રાયઃ પુરુવીરસ્ય નૃવતઃ પુરુક્ષોઃ ।
યો અષ્કૃધોયુરજરઃ સ્વર્વાન્ તમા ભર હરિવો માદયધ્યૈ

તન્ નો વિ વોચો યદિ તે પુરા ચિજ્જરિતાર આનશુઃ સુમ્નમિન્દ્ર ।
કસ્તે ભાગઃ કિં વયો દુધ્ર ખિદુઃ પુરુહૂત પુરૂવસોઽસુરઘ્નઃ

તં પૃચ્છન્તી વજ્રહસ્તં રથેષ્ઠામિન્દ્રં વેપી વક્વરી યસ્ય નૂ ગીઃ ।
તુવિગ્રાભં તુવિકૂર્મિં રભોદાં ગાતુમિષે નક્ષતે તુમ્રમચ્છ

અયા હ ત્યં માયયા વાવૃધાનં મનોજુવા સ્વતવઃ પર્વતેન ।
અચ્યુતા ચિદ્વીલિતા સ્વોજો રુજો વિ દૃલ્હા ધૃષતા વિરપ્શિન્

તં વો ધિયા નવ્યસ્યા શવિષ્ઠં પ્રત્નં પ્રત્નવત્પરિતંસયધ્યૈ ।
સ નો વક્ષદનિમાનઃ સુવહ્નેન્દ્રો વિશ્વાન્યતિ દુર્ગહાણિ

આ જનાય દ્રુહ્વણે પાર્થિવાનિ દિવ્યાનિ દીપયોઽન્તરિક્ષા ।
તપા વૃષન્ વિશ્વતઃ શોચિષા તાન્ બ્રહ્મદ્વિષે શોચય ક્ષામપશ્ચ

ભુવો જનસ્ય દિવ્યસ્ય રાજા પાર્થિવસ્ય જગતસ્ત્વેષસંદૃક્।
ધિષ્વ વજ્રં દક્ષિણ ઇન્દ્ર હસ્તે વિશ્વા અજુર્ય દયસે વિ માયાઃ

આ સંયતમિન્દ્ર ણઃ સ્વસ્તિં શત્રુતૂર્યાય બૃહતીમમૃધ્રામ્ ।
યયા દાસાન્યાર્યાણિ વૃત્રા કરો વજ્રિન્ત્સુતુકા નાહુષાણિ

સ નો નિયુદ્ભિઃ પુરુહૂત વેધો વિશ્વવારાભિરા ગહિ પ્રયજ્યો ।
ન યા અદેવો વરતે ન દેવ આભિર્યાહિ તૂયમા મદ્ર્યદ્રિક્

20.37
યસ્તિગ્મશૃઙ્ગો વૃષભો ન ભીમઃ એકઃ કૃષ્ટીશ્ચ્યવયતિ પ્ર વિશ્વાઃ ।
યઃ શશ્વતો અદાશુષો ગયસ્ય પ્રયન્તાસિ સુષ્વિતરાય વેદઃ

ત્વં હ ત્યદિન્દ્ર કુત્સમાવઃ શુશ્રૂષમાણસ્તન્વા સમર્યે ।
દાસં યચ્શુષ્ણં કુયવં ન્યસ્મા અરન્ધય આર્જુનેયાય શિક્ષન્

ત્વં ધૃષ્ણો ધૃષતા વીતહવ્યં પ્રાવો વિશ્વાભિરૂતિભિઃ સુદાસમ્ ।
પ્ર પૌરુકુત્સિં ત્રસદસ્યુમાવઃ ક્ષેત્રસાતા વૃત્રહત્યેષુ પૂરુમ્

ત્વં નૃભિર્નૃમણો દેવવીતૌ ભૂરીણિ વૃત્રા હર્યશ્વ હંસિ ।
ત્વં નિ દસ્યું ચુમુરિં ધુનિં ચાસ્વાપયો દભીતયે સુહન્તુ

તવ ચ્યૌત્નાનિ વજ્રહસ્ત તાનિ નવ યત્પુરો નવતિં ચ સદ્યઃ ।
નિવેશને શતતમાવિવેષીરહં ચ વૃત્રં નમુચિમુતાહન્

સના તા ત ઇન્દ્ર ભોજનાનિ રાતહવ્યાય દાશુષે સુદાસે ।
વૃષ્ણે તે હરી વૃષણા યુનજ્મિ વ્યન્તુ બ્રહ્માણિ પુરુશાક વાજમ્

મા તે અસ્યાં સહસાવન્ પરિષ્ટાવઘાય ભૂમ હરિવઃ પરાદૌ ।
ત્રાયસ્વ નોઽવૃકેભિર્વરૂથૈસ્તવ પ્રિયાસઃ સૂરિષુ સ્યામ

પ્રિયાસ ઇત્તે મઘવન્ન્ અભિષ્ટૌ નરો મદેમ શરણે સખાયઃ ।
નિ તુર્વશં નિ યાદ્વં શિશીહ્યતિથિગ્વાય શંસ્યં કરિષ્યન્

સદ્યશ્ચિન્ નુ તે મઘવન્ન્ અભિષ્ટૌ નરઃ શંસન્ત્યુક્થશાસ ઉક્થા ।
યે તે હવેભિર્વિ પણીંરદાશન્ન્ અસ્માન્ વૃણીષ્વ યુજ્યાય તસ્મૈ

એતે સ્તોમા નરાં નૃતમ તુભ્યમસ્મદ્ર્યઞ્ચો દદતો મઘાનિ ।
તેષામિન્દ્ર વૃત્રહત્યે શિવો ભૂઃ સખા ચ શૂરોઽવિતા ચ નૃણામ્

નૂ ઇન્દ્ર શૂર સ્તવમાન ઊતી બ્રહ્મજૂતસ્તન્વા વાવૃધસ્વ ।
ઉપ નો વાજાન્ મિમીહ્યુપ સ્તીન્ યુયં પાત સ્વસ્તિભિઃ સદા નઃ

20.38
આ યાહિ સુષુમા હિ ત ઇન્દ્ર સોમં પિબા ઇમમ્ ।
એદં બર્હિઃ સદો મમ

આ ત્વા બ્રહ્મયુજા હરી વહતામિન્દ્ર કેશિના ।
ઉપ બ્રહ્માણિ નઃ શૃણુ

બ્રહ્માણસ્ત્વા વયં યુજા સોમપામિન્દ્ર સોમિનઃ ।
સુતાવન્તો હવામહે

ઇન્દ્રમિદ્ગાથિનો બૃહદિન્દ્રમર્કેભિરર્કિણઃ ।
ઇન્દ્રં વાણીરનૂષત

ઇન્દ્ર ઇદ્ધર્યોઃ સચા સંમિશ્લ આ વચોયુજા ।
ઇન્દ્રો વજ્રી હિરણ્યયઃ

ઇન્દ્રો દીર્ઘાય ચક્ષસ આ સૂર્યં રોહયદ્દિવિ ।
વિ ગોભિરદ્રિમૈરયત્

20.39
ઇન્દ્રં વો વિશ્વતસ્પરિ હવામહે જનેભ્યઃ ।
અસ્માકમસ્તુ કેવલઃ

વ્યન્તરિક્ષમતિરન્ મદે સોમસ્ય રોચના ।
ઇન્દ્રો યદભિનદ્વલમ્

ઉદ્ગા આજદઙ્ગિરોભ્ય આવિષ્કૃણ્વન્ ગુહા સતીઃ ।
અર્વાઞ્ચં નુનુદે વલમ્

ઇન્દ્રેણ રોચના દિવો દૃલ્હાનિ દૃંહિતાનિ ચ ।
સ્થિરાણિ ન પરાણુદે

અપામૂર્મિર્મદન્ન્ ઇવ સ્તોમ ઇન્દ્રાજિરાયતે ।
વિ તે મદા અરાજિષુઃ

20.40
ઇન્દ્રેણ સં હિ દૃક્ષસે સંજગ્માનો અબિભ્યુષા ।
મન્દૂ સમાનવર્ચસા

અનવદ્યૈરભિદ્યુભિર્મખઃ સહસ્વદર્ચતિ ।
ગણૈરિન્દ્રસ્ય કામ્યૈઃ

આદહ સ્વધામનુ પુનર્ગર્ભત્વમેરિરે ।
દધાના નામ યજ્ઞિયમ્

20.41
ઇન્દ્રો દધીચો અસ્થભિર્વૃત્રાણ્યપ્રતિષ્કુતઃ ।
જઘાન નવતીર્નવ

ઇચ્છન્ અશ્વસ્ય યચ્છિરઃ પર્વતેષ્વપશ્રિતમ્ ।
તદ્વિદચ્છર્યણાવતિ

અત્રાહ ગોરમન્વત નામ ત્વષ્ટુરપીચ્યમ્ ।
ઇત્થા ચન્દ્રમસો ગૃહે

20.42
વાચમષ્ટાપદીમહં નવસ્રક્તિમૃતસ્પૃશમ્ ।
ઇન્દ્રાત્પરિ તન્વં મમે

અનુ ત્વા રોદસી ઉભે ક્રક્ષમાણમકૃપેતામ્ ।
ઇન્દ્ર યદ્દસ્યુહાભવઃ

ઉત્તિષ્ઠન્ન્ ઓજસા સહ પીત્વી શિપ્રે અવેપયઃ ।
સોમમિન્દ્ર ચમૂ સુતમ્

20.43
ભિન્ધિ વિશ્વા અપ દ્વિષઃ બાધો જહી મૃધઃ ।
વસુ સ્પાર્હં તદા ભર

યદ્વીલાવિન્દ્ર યત્સ્થિરે યત્પર્શાને પરાભૃતમ્ ।
વસુ સ્પાર્હં તદા ભર

યસ્ય તે વિશ્વમાનુષો ભૂરેર્દત્તસ્ય વેદતિ ।
વસુ સ્પાર્હં તદા ભર

20.44
પ્ર સમ્રાજં ચર્ષણીનામિન્દ્રં સ્તોતા નવ્યં ગીર્ભિઃ ।
નરં નૃષાહં મંહિષ્ઠમ્

યસ્મિન્ન્ ઉક્થાનિ રણ્યન્તિ વિશ્વાનિ ચ શ્રવસ્ય ।
અપામવો ન સમુદ્રે

તં સુષ્ટુત્યા વિવાસે જ્યેષ્ઠરાજં ભરે કૃત્નુમ્ ।
મહો વાજિનં સનિભ્યઃ

20.45
અયમુ તે સમતસિ કપોત ઇવ ગર્ભધિમ્ ।
વચસ્તચ્ચિન્ ન ઓહસે

સ્તોત્રં રાધાનાં પતે ગિર્વાહો વીર યસ્ય તે ।
વિભૂતિરસ્તુ સૂનૃતા

ઊર્ધ્વસ્તિષ્ઠા ન ઊતયેઽસ્મિન્ વાજે શતક્રતો ।
સમન્યેષુ બ્રવાવહૈ

20.46
પ્રણેતારં વસ્યો અછા કર્તારં જ્યોતિઃ સમત્સુ ।
સાસહ્વાંસં યુધામિત્રાન્

સ નઃ પપ્રિઃ પારયાતિ સ્વસ્તિ નાવા પુરુહૂતઃ ।
ઇન્દ્રો વિશ્વા અતિ દ્વિષઃ

સ ત્વં ન ઇન્દ્ર વાજોભિર્દશસ્યા ચ ગાતુયા ચ ।
અછા ચ નઃ સુમ્નં નેષિ

20.47
તમિન્દ્રં વાજયામસિ મહે વૃત્રાય હન્તવે ।
સ વૃષા વૃષભો ભુવત્

ઇન્દ્રઃ સ દામને કૃત ઓજિષ્ઠઃ સ મદે હિતઃ ।
દ્યુમ્ની શ્લોકી સ સોમ્યઃ

ગિરા વજ્રો ન સંભૃતઃ સબલો અનપચ્યુતઃ ।
વવક્ષ ઋષ્વો અસ્તૃતઃ

ઇન્દ્રમિદ્ગાથિનો બૃહદિન્દ્રમર્કેભિરર્કિણઃ ।
ઇન્દ્રં વાણીરનૂષત

ઇન્દ્ર ઇદ્ધર્યોઃ સચા સંમિશ્લ આ વચોયુજા ।
ઇન્દ્રો વજ્રી હિરણ્યયઃ

ઇન્દ્રો દીર્ઘાય ચક્ષસ આ સૂર્યં રોહયદ્દિવિ ।
વિ ગોભિરદ્રિમૈરયત્

આ યાહિ સુષુમા હિ ત ઇન્દ્ર સોમં પિબા ઇમમ્ ।
એદં બર્હિઃ સદો મમ

આ ત્વા બ્રહ્મયુજા હરી વહતામિન્દ્ર કેશિના ।
ઉપ બ્રહ્માણિ નઃ શૃણુ

બ્રહ્માણસ્ત્વા વયં યુજા સોમપામિન્દ્ર સોમિનઃ ।
સુતાવન્તો હવામહે

યુઞ્જન્તિ બ્રધ્નમરુષં ચરન્તં પરિ તસ્થુષઃ ।
રોચન્તે રોચના દિવિ

યુઞ્જન્ત્યસ્ય કામ્યા હરી વિપક્ષસા રથે ।
શોણા ધૃષ્ણૂ નૃવાહસા

કેતું કૃણ્વન્ન્ અકેતવે પેશો મર્યા અપેશસે ।
સમુષદ્ભિરજાયથાઃ

ઉદુ ત્યં જાતવેદસં દેવં વહન્તિ કેતવઃ ।
દૃશે વિશ્વાય સૂર્યમ્

અપ ત્યે તાયવો યથા નક્ષત્રા યન્ત્યક્તુભિઃ ।
સૂરાય વિશ્વચક્ષસે

અદૃશ્રન્ન્ અસ્ય કેતવો વિ રશ્મયો જનામનુ ।
ભ્રાજન્તો અગ્નયો યથા

તરણિર્વિશ્વદર્શતો જ્યોતિષ્કૃદસિ સૂર્ય ।
વિશ્વમા ભાસિ રોચન

પ્રત્યઙ્દેવાનાં વિશઃ પ્રત્યઙ્ઙુદેષિ માનુષીઃ ।
પ્રત્યઙ્વિશ્વં સ્વર્દૃશે

યેના પાવક ચક્ષસા ભુરણ્યન્તં જનામનુ ।
ત્વં વરુણ પશ્યસિ

વિ દ્યામેષિ રજસ્પૃથ્વહર્મિમાનો અક્તુભિઃ ।
પશ્યં જન્માનિ સૂર્ય

સપ્ત ત્વા હરિતો રથે વહન્તિ દેવ સૂર્ય ।
શોચિષ્કેશં વિચક્ષણમ્

અયુક્ત સપ્ત શુન્ધ્યુવઃ સૂરો રથસ્ય નપ્ત્યઃ ।
તાભિર્યાતિ સ્વયુક્તિભિઃ

20.48
અભિ ત્વા વર્ચસા ગિરઃ સિઞ્ચન્ત્યા ચરણ્યુવઃ ।
અભિ વત્સં ન ધેનવઃ

તા અર્ષન્તિ શુભ્રિયઃ પૃઞ્ચતીર્વર્ચસા પયઃ ।
જાતં જનિર્યથા હૃદા

વજ્રાપવસાધ્યઃ કીર્તિર્મ્રિયમાણમાવહન્ ।
મહ્યમાયુર્ઘૃતં પયઃ

આયં ગૌઃ પૃશ્નિરક્રમીદસદન્ માતરં પુરઃ ।
પિતરં ચ પ્રયન્ત્સ્વઃ

અન્તશ્ચરતિ રોચના અસ્ય પ્રાણાદપાનતઃ ।
વ્યખ્યન્ મહિષઃ સ્વઃ

ત્રિંશદ્ધામા વિ રાજતિ વાક્પતઙ્ગો અશિશ્રિયત્।
પ્રતિ વસ્તોરહર્દ્યુભિઃ

20.49
યચ્છક્રા વાચમારુહન્ન્ અન્તરિક્ષં સિષાસથઃ ।
સં દેવા અમદન્ વૃષા

શક્રો વાચમધૃષ્ટાયોરુવાચો અધૃષ્ણુહિ ।
મંહિષ્ઠ આ મદર્દિવિ

શક્રો વાચમધૃષ્ણુહિ ધામધર્મન્ વિ રાજતિ ।
વિમદન્ બર્હિરાસરન્

તં વો દસ્મમૃતીષહં વસોર્મન્દાનમન્ધસઃ ।
અભિ વત્સં ન સ્વસરેષુ ધેનવ ઇન્દ્રં ગીર્ભિર્નવામહે

દ્યુક્ષં સુદાનું તવિષીભિરાવૃતં ગિરિં ન પુરુભોજસમ્ ।
ક્ષુમન્તં વાજં શતિનં સહસ્રિણં મક્ષૂ ગોમન્તમીમહે

તત્ત્વા યામિ સુવીર્યં તદ્બ્રહ્મ પૂર્વચિત્તયે ।
યેના યતિભ્યો ભૃગવે ધને હિતે યેન પ્રસ્કણ્વમાવિથ

યેના સમુદ્રમસૃજો મહીરપસ્તદિન્દ્ર વૃષ્ણિ તે શવઃ ।
સદ્યઃ સો અસ્ય મહિમા ન સંનશે યં ક્ષોણીરનુચક્રદે

20.50
કન્ નવ્યો અતસીનાં તુરો ગૃણીત મર્ત્યઃ ।
નહી ન્વસ્ય મહિમાનમિન્દ્રિયં સ્વર્ગૃણન્ત આનશુઃ

કદુ સ્તુવન્ત ઋતયન્ત દેવત ઋષિઃ કો વિપ્ર ઓહતે ।
કદા હવં મઘવન્ન્ ઇન્દ્ર સુન્વતઃ કદુ સ્તુવત આ ગમઃ

20.51
અભિ પ્ર વઃ સુરાધસમિન્દ્રમર્ચ યથા વિદે ।
યો જરિતૃભ્યો મઘવા પુરૂવસુઃ સહસ્રેણેવ શિક્ષતિ

શતાનીકેવ પ્ર જિગાતિ ધૃષ્ણુયા હન્તિ વૃત્રાણિ દાશુષે ।
ગિરેરિવ પ્ર રસા અસ્ય પિન્વિરે દત્રાણિ પુરુભોજસઃ

પ્ર સુ શ્રુતં સુરાધસમર્ચા શક્રમભિષ્ટયે ।
યઃ સુન્વતે સ્તુવતે કામ્યં વસુ સહસ્રેણેવ મંહતે

શતાનીકા હેતયો અસ્ય દુષ્ટરા ઇન્દ્રસ્ય સમિષો મહીઃ ।
ગિરિર્ન ભુજ્મા મઘત્સુ પિન્વતે યદીં સુતા અમન્દિષુઃ

20.52
વયં ઘ ત્વા સુતાવન્ત આપો ન વૃક્તબર્હિષઃ ।
પવિત્રસ્ય પ્રસ્રવણેષુ વૃત્રહન્ પરિ સ્તોતાર આસતે

સ્વરન્તિ ત્વા સુતે નરો વસો નિરેક ઉક્થિનઃ ।
કદા સુતં તૃષાણ ઓક આ ગમ ઇન્દ્ર સ્વબ્દીવ વંસગઃ

કણ્વેભિર્ધૃષ્ણવા ધૃસદ્વાજં દર્ષિ સહસ્રિણમ્ ।
પિશઙ્ગરૂપં મઘવન્ વિચર્ષણે મક્ષૂ ગોમન્તમીમહે

20.53
ક ઈં વેદ સુતે સચા પિબન્તં કદ્વયો દધે ।
અયં યઃ પુરો વિભિનત્ત્યોજસા મન્દાનઃ શિપ્ર્યન્ધસઃ

દાના મૃગો ન વારણઃ પુરુત્રા ચરથં દધે ।
નકિષ્ટ્વા નિ યમદા સુતે ગમો મહાશ્ચરસ્યોજસા

ય ઉગ્રઃ સન્ન્ અનિષ્ટૃત સ્થિરો રણાય સંસ્કૃતઃ ।
યદિ સ્તોતુર્મઘવા શૃણવદ્ધવં નેન્દ્રો યોષત્યા ગમત્

20.54
વિશ્વાઃ પૃતના અભિભૂતરં નરં સજૂસ્તતક્ષુરિન્દ્રં જજનુશ્ચ રાજસે ।
ક્રત્વા વરિષ્ઠં વર આમુરિમુતોગ્રમોજિષ્ઠં તવસં તરસ્વિનમ્

સમીં રેભાસો અસ્વરન્ન્ ઇન્દ્રં સોમસ્ય પીતયે ।
સ્વર્પતિં યદીં વૃધે ધૃતવ્રતો હ્યોજસા સમૂતિભિઃ

નેમિં નમન્તિ ચક્ષસા મેષં વિપ્રા અભિસ્વરા ।
સુદીતયો વો અદ્રુહોઽપિ કર્ણે તરસ્વિનઃ સમૃક્વભિઃ

20.55
તમિન્દ્રં જોહવીમિ મઘવાનમુગ્રં સત્રા દધાનમપ્રતિષ્કુતં શવાંસિ ।
મંહિષ્ઠો ગીર્ભિરા ચ યજ્ઞિયો વવર્તદ્રાયે નો વિશ્વા સુપથા કૃણોતુ વજ્રી

યા ઇન્દ્ર ભુજ આભરઃ સ્વર્વામસુરેભ્યઃ ।
સ્તોતારમિન્ મઘવન્ન્ અસ્ય વર્ધય યે ચ ત્વે વૃક્તબર્હિષઃ

યમિન્દ્ર દધિષે ત્વમશ્વં ગાં ભાગમવ્યયમ્ ।
યજમાને સુન્વતિ દક્ષિણાવતિ તસ્મિન્ તં ધેહિ મા પણૌ

20.56
ઇન્દ્રો મદાય વાવૃધે શવસે વૃત્રહા નૃભિઃ ।
તમિન્ મહત્સ્વાજિષૂતેમર્ભે હવામહે સ વાજેષુ પ્ર નોઽવિષત્

અસિ હિ વીર સેન્યોઽસિ ભૂરિ પરાદદિઃ ।
અસિ દભ્રસ્ય ચિદ્વૃધો યજમાનાય શિક્ષસિ સુન્વતે ભૂરિ તે વસુ

યદુદીરત આજયો ધૃષ્ણવે ધીયતે ધના ।
યુક્ષ્વા મદચ્યુતા હરી કં હનઃ કં વસૌ દધોઽસ્મામિન્દ્ર વસૌ દધઃ

મદેમદે હિ નો દદિર્યૂથા ગવામૃજુક્રતુઃ ।
સં ગૃભાય પુરુ શતોભયાહસ્ત્યા વસુ શિશીહિ રાય આ ભર

માદયસ્વ સુતે સચા શવસે શૂર રાધસે ।
વિદ્મા હિ ત્વા પુરૂવસુમુપ કામાન્ત્સસૃજ્મહેઽથા નોઽવિતા ભવ

એતે ત ઇન્દ્ર જન્તવો વિશ્વં પુષ્યન્તિ વાર્યમ્ ।
અન્તર્હિ ખ્યો જનાનામર્યો વેદો અદાશુષાં તેષાં નો વેદ આ ભર

20.57
સુરૂપકૃત્નુમૂતયે સુદુઘામિવ ગોદુહે ।
જુહૂમસિ દ્યવિદ્યવિ

ઉપ નઃ સવના ગહિ સોમસ્ય સોમપાઃ પિબ ।
ગોદા ઇદ્રેવતો મદઃ

અથા તે અન્તમાનાં વિદ્યામ સુમતીનામ્ ।
મા નો અતિ ખ્ય આ ગહિ

શુષ્મિન્તમં ન ઊતયે દ્યુમ્નિનં પાહિ જાગૃવિમ્ ।
ઇન્દ્ર સોમં શતક્રતો

ઇન્દ્રિયાણિ શતક્રતો યા તે જનેષુ પઞ્ચસુ ।
ઇન્દ્ર તાનિ ત આ વૃણે

અગન્ન્ ઇન્દ્ર શ્રવો બૃહદ્દ્યુમ્નં દધિષ્વ દુષ્ટરમ્ ।
ઉત્તે શુષ્મં તિરામસિ

અર્વાવતો ન આ ગહ્યથો શક્ર પરાવતઃ ।
ઉ લોકો યસ્તે અદ્રિવ ઇન્દ્રેહ તત આ ગહિ

ઇન્દ્રો અઙ્ગ મહદ્ભયમભી ષદપ ચુચ્યવત્।
સ હિ સ્થિરો વિચર્ષનિઃ

ઇન્દ્રશ્ચ મૃલયાતિ નો ન નઃ પશ્ચાદઘં નશત્।
ભદ્રં ભવાતિ નઃ પુરઃ

ઇન્દ્ર આશાભ્યસ્પરિ સર્વાભ્યો અભયં કરત્।
જેતા શત્રૂન્ વિચર્ષણિઃ

ક ઈં વેદ સુતે સચા પિબન્તં કદ્વયો દધે ।
અયં યઃ પુરો વિભિનત્ત્યોજસા મન્દાનઃ શિપ્ર્યન્ધસઃ

દાના મૃગો ન વારણઃ પુરુત્રા ચરથં દધે ।
નકિષ્ટ્વા નિ યમદા સુતે ગમો મહાંશ્ચરસ્યોજસા

ય ઉગ્રઃ સન્ન્ અનિષ્ટૃત સ્થિરો રણાય સંસ્કૃતઃ ।
યદિ સ્તોતુર્મઘવા શૃણવદ્ધવં નેન્દ્રો યોષત્યા ગમત્

વયં ઘ ત્વા સુતાવન્ત આપો ન વૃક્તબર્હિષઃ ।
પવિત્રસ્ય પ્રસ્રવણેષુ વૃત્રહન્ પરિ સ્તોતાર આસતે

સ્વરન્તિ ત્વા સુતે નરો વસો નિરેક ઉક્થિનઃ ।
કદા સુતં તૃષાણ ઓક આ ગમ ઇન્દ્ર સ્વબ્દીવ વંસગઃ

કણ્વેભિર્ધૃષ્ણવા ધૃષદ્વાજં દર્ષિ સહસ્રિણમ્ ।
પિશઙ્ગરૂપં મઘવન્ વિચર્ષણે મક્ષૂ ગોમન્તમીમહે

20.58
શ્રાયન્ત ઇવ સૂર્યં વિશ્વેદિન્દ્રસ્ય ભક્ષત ।
વસૂનિ જાતે જનમાન ઓજસા પ્રતિ ભાગં ન દીધિમ

અનર્શરાતિં વસુદામુપ સ્તુહિ ભદ્રા ઇન્દ્રસ્ય રાતયઃ ।
સો અસ્ય કામં વિધતો ન રોષતિ મનો દાનાય ચોદયન્

બણ્મહામસિ સૂર્ય બડાદિત્ય મહામસિ ।
મહસ્તે સતો મહિમા પનસ્યતેઽદ્ધા દેવ મહામસિ

બટ્સૂર્ય શ્રવસા મહામસિ સત્રા દેવ મહામસિ ।
મહ્ના દેવાનામસુર્યઃ પુરોહિતો વિભુ જ્યોતિરદાભ્યમ્

20.59
ઉદુ ત્યે મધુ મત્તમા ગિર સ્તોમાસ ઈરતે ।
સત્રાજિતો ધનસા અક્ષિતોતયો વાજયન્તો રથા ઇવ

કણ્વા ઇવ ભૃગવઃ સૂર્ય ઇવ વિશ્વમિદ્ધીતમાનશુઃ ।
ઇન્દ્રં સ્તોમેભિર્મહયન્ત આયવઃ પ્રિયમેધાસો અસ્વરન્

ઉદિન્ ન્વસ્ય રિચ્યતેઽંશો ધનં ન જિગ્યુસઃ ।
ય ઇન્દ્રો હરિવાન્ ન દભન્તિ તં રિપો દક્ષં દધાતિ સોમિનિ

મન્ત્રમખર્વં સુધિતં સુપેશસં દધાત યજ્ઞિયેષ્વા ।
પૂર્વીશ્ચન પ્રસિતયસ્તરન્તિ તં ય ઇન્દ્રે કર્મણા ભુવત્

20.60
એવા હ્યસિ વીરયુરેવા શૂર ઉત સ્થિરઃ ।
એવા તે રાધ્યં મનઃ

એવા રાતિસ્તુવીમઘ વિશ્વેભિર્ધાયિ ધાતૃભિઃ ।
અઘા ચિદિન્દ્ર મે સચા

મો ષુ બ્રહ્મેવ તન્દ્રયુર્ભુવો વાજાનાં પતે ।
મત્સ્વા સુતસ્ય ગોમતઃ

એવા હ્યસ્ય સૂનૃતા વિરપ્શી ગોમતી મહી ।
પક્વા શાખા ન દાશુષે

એવા હિ તે વિભૂતય ઊતય ઇન્દ્ર માવતે ।
સદ્યશ્ચિત્સન્તિ દાશુષે

એવા હ્યસ્ય કામ્યા સ્તોમ ઉક્થં ચ શંસ્યા ।
ઇન્દ્રાય સોમપીતયે

20.61
તં તે મદં ગૃણીમસિ વૃષણં પૃત્સુ સાસહિમ્ ।
ઉ લોકકૃત્નુમદ્રિવો હરિશ્રિયમ્

યેન જ્યોતીમ્ષ્યાયવે મનવે ચ વિવેદિથ ।
મન્દાનો અસ્ય બર્હિષો વિ રાજસિ

તદદ્યા ચિત્ત ઉક્થિનોઽનુ ષ્ટુવન્તિ પૂર્વથા ।
વૃષપત્નીરપો જયા દિવેદિવે

તં વભિ પ્ર ગાયત પુરુહૂતં પુરુષ્ટુતમ્ ।
ઇન્દ્રં ગીર્ભિસ્તવિષમા વિવાસત

યસ્ય દ્વિબર્હસો બૃહત્સહો દાધાર રોદસી ।
ગિરીંરજ્રામપઃ સ્વર્વૃષત્વના

સ રાજસિ પુરુષ્ટુતમેકો વૃત્રાણિ જિઘ્નસે ।
ઇન્દ્ર જૈત્રા શ્રવસ્ય ચ યન્તવે

20.62
વયમુ ત્વામપૂર્વ્ય સ્થૂરં ન કચ્ચિદ્ભરન્તોઽવસ્યવઃ ।
વાજે ચિત્રં હવામહે

ઉપ ત્વા કર્મન્ન્ ઊતયે સ નો યુવોગ્રશ્ચક્રામ યો ધૃષત્।
ત્વામિદ્ધ્યવિતારં વવૃમહે સખાય ઇન્દ્ર સાનસિમ્

યો ન ઇદમિદં પુરા પ્ર વસ્ય આનિનાય તમુ વ સ્તુષે ।
સખાય ઇન્દ્રમૂતયે

હર્યશ્વં સત્પતિં ચર્ષણીસહં સ હિ ષ્મા યો અમન્દત ।
આ તુ નઃ સ વયતિ ગવ્યમશ્વ્યં સ્તોતૃભ્યો મઘવા શતમ્

ઇન્દ્રાય સામ ગાયત વિપ્રાય બૃહતે બૃહત્।
ધર્મકૃતે વિપશ્ચિતે પનસ્યવે

ત્વમિન્દ્રાભિભૂરસિ ત્વં સૂર્યમરોચયઃ ।
વિશ્વકર્મા વિશ્વદેવો મહામસિ

વિભ્રાજં જ્યોતિષા સ્વરગછો રોચનં દિવઃ ।
દેવાસ્ત ઇન્દ્ર સખ્યાય યેમિરે

તં વભિ પ્ર ગાયત પુરુહૂતં પુરુષ્ટુતમ્ ।
ઇન્દ્રં ગીર્ભિસ્તવિષમા વિવાસત

યસ્ય દ્વિબર્હસો બૃહત્સહો દાધાર રોદસી ।
ગિરીંરજ્રામપઃ સ્વર્વૃષત્વના

સ રાજસિ પુરુષ્ટુતમેકો વૃત્રાણિ જિઘ્નસે ।
ઇન્દ્ર જૈત્ર શ્રવસ્ય ચ યન્તવે

20.63
ઇમા નુ કં ભુવના સીષધામેન્દ્રશ્ચ વિશ્વે ચ દેવાઃ ।
યજ્ઞં ચ નસ્તન્વં ચ પ્રજાં ચાદિત્યૈરિન્દ્રઃ સહ ચીકૢપાતિ

આદિત્યૈરિન્દ્રઃ સગણો મરુદ્ભિરસ્માકં ભૂત્વવિતા તનૂનામ્ ।
હત્વાય દેવા અસુરાન્ યદાયન્ દેવા દેવત્વમભિરક્ષમાણાઃ

પ્રત્યઞ્ચમર્કમનયં છચીભિરાદિત્સ્વધામિષિરાં પર્યપશ્યન્ ।
અયા વાજં દેવહિતં સનેમ મદેમ શતહિમાઃ સુવીરાઃ

ય એક ઇદ્વિદયતે વસુ મર્તાય દાશુષે ।
ઈશાનો અપ્રતિષ્કુત ઇન્દ્રો અઙ્ગ

કદા મર્તમરાધસં પદા ક્ષુમ્પમિવ સ્ફુરત્।
કદા નઃ શુશ્રવદ્ગિર ઇન્દ્રો અઙ્ગ

યશ્ચિદ્ધિ ત્વા બહુભ્ય આ સુતાવામાવિવાસતિ ।
ઉગ્રં તત્પત્યતે શવ ઇન્દ્રો અઙ્ગ

ય ઇન્દ્ર સોમપાતમો મદઃ શવિષ્ઠ ચેતતિ ।
યેના હંસિ ન્યત્ત્રિણં તમીમહે

યેના દશગ્વમધ્રિગું વેપયન્તં સ્વર્ણરમ્ ।
યેના સમુદ્રમાવિથા તમીમહે

યેન સિન્ધું મહીરપો રથામિવ પ્રચોદયઃ ।
પન્થામૃતસ્ય યાતવે તમીમહે

20.64
એન્દ્ર નો ગધિ પ્રિયઃ સત્રાજિદગોહ્યઃ ।
ગિરિર્ન વિશ્વતસ્પૃથુઃ પતિર્દિવઃ

અભિ હિ સત્ય સોમપા ઉભે બભૂથ રોદસી ।
ઇન્દ્રાસિ સુન્વતો વૃધઃ પતિર્દિવઃ

ત્વં હિ શશ્વતીનામિન્દ્ર દર્તા પુરામસિ ।
હન્તા દસ્યોર્મનોર્વૃધઃ પતિર્દિવઃ

એદુ મધ્વો મદિન્તરં સિઞ્ચ વાધ્વર્યો અન્ધસઃ ।
એવા હિ વીર સ્તવતે સદાવૃધઃ

ઇન્દ્ર સ્થાતર્હરીણાં નકિષ્તે પૂર્વ્યસ્તુતિમ્ ।
ઉદાનંશ શવસા ન ભન્દના

તં વો વાજાનાં પતિમહૂમહિ શ્રવસ્યવઃ ।
અપ્રાયુભિર્યજ્ઞેભિર્વાવૃધેન્યમ્

20.65
એતો ન્વિન્દ્રં સ્તવામ સખાય સ્તોમ્યં નરમ્ ।
કુષ્ટીર્યો વિશ્વા અભ્યસ્ત્યેક ઇત્

અગોરુધાય ગવિષે દ્યુક્ષાય દસ્મ્યં વચઃ ।
ઘૃતાત્સ્વાદીયો મધુનશ્ચ વોચત

યસ્યામિતાનિ વીર્યા ન રાધઃ પર્યેતવે ।
જ્યોતિર્ન વિશ્વમભ્યસ્તિ દક્ષિણા

20.66
સ્તુહીન્દ્રં વ્યશ્વવદનૂર્મિં વાજિનં યમમ્ ।
અર્યો ગયં મંહમાનં વિ દાશુષે

એવા નૂનમુપ સ્તુહિ વૈયશ્વ દશમં નવમ્ ।
સુવિદ્વાંસં ચર્કૃત્યં ચરણીનામ્

વેત્થા હિ નિરૃતીનાં વજ્રહસ્ત પરિવૃજમ્ ।
અહરહઃ શુન્ધ્યુઃ પરિપદામિવ

20.67
વનોતિ હિ સુન્વન્ ક્ષયં પરીણસઃ સુન્વાનો હિ ષ્મા યજત્યવ દ્વિષો દેવાનામવ દ્વિષઃ ।
સુન્વાન ઇત્સિષાસતિ સહસ્રા વાજ્યવૃતઃ ।
સુન્વાનાયેન્દ્રો દદાત્યાભુવં રયિં દદાત્યાભુવમ્

મો ષુ વો અસ્મદભિ તાનિ પૌંસ્યા સના ભૂવન્ દ્યુમ્નાનિ મોત જારિષુરસ્મત્પુરોત જારિષુઃ ।
યદ્વશ્ચિત્રં યુગેયુગે નવ્યં ઘોષાદમર્ત્યમ્ ।
અસ્માસુ તન્ મરુતો યચ્ચ દુષ્ટરં દિધૃતા યચ્ચ દુષ્ટરમ્

અગ્નિં હોતારં મન્યે દાસ્વન્તં વસું સૂનું સહસો જાતવેદસં વિપ્રં ન જાતવેદસમ્ ।
ય ઊર્ધ્વયા સ્વધ્વરો દેવો દેવાચ્યા કૃપા ।
ઘૃતસ્ય વિભ્રાષ્ટિમનુ વષ્ટિ શોચિષાજુહ્વાનસ્ય સર્પિષઃ

યજ્ઞૈઃ સંમિશ્લાઃ પૃષતીભિરૃષ્ટિભિર્યામં છુભ્રાસો અઞ્જિષુ પ્રિયા ઉત ।
આસદ્યા બર્હિર્ભરતસ્ય સૂનવઃ પોત્રાદા સોમં પિબતા દિવો નરઃ

આ વક્ષિ દેવામિહ વિપ્ર યક્ષિ ચોશન્ હોતર્નિ ષદા યોનિષુ ત્રિષુ ।
પ્રતિ વીહિ પ્રસ્થિતં સોમ્યં મધુ પિબાગ્નીધ્રાત્તવ ભાગસ્ય તૃસ્ણુહિ

એષ સ્ય તે તન્વો નૃમ્ણવર્ધનઃ સહ ઓજઃ પ્રદિવિ બાહ્વોર્હિતઃ ।
તુભ્યં સુતો મઘવન્ તુભ્યમાભૃતસ્ત્વમસ્ય બ્રાહ્મણાદા તૃપત્પિબ

યમુ પૂર્વમહુવે તમિદં હુવે સેદુ હવ્યો દદિર્યો નામ પત્યતે ।
અધ્વર્યુભિઃ પ્રસ્થિતં સોમ્યં મધુ પોત્રાત્સોમં દ્રવિણોદઃ પિબ ઋતુભિઃ

20.68
સુરૂપકૃત્નુમૂતયે સુદુઘામિવ ગોદુહે ।
જુહૂમસિ દ્યવિદ્યવિ

ઉપ નઃ સવના ગહિ સોમસ્ય સોમપાઃ પિબ ।
ગોદા ઇદ્રેવતો મદઃ

અથા તે અન્તમાનાં વિદ્યામ સુમતીનામ્ ।
મા નો અતિ ખ્ય આ ગહિ

પરેહિ વિગ્રમસ્તૃતમિન્દ્રં પૃછા વિપશ્ચિતમ્ ।
યસ્તે સખિભ્ય આ વરમ્

ઉત બ્રુવન્તુ નો નિદો નિરન્યતશ્ચિદારત ।
દધાના ઇન્દ્ર ઇદ્દુવઃ

ઉત નઃ સુભગામરિર્વોચેયુર્દસ્મ કૃષ્ટયઃ ।
સ્યામેદિન્દ્રસ્ય શર્મણિ

એમાશુમાશવે ભર યજ્ઞશ્રિયં નૃમાદનમ્ ।
પતયન્ મન્દયત્સખમ્

અસ્ય પીત્વા શતક્રતો ઘનો વૃત્રાણામભવઃ ।
પ્રાવો વાજેષુ વાજિનમ્

તં ત્વા વાજેષુ વાજિનં વાજયામઃ શતક્રતો ।
ધનાનામિન્દ્ર સાતયે

યો રાયોઽવનિર્મહાન્ત્સુપારઃ સુન્વતઃ સખા ।
તસ્મા ઇન્દ્રાય ગાયત

આ ત્વેતા નિ ષીદતેન્દ્રમભિ પ્ર ગાયત ।
સખાય સ્તોમવાહસઃ

પુરૂતમં પુરૂણામીશાનં વાર્યાણામ્ ।
ઇન્દ્રં સોમે સચા સુતે

20.69
સ ઘા નો યોગ આ ભુવત્સ રાયે સ પુરંધ્યામ્ ।
ગમદ્વાજેભિરા સ નઃ

યસ્ય સંસ્થે ન વૃણ્વતે હરી સમત્સુ શત્રવઃ ।
તસ્મા ઇન્દ્રાય ગાયત

સુતપાવ્ને સુતા ઇમે શુચયો યન્તિ વીતયે ।
સોમાસો દધ્યાશિરઃ

ત્વં સુતસ્ય પીતયે સદ્યો વૃદ્ધો અજાયથાઃ ।
ઇન્દ્ર જ્યૈષ્ઠ્યાય સુક્રતો

આ ત્વા વિશન્ત્વાશવઃ સોમાસ ઇન્દ્ર ગિર્વણઃ ।
શં તે સન્તુ પ્રચેતસે

ત્વાં સ્તોમા અવીવૃધન્ ત્વામુક્થા શતક્રતો ।
ત્વાં વર્ધન્તુ નો ગિરઃ

અક્ષિતોતિઃ સનેદિમં વાજમિન્દ્રઃ સહસ્રિણમ્ ।
યસ્મિન્ વિશ્વાનિ પૌંસ્યા

મા નો મર્તા અભિ દ્રુહન્ તનૂનામિન્દ્ર ગિર્વણઃ ।
ઈશાનો યવયા વધમ્

યુઞ્જન્તિ બ્રધ્નમરુષં ચરન્તં પરિ તસ્થુષઃ ।
રોચન્તે રોચના દિવિ

યુઞ્જન્ત્યસ્ય કામ્યા હરી વિપક્ષસા રથે ।
શોણા ધૃષ્ણૂ નૃવાહસા

કેતું કૃણ્વન્ન્ અકેતવે પેશો મર્યા અપેશસે ।
સમુષદ્ભિરજાયથાઃ

આદહ સ્વધામનુ પુનર્ગર્ભત્વમેરિરે ।
દધાના નામ યજ્ઞિયમ્

20.70
વીલુ ચિદારુજત્નુભિર્ગુહા ચિદિન્દ્ર વહ્નિભિઃ ।
અવિન્દ ઉસ્રિયા અનુ

દેવયન્તો યથા મતિમછા વિદદ્વસું ગિરઃ ।
મહામનૂષત શ્રુતમ્

ઇન્દ્રેણ સં હિ દૃક્ષસે સંજગ્માનો અબિભ્યુષા ।
મન્દૂ સમાનવર્ચસા

અનવદ્યૈરભિદ્યુભિર્મખઃ સહસ્વદર્ચતિ ।
ગણૈરિન્દ્રસ્ય કામ્યૈઃ

અતઃ પરિજ્મન્ન્ આ ગહિ દિવો વા રોચનાદધિ ।
સમસ્મિન્ન્ ઋઞ્જતે ગિરઃ

ઇતો વા સાતિમીમહે દિવો વા પાર્થિવાદધિ ।
ઇન્દ્રં મહો વા રજસઃ

ઇન્દ્રમિદ્ગથિનો બૃહદિન્દ્રમર્કેભિરર્કિણઃ ।
ઇન્દ્રં વાણીરનૂષત

ઇન્દ્ર ઇદ્ધર્યોઃ સચા સંમિશ્લ આ વચોયુજા ।
ઇન્દ્રો વજ્રી હિરણ્યયઃ

ઇન્દ્રો દીર્ઘાય ચક્ષસ આ સૂર્યં રોહયદ્દિવિ ।
વિ ગોભિરિન્દ્રમૈરયત્

ઇન્દ્ર વાજેષુ નોઽવ સહસ્રપ્રધનેષુ ચ ।
ઉગ્ર ઉગ્રાભિરૂતિભિઃ

ઇન્દ્રં વયં મહાધન ઇન્દ્રમર્ભે હવામહે ।
યુજં વૃત્રેષુ વજ્રિણમ્

સ નો વૃષન્ન્ અમું ચરું સત્રાદાવન્ન્ અપા વૃધિ ।
અસ્મભ્યમપ્રતિષ્કુતઃ

તુઞ્જેતુઞ્જે ય ઉત્તરે સ્તોમા ઇન્દ્રસ્ય વજ્રિણઃ ।
ન વિન્ધે અસ્ય સુષ્ટુતિમ્

વૃષા યૂથેવ વંસગઃ કૃષ્ટીરિયર્ત્યોજસા ।
ઈશાનો અપ્રતિષ્કુતઃ

ય એકશ્ચર્ષણીનાં વસૂનામિરજ્યતિ ।
ઇન્દ્રઃ પઞ્ચ ક્ષિતીનામ્

ઇન્દ્રં વો વિશ્વતસ્પરિ હવામહે જનેભ્યઃ ।
અસ્માકમસ્તુ કેવલઃ

એન્દ્ર સાનસિં રયિં સજિત્વાનં સદાસહમ્ ।
વર્ષિષ્ઠમૂતયે ભર

નિ યેન મુષ્ટિહત્યયા નિ વૃત્રા રુણધામહૈ ।
ત્વોતાસો ન્યર્વતા

ઇન્દ્ર ત્વોતાસો આ વયં વજ્રં ઘના દદીમહિ ।
જયેમ સં યુધિ સ્પૃધઃ

વયં શૂરેભિરસ્તૃભિરિન્દ્ર ત્વયા યુજા વયમ્ ।
સાસહ્યામ પૃતન્યતઃ

20.71
મહામિન્દ્રઃ પરશ્ચ નુ મહિત્વમસ્તુ વજ્રિણે ।
દ્યૌર્ન પ્રથિના શવઃ

સમોહે વા ય આશત નરસ્તોકસ્ય સનિતૌ ।
વિપ્રાસો વા ધિયાયવઃ

યઃ કુક્ષિઃ સોમપાતમઃ સમુદ્ર ઇવ પિન્વતે ।
ઉર્વીરાપો ન કાકુદઃ

એવા હ્યસ્ય સૂનૃતા વિરપ્શી ગોમતી મહી ।
પક્વા શાખા ન દાશુષે

એવા હિ તે વિભૂતય ઊતય ઇન્દ્ર માવતે ।
સદ્યશ્ચિત્સન્તિ દાશુષે

એવા હ્યસ્ય કામ્યા સ્તોમ ઉક્થં ચ શંસ્યા ।
ઇન્દ્રાય સોમપીતયે

ઇન્દ્રેહિ મત્સ્યન્ધસો વિશ્વેભિઃ સોમપર્વભિઃ ।
મહામભિષ્ટિરોજસા

એમેનં સૃજતા સુતે મન્દિમિન્દ્રાય મન્દિને ।
ચક્રિં વિશ્વાનિ ચક્રયે

મત્સ્વા સુશિપ્ર મન્દિભિ સ્તોમેભિર્વિશ્વચર્ષણે ।
સચૈષુ સવનેષ્વા

અસૃગ્રમિન્દ્ર તે ગિરઃ પ્રતિ ત્વામુદહાસત ।
અજોષા વૃષભં પતિમ્

સં ચોદય ચિત્રમર્વાગ્રાધ ઇન્દ્ર વરેણ્યમ્ ।
અસદિત્તે વિભુ પ્રભુ

અસ્માન્ત્સુ તત્ર ચોદયેન્દ્ર રાયે રભસ્વતઃ ।
તુવિદ્યુમ્ન યશસ્વતઃ

સં ગોમદિન્દ્ર વાજવદસ્મે પૃથુ શ્રવો બૃહત્।
વિશ્વાયુર્ધેહ્યક્ષિતમ્

અસ્મે ધેહિ શ્રવો બૃહદ્દ્યુમ્નં સહસ્રસાતમમ્ ।
ઇન્દ્ર તા રથિનીરિષઃ

વસોરિન્દ્રં વસુપતિં ગીર્ભિર્ગૃણન્ત ઋગ્મિયમ્ ।
હોમ ગન્તારમૂતયે

સુતેસુતે ન્યોકસે બૃહદ્બૃહત એદરિઃ ।
ઇન્દ્રાય શૂષમર્ચતિ

20.72
વિશ્વેષુ હિ ત્વા સવનેષુ તુઞ્જતે સમાનમેકં વૃષમણ્યવઃ પૃથક્સ્વઃ સનિષ્યવઃ પૃથક્।
તં ત્વા નાવં ન પર્ષણિં શૂષસ્ય ધુરિ ધીમહિ ।
ઇન્દ્રં ન યજ્ઞૈશ્ચતયન્ત આયવ સ્તોમેભિરિન્દ્રમાયવઃ

વિ ત્વા તતસ્રે મિથુના અવસ્યવો વ્રજસ્ય સાતા ગવ્યસ્ય નિઃસૃજઃ સક્ષન્ત ઇન્દ્ર નિઃસૃજઃ ।
યદ્ગવ્યન્તા દ્વા જના સ્વર્યન્તા સમૂહસિ ।
આવિષ્કરિક્રદ્વૃષણં સચાભુવં વજ્રમિન્દ્ર સચાભુવમ્

ઉતો નો અસ્યા ઉષસો જુષેત હ્યર્કસ્ય બોધિ હવિષો હવીમભિઃ સ્વર્ષાતા હવીમભિઃ ।
યદિન્દ્ર હન્તવે મૃઘો વૃષા વજ્રિં ચિકેતસિ ।
આ મે અસ્ય વેધસો નવીયસો મન્મ શ્રુધિ નવીયસઃ

20.73
તુભ્યેદિમા સવના શૂર વિશ્વા તુભ્યં બ્રહ્માણિ વર્ધના કૃણોમિ ।
ત્વં નૃભિર્હવ્યો વિશ્વધાસિ

નૂ ચિન્ નુ તે મન્યમાનસ્ય દસ્મોદશ્નુવન્તિ મહિમાનમુગ્ર ।
ન વીર્યમિન્દ્ર તે ન રાધઃ

પ્ર વો મહે મહિવૃધે ભરધ્વં પ્રચેતસે પ્ર સુમતિં કૃણુધ્વમ્ ।
વિશઃ પૂર્વીઃ પ્ર ચરા ચર્ષણિપ્રાઃ

યદા વજ્રં હિરણ્યમિદથા રથં હરી યમસ્ય વહતો વિ સૂરિભિઃ ।
આ તિષ્ઠતિ મઘવા સનશ્રુત ઇન્દ્રો વાજસ્ય દીર્ઘશ્રવસસ્પતિઃ

સો ચિન્ નુ વૃષ્ટિર્યૂથ્યા સ્વા સચામિન્દ્રઃ શ્મશ્રૂણિ હરિતાભિ પ્રુષ્ણુતે ।
અવ વેતિ સુક્ષયં સુતે મધૂદિદ્ધૂણોતિ વાતો યથા વનમ્

યો વાચા વિવાચો મૃધ્રવાચઃ પુરૂ સહસ્રાશિવા જઘાન ।
તત્તદિદસ્ય પૌંસ્યં ગૃણીમસિ પિતેવ યસ્તવિષીં વાવૃધે શવઃ

20.74
યચ્ચિદ્ધિ સત્ય સોમપા અનાશસ્તા ઇવ સ્મસિ ।
આ તૂ ન ઇન્દ્ર શંસય ગોષ્વશ્વેષુ શુભ્રિષુ સહસ્રેષુ તુવીમઘ

શિપ્રિન્ વાજાનાં પતે શચીવસ્તવ દંસના ।
આ તૂ ન ઇન્દ્ર શંસય ગોષ્વશ્વેષુ શુભ્રિષુ સહસ્રેષુ તુવીમઘ

નિ ષ્વાપયા મિથૂદૃશા સસ્તામબુધ્યમાને ।
આ તૂ ન ઇન્દ્ર શંસય ગોષ્વશ્વેષુ શુભ્રિષુ સહસ્રેષુ તુવીમઘ

સસન્તુ ત્યા અરાતયો બોધન્તુ શૂર રાતયઃ ।
આ તૂ ન ઇન્દ્ર શંસય ગોષ્વશ્વેષુ શુભ્રિષુ સહસ્રેષુ તુવીમઘ

સમિન્દ્ર ગર્દભં મૃણ નુવન્તં પપયામુયા ।
આ તૂ ન ઇન્દ્ર શંસય ગોષ્વશ્વેષુ શુભ્રિષુ સહસ્રેષુ તુવીમઘ

પતાતિ કુણ્ડૃણાચ્યા દૂરં વાતો વનાદધિ ।
આ તૂ ન ઇન્દ્ર શંસય ગોષ્વશ્વેષુ શુભ્રિષુ સહસ્રેષુ તુવીમઘ

સર્વં પરિક્રોશં જહિ જમ્ભયા કૃકદાશ્વમ્ ।
આ તૂ ન ઇન્દ્ર શંસય ગોષ્વશ્વેષુ શુભ્રિષુ સહસ્રેષુ તુવીમઘ

20.75
વિ ત્વા તતસ્રે મિથુના અવસ્યવો વ્રજસ્ય સાતા ગવ્યસ્ય નિઃસૃજઃ સક્ષન્ત ઇન્દ્ર નિઃસૃજઃ ।
યદ્ગવ્યન્ત દ્વા જના સ્વર્યન્તા સમૂહસિ ।
આવિષ્કરિક્રદ્વૃષણં સચાભુવં વજ્રમિન્દ્ર સચાભુવમ્

વિદુષ્ટે અસ્ય વીર્યસ્ય પૂરવઃ પુરો યદિન્દ્ર શારદીરવાતિરઃ સાસહાનો અવાતિરઃ ।
શાસસ્તમિન્દ્ર મર્ત્યમયજું શવસસ્પતે ।
મહીમમુષ્ણાઃ પૃથિવીમિમા અપો મન્દસાન ઇમા અપઃ

આદિત્તે અસ્ય વીર્યસ્ય ચર્કિરન્ મદેષુ વૃષન્ન્ ઉશિજો યદાવિથ સખીયતો યદાવિથ ।
ચકર્થ કારમેભ્યઃ પૃતનાસુ પ્રવન્તવે ।
તે અન્યામન્યાં નદ્યં સનિષ્ણત શ્રવસ્યન્તઃ સનિષ્ણત

20.76
વને ન વા યો ન્યધાયિ ચાક્રં છુચિર્વાં સ્તોમો ભુરણાવજીગઃ ।
યસ્યેદિન્દ્રઃ પુરુદિનેષુ હોતા નૃણાં નર્વો નૃતમઃ ક્ષપાવાન્

પ્ર તે અસ્યા ઉષસઃ પ્રાપરસ્યા નૃતૌ સ્યામ નૃતમસ્ય નૃણામ્ ।
અનુ ત્રિશોકઃ શતમાવહન્ નૄન્ કુત્સેન રથો યો અસત્સસવાન્

કસ્તે મદ ઇન્દ્ર રન્ત્યો ભૂદ્દુરો ગિરો અભ્યુગ્રો વિ ધાવ ।
કદ્વાહો અર્વાગુપ મા મનીષા આ ત્વા શક્યામુપમં રાધો અન્નૈઃ

કદુ દ્યુમ્નમિન્દ્ર ત્વાવતો નૄન્ કયા ધિયા કરસે કન્ ન આગન્ ।
મિત્રો ન સત્ય ઉરુગાય ભૃત્યા અન્ને સમસ્ય યદસન્ મનીષાઃ

પ્રેરય સૂરો અર્થં ન પારં યે અસ્ય કામં જનિધા ઇવ ગ્મન્ ।
ગિરશ્ચ યે તે તુવિજાત પૂર્વીર્નર ઇન્દ્ર પ્રતિશિક્ષન્ત્યન્નૈઃ

માત્રે નુ તે સુમિતે ઇન્દ્ર પૂર્વી દ્યૌર્મજ્મના પૃથિવી કાવ્યેન ।
વરાય તે ઘૃતવન્તઃ સુતાસઃ સ્વાદ્નન્ ભવન્તુ પીતયે મધૂનિ

આ મધ્વો અસ્મા અસિચન્ન્ અમત્રમિન્દ્રાય પૂર્ણં સ હિ સત્યરાધાઃ ।
સ વાવૃધે વરિમન્ન્ આ પૃથિવ્યા અભિ ક્રત્વા નર્યઃ પૌંસ્યૈશ્ચ

વ્યાનળ્ ઇન્દ્રઃ પૃતનાઃ સ્વોજા આસ્મૈ યતન્તે સખ્યાય પૂર્વીઃ ।
આ સ્મા રથં ન પૃતનાસુ તિષ્ઠ યં ભદ્રયા સુમત્યા ચોદયાસે

20.77
આ સત્યો યાતુ મઘવામૃજીષી દ્રવન્ત્વસ્ય હરય ઉપ નઃ ।
તસ્મા ઇદન્ધઃ સુષુમા સુદક્ષમિહાભિપિત્વં કરતે ગૃણાનઃ

અવ સ્ય શૂરાધ્વનો નાન્તેઽસ્મિન્ નો અદ્ય સવને મન્દધ્યૈ ।
શંસાત્યુક્થમુશનેવ વેધાશ્ચિકિતુષે અસુર્યાય મન્મ

કવિર્ન નિણ્યં વિદથાનિ સાધન્ વૃષા યત્સેકં વિપિપાનો અર્ચાત્।
દિવ ઇત્થા જીજનત્સપ્ત કારૂન્ અહ્ના ચિચ્ચક્રુર્વયુના ગૃણન્તઃ

સ્વર્યદ્વેદિ સુદૃશીકમર્કૈર્મહિ જ્યોતી રુરુચુર્યદ્ધ વસ્તોઃ ।
અન્ધા તમાંસિ દુધિતા વિચક્ષે નૃભ્યશ્ચકાર નૃતમો અભિષ્ટૌ

વવક્ષ ઇન્દ્રો અમિતમૃજિષ્યુભે આ પપ્રૌ રોદસી મહિત્વા ।
અતશ્ચિદસ્ય મહિમા વિ રેચ્યભિ યો વિશ્વા ભુવના બભૂવ

વિશ્વાનિ શક્રો નર્યાણિ વિદ્વાન્ અપો રિરેચ સખિભિર્નિકામૈઃ ।
અશ્માનં ચિદ્યે બિભિદુર્વચોભિર્વ્રજં ગોમન્તમુશિજો વિ વવ્રુઃ

અપો વૃત્રં વવ્રિવાંસં પરાહન્ પ્રાવત્તે વજ્રં પૃથિવી સચેતાઃ ।
પ્રાર્ણાંસિ સમુદ્રિયાણ્યૈનોઃ પતિર્ભવં છવસા શૂર ધૃષ્ણો

અપો યદદ્રિં પુરુહૂત દર્દરાવિર્ભુવત્સરમા પૂર્વ્યં તે ।
સ નો નેતા વાજમા દર્ષિ ભૂરિં ગોત્રા રુજન્ન્ અઙ્ગિરોભિર્ગૃણાનઃ

20.78
તદ્વો ગાય સુતે સચા પુરુહૂતાય સત્વને ।
શં યદ્ગવે ન શાકિને

ન ઘા વસુર્નિ યમતે દાનં વાજસ્ય ગોમતઃ ।
યત્સીમુપ શ્રવદ્ગિરઃ

કુવિત્સસ્ય પ્ર હિ વ્રજં ગોમન્તં દસ્યુહા ગમત્।
શચીભિરપ નો વરત્

20.79
ઇન્દ્ર ક્રતું ન આ ભર પિતા પુત્રેભ્યો યથા ।
શિક્ષા ણો અસ્મિન્ પુરુહૂત યામનિ જીવા જ્યોતિરશીમહિ

મા નો અજ્ઞાતા વૃજના દુરાધ્યો માશિવાસો અવ ક્રમુઃ ।
ત્વયા વયં પ્રવતઃ શશ્વતીરપોઽતિ શૂર તરામસિ

20.80
ઇન્દ્ર જ્યેષ્ઠં ન આ ભરમોજિષ્ઠં પપુરિ શ્રવઃ ।
યેનેમે ચિત્ર વજ્રહસ્ત રોદસી ઓભે સુશિપ્ર પ્રાઃ

ત્વામુગ્રમવસે ચર્ષણીસહં રાજન્ દેવેષુ હૂમહે ।
વિશ્વા સુ નો વિથુરા પિબ્દના વસોઽમિત્રાન્ સુષહાન્ કૃધિ

20.81
યદ્દ્યાવ ઇન્દ્ર તે શતં શતં ભૂમિરુત સ્યુઃ ।
ન ત્વા વજ્રિન્ત્સહસ્રં સૂર્યા અનુ ન જાતમષ્ટ રોદસી

આ પપ્રાથ મહિના કૃષ્ણ્યા વૃષન્ વિશ્વા શવિષ્ઠ શવસા ।
અસ્મામવ મઘવન્ ગોમતિ વ્રજે વજ્રિં ચિત્રાભિરૂતિભિઃ

20.82
યદિન્દ્ર યાવતસ્ત્વમેતાવદહમીશીય ।
સ્તોતારમિદ્દિધિષેય રદાવસો ન પાપત્વાય રાસીય

શિક્ષેયમિન્ મહયતે દિવેદિવે રાય આ કુહચિદ્વિદે ।
નહિ ત્વદન્યન્ મઘવન્ ન આપ્યં વસ્યો અસ્તિ પિતા ચન

20.83
ઇન્દ્ર ત્રિધાતુ શરણં ત્રિવરૂથં સ્વસ્તિમત્।
છર્દિર્યચ્છ મઘવદ્ભ્યશ્ચ મહ્યં ચ યાવયા દિદ્યુમેભ્યઃ

યે ગવ્યતા મનસા શત્રુમાદભુરભિપ્રઘ્નન્તિ ધૃષ્ણુયા ।
અઘ સ્મા નો મઘવન્ન્ ઇન્દ્ર ગિર્વણસ્તનૂપા અન્તમો ભવ

20.84
ઇન્દ્રા યાહિ ચિત્રભાનો સુતા ઇમે ત્વાયવઃ ।
અણ્વીભિસ્તના પૂતાસઃ

ઇન્દ્રા યાહિ ધિયેષિતો વિપ્રજુતઃ સુતાવતઃ ।
ઉપ બ્રહ્માણિ વાઘતઃ

ઇન્દ્રા યાહિ તૂતુજાન ઉપ બ્રહ્માણિ હરિવઃ ।
સુતે દધિષ્વ નશ્ચનઃ

20.85
મા ચિદન્યદ્વિ શંસત સખાયો મા રિષણ્યત ।
ઇન્દ્રમિત્સ્તોતા વૃષણં સચા સુતે મુહુરુક્થા ચ શંસત

અવક્રક્ષિણં વૃષભં યથાજુરં ગાં ન ચર્ષણીસહમ્ ।
વિદ્વેષણં સંવનનોભયંકરં મંહિષ્ઠમુભયાવિનમ્

યચ્ચિદ્ધિ ત્વા જના ઇમે નાના હવન્ત ઊતયે ।
અસ્માકં બ્રહ્મેદમિન્દ્ર ભૂતુ તેઽહા વિશ્વા ચ વર્ધનમ્

વિ તર્તૂર્યન્તે મઘવન્ વિપશ્ચિતોઽર્યો વિપો જનાનામ્ ।
ઉપ ક્રમસ્વ પુરુરૂપમા ભર વાજં નેદિષ્ઠમૂતયે

20.86
બ્રહ્મણા તે બ્રહ્મયુજા યુનજ્મિ હરી સખાયા સધમાદ આશૂ ।
સ્થિરં રથં સુખમિન્દ્રાધિતિષ્ઠન્ પ્રજાનન્ વિદ્વામુપ યાહિ સોમમ્

20.87
અધ્વર્યવોઽરુણં દુગ્ધમંશું જુહોતન વૃષભાય ક્ષિતીનામ્ ।
ગૌરાદ્વેદીયામવપાનમિન્દ્રો વિશ્વાહેદ્યાતિ સુતસોમમિચ્છન્

યદ્દધિષે પ્રદિવિ ચાર્વન્નં દિવેદિવે પીતિમિદસ્ય વક્ષિ ।
ઉત હૃદોત મનસા જુષાણ ઉશન્ન્ ઇન્દ્ર પ્રસ્થિતાન્ પાહિ સોમાન્

જજ્ઞાનઃ સોમં સહસે પપાથ પ્ર તે માતા મહિમાનમુવાચ ।
એન્દ્ર પપ્રાથોર્વન્તરિક્ષં યુધા દેવેભ્યો વરિવશ્ચકર્થ

યદ્યોધયા મહતો મન્યમાનાન્ સાક્ષામ તાન્ બાહુભિઃ શાશદાનાન્ ।
યદ્વા નૃભિર્વૃત ઇન્દ્રાભિયુધ્યાસ્તં ત્વયાજિં સૌશ્રવસં જયેમ

પ્રેન્દ્રસ્ય વોચં પ્રથમા કૃતાનિ પ્ર નૂતના મઘવા યા ચકાર ।
યદેદદેવીરસહિષ્ટ માયા અથાભવત્કેવલઃ સોમો અસ્ય

તવેદં વિશ્વમભિતઃ પશવ્યં યત્પશ્યસિ ચક્ષસા સૂર્યસ્ય ।
ગવામસિ ગોપતિરેક ઇન્દ્ર ભક્ષીમહિ તે પ્રયતસ્ય વસ્વઃ

બૃહસ્પતે યુવમિન્દ્રશ્ચ વસ્વો દિવ્યસ્યેશાથે ઉત પાર્થિવસ્ય ।
ધત્તં રયિં સ્તુવતે કીરયે ચિદ્યૂયં પાત સ્વસ્તિભિઃ સદા નઃ

20.88
યસ્તસ્તમ્ભ સહસા વિ જ્મો અન્તાન્ બૃહસ્પતિસ્ત્રિષધસ્થો રવેણ ।
તં પ્રત્નાસ ઋષયો દીધ્યાનાઃ પુરો વિપ્રા દધિરે મન્દ્રજિહ્વમ્

ધુનેતયઃ સુપ્રકેતં મદન્તો બૃહસ્પતે અભિ યે નસ્તતસ્રે ।
પૃષન્તં સૃપ્રમદબ્ધમૂર્વં બૃહસ્પતે રક્ષતાદસ્ય યોનિમ્

બૃહસ્પતે યા પરમા પરાવદત આ તે ઋતસ્પૃશો નિ ષેદુઃ ।
તુભ્યં ખાતા અવતા અદ્રિદુગ્ધા મધ્વ શ્ચોતન્ત્યભિતો વિરપ્શમ્

બૃહસ્પતિઃ પ્રથમં જાયમાનો મહો જ્યોતિષઃ પરમે વ્યોમન્ ।
સપ્તાસ્યસ્તુવિજાતો રવેણ વિ સપ્તરશ્મિરધમત્તમાંસિ

સ સુષ્ટુભા સ ઋક્વતા ગણેન વલં રુરોજ ફલિગં રવેણ ।
બૃહસ્પતિરુસ્રિયા હવ્યસૂદઃ કનિક્રદદ્વાવશતીરુદાજત્

એવા પિત્રે વિશ્વદેવાય વૃષ્ણે યજ્ઞૈર્વિધેમ નમસા હવિર્ભિઃ ।
બૃહસ્પતે સુપ્રજા વીરવન્તો વયં સ્યામ પતયો રયીણામ્

20.89
અસ્તેવ સુ પ્રતરં લાયમસ્યન્ ભૂષન્ન્ ઇવ પ્ર ભરા સ્તોમમસ્મૈ ।
વાચા વિપ્રાસ્તરત વાચમર્યો નિ રામય જરિતઃ સોમ ઇન્દ્રમ્

દોહેન ગામુપ શિક્ષા સખાયં પ્ર બોધય જરિતર્જારમિન્દ્રમ્ ।
કોશં ન પૂર્ણં વસુના ન્યૃષ્ટમા ચ્યાવય મઘદેયાય શૂરમ્

કિમઙ્ગ ત્વા મઘવન્ ભોજમાહુઃ શિશીહિ મા શિશયં ત્વા શૃણોમિ ।
અપ્નસ્વતી મમ ધીરસ્તુ શક્ર વસુવિદં ભગમિન્દ્રા ભરા નઃ

ત્વાં જના મમસત્યેષ્વિન્દ્ર સંતસ્થાના વિ હ્વયન્તે સમીકે ।
અત્રા યુજં કૃણુતે યો હવિષ્માન્ નાસુન્વતા સખ્યં વષ્ટિ શૂરઃ

ધનં ન સ્પન્દ્રં બહુલં યો અસ્મૈ તીવ્રાન્ત્સોમામાસુનોતિ પ્રયસ્વાન્ ।
તસ્મૈ શત્રૂન્ત્સુતુકાન્ પ્રાતરહ્નો નિ સ્વષ્ટ્રાન્ યુવતિ હન્તિ વૃત્રમ્

યસ્મિન્ વયં દધિમા શંસમિન્દ્રે યઃ શિશ્રાય મઘવા કામમસ્મે ।
આરાચ્ચિત્સન્ ભયતામસ્ય શત્રુર્ન્યસ્મૈ દ્યુમ્ના જન્યા નમન્તામ્

આરાચ્છત્રુમપ બાધસ્વ દૂરમુગ્રો યઃ શમ્બઃ પુરુહૂત તેન ।
અસ્મે ધેહિ યવમદ્ગોમદિન્દ્ર કૃધી ધિયં જરિત્રે વાજરત્નામ્

પ્ર યમન્તર્વૃષસવાસો અજ્મન્ તીવ્રાઃ સોમા બહુલાન્તાસ ઇન્દ્રમ્ ।
નાહ દામાનં મઘવા નિ યંસન્ નિ સુન્વતે વહતિ ભૂરિ વામમ્

ઉત પ્રહામતિદીવા જયતિ કૃતમિવ શ્વઘ્ની વિ ચિનોતિ કાલે ।
યો દેવકામો ન ધનં રુણદ્ધિ સમિત્તં રાયઃ સૃજતિ સ્વધાભિઃ

ગોભિષ્ટરેમામતિં દુરેવાં યવેન વા ક્ષુધં પુરુહૂત વિશ્વે ।
વયં રાજસુ પ્રથમા ધનાન્યરિષ્ટાસો વૃજનીભિર્જયેમ

બૃહસ્પતિર્નઃ પરિ પાતુ પશ્ચાદુતોત્તરસ્માદધરાદઘયોઃ ।
ઇન્દ્રઃ પુરસ્તાદુત મધ્યતો નઃ સખા સખિભ્યો વરીયઃ કૃણોતુ

20.90
યો અદ્રિભિત્પ્રથમજા ઋતાવા બૃહસ્પતિરાઙ્ગિરસો હવિષ્માન્ ।
દ્વિબર્હજ્મા પ્રાઘર્મસત્પિતા ન આ રોદસી વૃષભો રોરવીતિ

જનાય ચિદ્ય ઈવતે ઉ લોકં બૃહસ્પતિર્દેવહૂતૌ ચકાર ।
ઘ્નન્ વૃત્રાણિ વિ પુરો દર્દરીતિ જયં છત્રૂંરમિત્રાન્ પૃત્સુ સાહન્

બૃહસ્પતિઃ સમજયદ્વસૂનિ મહો વ્રજાન્ ગોમતે દેવ એષઃ ।
અપઃ સિષાસન્ત્સ્વરપ્રતીતો બૃહસ્પતિર્હન્ત્યમિત્રમર્કૈઃ

20.91
ઇમાં ધિયં સપ્તશીર્ષ્ણીં પિતા ન ઋતપ્રજાતાં બૃહતીમવિન્દત્।
તુરીયં સ્વિજ્જનયદ્વિશ્વજન્યોઽયાસ્ય ઉક્થમિન્દ્રાય શંસન્

ઋતં શંસન્ત ઋજુ દીધ્યાના દિવસ્પુત્રાસો અસુરસ્ય વીરાઃ ।
વિપ્રં પદમઙ્ગિરસો દધાના યજ્ઞસ્ય ધામ પ્રથમં મનન્ત

હંસૈરિવ સખિભિર્વાવદદ્ભિરશ્મન્મયાનિ નહના વ્યસ્યન્ ।
બૃહસ્પતિરભિકનિક્રદદ્ગા ઉત પ્રાસ્તૌદુચ્ચ વિદ્વામગાયત્

અવો દ્વાભ્યાં પર એકયા ગા ગુહા તિષ્ઠન્તીરનૃતસ્ય સેતૌ ।
બૃહસ્પતિસ્તમસિ જ્યોતિરિચ્છન્ ઉદુસ્રા આકર્વિ હિ તિસ્ર આવઃ

વિભિદ્યા પુરં શયથેમપાચીં નિસ્ત્રીણિ સાકમુદધેરકૃન્તત્।
બૃહસ્પતિરુષસં સૂર્યં ગામર્કં વિવેદ સ્તનયન્ન્ ઇવ દ્યૌઃ

ઇન્દ્રો વલં રક્ષિતારં દુઘાનાં કરેણેવ વિ ચકર્તા રવેણ ।
સ્વેદાઞ્જિભિરાશિરમિચ્છમાનોઽરોદયત્પણિમા ગા અમુષ્ણાત્

સ ઈં સત્યેભિઃ સખિભિઃ શુચદ્ભિર્ગોધાયસં વિ ધનસૈરદર્દઃ ।
બ્રહ્મણસ્પતિર્વૃષભિર્વરાહૈર્ઘર્મસ્વેદેભિર્દ્રવિણં વ્યાનટ્

તે સત્યેન મનસા ગોપતિં ગા ઇયાનાસ ઇષણયન્ત ધીભિઃ ।
બૃહસ્પતિર્મિથોઅવદ્યપેભિરુદુસ્રિયા અસૃજત સ્વયુગ્ભિઃ

તં વર્ધયન્તો મતિભિઃ શિવાભિઃ સિંહમિવ નાનદતં સધસ્થે ।
બૃહસ્પતિં વૃષણં શૂરસાતૌ ભરેભરે અનુ મદેમ જિષ્ણુમ્

યદા વાજમસનદ્વિશ્વરૂપમા દ્યામરુક્ષદુત્તરાણિ સદ્મ ।
બૃહસ્પતિં વૃષણં વર્ધયન્તો નાના સન્તો બિભ્રતો જ્યોતિરાસા

સત્યમાશિષં કૃણુતા વયોધૈ કીરિં ચિદ્ધ્યવથ સ્વેભિરેવૈઃ ।
પશ્ચા મૃધો અપ ભવન્તુ વિશ્વાસ્તદ્રોદસી શૃણુતં વિશ્વમિન્વે

ઇન્દ્રો મહ્ના મહતો અર્ણવસ્ય વિ મૂર્ધાનમભિનદર્બુદસ્ય ।
અહન્ન્ અહિમરિણાત્સપ્ત સિન્ધૂન્ દેવૈર્દ્યાવાપૃથિવી પ્રાવતં નઃ

20.92
અભિ પ્ર ગોપતિં ગિરેન્દ્રમર્ચ યથા વિદે ।
સૂતું સત્યસ્ય સત્પતિમ્

આ હરયઃ સસૃજ્રિરેઽરુષીરધિ બર્હિષિ ।
યત્રાભિ સંનવામહે

ઇન્દ્રાય ગાવ આશિરં દુદુહ્રે વજ્રિણે મધુ ।
યત્સીમુપહ્વરે વિદત્

ઉદ્યદ્બ્રધ્નસ્ય વિષ્ટપં ગૃહમિન્દ્રશ્ચ ગન્વહિ ।
મધ્વઃ પીત્વા સચેવહિ ત્રિઃ સપ્ત સખ્યુઃ પદે

અર્ચત પ્રાર્ચત પ્રિયમેધાસો અર્ચત ।
અર્ચન્તુ પુત્રકા ઉત પુરં ન ધૃષ્ણ્વર્ચત

અવ સ્વરાતિ ગર્ગરો ગોધા પરિ સનિષ્વણત્।
પિઙ્ગા પરિ ચનિષ્કદદિન્દ્રાય બ્રહ્મોદ્યતમ્

આ યત્પતન્ત્યેન્યઃ સુદુઘા અનપસ્ફુરઃ ।
અપસ્ફુરં ગૃભાયત સોમમિન્દ્રાય પાતવે

અપાદિન્દ્રો અપાદગ્નિર્વિશ્વે દેવા અમત્સત ।
વરુણ ઇદિહ ક્ષયત્તમાપો અભ્યનૂષત વત્સં સંશિશ્વરીરિવ

સુદેવો અસિ વરુણ યસ્ય તે સપ્ત સિન્ધવઃ ।
અનુક્ષરન્તિ કાકુદં સૂર્યં સુષિરામિવ

યો વ્યતીંરફાણયત્સુયુક્તામુપ દાશુષે ।
તક્વો નેતા તદિદ્વપુરુપમા યો અમુચ્યત

અતીદુ શક્ર ઓહત ઇન્દ્રો વિશ્વા અતિ દ્વિષઃ ।
ભિનત્કનીન ઓદનં પચ્યમાનં પરો ગિરા

અર્ભકો ન કુમારકોઽધિ તિષ્ઠન્ન્ અવં રથમ્ ।
સ પક્ષન્ મહિષં મૃગં પિત્રે માત્રે વિભુક્રતુમ્

આ તૂ સુશિપ્ર દંપતે રથં તિષ્ઠા હિરણ્યયમ્ ।
અધ દ્યુક્ષં સચેવહિ સહસ્રપાદમરુષં સ્વસ્તિગામનેહસમ્

તં ઘેમિત્થા નમસ્વિન ઉપ સ્વરાજમાસતે ।
અર્થં ચિદસ્ય સુધિતં યદેતવે આવર્તયન્તિ દાવને

અનુ પ્રત્નસ્યૌકસઃ પ્રિયમેધાસ એષામ્ ।
પૂર્વામનુ પ્રયતિં વૃક્તબર્હિષો હિતપ્રયસ આશત

યો રાજા ચર્ષણીનાં યાતા રથેભિરધ્રિગુઃ ।
વિશ્વાસાં તરુતા પૃતનાનાં જ્યેષ્ઠો યો વૃત્રહા ગૃણે

ઇન્દ્રં તં શુમ્ભ પુરુહન્મન્ન્ અવસે યસ્ય દ્વિતા વિધર્તરિ ।
હસ્તાય વજ્રઃ પ્રતિ ધાયિ દર્શતો મહો દિવે ન સૂર્યઃ

નકિષ્ટં કર્મણા નશદ્યશ્ચકાર સદાવૃધમ્ ।
ઇન્દ્રં ન યજ્ઞૈર્વિશ્વગૂર્તમૃભ્વસમધૃષ્ટં ધૃષ્ણ્વોજસમ્

અષાલ્હમુગ્રં પૃતનાસુ સાસહિં યસ્મિન્ મહીરુરુજ્રયઃ ।
સં ધેનવો જાયમાને અનોનવુર્દ્યાવઃ ક્ષામો અનોનવુઃ

યદ્દ્યાવ ઇન્દ્ર તે શતં શતં ભૂમીરુત સ્યુઃ ।
ન ત્વા વજ્રિન્ત્સહસ્રં સૂર્યા અનુ ન જાતમષ્ટ રોદસી

આ પપ્રાથ મહિના વૃષ્ણ્યા વૃષન્ વિશ્વા શવિષ્ઠ શવસા ।
અસ્મામવ મઘવન્ ગોમતિ વ્રજે વજ્રિં ચિત્રાભિરૂતિભિઃ

20.93
ઉત્ત્વા મન્દન્તુ સ્તોમાઃ કૃણુષ્વ રાધો અદ્રિવઃ ।
અવ બ્રહ્મદ્વિષો જહિ

પદા પણીંરરાધસો નિ બાધસ્વ મહામસિ ।
નહિ ત્વા કશ્ચન પ્રતિ

ત્વમીશિષે સુતાનામિન્દ્ર ત્વમસુતાનામ્ ।
ત્વં રાજા જનાનામ્

ઈઙ્ખયન્તીરપસ્યુવ ઇન્દ્રં જાતમુપાસતે ।
ભેજાનાસઃ સુવીર્યમ્

ત્વમિન્દ્ર બલાદધિ સહસો જાત ઓજસઃ ।
ત્વં વૃષન્ વૃષેદસિ

ત્વમિન્દ્રાસિ વૃત્રહા વ્યન્તરિક્ષમતિરઃ ।
ઉદ્દ્યામસ્તભ્ના ઓજસા

ત્વમિન્દ્ર સજોષસમર્કં બિભર્ષિ બાહ્વોઃ ।
વજ્રં શિશાન ઓજસા

ત્વમિન્દ્રાભિભુરસિ વિશ્વા જાતાન્યોજસા ।
સ વિશ્વા ભુવ આભવઃ

20.94
આ યાત્વિન્દ્રઃ સ્વપતિર્મદાય યો ધર્મણા તૂતુજાનસ્તુવિષ્માન્ ।
પ્રત્વક્ષાણો અતિ વિશ્વા સહાંસ્યપારેણ મહતા વૃષ્ણ્યેન

સુષ્ઠામા રથઃ સુયમા હરી તે મિમ્યક્ષ વજ્રો નૃપતે ગભસ્તૌ ।
શીભં રાજન્ સુપથા યાહ્યર્વાઙ્વર્ધામ તે પપુસો વૃષ્ણ્યાનિ

એન્દ્રવાહો નૃપતિં વજ્રબાહુમુગ્રમુગ્રાસસ્તવિષાસ એનમ્ ।
પ્રત્વક્ષસં વૃષભં સત્યશુષ્મમેમસ્મત્રા સધમાદો વહન્તુ

એવા પતિં દ્રોણસાચં સચેતસમૂર્જ સ્કમ્ભં ધરુણ આ વૃષાયસે ।
ઓજઃ કૃષ્વ સં ગૃભાય ત્વે અપ્યસો યથા કેનિપાનામિનો વૃધે

ગમન્ન્ અસ્મે વસૂન્યા હિ શંસિષં સ્વાશિષં ભરમા યાહિ સોમિનઃ ।
ત્વમીશિષે સાસ્મિન્ન્ આ સત્સિ બર્હિષ્યનાધૃષ્યા તવ પાત્રાણિ ધર્મણા

પૃથક્પ્રાયન્ પ્રથમા દેવહૂતયોઽકૃણ્વત શ્રવસ્યાનિ દુષ્ટરા ।
ન યે શેકુર્યજ્ઞિયાં નાવમારુહમિર્મૈવ તે ન્યવિશન્ત કેપયઃ

એવૈવાપાગપરે સન્તુ દૂધ્યોઽશ્વા યેષાં દુર્યુગ આયુયુજ્રે ।
ઇત્થા યે પ્રાગુપરે સન્તિ દાવને પુરૂણિ યત્ર વયુનાનિ ભોજના

ગિરીંરજ્રાન્ રેજમાનામધારયદ્દ્યૌઃ ક્રન્દદન્તરિક્ષાણિ કોપયત્।
સમીચીને ધિષણે વિ ષ્કભાયતિ વૃષ્ણઃ પીત્વા મદ ઉક્થાનિ શંસતિ

ઇમં બિભર્મિ સુકૃતં તે અઙ્કુશં યેનારુજાસિ મઘવં છફારુજઃ ।
અસ્મિન્ત્સુ તે સવને અસ્ત્વોક્ત્યં સુત ઇષ્ટૌ મઘવન્ બોધ્યાભગઃ

ગોભિષ્ટરેમામતિં દુરેવાં યવેન ક્ષુધં પુરુહૂત વિશ્વામ્ ।
વયં રાજભિઃ પ્રથમા ધનાન્યસ્માકેન વૃજનેના જયેમ

બૃહસ્પતિર્નઃ પરિ પાતુ પશ્ચાદુતોત્તરસ્માદધરાદઘયોઃ ।
ઇન્દ્રઃ પુરસ્તાદુત મધ્યતો નઃ સખા સખિભ્યો વરિવઃ કૃણોતુ

20.95
ત્રિકદ્રુકેષુ મહિષો યવાશિરં તુવિશુષ્મસ્તૃપત્સોમમપિબદ્વિષ્ણુના સુતં યથાવશત્।
સ ઈં મમાદ મહિ કર્મ કર્તવે મહામુરું સૈનં સશ્ચદ્દેવો દેવં સત્યમિન્દ્રં સત્ય ઇન્દુઃ

પ્રો ષ્વસ્મૈ પુરોરથમિન્દ્રાય શૂષમર્ચત ।
અભીકે ચિદુ લોકકૃત્સંગે સમત્સુ વૃત્રહાસ્માકં બોધિ ચોદિતા નભન્તામન્યકેષાં જ્યાકા અધિ ધન્વસુ

ત્વં સિન્ધૂંરવાસૃજોઽધરાચો અહન્ન્ અહિમ્ ।
અશત્રુરિન્દ્ર જજ્ઞિષે વિશ્વં પુષ્યસિ વાર્યં તં ત્વા પરિ ષ્વજામહે નભન્તામન્યકેષાં જ્યાકા અધિ ધન્વસુ

વિ ષુ વિશ્વા અરાતયોઽર્યો નશન્ત નો ધિયઃ ।
અસ્તાસિ શત્રવે વધં યો ન ઇન્દ્ર જિઘાંસતિ યા તે રાતિર્દદિર્વસુ ।
નભન્તામન્યકેષાં જ્યકા અધિ ધન્વસુ

20.96
તીવ્રસ્યાભિવયસો અસ્ય પાહિ સર્વરથા વિ હરી ઇહ મુઞ્ચ ।
ઇન્દ્ર મા ત્વા યજમાનાસો અન્યે નિ રીરમન્ તુભ્યમિમે સુતાસઃ

તુભ્યં સુતાસ્તુભ્યમુ સોત્વાસસ્ત્વાં ગિરઃ શ્વાત્ર્યા આ હ્વયન્તિ ।
ઇન્દ્રેદમદ્ય સવનં જુષાણો વિશ્વસ્ય વિદ્વામિહ પાહિ સોમમ્

ય ઉશતા મનસા સોમમસ્મૈ સર્વહૃદા દેવકામઃ સુનોતિ ।
ન ગા ઇન્દ્રસ્તસ્ય પરા દદાતિ પ્રશસ્તમિચ્ચારુમસ્મૈ કૃણોતિ

અનુસ્પષ્ટો ભવત્યેષો અસ્ય યો અસ્મૈ રેવાન્ ન સુનોતિ સોમમ્ ।
નિરરત્નૌ મઘવા તં દધાતિ બ્રહ્મદ્વિષો હન્ત્યનાનુદિષ્ટઃ

અશ્વાયન્તો ગવ્યન્તો વાજયન્તો હવામહે ત્વોપગન્તવા ઉ ।
આભૂષન્તસ્તે સુમતૌ નવાયાં વયમિન્દ્ર ત્વા શુનં હુવેમ

મુઞ્ચામિ ત્વા હવિષા જીવનાય કમજ્ઞાતયક્ષ્માદુત રાજયક્ષ્માત્।
ગ્રાહિર્જગ્રાહ યદ્યેતદ્તસ્યા ઇન્દ્રાગ્ની પ્ર મુમુક્તમેનમ્

યદિ ક્ષિતાયુર્યદિ વા પરેતો યદિ મૃત્યોરન્તિકં નીત એવ ।
તમા હરામિ નિરૃતેરુપસ્થાદસ્પાર્શમેનં શતશારદાય

સહસ્રાક્ષેણ શતવીર્યેણ શતાયુષા હવિષાહાર્ષમેનમ્ ।
ઇન્દ્રો યથૈનં શરદો નયાત્યતિ વિશ્વસ્ય દુરિતસ્ય પારમ્

શતં જીવ શરદો વર્ધમાનઃ શતં હેમન્તાન્ છતમુ વસન્તાન્ ।
શતં ત ઇન્દ્રો અગ્નિઃ સવિતા બૃહસ્પતિઃ શતાયુષા હવિષાહાર્ષમેનમ્

આહાર્ષમવિદં ત્વા પુનરાગાઃ પુનર્ણવઃ ।
સર્વાઙ્ગ સર્વં તે ચક્ષુઃ સર્વમાયુશ્ચ તેઽવિદમ્

બ્રહ્મણાગ્નિઃ સમ્વિદાનો રક્ષોહા બાધતામિતઃ ।
અમીવા યસ્તે ગર્ભં દુર્ણામા યોનિમાશયે

યસ્તે ગર્ભમમીવા દુર્ણામા યોનિમાશયે ।
અગ્નિષ્ટં બ્રહ્મણા સહ નિષ્ક્રવ્યાદમનીનશત્

યસ્તે હન્તિ પતયન્તં નિષત્સ્નું યઃ સરીસૃપમ્ ।
જાતં યસ્તે જિઘાંસતિ તમિતો નાશયામસિ

યસ્ત ઊરૂ વિહરત્યન્તરા દમ્પતી શયે ।
યોનિં યો અન્તરારેલ્હિ તમિતો નાશયામસિ

યસ્ત્વા ભ્રાતા પતિર્ભૂત્વા જારો ભૂત્વા નિપદ્યતે ।
પ્રજાં યસ્તે જિઘાંસતિ તમિતો નાશયામસિ

યસ્ત્વા સ્વપ્નેન તમસા મોહયિત્વા નિપદ્યતે ।
પ્રજાં યસ્તે જિઘાંસતિ તમિતો નાશયામસિ

અક્ષીભ્યાં તે નાસિકાભ્યાં કર્ણાભ્યાં છુબુકાદધિ ।
યક્ષ્મં શીર્ષણ્યં મસ્તિષ્કાજ્જિહ્વાયા વિ વૃહામિ તે

ગ્રીવાભ્યસ્ત ઉષ્ણિહાભ્યઃ કીકસાભ્યો અનૂક્યાત્।
યક્ષ્મં દોષણ્યમંસાભ્યાં બાહુભ્યાં વિ વૃહામિ તે

હૃદયાત્તે પરિ ક્લોમ્નો હલીક્ષ્ણાત્પાર્શ્વાભ્યામ્ ।
યક્ષ્મં મતસ્નાભ્યાં પ્લીહ્નો યક્નસ્તે વિ વૃહામસિ

આન્ત્રેભ્યસ્તે ગુદાભ્યો વનિષ્ઠોરુદરાદધિ ।
યક્ષ્મં કુક્ષિભ્યાં પ્લાશેર્નાભ્યા વિ વૃહામિ તે

ઊરુભ્યાં તે અષ્ઠીવદ્ભ્યાં પાર્ષ્ણિભ્યાં પ્રપદાભ્યામ્ ।
યક્ષ્મં ભસદ્યં શ્રોણિભ્યાં ભાસદં ભાંસસો વિ વૃહામિ તે

અમેહનાદ્વનંકરણાલ્લોમભ્યસ્તે નખેભ્યઃ ।
યક્ષ્મં સર્વસ્માદાત્મનસ્તમિદં વિ વૃહામિ તે

અસ્થિભ્યસ્તે મજ્જભ્યઃ સ્નાવભ્યો ધમનિભ્યઃ ।
યક્ષ્મં પાણિભ્યામઙ્ગુલિભ્યો નખેભ્યો વિ વૃહામિ તે

અઙ્ગેઅઙ્ગે લોમ્નિલોમ્નિ યસ્તે પર્વણિપર્વણિ ।
યક્ષ્મં ત્વચસ્યં તે વયં કશ્યપસ્ય વીબર્હેણ વિષ્વઞ્ચં વિ વૃહામસિ

અપેહિ મનસસ્પતેઽપ કામ પરશ્ચર ।
પરો નિરૃત્યા આ ચક્ષ્વ બહુધા જીવતો મનઃ

20.97
વયમેનમિદા હ્યોપીપેમેહ વજ્રિણમ્ ।
તસ્મા ઉ અદ્ય સમના સુતં ભરા નૂનં ભૂષત શ્રુતે

વૃકશ્ચિદસ્ય વારણ ઉરામથિરા વયુનેષુ ભૂષતિ ।
સેમં નઃ સ્તોમં જુજુષાણ આ ગહીન્દ્ર પ્ર ચિત્રયા ધિયા

કદુ ન્વસ્યાકૃતમિન્દ્રસ્યાસ્તિ પૌંસ્યમ્ ।
કેનો નુ કં શ્રોમતેન ન શુશ્રુવે જનુષઃ પરિ વૃત્રહા

20.98
ત્વામિદ્ધિ હવામહે સાતા વાજસ્ય કારવઃ ।
ત્વાં વૃત્રેષ્વિન્દ્ર સત્પતિં નરસ્ત્વાં કાષ્ઠાસ્વર્વતઃ

સ ત્વં નશ્ચિત્ર વજ્રહસ્ત ધૃષ્ણુયા મહ સ્તવાનો અદ્રિવઃ ।
ગામશ્વં રથ્યમિન્દ્ર સં કિર સત્રા વાજં ન જિગ્યુષે

20.99
અભિ ત્વા પૂર્વપીતય ઇન્દ્ર સ્તોમેભિરાયવઃ ।
સમીચીનાસ ઋભવઃ સમસ્વરન્ રુદ્રા ગૃણન્ત પૂર્વ્યમ્

અસ્યેદિન્દ્રો વાવૃધે વૃષ્ણ્યં શવો મદે સુતસ્ય વિષ્ણવિ ।
અદ્યા તમસ્ય મહિમાનમાયવોઽનુ ષ્ટુવન્તિ પૂર્વથા

20.100
અધા હીન્દ્ર ગિર્વણ ઉપ ત્વા કામાન્ મહઃ સસૃજ્મહે ।
ઉદેવ યન્ત ઉદભિઃ

વાર્ણ ત્વા યવ્યાભિર્વર્ધન્તિ શૂર બ્રહ્માણિ ।
વાવૃધ્વાંસં ચિદદ્રિવો દિવેદિવે

યુઞ્જન્તિ હરી ઇષિરસ્ય ગાથયોરૌ રથ ઉરુયુગે ।
ઇન્દ્રવાહા વચોયુજા

20.101
અગ્નિં દૂતં વૃણીમહે હોતારં વિશ્વવેદસમ્ ।
અસ્ય યજ્ઞસ્ય સુક્રતુમ્

અગ્નિમગ્નિં હવીમભિઃ સદા હવન્ત વિશ્પતિમ્ ।
હવ્યવાહં પુરુપ્રિયમ્

અગ્ને દેવામિહા વહ જજ્ઞાનો વૃક્તબર્હિષે ।
અસિ હોતા ન ઈડ્યઃ

20.102
ઈલેન્યો નમસ્યસ્તિરસ્તમાંસિ દર્શતઃ ।
સમગ્નિરિધ્યતે વૃષા

વૃષો અગ્નિઃ સમિધ્યતેઽશ્વો ન દેવવાહનઃ ।
તં હવિષ્મન્તઃ ઈલતે

વૃષણં ત્વા વયં વૃષન્ વૃષણઃ સમિધીમહિ ।
અગ્ને દીદ્યતં બૃહત્

20.103
અગ્નિમીલિષ્વાવસે ગાથાભિઃ શીરશોચિષમ્ ।
અગ્નિં રાયે પુરુમીલ્હ શ્રુતં નરોઽગ્નિં સુદીતયે છર્દિઃ

અગ્ન આ યાહ્યગ્નિભિર્હોતારં ત્વા વૃણીમહે ।
આ ત્વામનક્તુ પ્રયતા હવિષ્મતી યજિષ્ઠં બર્હિરાસદે

અચ્છ હિ ત્વા સહસઃ સૂનો અઙ્ગિરઃ સ્રુચશ્ચરન્ત્યધ્વરે ।
ઊર્જો નપાતં ઘૃતકેશમીમહેઽગ્નિં યજ્ઞેષુ પૂર્વ્યમ્

20.104
ઇમા ઉ ત્વા પુરૂવસો ગિરો વર્ધન્તુ યા મમ ।
પાવકવર્ણાઃ શુચયો વિપશ્ચિતોઽભિ સ્તોમૈરનૂષત

અયં સહસ્રમૃષિભિઃ સહસ્કૃતઃ સમુદ્ર ઇવ પપ્રથે ।
સત્યઃ સો અસ્ય મહિમા ગૃને શવો યજ્ઞેષુ વિપ્રરાજ્યે

આ નો વિશ્વાસુ હવ્ય ઇન્દ્રઃ સમત્સુ ભૂષતુ ।
ઉપ બ્રહ્માણિ સવનાનિ વૃત્રહા પરમજ્યા ઋચીષમઃ

ત્વં દાતા પ્રથમો રાઘસામસ્યસિ સત્ય ઈશાનકૃત્।
તુવિદ્યુમ્નસ્ય યુજ્યા વૃણીમહે પુત્રસ્ય શવસો મહઃ

20.105
ત્વમિન્દ્ર પ્રતૂર્તિષ્વભિ વિશ્વા અસિ સ્પૃધઃ ।
અશસ્તિહા જનિતા વિશ્વતૂરસિ ત્વં તૂર્ય તરુષ્યતઃ

અનુ તે શુષ્મં તુરયન્તમીયતુઃ ક્ષોણી શિશું ન માતરા ।
વિશ્વાસ્તે સ્પૃધઃ શ્નથયન્ત મન્યવે વૃત્રં યદિન્દ્ર તૂર્વસિ

ઇત ઊતી વો અજરં પ્રહેતારમપ્રહિતમ્ ।
આશું જેતારં હેતારં રથીતમમતૂર્તં તુગ્ર્યાવૃધમ્

યો રાજા ચર્ષણીનાં યાતા રથેભિરધ્રિગુઃ ।
વિશ્વાસાં તરુતા પૃતનાનાં જ્યેષ્ઠો યો વૃત્રહા ગૃણે

ઇન્દ્રં તં શુમ્ભ પુરુહન્મન્ન્ અવસે યસ્ય દ્વિતા વિધર્તરિ ।
હસ્તાય વજ્રઃ પ્રતિ ધાયિ દર્શતો મહો દિવે ન સૂર્યઃ

20.106
તવ ત્યદિન્દ્રિયં બૃહત્તવ શુષ્મમુત ક્રતુમ્ ।
વજ્રં શિશાતિ ધિષણા વરેણ્યમ્

તવ દ્યૌરિન્દ્ર પૌંસ્યં પૃથિવી વર્ધતિ શ્રવઃ ।
ત્વામાપઃ પર્વતાસશ્ચ હિન્વિરે

ત્વાં વિષ્ણુર્બૃહન્ ક્ષયો મિત્રો ગૃણાતિ વરુણઃ ।
ત્વાં શર્ધો મદત્યનુ મારુતમ્

20.107
સમસ્ય મન્યવે વિશો વિશ્વા નમન્ત કુષ્ટયઃ ।
સમુદ્રાયેવ સિન્ધવઃ

ઓજસ્તદસ્ય તિત્વિષ ઉભે યત્સમવર્તયત્।
ઇન્દ્રશ્ચર્મેવ રોદસી

વિ ચિદ્વૃત્રસ્ય દોધતો વજ્રેણ શતપર્વણા ।
શિરો બિભેદ્વૃષ્ણિના

તદિદાસ ભુવનેષુ જ્યેષ્ઠં યતો જજ્ઞ ઉગ્રસ્ત્વેષનૃમ્ણઃ ।
સદ્યો જજ્ઞાનો નિ રિણાતિ શત્રૂન્ અનુ યદેનં મદન્તિ વિશ્વ ઊમાઃ

વાવૃધાનઃ શવસા ભૂર્યોજાઃ શત્રુર્દાસાય ભિયસં દધાતિ ।
અવ્યનચ્ચ વ્યનચ્ચ સસ્નિ સં તે નવન્ત પ્રભૃતા મદેષુ

ત્વે ક્રતુમપિ પૃઞ્ચન્તિ ભૂરિ દ્વિર્યદેતે ત્રિર્ભવન્ત્યૂમાઃ ।
સ્વાદોઃ સ્વાદીયઃ સ્વાદુના સૃજા સમદઃ સુ મધુ મધુનાભિ યોધીઃ

યદિ ચિન્ નુ ત્વા ધના જયન્તં રણેરણે અનુમદન્તિ વિપ્રાઃ ।
ઓજીયઃ શુષ્મિન્ત્સ્થિરમા તનુષ્વ મા ત્વા દભન્ દુરેવાસઃ કશોકાઃ

ત્વયા વયં શાશદ્મહે રણેષુ પ્રપશ્યન્તો યુધેન્યાનિ ભૂરિ ।
ચોદયામિ ત આયુધા વચોભિઃ સં તે શિશામિ બ્રહ્મણા વયાંસિ

નિ તદ્દધિષેઽવરે પરે ચ યસ્મિન્ન્ આવિથાવસા દુરોણે ।
આ સ્થાપયત માતરં જિગત્નુમત ઇન્વત કર્વરાણિ ભૂરિ

સ્તુષ્વ વર્ષ્મન્ પુરુવર્ત્માનં સમૃભ્વાણમિનતમમાપ્તમાપ્ત્યાનામ્ ।
આ દર્શતિ શવસા ભૂર્યોજાઃ પ્ર સક્ષતિ પ્રતિમાનં પૃથિવ્યાઃ

ઇમા બ્રહ્મ બૃહદ્દિવઃ કૃણવદિન્દ્રાય શૂષમગ્નિયઃ સ્વર્ષાઃ ।
મહો ગોત્રસ્ય ક્ષયતિ સ્વરાજા તુરશ્ચિદ્વિશ્વમર્ણવત્તપસ્વાન્

એવા મહાન્ બૃહદ્દિવો અથર્વાવોચત્સ્વાં તન્વમિન્દ્રમેવ ।
સ્વસારૌ માતરિભ્વરી અરિપ્રે હિન્વન્તિ ચૈને શવસા વર્ધયન્તિ ચ

ચિત્રં દેવાનાં કેતુરનીકં જ્યોતિષ્માન્ પ્રદિશઃ સૂર્ય ઉદ્યન્ ।
દિવાકરોઽતિ દ્યુમ્નૈસ્તમાંસિ વિશ્વાતારીદ્દુરિતાનિ શુક્રઃ

ચિત્રં દેવાનામુદગાદનીકં ચક્ષુર્મિત્રસ્ય વરુણસ્યાગ્નેઃ ।
આપ્રાદ્દ્યાવાપૃથિવી અન્તરિક્ષં સૂર્ય આત્મા જગતસ્તસ્થુષશ્ચ

સૂર્યો દેવીમુષસં રોચમાનાં મર્યો ન યોષામભ્યેતિ પશ્ચાત્।
યત્રા નરો દેવયન્તો યુગાનિ વિતન્વતે પ્રતિ ભદ્રાય ભદ્રમ્

20.108
ત્વં ન ઇન્દ્રા ભરમોજો નૃમ્ણં શતક્રતો વિચર્ષણે ।
આ વીરં પૃતનાષહમ્

ત્વં હિ નઃ પિતા વસો ત્વં માતા શતક્રતો બભૂવિથ ।
અધા તે સુમ્નમીમહે

ત્વાં શુષ્મિન્ પુરુહૂત વાજયન્તમુપ બ્રુવે શતક્રતો ।
સ નો રાસ્વ સુવીર્યમ્

20.109
સ્વાદોરિત્થા વિષુવતો મધ્વઃ પિબન્તિ ગૌર્યઃ ।
યા ઇન્દ્રેણ સયાવરીર્વૃષ્ણા મદન્તિ શોભસે વસ્વીરનુ સ્વરાજ્યમ્

તા અસ્ય પૃશનાયુવઃ સોમં શ્રીણન્તિ પૃશ્નયઃ ।
પ્રિયા ઇન્દ્રસ્ય ધેનવો વજ્રં હિન્વન્તિ સાયકં વસ્વીરનુ સ્વરાજ્યમ્

તા અસ્ય નમસા સહઃ સપર્યન્તિ પ્રચેતસઃ ।
વ્રતાન્યસ્ય સશ્ચિરે પુરૂણિ પૂર્વચિત્તયે વસ્વીરનુ સ્વરાજ્યમ્

20.110
ઇન્દ્રાય મદૂને સુતં પરિ ષ્ટોભન્તુ નો ગિરઃ ।
અર્કમર્ચન્તુ કારવઃ

યસ્મિન્ વિશ્વા અધિ શ્રિયો રણન્તિ સપ્ત સંસદઃ ।
ઇન્દ્રં સુતે હવામહે

ત્રિકદ્રુકેષુ ચેતનં દેવાસો યજ્ઞમત્નત ।
તમિદ્વર્ધન્તુ નો ગિરઃ

20.111
યત્સોમમિન્દ્ર વિષ્ણવિ યદ્વા ઘ ત્રિત આપ્ત્યે ।
યદ્વા મરુત્સુ મન્દસે સમિન્દુભિઃ

યદ્વા શક્ર પરાવતિ સમુદ્રે અધિ મન્દસે ।
અસ્માકમિત્સુતે રણા સમિન્દુભિઃ

યદ્વાસિ સુન્વતો વૃધો યજમાનસ્ય સત્પતે ।
ઉક્થે વા યસ્ય રણ્યસિ સમિન્દુભિઃ

20.112
યદદ્ય કચ્ચ વૃત્રહન્ન્ ઉદગા અભિ સૂર્ય ।
સર્વં તદિન્દ્ર તે વશે

યદ્વા પ્રવૃદ્ધ સત્પતે ન મરા ઇતિ મન્યસે ।
ઉતો તત્સત્યમિત્તવ

યે સોમાસઃ પરાવતિ યે અર્વાવતિ સુન્વિરે ।
સર્વાંસ્તામિન્દ્ર ગચ્છસિ

20.113
ઉભયં શૃણવચ્ચ ન ઇન્દ્રો અર્વાગિદં વચઃ ।
સત્રાચ્યા મઘવા સોમપીતયે ધિયા શવિષ્ઠ આ ગમત્

તં હિ સ્વરાજં વૃષભં તમોજસે ધિષણે નિષ્ટતક્ષતુઃ ।
ઉતોપમાનાં પ્રથમો નિ ષીદસિ સોમકામં હિ તે મનઃ

20.114
અભ્રાતૃવ્યોઽના ત્વમનાપિરિન્દ્ર જનુષા સનાદસિ ।
યુધેદાપિત્વમિચ્છસે

નકી રેવન્તં સખ્યાય વિન્દસે પીયન્તિ તે સુરાશ્વઃ ।
યદા કૃણોષિ નદનું સમૂહસ્યાદિત્પિતેવ હૂયસે

20.115
અહમિદ્ધિ પિતુષ્પરિ મેધામૃતસ્ય જગ્રભ ।
અહં સૂર્ય ઇવાજનિ

અહં પ્રત્નેન મન્મના ગિરઃ શુમ્ભામિ કણ્વવત્।
યેનેન્દ્રઃ શુષ્મમિદ્દધે

યે ત્વામિન્દ્ર ન તુષ્ટુવુરૃષયો યે ચ તુષ્ટુવુઃ ।
મમેદ્વર્ધસ્વ સુષ્ટુતઃ

20.116
મા ભૂમ નિષ્ટ્યા ઇવેન્દ્ર ત્વદરણા ઇવ ।
વનાનિ નિ પ્રજહિતાન્યદ્રિવો દુરોષાસો અમન્મહિ

અમન્મહીદનાશવોઽનુગ્રાસશ્ચ વૃત્રહન્ ।
સુકૃત્સુ તે મહતા શૂર રાધસાનુ સ્તોમં મુદીમહિ

20.117
પિબા સોમમિન્દ્ર મન્દતુ ત્વા યં તે સુષાવ હર્યશ્વાદ્રિઃ ।
સોતુર્બાહુભ્યાં સુયતો નાર્વા

યસ્તે મદો યુજસ્ચારુરસ્તિ યેન વૃત્રાણિ હર્યશ્વ હંસિ ।
સ ત્વામિન્દ્ર પ્રભૂવસો મમત્તુ

બોધા સુ મે મઘવન્ વાચમેમાં યાં તે વસિષ્ઠો અર્ચતિ પ્રશસ્તિમ્ ।
ઇમા બ્રહ્મ સધમાદે જુષસ્વ

20.118
શગ્ધ્યૂ ષુ શચીપત ઇન્દ્ર વિશ્વાભિરૂતિભિઃ ।
ભગં ન હિ ત્વા યશસં વસુવિદમનુ શૂર ચરામસિ

પૌરો અશ્વસ્ય પુરુકૃદ્ગવામસ્યુત્સો દેવ હિરણ્યયઃ ।
નકિર્હિ દાનં પરિમર્ધિષત્ત્વે યદ્યદ્યામિ તદા ભર

ઇન્દ્રમિદ્દેવતાતયે ઇન્દ્રં પ્રયત્યધ્વરે ।
ઇન્દ્રં સમીકે વનિનો હવામહ ઇન્દ્રં ધનસ્ય સાતયે

ઇન્દ્રો મહ્ના રોદસી પપ્રથચ્છવ ઇન્દ્રઃ સૂર્યમરોચયત્।
ઇન્દ્રે હ વિશ્વા ભુવનાનિ યેમિર ઇન્દ્રે સુવાનાસ ઇન્દવઃ

20.119
અસ્તાવિ મન્મ પૂર્વ્યં બ્રહ્મેન્દ્રાય વોચત ।
પૂર્વીરૃતસ્ય બૃહતીરનૂષત સ્તોતુર્મેઘા અસૃક્ષત

તુરણ્યવો મધુમન્તં ઘૃતશ્ચુતં વિપ્રાસો અર્કમાનૃચુઃ ।
અસ્મે રયિઃ પપ્રથે વૃષ્ણ્યં શવોઽસ્મે સુવાનાસ ઇન્દવઃ

20.120
યદિન્દ્ર પ્રાગપાગુદઙ્ન્યગ્વા હૂયસે નૃભિઃ ।
સિમા પુરૂ નૃષૂતો અસ્યાનવેઽસિ પ્રશર્ધ તુર્વશે

યદ્વા રુમે રુશમે શ્યાવકે કૃપ ઇન્દ્ર માદયસે સચા ।
કણ્વાસસ્ત્વા બ્રહ્મભિ સ્તોમવાહસ ઇન્દ્રા યચ્છન્ત્યા ગહિ

20.121
અભિ ત્વા શૂર નોનુમોઽદુગ્ધા ઇવ ધેનવઃ ।
ઈશાનમસ્ય જગતઃ સ્વર્દૃશમીશાનમિન્દ્ર તસ્થુષઃ

ન ત્વાવામન્યો દિવ્યો ન પાર્થિવો ન જાતો ન જનિષ્યતે ।
અશ્વાયન્તો મઘવન્ન્ ઇન્દ્ર વાજિનો ગવ્યન્તસ્ત્વા હવામહે

20.122
રેવતીર્નઃ સધમાદ ઇન્દ્રે સન્તુ તુવિવાજાઃ ।
ક્ષુમન્તો યાભિર્મદેમ

આ ઘ ત્વાવાન્ ત્મનાપ્ત સ્તોતૃભ્યો ધૃષ્ણવિયાનઃ ।
ઋણોરક્ષં ન ચક્રયોઃ

આ યદ્દુવઃ શતક્રતવા કામં જરિતૄણામ્ ।
ઋણોરક્ષં ન શચીભિઃ

20.123
તત્સૂર્યસ્ય દેવત્વં તન્ મહિત્વં મધ્યા કર્તોર્વિતતં સં જભાર ।
યદેદયુક્ત હરિતઃ સધસ્થાદાદ્રાત્રી વાસસ્તનુતે સિમસ્મૈ

તન્ મિત્રસ્ય વરુણસ્યાભિચક્ષે સૂર્યો રૂપં કૃણુતે દ્યોરુપસ્થે ।
અનન્તમન્યદ્રુશદસ્ય પ્રાજઃ કૃષ્ણમન્યદ્ધરિતઃ સં ભરન્તિ

20.124
કયા નશ્ચિત્ર આ ભુવદૂતી સદાવૃધઃ સખા ।
કયા શચિષ્ઠયા વૃતા

કસ્ત્વા સત્યો મદાનાં મંહિષ્ઠો મત્સદન્ધસઃ ।
દૃલ્હા ચિદારુજે વસુ

અભી ષુ નઃ સખીનામવિતા જરિતૄણામ્ ।
શતં ભવાસ્યૂતિભિઃ

ઇમા નુ કં ભુવના સીષધામેન્દ્રશ્ચ વિશ્વે ચ દેવાઃ ।
યજ્ઞં ચ નસ્તન્વં ચ પ્રજાં ચાદિત્યૈરિન્દ્રઃ સહ ચીકૢપાતિ

આદિત્યૈરિન્દ્રઃ સગણો મરુદ્ભિરસ્માકં ભૂત્વવિતા તનૂનામ્ ।
હત્વાય દેવા અસુરાન્ યદાયન્ દેવા દેવત્વમભિરક્ષમાણાઃ

પ્રત્યઞ્ચમર્કમનયં છચીભિરાદિત્સ્વધામિષિરાં પર્યપશ્યન્ ।
અયા વાજં દેવહિતં સનેમ મદેમ શતહિમાઃ સુવીરાઃ

20.125
અપેન્દ્ર પ્રાચો મઘવન્ન્ અમિત્રાન્ અપાપાચો અભિભૂતે નુદસ્વ ।
અપોદીચો અપ શૂરાધરાચ ઉરૌ યથા તવ શર્મન્ મદેમ

કુવિદઙ્ગ યવમન્તો યવં ચિદ્યથા દાન્ત્યનુપૂર્વં વિયૂય ।
ઇહેહૈષાં કૃણુહિ ભોજનાનિ યે બર્હિષો નમોવૃક્તિં ન જગ્મુઃ

નહિ સ્થૂર્યૃતુથા યાતમસ્તિ નોત શ્રવો વિવિદે સંગમેષુ ।
ગવ્યન્ત ઇન્દ્રં સખ્યાય વિપ્રા અશ્વાયન્તો વૃષણં વાજયન્તઃ

યુવં સુરામમશ્વિના નમુચાવાસુરે સચા ।
વિપિપાના શુભસ્પતી ઇન્દ્રં કર્મસ્વાવતમ્

પુત્રમિવ પિતરાવશ્વિનોભેન્દ્રાવથુઃ કાવ્યૈર્દંસનાભિઃ ।
યત્સુરામં વ્યપિબઃ શચીભિઃ સરસ્વતી ત્વા મઘવન્ન્ અભિષ્ણક્

ઇન્દ્રઃ સુત્રામા સ્વવામવોભિઃ સુમૃડીકો ભવતુ વિશ્વવેદાઃ ।
બાધતાં દ્વેષો અભયં નઃ કૃણોતુ સુવીર્યસ્ય પતયઃ સ્યામ

સ સુત્રામા સ્વવામિન્દ્રો અસ્મદારાચ્ચિદ્દ્વેષઃ સનુતર્યુયોતુ ।
તસ્ય વયં સુમતૌ યજ્ઞિયસ્યાપિ ભદ્રે સૌમનસે સ્યામ

20.126
વિ હિ સોતોરસૃક્ષત નેન્દ્રં દેવમમંસત ।
યત્રામદદ્વૃષાકપિરર્યઃ પુષ્ટેષુ મત્સખા વિશ્વસ્માદિન્દ્ર ઉત્તરઃ

પરા હીન્દ્ર ધાવસિ વૃષાકપેરતિ વ્યથિઃ ।
નો અહ પ્ર વિન્દસ્યન્યત્ર સોમપીતયે વિશ્વસ્માદિન્દ્ર ઉત્તરઃ

કિમયં ત્વાં વૃષાકપિશ્ચકાર હરિતો મૃગઃ ।
યસ્મા ઇરસ્યસીદુ ન્વર્યો વા પુષ્ટિમદ્વસુ વિશ્વસ્માદિન્દ્ર ઉત્તરઃ

યમિમં ત્વં વૃષાકપિં પ્રિયમિન્દ્રાભિરક્ષસિ ।
શ્વા ન્વસ્ય જમ્ભિષદપિ કર્ણે વરાહયુર્વિશ્વસ્માદિન્દ્ર ઉત્તરઃ

પ્રિયા તષ્ટાનિ મે કપિર્વ્યક્તા વ્યદૂદુષત્।
શિરો ન્વસ્ય રાવિષં ન સુગં દુષ્કૃતે ભુવં વિશ્વસ્માદિન્દ્ર ઉત્તરઃ

ન મત્સ્ત્રી સુભસત્તરા ન સુયાશુતરા ભુવત્।
ન મત્પ્રતિચ્યવીયસી ન સક્થ્યુદ્યમીયસી વિશ્વસ્માદિન્દ્ર ઉત્તરઃ

ઉવે અમ્બ સુલાભિકે યથેવાઙ્ગં ભવિષ્યતિ ।
ભસન્ મે અમ્બ સક્થિ મે શિરો મે વીવ હૃષ્યતિ વિશ્વસ્માદિન્દ્ર ઉત્તરઃ

કિં સુબાહો સ્વઙ્ગુરે પૃથુષ્ટો પૃથુજાઘને ।
કિં શૂરપત્નિ નસ્ત્વમભ્યમીષિ વૃષાકપિં વિશ્વસ્માદિન્દ્ર ઉત્તરઃ

અવીરામિવ મામયં શરારુરભિ મન્યતે ।
ઉતાહમસ્મિ વીરિણીન્દ્રપત્ની મરુત્સખા વિશ્વસ્માદિન્દ્ર ઉત્તરઃ

સંહોત્રં સ્મ પુરા નારી સમનં વાવ ગચ્છતિ ।
વેધા ઋતસ્ય વીરિણીન્દ્રપત્ની મહીયતે વિશ્વસ્માદિન્દ્ર ઉત્તરઃ

ઇન્દ્રાણીમાસુ નારિષુ સુભગામહમશ્રવમ્ ।
નહ્યસ્યા અપરં ચન જરસા મરતે પતિર્વિશ્વસ્માદિન્દ્ર ઉત્તરઃ

નાહમિન્દ્રાણિ રારણ સખ્યુર્વૃષાકપેરૃતે ।
યસ્યેદમપ્યં હવિઃ પ્રિયં દેવેષુ ગચ્છતિ વિશ્વસ્માદિન્દ્ર ઉત્તરઃ

વૃષાકપાયિ રેવતિ સુપુત્ર આદુ સુસ્નુષે ।
ઘસત્ત ઇન્દ્ર ઉક્ષણઃ પ્રિયં કાચિત્કરં હવિર્વિશ્વસ્માદિન્દ્ર ઉત્તરઃ

ઉક્ષ્ણો હિ મે પઞ્ચદશ સાકં પચન્તિ વિંસતિમ્ ।
ઉતાહમદ્મિ પીવ ઇદુભા કુક્ષી પૃણન્તિ મે વિશ્વસ્માદિન્દ્ર ઉત્તરઃ

વૃષભો ન તિગ્મશૃઙ્ગોઽન્તર્યૂથેષુ રોરુવત્।
મન્થસ્ત ઇન્દ્ર શં હૃદે યં તે સુનોતિ ભાવયુર્વિશ્વસ્માદિન્દ્ર ઉત્તરઃ

ન સેશે યસ્ય રમ્બતેઽન્તરા સક્થ્યા કપૃત્।
સેદીશે યસ્ય રોમશં નિષેદુષો વિજૃમ્ભતે વિશ્વસ્માદિન્દ્ર ઉત્તરઃ

ન સેશે યસ્ય રોમશં નિષેદુષો વિજૃમ્ભતે ।
સેદીશે યસ્ય રમ્બતેઽન્તરા સક્થ્યા કપૃત્વિશ્વસ્માદિન્દ્ર ઉત્તરઃ

અયમિન્દ્ર વૃષાકપિઃ પરસ્વન્તં હતં વિદત્।
અસિં સૂનાં નવં ચરુમાદેધસ્યાન આચિતં વિશ્વસ્માદિન્દ્ર ઉત્તરઃ

અયમેમિ વિચાકશદ્વિચિન્વન્ દાસમાર્યમ્ ।
પિબામિ પાકસુત્વનોઽભિ ધીરમચાકશં વિશ્વસ્માદિન્દ્ર ઉત્તરઃ

ધન્વ ચ યત્કૃન્તત્રં ચ કતિ સ્વિત્તા વિ યોજના ।
નેદીયસો વૃષાકપેઽસ્તમેહિ ગૃહામુપ વિશ્વસ્માદિન્દ્ર ઉત્તરઃ

પુનરેહિ વૃષાકપે સુવિતા કલ્પયાવહૈ ।
ય એષ સ્વપ્નનંશનોઽસ્તમેષિ પથા પુનર્વિશ્વસ્માદિન્દ્ર ઉત્તરઃ

યદુદઞ્ચો વૃષાકપે ગૃહમિન્દ્રાજગન્તન ।
ક્વ સ્ય પુલ્વઘો મૃગઃ કમગં જનયોપનો વિશ્વસ્માદિન્દ્ર ઉત્તરઃ

પર્શુર્હ નામ માનવી સાકં સસૂવ વિંશતિમ્ ।
ભદ્રં ભલ ત્યસ્યા અભૂદ્યસ્યા ઉદરમામયદ્વિશ્વસ્માદિન્દ્ર ઉત્તરઃ

20.127
ઇદં જના ઉપ શ્રુત નરાશંસ સ્તવિષ્યતે ।
ષષ્ટિં સહસ્રા નવતિં ચ કૌરમ આ રુશમેષુ દદ્મહે

ઉષ્ટ્રા યસ્ય પ્રવાહણો વધૂમન્તો દ્વિર્દશ ।
વર્ષ્મા રથસ્ય નિ જિહીડતે દિવ ઈષમાણા ઉપસ્પૃશઃ

એષ ઇષાય મામહે શતં નિષ્કાન્ દશ સ્રજઃ ।
ત્રીણિ શતાન્યર્વતાં સહસ્રા દશ ગોનામ્

વચ્યસ્વ રેભ વચ્યસ્વ વૃક્ષે ન પક્વે શકુનઃ ।
નષ્ટે જિહ્વા ચર્ચરીતિ ક્ષુરો ન ભુરિજોરિવ

પ્ર રેભાસો મનીષા વૃષા ગાવ ઇવેરતે ।
અમોતપુત્રકા એષામમોત ગા ઇવાસતે

પ્ર રેભ ધીં ભરસ્વ ગોવિદં વસુવિદમ્ ।
દેવત્રેમાં વાચં સ્રીણીહીષુર્નાવીરસ્તારમ્

રાજ્ઞો વિશ્વજનીનસ્ય યો દેવોમર્ત્યામતિ ।
વૈશ્વાનરસ્ય સુષ્ટુતિમા સુનોતા પરિક્ષિતઃ

પરિછિન્નઃ ક્ષેમમકરોત્તમ આસનમાચરન્ ।
કુલાયન્ કૃણ્વન્ કૌરવ્યઃ પતિર્વદતિ જાયયા

કતરત્ત આ હરાણિ દધિ મન્થાં પરિ શ્રુતમ્ ।
જાયાઃ પતિં વિ પૃચ્છતિ રાષ્ટ્રે રાજ્ઞઃ પરિક્ષિતઃ

અભીવસ્વઃ પ્ર જિહીતે યવઃ પક્વઃ પથો બિલમ્ ।
જનઃ સ ભદ્રમેધતિ રાષ્ટ્રે રાજ્ઞઃ પરિક્ષિતઃ

ઇન્દ્રઃ કારુમબૂબુધદુત્તિષ્ઠ વિ ચરા જનમ્ ।
મમેદુગ્રસ્ય ચર્કૃધિ સર્વ ઇત્તે પૃણાદરિઃ

ઇહ ગાવઃ પ્ર જાયધ્વમિહાશ્વા ઇહ પૂરુષાઃ ।
ઇહો સહસ્રદક્ષિણોપિ પૂષા નિ ષીદતિ

નેમા ઇન્દ્ર ગાવો રિષન્ મો આસાં ગોપ રીરિષત્।
માસામમિત્રયુર્જન ઇન્દ્ર મા સ્તેન ઈશત

ઉપ નો ન રમસિ સૂક્તેન વચસા વયં ભદ્રેણ વચસા વયમ્ ।
વનાદધિધ્વનો ગિરો ન રિષ્યેમ કદા ચન

20.128
યઃ સભેયો વિદથ્યઃ સુત્વા યજ્વાથ પૂરુષઃ ।
સૂર્યં ચામૂ રિશાદસસ્તદ્દેવાઃ પ્રાગકલ્પયન્

યો જામ્યા અપ્રથયસ્તદ્યત્સખાયં દુધૂર્ષતિ ।
જ્યેષ્ઠો યદપ્રચેતાસ્તદાહુરધરાગિતિ

યદ્ભદ્રસ્ય પુરુષસ્ય પુત્રો ભવતિ દાધૃષિઃ ।
તદ્વિપ્રો અબ્રવીદુ તદ્ગન્ધર્વઃ કામ્યં વચઃ

યશ્ચ પણિ રઘુજિષ્ઠ્યો યશ્ચ દેવામદાશુરિઃ ।
ધીરાણાં શશ્વતામહં તદપાગિતિ શુશ્રુમ

યે ચ દેવા અયજન્તાથો યે ચ પરાદદિઃ ।
સૂર્યો દિવમિવ ગત્વાય મઘવા નો વિ રપ્શતે

યોઽનાક્તાક્ષો અનભ્યક્તો અમણિવો અહિરણ્યવઃ ।
અબ્રહ્મા બ્રહ્મણઃ પુત્રસ્તોતા કલ્પેષુ સંમિતા

ય આક્તાક્ષઃ સુભ્યક્તઃ સુમણિઃ સુહિરણ્યવઃ ।
સુબ્રહ્મા બ્રહ્મણઃ પુત્રસ્તોતા કલ્પેષુ સંમિતા

પ્રપાણા ચ વેશન્તા રેવામપ્રતિદિશ્યયઃ ।
અયભ્યા કન્યા કલ્યાણી તોતા કલ્પેષુ સંમિતા

સુપ્રપાણા ચ વેશન્તા રેવાન્ત્સુપ્રતિદિશ્યયઃ ।
સુયભ્યા કન્યા કલ્યાણી તોતા કલ્પેષુ સંમિતા

પરિવૃક્તા ચ મહિષી સ્વસ્ત્યા ચ યુધિં ગમઃ ।
અનાશુરશ્ચાયામી તોતા કલ્પેષુ સંમિતા

વાવાતા ચ મહિષી સ્વસ્ત્યા ચ યુધિં ગમઃ ।
શ્વાશુરશ્ચાયામી તોતા કલ્પેષુ સંમિતા

યદિન્દ્રાદો દાશરાજ્ઞે માનુષં વિ ગાહથાઃ ।
વિરૂપઃ સર્વસ્મા આસીત્સહ યક્ષાય કલ્પતે

ત્વં વૃષાક્ષું મઘવન્ન્ અમ્રં મર્યાકરો રવિઃ ।
ત્વં રૌહિણં વ્યાસ્યો વિ વૃત્રસ્યાભિનચ્છિરઃ

યઃ પર્વતાન્ વ્યદધાદ્યો અપો વ્યગાહથાઃ ।
ઇન્દ્રો યો વૃત્રહાન્મહં તસ્માદિન્દ્ર નમોઽસ્તુ તે

પૃષ્ઠં ધાવન્તં હર્યોરૌચ્ચૈઃ શ્રવસમબ્રુવન્ ।
સ્વસ્ત્યશ્વ જૈત્રાયેન્દ્રમા વહ સુસ્રજમ્

યે ત્વા શ્વેતા અજૈશ્રવસો હાર્યો યુઞ્જન્તિ દક્ષિણમ્ ।
પૂર્વા નમસ્ય દેવાનાં બિભ્રદિન્દ્ર મહીયતે

20.129
એતા અશ્વા આ પ્લવન્તે

પ્રતીપં પ્રાતિ સુત્વનમ્

તાસામેકા હરિક્નિકા

હરિક્નિકે કિમિછાસિ

સાધું પુત્રં હિરણ્યયમ્

ક્વાહતં પરાસ્યઃ

યત્રામૂસ્તિસ્રઃ શિંશપાઃ

પરિ ત્રયઃ

પૃદાકવઃ

શૃઙ્ગં ધમન્ત આસતે

અયન્મહા તે અર્વાહઃ

સ ઇચ્છકં સઘાઘતે

સઘાઘતે ગોમીદ્યા ગોગતીરિતિ

પુમાં કુસ્તે નિમિચ્છસિ

પલ્પ બદ્ધ વયો ઇતિ

બદ્ધ વો અઘા ઇતિ

અજાગાર કેવિકા

અશ્વસ્ય વારો ગોશપદ્યકે

શ્યેનીપતી સા

અનામયોપજિહ્વિકા

20.130
કો અર્ય બહુલિમા ઇષૂનિ

કો અસિદ્યાઃ પયઃ

કો અર્જુન્યાઃ પયઃ

કઃ કાર્ષ્ણ્યાઃ પયઃ

એતં પૃચ્છ કુહં પૃચ્છ

કુહાકં પક્વકં પૃચ્છ

યવાનો યતિષ્વભિઃ કુભિઃ

અકુપ્યન્તઃ કુપાયકુઃ

આમણકો મણત્સકઃ

દેવ ત્વપ્રતિસૂર્ય

એનશ્ચિપઙ્ક્તિકા હવિઃ

પ્રદુદ્રુદો મઘાપ્રતિ

શૃઙ્ગ ઉત્પન્ન

મા ત્વાભિ સખા નો વિદન્

વશાયાઃ પુત્રમા યન્તિ

ઇરાવેદુમયં દત

અથો ઇયન્નિયન્ન્ ઇતિ

અથો ઇયન્નિતિ

અથો શ્વા અસ્થિરો ભવન્

ઉયં યકાંશલોકકા

20.131
આમિનોનિતિ ભદ્યતે

તસ્ય અનુ નિભઞ્જનમ્

વરુણો યાતિ વસ્વભિઃ

શતં વા ભારતી શવઃ

શતમાશ્વા હિરણ્યયાઃ ।
શતં રથ્યા હિરણ્યયાઃ ।
શતં કુથા હિરણ્યયાઃ ।
અહુલ કુશ વર્ત્તક

શફેન ઇવ ઓહતે

આય વનેનતી જની

વનિષ્ઠા નાવ ગૃહ્યન્તિ

ઇદં મહ્યં મદૂરિતિ

તે વૃક્ષાઃ સહ તિષ્ઠતિ

પાક બલિઃ

શક બલિઃ

અશ્વત્થ ખદિરો ધવઃ

અરદુપરમ

શયો હત ઇવ

વ્યાપ પૂરુષઃ

અદૂહમિત્યાં પૂષકમ્

અત્યર્ધર્ચ પરસ્વતઃ

દૌવ હસ્તિનો દૃતી

20.132
આદલાબુકમેકકમ્

અલાબુકં નિખાતકમ્

કર્કરિકો નિખાતકઃ

તદ્વાત ઉન્મથાયતિ

કુલાયં કૃણવાદિતિ

ઉગ્રં વનિષદાતતમ્

ન વનિષદનાતતમ્

ક એષાં કર્કરી લિખત્

ક એષાં દુન્દુભિં હનત્

યદીયં હનત્કથં હનત્

દેવી હનત્કુહનત્

પર્યાગારં પુનઃપુનઃ

ત્રીણ્યુષ્ટ્રસ્ય નામાનિ

હિરણ્ય ઇત્યેકે અબ્રવીત્

દ્વૌ વા યે શિશવઃ

નીલશિખણ્ડવાહનઃ

20.133
વિતતૌ કિરણૌ દ્વૌ તાવા પિનષ્ટિ પૂરુષઃ ।
ન વૈ કુમારિ તત્તથા યથા કુમારિ મન્યસે

માતુષ્ટે કિરણૌ દ્વૌ નિવૃત્તઃ પુરુષાનૃતે ।
ન વૈ કુમારિ તત્તથા યથા કુમારિ મન્યસે

નિગૃહ્ય કર્ણકૌ દ્વૌ નિરાયચ્છસિ મધ્યમે ।
ન વૈ કુમારિ તત્તથા યથા કુમારિ મન્યસે

ઉત્તાનાયૈ શયાનાયૈ તિષ્ઠન્તી વાવ ગૂહસિ ।
ન વૈ કુમારિ તત્તથા યથા કુમારિ મન્યસે

શ્લક્ષ્ણાયાં શ્લક્ષ્ણિકાયાં શ્લક્ષ્ણમેવાવ ગૂહસિ ।
ન વૈ કુમારિ તત્તથા યથા કુમારિ મન્યસે

અવશ્લક્ષ્ણમિવ ભ્રંશદન્તર્લોમમતિ હ્રદે ।
ન વૈ કુમારિ તત્તથા યથા કુમારિ મન્યસે

20.134
ઇહેત્થ પ્રાગપાગુદગધરાગરાલાગુદભર્ત્સથ

ઇહેત્થ પ્રાગપાગુદગધરાગ્વત્સાઃ પુરુષન્ત આસતે

ઇહેત્થ પ્રાગપાગુદગધરાક્સ્થાલીપાકો વિ લીયતે

ઇહેત્થ પ્રાગપાગુદગધરાક્સ વૈ પૃથુ લીયતે

ઇહેત્થ પ્રાગપાગુદગધરાગાસ્તે લાહણિ લીશાથી

ઇહેત્થ પ્રાગપાગુદગધરાગક્ષ્લિલી પુછિલીયતે

20.135
ભુગિત્યભિગતઃ શલિત્યપક્રાન્તઃ ફલિત્યભિષ્ઠિતઃ ।
દુન્દુભિમાહનનાભ્યાં જરિતરોથામો દૈવ

કોશબિલે રજનિ ગ્રન્થેર્ધાનમુપાનહિ પાદમ્ ।
ઉત્તમાં જનિમાં જન્યાનુત્તમાં જનીન્ વર્ત્મન્યાત્

અલાબૂનિ પૃષાતકાન્યશ્વત્થપલાશમ્ ।
પિપીલિકાવતશ્વસો વિદ્યુત્સ્વાપર્ણશફો ગોશફો જરિતરોથામો દૈવ

વીમે દેવા અક્રંસતાધ્વર્યો ક્ષિપ્રં પ્રચર ।
સુસત્યમિદ્ગવામસ્યસિ પ્રખુદસિ

પત્ની યદૃશ્યતે પત્ની યક્ષ્યમાણા જરિતરોથામો દૈવ ।
હોતા વિષ્ટીમેન જરિતરોથામો દૈવ

આદિત્યા હ જરિતરઙ્ગિરોભ્યો દક્ષિણામનયન્ ।
તાં હ જરિતઃ પ્રત્યાયંસ્તામુ હ જરિતઃ પ્રત્યાયન્

તાં હ જરિતર્નઃ પ્રત્યગૃભ્ણંસ્તામુ હ જરિતર્નઃ પ્રત્યગૃભ્ણઃ ।
અહાનેતરસં ન વિ ચેતનાનિ યજ્ઞાન્ એતરસં ન પુરોગવામઃ

ઉત શ્વેત આશુપત્વા ઉતો પદ્યાભિર્યવિષ્ઠઃ ।
ઉતેમાશુ માનં પિપર્તિ

આદિત્યા રુદ્રા વસવસ્ત્વેનુ ત ઇદં રાધઃ પ્રતિ ગૃભ્ણીહ્યઙ્ગિરઃ ।
ઇદં રાધો વિભુ પ્રભુ ઇદં રાધો બૃહત્પૃથુ

૦ દેવા દદત્વાસુરં તદ્વો અસ્તુ સુચેતનમ્ ।
યુષ્મામસ્તુ દિવેદિવે પ્રત્યેવ ગૃભાયત્

ત્વમિન્દ્ર શર્મરિણા હવ્યં પારાવતેભ્યઃ ।
વિપ્રાય સ્તુવતે વસુવનિં દુરશ્રવસે વહ

ત્વમિન્દ્ર કપોતાય છિન્નપક્ષાય વઞ્ચતે ।
શ્યામાકં પક્વં પીલુ ચ વારસ્મા અકૃણોર્બહુઃ

અરંગરો વાવદીતિ ત્રેધા બદ્ધો વરત્રયા ।
ઇરામહ પ્રશંસત્યનિરામપ સેધતિ

20.136
યદસ્યા અંહુભેદ્યાઃ કૃધુ સ્થૂલમુપાતસત્।
મુષ્કાવિદસ્યા એજતો ગોશફે શકુલાવિવ

યદા સ્થૂલેન પસસાણૌ મુષ્કા ઉપાવધીત્।
વિષ્વઞ્ચા વસ્યા વર્ધતઃ સિકતાસ્વેવ ગર્દભૌ

યદલ્પિકાસ્વલ્પિકા કર્કધૂકેવષદ્યતે ।
વાસન્તિકમિવ તેજનં યન્ત્યવાતાય વિત્પતિ

યદ્દેવાસો લલામગું પ્રવિષ્ટીમિનમાવિષુઃ ।
સકુલા દેદિશ્યતે નારી સત્યસ્યાક્ષિભુવો યથા

મહાનગ્ન્યતૃપ્નદ્વિ મોક્રદદસ્થાનાસરન્ ।
શક્તિકાનના સ્વચમશકં સક્તુ પદ્યમ

મહાનગ્ન્યુલૂખલમતિક્રામન્ત્યબ્રવીત્।
યથા તવ વનસ્પતે નિરઘ્નન્તિ તથૈવેતિ

મહાનગ્ન્યુપ બ્રૂતે ભ્રષ્ટોથાપ્યભૂભુવઃ ।
યથૈવ તે વનસ્પતે પિપ્પતિ તથૈવેતિ

મહાનગ્ન્યુપ બ્રૂતે ભ્રષ્ટોથાપ્યભૂભુવઃ ।
યથા વયો વિદાહ્ય સ્વર્ગે નમવદહ્યતે

મહાનગ્ન્યુપ બ્રૂતે સ્વસાવેશિતં પસઃ ।
ઇત્થં ફલસ્ય વૃક્ષસ્ય શૂર્પે શૂર્પં ભજેમહિ

મહાનગ્ની કૃકવાકં શમ્યયા પરિ ધાવતિ ।
અયં ન વિદ્મ યો મૃગઃ શીર્ષ્ણા હરતિ ધાણિકામ્

મહાનગ્ની મહાનગ્નં ધાવન્તમનુ ધાવતિ ।
ઇમાસ્તદસ્ય ગા રક્ષ યભ મામદ્ધ્યૌદનમ્

સુદેવસ્ત્વા મહાનગ્નીર્બબાધતે મહતઃ સાધુ ખોદનમ્ ।
કુસં પીવરો નવત્

વશા દગ્ધામિમાઙ્ગુરિં પ્રસૃજતોગ્રતં પરે ।
મહાન્ વૈ ભદ્રો યભ મામદ્ધ્યૌદનમ્

વિદેવસ્ત્વા મહાનગ્નીર્વિબાધતે મહતઃ સાધુ ખોદનમ્ ।
કુમારિકા પિઙ્ગલિકા કાર્દ ભસ્મા કુ ધાવતિ

મહાન્ વૈ ભદ્રો બિલ્વો મહાન્ ભદ્ર ઉદુમ્બરઃ ।
મહામભિક્ત બાધતે મહતઃ સાધુ ખોદનમ્

યઃ કુમારી પિઙ્ગલિકા વસન્તં પીવરી લભેત્।
તૈલકુણ્ડમિમાઙ્ગુષ્ઠં રોદન્તં શુદમુદ્ધરેત્

20.137
યદ્ધ પ્રાચીરજગન્તોરો મણ્ડૂરધાણિકીઃ ।
હતા ઇન્દ્રસ્ય શત્રવઃ સર્વે બુદ્બુદયાશવઃ

કપૃન્ નરઃ કપૃથમુદ્દધાતન ચોદયત ખુદત વાજસાતયે ।
નિષ્ટિગ્ર્યઃ પુત્રમા ચ્યાવયોતય ઇન્દ્રં સબાધ ઇહ સોમપીતયે

દધિક્રાવ્ણો અકારિષં જિષ્ણોરશ્વસ્ય વાજિનઃ ।
સુરભિ નો મુખા કરત્પ્ર ણ આયૂંષિ તારિષત્

સુતાસો મધુમત્તમાઃ સોમા ઇન્દ્રાય મન્દિનઃ ।
પવિત્રવન્તો અક્ષરન્ દેવાન્ ગચ્છન્તુ વો મદાઃ

ઇન્દુરિન્દ્રાય પવત ઇતિ દેવાસો અબ્રુવન્ ।
વાચસ્પતિર્મખસ્યતે વિશ્વસ્યેશાન ઓજસા

સહસ્રધારઃ પવતે સમુદ્રો વાચમીઙ્ખયઃ ।
સોમઃ પતી રયીણાં સખેન્દ્રસ્ય દિવેદિવે

અવ દ્રપ્સો અંશુમતીમતિષ્ઠદિયાનઃ કૃષ્ણો દશભિઃ સહસ્રૈઃ ।
આવત્તમિન્દ્રઃ શચ્યા ધમન્તમપ સ્નેહિતીર્નૃમણા અધત્ત

દ્રપ્સમપશ્યં વિષુણે ચરન્તમુપહ્વરે નદ્યો અંશુમત્યાઃ ।
નભો ન કૃષ્ણમવતસ્થિવાંસમિષ્યામિ વો વૃષણો યુધ્યતાજૌ

અધ દ્રપ્સો અંશુમત્યા ઉપસ્થેઽધારયત્તન્વં તિત્વિષાણઃ ।
વિશો અદેવીરભ્યાચરન્તીર્બૃહસ્પતિના યુજેન્દ્રઃ સસાહે

ત્વં હ ત્યત્સપ્તભ્યો જાયમાનોઽશત્રુભ્યો અભવઃ શત્રુરિન્દ્ર ।
ગૂલ્હે દ્યાવાપૃથિવી અન્વવિન્દો વિભુમદ્ભ્યો ભુવનેભ્યો રણં ધાઃ

ત્વં હ ત્યદપ્રતિમાનમોજો વજ્રેણ વજ્રિન્ ધૃષિતો જઘન્થ ।
ત્વં શુષ્ણસ્યાવાતિરો વધત્રૈસ્ત્વં ગા ઇન્દ્ર શચ્યેદવિન્દઃ

તમિન્દ્રં વાજયામસિ મહે વૃત્રાય હન્તવે ।
સ વૃષા વૃષભો ભુવત્

૩ ઇન્દ્રઃ સ દામને કૃત ઓજિષ્ઠઃ સ મદે હિતઃ ।
દ્યુમ્ની શ્લોકી સ સોમ્યઃ

ગિરા વજ્રો ન સંભૃતઃ સબલો અનપચ્યુતઃ ।
વવક્ષ ઋષ્વો અસ્તૃતઃ

20.138
મહામિન્દ્રો ય ઓજસા પર્જન્યો વૃષ્ટિમામિવ ।
સ્તોમૈર્વત્સસ્ય વાવૃધે

પ્રજામૃતસ્ય પિપ્રતઃ પ્ર યદ્ભરન્ત વહ્નયઃ ।
વિપ્રા ઋતસ્ય વાહસા

કણ્વાઃ ઇન્દ્રં યદક્રત સ્તોમૈર્યજ્ઞસ્ય સાધનમ્ ।
જામિ બ્રુવત આયુધમ્

20.139
આ નૂનમશ્વિના યુવં વત્સસ્ય ગન્તમવસે ।
પ્રાસ્મૈ યચ્છતમવૃકં પૃથુ છર્દિર્યુયુતં યા અરાતયઃ

યદન્તરિક્ષે યદ્દિવિ યત્પઞ્ચ માનુષામનુ ।
નૃમ્નં તદ્ધત્તમશ્વિના

યે વાં દંસાંસ્યશ્વિના વિપ્રાસઃ પરિમામૃશુઃ ।
એવેત્કાણ્વસ્ય બોધતમ્

અયં વાં ઘર્મો અશ્વિના સ્તોમેન પરિ ષિચ્યતે ।
અયં સોમો મધુમાન્ વાજિનીવસૂ યેન વૃત્રં ચિકેતથઃ

યદપ્સુ યદ્વનસ્પતૌ યદોષધીષુ પુરુદંસસા કૃતમ્ ।
તેન માવિષ્ટમશ્વિના

20.140
યન્ નાસત્યા ભુરણ્યથો યદ્વા દેવ ભિષજ્યથઃ ।
અયં વાં વત્સો મતિભિર્ન વિન્ધતે હવિષ્મન્તં હિ ગચ્છથઃ

આ નૂનમશ્વિનોરૃષિ સ્તોમં ચિકેત વામયા ।
આ સોમં મધુમત્તમં ઘર્મં સિઞ્ચાદથર્વણિ

આ નૂનં રઘુવર્તનિં રથં તિષ્ઠાથો અશ્વિના ।
આ વાં સ્તોમા ઇમે મમ નભો ન ચુચ્યવીરત

યદદ્ય વાં નાસત્યોક્થૈરાચુચ્યુવીમહિ ।
યદ્વા વાણીભિરશ્વિનેવેત્કણ્વસ્ય બોધતમ્

યદ્વાં કક્ષીવામુત યદ્વ્યશ્વ ઋષિર્યદ્વાં દીર્ઘતમા જુહાવ ।
પૃથી યદ્વાં વૈન્યઃ સાદનેષ્વેવેદતો અશ્વિના ચેતયેથામ્

20.141
યાતં છર્દિષ્પા ઉત પરસ્પા ભૂતં જગત્પા ઉત નસ્તનૂપા ।
વર્તિસ્તોકાય તનયાય યાતમ્

યદિન્દ્રેણ સરથં યાથો અશ્વિના યદ્વા વાયુના ભવથઃ સમોકસા ।
યદાદિત્યેભિરૃભુભિઃ સજોષસા યદ્વા વિષ્ણોર્વિક્રમણેષુ તિષ્ઠથઃ

યદદ્યાશ્વિનાવહં હુવેય વાજસાતયે ।
યત્પૃત્સુ તુર્વણે સનસ્તચ્છ્રેષ્ઠમશ્વિનોરવઃ

આ નૂનં યાતમશ્વિનેમા હવ્યાનિ વાં હિતા ।
ઇમે સોમાસો અધિ તુર્વશે યદાવિમે કણ્વેષુ વામથ

યન્ નાસત્યા પરાકે અર્વાકે અસ્તિ ભેષજમ્ ।
તેન નૂનં વિમદાય પ્રચેતસા છર્દિર્વત્સાય યચ્છતમ્

20.142
અભુત્સ્યુ પ્ર દેવ્યા સાકં વાચાહમશ્વિનોઃ ।
વ્યાવર્દેવ્યા મતિં વિ રાતિં મર્ત્યેભ્યઃ

પ્ર બોધયોષો અશ્વિના પ્ર દેવિ સૂનૃતે મહિ ।
પ્ર યજ્ઞહોતરાનુષક્પ્ર મદાય શ્રવો બૃહત્

યદુષો યાસિ ભાનુના સં સૂર્યેણ રોચસે ।
આ હાયમશ્વિનો રથો વર્તિર્યાતિ નૃપાય્યમ્

યદાપીતાસો અંશવો ગાવો ન દુહ્ર ઊધભિઃ ।
યદ્વા વાણીરનુષત પ્ર દેવયન્તો અશ્વિના

પ્ર દ્યુમ્નાય પ્ર શવસે પ્ર નૃષાહ્યાય શર્મણે ।
પ્ર દક્ષાય પ્રચેતસા

યન્ નૂનં ધીભિરશ્વિના પિતુર્યોના નિષીદથઃ ।
યદ્વા સુમ્નેભિરુક્થ્યા

20.143
તં વાં રથં વયમદ્યા હુવેમ પૃથુજ્રયમશ્વિના સંગતિં ગોઃ ।
યઃ સૂર્યાં વહતિ વન્ધુરાયુર્ગિર્વાહસં પુરુતમં વસૂયુમ્

યુવં શ્રિયમશ્વિના દેવતા તાં દિવો નપાતા વનથઃ શચીભિઃ ।
યુવોર્વપુરભિ પૃક્ષઃ સચન્તે વહન્તિ યત્કકુહાસો રથે વામ્

કો વામદ્યા કરતે રાતહવ્ય ઊતયે વા સુતપેયાય વાર્કૈઃ ।
ઋતસ્ય વા વનુષે પૂર્વ્યાય નમો યેમાનો અશ્વિના વવર્તત્

હિરણ્યયેન પુરુભૂ રથેનેમં યજ્ઞં નાસત્યોપ યાતમ્ ।
પિબાથ ઇન્ મધુનઃ સોમ્યસ્ય દધથો રત્નં વિધતે જનાય

આ નો યાતં દિવો અચ્છ પૃથિવ્યા હિરણ્યયેન સુવૃતા રથેન ।
મા વામન્યે નિ યમન્ દેવયન્તઃ સં યદ્દદે નાભિઃ પૂર્વ્યા વામ્

નૂ નો રયિં પુરુવીરં બૃહન્તં દસ્રા મિમાથામુભયેષ્વસ્મે ।
નરો યદ્વામશ્વિના સ્તોમમાવન્ત્સધસ્તુતિમાજમીલ્હાસો અગ્મન્

ઇહેહ યદ્વાં સમના પપૃક્ષે સેયમસ્મે સુમતિર્વાજરત્ના ।
ઉરુષ્યતં જરિતારં યુવં હ શ્રિતઃ કામો નાસત્યા યુવદ્રિક્

મધુમતીરોષધીર્દ્યાવ આપો મધુમન્ નો ભવત્વન્તરિક્ષમ્ ।
ક્ષેત્રસ્ય પતિર્મધુમાન્ નો અસ્ત્વરિષ્યન્તો અન્વેનં ચરેમ

પનાય્યં તદશ્વિના કૃતં વાં વૃષભો દિવો રજસઃ પૃથિવ્યાઃ ।
સહસ્રં શંસા ઉત યે ગવિષ્ટૌ સર્વામિત્તામુપ યાતા પિબધ્યૈ